美心西餅 (兆康站)

营业中

休息中

美心西餅有很多不同口感選擇楊枝甘露布甸撻 售價 $22.00/個楊枝甘露布甸造都幾有心思，不過現實同網上相片有一定出入，有淡奶，芒果啫喱，吉士忌廉，原味的海綿蛋糕，白朱古力，撻殼。味道一般。港式奶茶王蛋糕 售價 $24.00/個造型就好一杯手調奶茶甘🥤，有奶茶慕絲，奶茶口味奶凍，原味的寒天和紅茶蛋糕，味道就一般。甘栗撻(升級版) 售價 $21.00/個上面放了滿滿栗子茸，一粒原粒栗子，原味忌廉，海綿蛋糕，黑朱古力，撻酥組成。東海堂更好食。另外的芒果切餅和草莓切餅..就..唉。

呢個月真係好多人生日~ 說好的減肥都唔知去咗邊?屋企人今日買咗個幾特別既粒粒芒椰爽蛋糕! 個樣幾得意呀!粒粒芒椰爽蛋糕 6吋，約1.6磅 $248- 時令鮮芒果，芒果慕絲，椰奶慕絲，水晶珠，椰汁奶凍，芒果啫喱，芒果軟心醬，椰汁水晶珠蘆薈奶凍，忌廉，原味蛋糕- 成個蛋糕食落唔會太甜, 唔會好多cream! (我自己本身唔鐘意食太多cream 既蛋糕一會覺得好膩)- 芒果鮮甜好食入面加咗芒果啫喱水晶珠, 有唔同既層次, 口感好豐富而且有咬口!

美心嘅蛋糕永遠唔會令我失望呢個價錢呢個質素得美心做到必須五星好評🌟🌟🌟🌟🌟見到美心出咗粒粒芒椰爽蛋糕 係我最愛嘅芒果口味💓即刻去訂返個試吓先😋😋😋😋每一啖都有新鮮芒果 ，芒果軟心醬，芒果慕絲配搭埋椰汁水晶珠蘆薈奶凍，椰奶，慕絲清甜芒椰味道 酸酸甜甜咁 好清新好好食😋口感清爽得嚟有層次 👍🏻👍🏻👍🏻👍🏻👍🏻不過呢款蛋糕造型比較特別所以會難切一點🙈大家可以留意可能同屋企人食會好d

某日收工經過見到呢個《芒果糯米飯蛋糕》，覺得好特別，泰式感覺，原本以為好伏，點知原來好驚喜，超好食，係超級好食，我個人覺得啦！蛋糕設計都幾靚，上面一大個芒果花，仲有一朵食用花，超級靚👍🏻👍🏻👍🏻👍🏻而且芒果好甜，係真實的芒果甜，不是假甜，質素幾好！最令我驚喜係切開中間有留心芒果醬，而且上方椰子糯米布丁超好食，椰汁味好香，完全係超越左一般芒果糯米飯！最底層都有薄薄一層糯米飯，煙韌，幾有口感，真心覺得超級高質！一啲都唔會伏！

哥哥生日，佢個小朋友特登自己去買個蛋糕比爸爸，真係sweet！不過佢揀左美心個彩虹蛋糕。起初有D驚，好似食左好多色素落肚咁，不過小朋友見到咁colorful既蛋糕就好開心，無謂掃佢慶，最後都一齊食。彩虹蛋糕同之前個版本唔同左，之前外面係白色忌廉，入面先係彩色海綿蛋糕, 而家成個都係彩色，好似夢幻d靚d咁。另外比左盒棉花糖，自己放落蛋糕面度。七彩忌廉都幾挺身，唔太甜，一向美心既水準。裡面唔同顏色既生果仲有啫喱，同海綿蛋糕層層相隔，海綿蛋糕都好鬆軟，不過就似食雜果蛋糕咁。味道唔算好有驚喜，只係顏色上既吸引，唔太特別，如果衝破唔到食色素既關口，都係選擇其他蛋糕。

保母的孫兒生日，吃過生日飯，唱生日歌和切蛋糕少不免。預備了一個「蜂味蜜糖屋」蛋糕為剛滿一歲的小豆丁。餅盒是黃白色的配搭，感覺活潑。蛋糕外型像是一個小型蜂巢，加上一對小蜜蜂作裝飾，蛋糕頂還以蜂蜜啫喱做成一個迷你蜜糖池，很趣緻。雖說是固定磅數，也足夠在座十人共享。餅底說是焦糖酥底，但吃下去感覺似是曲奇餅底，太硬，並不酥脆，過甜之餘還要跟慕絲蛋糕「徹底分離」; 蛋糕的夾心包括黃金蛋糕, 特濃朱古力蛋糕, 蘋果蓉, 檸蜜啫喱, 蜂蜜慕絲，蛋糕口味偏淡，蘋果蓉中和了略甜的蜜糖啫喱，感覺清新。至於面層的寒天蜂蜜，我覺得太甜。不過呢，在座的人對這蛋糕感覺很兩極：有的喜歡慕絲軟滑的口感，但嫌餅底過硬過甜，還要餅底與慕絲各自為政; 也有人喜愛餅底，但認為慕絲太甜膩。如能取得一個平衡點就好了。

