美心MX (冠天閣) (已結業)

好耐無寫食評,因為好嬲要投訴所以搵番個户口去寫星期六早上在這吃早餐好急去廁,一個阿姐在入面掃地,同佢講好急好急好急.....阿姐回答得佢一個人清潔....你好急都咁話等了五分鐘 我太急推門..佢仍然伸隻腳頂住度門見到佢是用地拖拖地...我話我真係頂唔順要入啦....佢話得我一個人清潔佢態度就輕鬆及樣子開心...咁即係客人急可以用呢個理由咩我話真係頂唔順呢可唔可以轉頭先再清潔咩但佢用地拖頂住度門我個身無法從少少位入到食肆最重要係了有廁所...呢D阿姐真係食肆中害....不過結果你個廁所咪又係十分污糟仲更加有排清潔...…查看更多

美心出咗個新嘅app叫做Eatizen，入面有好多優惠.特別係時不時有$5電子印花 最近有印花食滿$30送湯粉或者麥皮.本來送湯粉一個户口送一次,我咁貪少便宜嘅人.我開多兩個就可以多coupon.送湯粉咁優惠攪到我早餐經常去食.今個月早上番工前連續食咗五次...官塘呢間我比較喜歡.地方大容易搵位.就算滿坐等一陣就有位..早上真係好旺..經常滿坐...排隊買飛連取食物大約十分鐘.我幾日用送湯粉或麥皮電子印花.炸魚柳係我的偏愛.叫咗魚柳雙蛋多士及飲品.Coupons我揀火腿通粉.有時都揀麥皮.雙蛋通常炒蛋有時煎.呢度魚柳外層香脆，肉質嫩滑，魚味較淡，鹹味適中。點上少許附設的他他醬，酸甜醒胃。炒蛋生熟度剛好，蛋汁充足，口感軟滑富蛋香，鹹味適中煎雙蛋是太陽蛋煎得很靚,味道不過不失多士焗得脆卜卜，搽埋牛油同炒蛋一齊食，變做蛋多士好味道 ...火腿通粉食得出用忌廉雞湯...通粉軟硬度剛剛好火腿絲粉量亦多...麥皮試過一次,水旺旺咁,以後唔食呢個飲品全部都不過不失魚柳早餐$33 有免費湯粉送 或者用$5電子coupons 兩種優惠求其揀一種我兩種優惠都有用,因為食滿五十元又送五元電子coupons.宜家仲有好多coupons在app. 真係有排用呢輪早午晚又準備嚟…查看更多

是日與同事午餐行來行去都O念唔到自己想食乜，最終都係去左美心.人唔算超多, 得六成客。當然唔駛等環境都算鬆動, 側邊仲有少卡位。午餐的選擇很多.列表琳瑯滿目的。見到啲餐牌好好特別恭喜發財餐同經典豬扒飯.新年流流就叫咗個恭喜發財餐（冬菇蠔豉髮菜炆鴨腳.）小菜 跟白飯同經典豬扒飯同朋友分享冬菇蠔豉髮菜炆鴨腳.有兩粒蠔豉三隻東菇同三隻鴨腳,仲有幾條白菜D蠔豉好香,東菇香濃鴨腳被蠔油汁炆得夠淋夠入味,非常合個人口味經典豬扒飯睇落去即係雜扒飯除了一塊煎豬扒有隻太陽蛋,火腿同豬肉腸,仲有幾條菜煎豬扒大就唔係好大塊但口感既香脆而鬆軟，豬肉腸肉汁豐富、有粒粒口感火腿正常,太陽蛋煎得好靚飯夠乾爽,配埋咖哩汁真係一流時間尚早......食完野有阿姐來收拾枱面碗碟留番兩杯飲品我哋慢慢傾偈.總結出品算係幾好.…查看更多

