6
11
4
以上资料只供参考，请与餐厅确认详情
相关文章
八十年代已經喺快餐店食鐵板餐，隨着成40年嘅演變，今天嘅鐵板餐已經不復當年質素。今晚點咗鐵板雜扒餐。有一條大肉腸、雞扒和豬扒各一小片。為何我說一小片？因為相比起鐵板餐開始盛行的八、九十年代，今日的兩塊扒，面積只及當年的一半甚至是三分之一，實在少得可憐。另外整體感覺只是將腸和肉整熟後放在鐵板上，然後淋上自己所選的醬汁。所以如果醬汁不落在肉上，感覺只會是肉環肉，汁還汁，感覺上是靈魂與肉體的分離，完全不是食鐵板餐的那回事。所以相信是這原因，其他人在快餐店內一般都會叫牛扒鐵板餐。不過即使叫牛扒鐵板餐，在快餐店你不可能可以選擇肉的煮熟程度。另外配菜方面已經不復當年的豐富沒有粟米斷，應少了比較有份量的急凍蔬菜。今天只有兩粒蕃茄仔、粟米粒、放在洋蔥汁內的少許洋蔥和一小段西蘭花。份量着實少得可憐。所以整體感覺實在是一般。另外龍蝦湯根本溫度不足，只是微溫。而上面那塊酥皮，被暖燈烘得脆卜卜，結果「督」開那塊酥皮，自然會是酥皮碎四淺，實在十分不方便。跟餐的啫喱，只是預製的普通貨色，沒有什麼特色和技巧可言。
继续阅读
今日好開心同屋企人去咗天晴嘅一間餐廳，就係美心，呢一間餐廳好高質素，超級推介呀，嚟到天水圍一定要嚟天晴食呢一間美心啊，首先美心嘅位置在天悅站，只要天悅站一落車，行1分鐘，就會到美心，非常方便快捷，如果嚟到天水圍嘅人，一定要落車來試試呀，都好高呀，首先佢食物嘅種類繁多，你可以有好多嘅選擇，今次我屋企人就叫咗個先茄焗豬扒飯，呢個豬扒飯，好開胃酸酸甜甜的，仲有好多塊豬扒，個份量十足，而且係即叫即整，熱呼呼的，所以我覺得呢一個豬扒飯嚟到一定要叫呀，然後我仲叫咗個燒味飯，叉燒配油雞，真係一流呀，仲有好多菜，有豉油撈飯，我覺得呢個配搭真係好好食呀，而且個熱奶茶都好好飲啊，奶同茶嘅味道係絕配呀，所以嚟到美心，一定要叫一個燒味飯加一杯熱奶茶，咁就非常之飽肚啦，而且呢度嘅服務質素都好高呀，清潔姐姐清潔得好好呀，地方好衛生啊，呢個地方我鍾意呀
继续阅读
美心MX食個LUNCH，叫左個茄子肉燥炸豬扒飯，但個飯伏到不得了。1. 茄子太硬，唔知係唔係D茄子煮得唔夠耐，平時食炆茄子會預期茄子淋淋地，但又唔會淋到一咬就成口糊，但呢度既茄子係硬到咬到「SHORT SHORT聲」。2. 肉燥冇味，肉燥正常就少少辣，但呢個肉燥係完全冇味，食冇味肉碎咁。3. 飯太淋，都唔知係唔係D飯太多水，淋到一PAT糊咁。一入口未咬就已經完全溶化。最後D炸豬扒還好，唔係好食，但都唔差咁啦。
继续阅读
以3500 yuu積分➕28蚊可以換購燒味絕配菜脯蛋飯及紅豆冰一杯，咁啱有積分就換來試下，另外見到美心出左香芒焗豬扒飯，肯定要買來試下，相配杯芒果特飲已經賣曬，當時只系5:00鐘啱啱開始晚市，可見相當受歡迎👏叉燒菜脯蛋飯配紅豆冰（HKD 51）：叉燒系正常味道菜脯蛋辣同有Ｄ喊，不過送飯就啱啱好，好好味。紅豆冰🫘起沙，甜左DD。香芒焗豬扒飯（HKD 47）：豬扒好大一塊，鋪滿整個飯盒，芒果好酸，非常酸系完全未熟的芒果，導致個豬扒飯好酸好奇怪，好彩個焗飯系炒飯底，唔使送一樣甘好食。
继续阅读
夏日炎炎成日熱到無曬食慾，想食翻D酸甜菜式開胃！「美心MX」嘅「盛饌果王芒滋滋」芒果主題夏日菜單Comeback喇，今次仲加多咗D其他有新意嘅芒果菜式。香芒焗魚柳，魚肉口感嫩滑，同芒果醬汁、芝士好夾。香芒焗豬扒飯，苦等一年，終於再次推出，加入咗「芒爆」醬汁同芒果粒，雙重芒果享受！香芒沙律‧香芒西多士，黃金色嘅嘅咖央醬西多士，口感外脆內軟，加上芒果醬同粒粒芒果，更加邪惡，不過配搭埋香芒沙律，即刻Balance曬！香芒沙律‧熱狗。粒粒芒果紅茶，味道清甜，帶有果香，漸層效果分明，好適合打卡。香芒布甸，配上花奶，口感更加滑溜。香芒乳酸爆珠，味道酸甜，飲落好清爽。
继续阅读