上月歐遊歸來，錯過了叫好叫座的「全城大搜查」迪士尼蛋糕，仍然公關仍然送上全新【La Forêt-Noire】黑魔王森林蛋糕的換領信，十分感謝。正好妹妹的生日晚餐選在美心皇宮吃，就換了這款蛋糕來做她的生日蛋糕，大家吃得超開心～其實由收到換領信一刻開始，已經十分的驚喜，因為那黑森林的信封實在相當精美，同時裡面的設計又富有神秘感～　今篇比較懶，全部照片沒都沒執是直出的，不過也不要緊，主角蛋糕及主角小壽星原本都夠靚夠煞食了。　黑魔王森林蛋糕以法國來貨的朱古力及食材為材，外層以朱古力脆片包裹著，很有神秘黑森林感覺。蛋糕表面鋪上朱古力碎，以及沾上朱古力的新鮮車厘子，蛋糕則以法國優質材料炮製，如將朱古力蛋糕配上法國 Bavarois cream、加上甜酒車厘子醬及法國朱古力車厘子慕絲，並以法國海鹽焦糖脆脆作餅底。也因如此，蛋糕有個法文名字---La Forêt-Noire (黑森林之意)，是將傳統黑森林蛋糕來個富有法式風情的新演繹！　小兄妹都是超級為食之輩，特別是小壽星妹妹，好像真的聽明白了這天是她的生日，知道了自己會有蛋糕吃，整個過程中視線都沒離開過蛋糕！至於囝囝，也實牙實齒說不會吹妹妹的蠟燭，結

想試很久，對它的包裝有極大的好奇心，不只盒面，內裡也有彩Print的Bee仔圖案，而且連四方蛋糕盒也是蜂巢狀的!雖不夠神級蜂蜜蛋糕「義美」般細膩，但很香而且也頗綿，唯濕潤度可再高一些，用叉吃一吃也有不少碎粒跌下。用上Manuka 30+ Honey已經是一個Plus，有益健康。平時不太捨得吃義美，以後也多個選擇。

向來對美心的"藍霉脆脆"情有獨鍾, 但近日的父親節讓全線美心西餅分店也突然換上"父親節special" cakes, 唉, 等了多天, 終於都可以買到這心頭好滿心歡喜的上前購買, 誰不知要抱著一肚子的氣離開事緣這樣的, 購買"藍霉脆脆"時其實該店算不上繁忙, 店內有三名店員當值. 當我向其中一名店員詢問是否有信用卡優惠時, 其態度還可以, 但當她把"藍霉脆脆"放進紙盒內包裝的時候, 可怕的事情來了. 真的, 我沒有在其他美心西餅見到如斯荒謬的情況:該位店員的動作實在慢得很 ... 我只可以用"慢條斯理"概括之. 幸好我不是忙著, 否則理應要破口大罵了. 待蛋糕放進盒內後, 我發現她用了很多時間, 一次又一次的將條尼龍繩弄開又再包過紙盒, 很是艱難方才把盒子包裝妥當(其實並不穩妥的, 容后再說). 好了, 她要把尼龍繩"弄斷"時, 屢次不成功, 她的同事們亦只懂眼巴巴看著她"雞手鴨腳", 很是艱難才把尼龍繩弄斷. 這與我們在別的美心西餅店以極之利落的手法, "快而準"的把尼龍繩弄斷, 真的不一樣. 我當時還以為這位店員是"生手". 誰知一看名牌, 發覺她不是"trainee", 而是有其

美心集團一向以服務水準一流見稱除左酒樓之外~西餅店的服務都係一流由於返學途經西鐵站所以有時早餐都會o係呢到買麵包黎食最鐘意係佢地o既皇牌叉燒包每日新鮮出爐軟綿綿的包身配上熱熱的叉燒食完好味的包包再上堂精神都好o的~~~美心集團...~真係唔錯!!

屯門西鐵站美心的女收銀員都好好禮貌的！新出的蕃茄芝士包令我喜出望外！外型可愛，內容原來更可愛！蕃茄麵包內有正正方方的芝士粒，捧！喜歡芝士的人一定要試！不喜歡的千萬別撞，連嗅嗅也陣陣芝士味的！因為，實在太足料！哈哈！

其實又係紅豆包ja ma, 不過整o左個狗頭樣, 而個味又同普通o個d 一樣wor, 又唔係大個, 所以成$5.5 就好唔抵啦, 而且我唔係o甘like 佢o個隻紅豆餡o既味~

佢依家同其他美心西餅差唔多架.... 都幾好既....今日第一次買左個"楊枝金露蛋糕"成一百幾蚊.....賣相幾靚,但未食,唔知味道如何....

呢間分店既服務真係好好!上個禮拜父親節前一日我諗住去訂蛋糕，去到先知原來已經過左訂既日期諗住無得訂喇…但係店員好幫手，特登主動幫我打返公司問仲可唔可以訂，最後真係訂到~ 佢地真係好好人呀甘好既服務態度，真係值得讚揚! GOOD !