美心MX (NOVO WALK)

营业中

休息中

今日放假，唔知有咩好食，最後就揀咗呢間普普通通嘅快餐店美心MX。一早都冇什麼預期會好好食。結果都係不出所料，普普通通的一間快餐。食咗佢嗰個叉燒飯，叉燒的確係幾淋既，唔會係諧霎霎嘅肉，而且佢哋嘅叉燒亦都有蜜汁嘅味道，總括嚟講係好食嘅蜜汁叉燒飯，加上上面鋪了一層蛋，蛋是加咗少少XO醬味嘅辣汁，撈埋飯一齊食，味道算唔錯。最後配埋佢哋嘅凍奶茶，奶茶嘅味道就冇乜奶茶味，好淡。令到呢個組合扣咗唔少嘅分數。最後只能夠一個合格嘅分數。

好耐冇食過美心快餐，都唔知而家原來有雞餐，外賣平台落單，埋單$105有找。惹味炸雞+迷你腸片肉醬意粉原隻雞炸，有炸雞既香味，但唔脆。雞有咸香味，肉嫩，黎到仲係熱辣辣。肉醬意粉果醬好香，偏酸，有蕃茄蓉，意粉偏幼，腸仔切片，有香草味 。雖然迷你，但意粉份量都唔算少。另配粗薯條，好脆。仲包兩支粟米同餐飲兩杯。五寶飯 $54五寶飯包左燒腩仔、叉燒、油雞、紅腸同咸蛋，好豐富。叉燒燒得好靚，但偏瘦，但都淋。燒腩仔肥瘦均勻，好香脆。油雞嫩，配上薑蓉。整體味道唔錯，燒味份量都唔少。

今日經過Novoland 就入左去美心MX食過下午茶，我揀左「H5$39迷你叉燒飯配咖喱三寶熱奶茶」，咖喱三寶入面有：魚蛋、豬皮、白蘿蔔，好多咖喱汁，可以用嚟撈飯食，不過我就覺得比較辣，食完係咁飲野，叉燒飯就正常，冇特別都好味，有6舊叉燒2條菜芯。熱奶茶都正常好飲嘅！

Novowalk新商場開了, 係屋企附近多了個食野飯堂真好由於我趕時間關係, 所以選擇了可以快速依肚方案, 入左去食美心MX新店的關係, 地方大而整潔, 有很多位置選擇, 趕時間食超好, 我叫了個雙拼飯，雙拼真系快靚正叉燒沒有過火, 很入味正宗, 又唔會過老, 加上有少少蜜汁,食落甜甜地不錯, 另外白切雞肉都算滑嫩，配上醬料更加好食，還配上一些青菜, 好像比較健康! 餐飲方面, 叫了個凍奶茶, 完美配搭

屋企附近嘅novowalk 新商場終於開啦！即刻走去美心m x食番個dinner, 呢間分店好多人幫襯 好熱鬧～食過無數間分店，我覺得整體上呢間分店高質過其他分店好多！環境又新又大，食物選擇好似都多啲！加上店員好好態度同埋快手，就算咁多人 都係等咗5分鐘就有餐拎我揀咗個海南雞飯 份量好夠又好香最鐘意係啲醬料，加落海南雞度真係一流！❤️❤️食完飯再行下商場新店 ，附近有好多野行 同埋好多餐廳選擇🥰咁方便 一定會再黎食～