上班的早上，多數在附近美心吃早餐幾乎成為小妹早上飯堂...來來去去也是選那幾款早餐套餐.有個早晨套餐都幾低食,用手機下載優惠卷更可以平五元...所以連食幾日湯粉麵，配以煎蛋、火腿、腸仔厚多士及飲品先講牛油多士雖然只有一塊，但非常厚，上面的牛油有一併烘過，所以特別香口，但麵包本身卻很軟，牛油多士跟（拾蛋）或（炒蛋）或（煎雙蛋）我覺得炒蛋好吃很多，相當滑順，配著香酥的牛油多士一起吃，簡單美味提外話多次經驗我發現原來這些套餐的厚多士，烘了的只有單面另一面並沒有烘過，而店員每次都會把烘過的那面放在上面，而且是做放在爐邊保持温度省了功夫之餘又快大概快餐店早餐流量甚大，所以像多士這類食物提早預備無可厚非另套餐可以跟火退或腸仔火煺有輕微煮過沒甚麼特別腸仔是普通廚師雞肉腸~其實火煺及腸仔這兩款早餐配搭我認為間間都差不多兩者都是不過不失~火腿通粉我最欣賞是火腿切得比較粗條，口感更加好，湯底夠濃亦沒有味精感至於飲品仲有即磨咖啡,十分香濃~有時都飲奶茶,這裡的奶茶也相當順滑~…查看更多

今晚無煮飯近近地落街和老豆食MX。晚上來到餐廳食客唔多，見有大量座位唔駛搵位非常方便。今期凍凍地食個羊腩煲暖暖身都唔錯，老豆細食所以加左燒味加一碗白飯二人食就夠。滾滾羊腩煲 $69羊腩煲裡有腐竹、冬菇、竹荀和馬蹄配埋生菜，餸料十足，湯汁濃味撈飯食好正，羊腩細件唔多肉質軟，食落唔羶啱我口味，腐竹好索汁味，竹荀馬蹄爽口，餸料確係配搭完美，簡簡單單羊腩煲整體都幾好味。燒味三拼 $54燒鴨無咩肉唔多肥美，叉燒廋左Ｄ欠了點肥油無咁香口，豉油雞俾左脾位，肉質嫩有肉汁雞皮好入味唔錯。…查看更多

由於有西式扒餐買一送一優惠, 於是我們便往MX食西式扒餐, 我點了西式什扒餐. 什扒餐有雞扒, 朱扒、煙肉、牛仔腸、燒汁和薯菜, 還有酥皮湯和凍奶茶。酥皮湯酥皮香脆, 湯溫度適中, 飲落香甜；雞扒食落雞皮香脆, 肉質鮮嫩；朱扒肉質軟腍；煙肉食落香脆, 鹹度適中；牛仔腸食落彈牙爽脆, 什扒配上燒汁食落口感豐富, 薯菜有薯仔, 翠玉瓜和甘筍, 食落新鮮爽口；最後凍奶茶茶味香濃, 奶味香滑。什扒餐份量十足, 口感豐富, 我和朋友食了一頓高質什扒餐…查看更多

香港人一年四季都鐘意打邊爐是常識吧！不過秋風起去打係有feel啲嘅😎 牛氣沖天火鍋配上藥饍雞湯湯底 清清地又幾正喎#MaximsMX#MX#Maxims#MX#火鍋#Maxim#MX#追鍋族#打邊爐#hkig #hkiger #hkboy #hkgirl #hkfood #hkfoodie #food #foodpic #foodporn #foodaholic #igfood #hkigfood #sharefood #hkfoodblogger #followforfood #hkrestaurant #hkblogger #手機食先 #相機食先 #吃貨 #美食 #香港美食…查看更多

星期六朝去去食早餐，呢間係我唯一見過一間買完票唔比票你取食物，要啲客自己係到搵邊盆係自己叫既食物，企咗十幾分鐘都等唔到，最後先發覺收銀連單都打錯。 白白等咗十幾分鐘然後先知完全出錯哂嘢，真係扯火 …查看更多

最近幾日都經常食粉麵，突然好想食下飯，放假午餐一於去搵飯食，所以最簡單直接去快餐店，睇左陣見到有個焗雞扒飯，平時美心mx以往都係得豬扒，今次就試下雞扒雖然係焗飯，不過都係好快就有得食，個焗飯都大份，一定可以滿足我的想食飯的意慾，首先見到好大塊雞扒，仲有好厚身，而且雞扒係先煎香過，因為食到雞皮煎得好香脆，然後先再放上飯，再加埋蕃茄醬再去焗，飯就係蛋炒飯，好彩個茄醬夠多，用來撈飯一齊食，飯就唔駛咁乾，味道就更加好…查看更多

睇廣告發現美心最近推出咗主打鮮滑嘅打邊爐，睇完覺得好吸引，心思思就想試下喇。夜晚七點同朋友兩個去食，本身諗住一個叫扒餐一個叫打邊爐，點知...想叫個酥皮湯扒餐嗰陣時店員就話冇曬酥皮湯，問要唔要中湯喎，心諗唔係掛！我都係想食酥皮湯喎，酥皮湯同中湯嘅價錢差一大節喎，點可以咁呀！！所以最後就放棄咗食扒餐，叫咗兩個打邊爐。睇廣告見到鮮滑話好吸引，點知係大失所望！！ 首先，棒棒海鮮鍋王有三條滑，分別係蝦滑，牛滑，同香菇豬肉滑。三條滑都好唔掂，蝦滑放落去煮完之後會散曬， 牛滑就好似食緊山竹牛肉，豬肉滑又冇乜味。三條滑都可以講得上好難食！除咗滑之外其他配料都還ok，好多菜。不過總體嚟講75蚊唔包嘢飲，加上質素唔太好，真係唔抵食！另外個至迷狂牛鍋都還可以，除咗都係條牛話好似山竹牛肉之外，肥牛都算新鮮，唔會好韌，亦都係好多菜，好夠飽。…查看更多

是日附近工作，見完客已經九點，唯有食快餐。點知撞到熟人，好野...不用再一人食晚餐....我地叫左個扒同好大件的焗雞扒飯呀！扒冇咩賣相，啲汁好薯通，不過咁嘅價錢，收貨啦....扒overcooked的，咬起來很淋應該係落左添加劑。配菜有誠意，因為有新薯，有翠肉瓜，而且仲有甘筍，食菜怪嘅我好岩！友人叫左好大件的雞扒飯真係好大件，啲雞扒好厚身好啖啖肉，可惜啲肉冇口味只有一陣美極味。但個飯好食嘅，有粒粒炒香左嘅蛋炒飯.....加上佢開胃嘅汁。友人食左一啖雞扒就放棄了，我都試食左一啖，嗯，是咁的，真的可一不可再，下次食海南雞扒會比較穩陣一點...總結：我應該沒下次了......…查看更多

夜晚行過呢間mx，見佢都幾多選擇就入去試下。普通快餐格局，不過有分普通2人4人台同高枱。今晚叫左海南燒雞+味飯+湯+可樂一杯。去收銀買完野食去搵位就好，轉頭會有姐姐送餐。我見啲姐姐一路送餐無停手，真係辛苦哂。燒雞:無乜燒雞既燒味，似豉油雞多啲。不過勝在係去骨，連雞翼都去埋骨，真係要比個味飯:完全無雞油味，當一碗“黃色既白飯”食就ok湯: 唔係熱湯，暖暖地既湯。如果想飲熱湯呢碗未必啱你了可樂:好彩叫左走冰。杯可樂無冰都好凍…查看更多

偶爾一碟叉燒飯, 更勝珍饈百味 .... 尤其是手上捧著的是一碟熱氣騰騰的叉燒飯 ~蜜味叉燒飯 $35半肥瘦, 多蜜汁, 肉質爽彈鬆軟, 外層有焦香卻不會過硬, 好吃 !本篇完 ~…查看更多