美心西餅 (葵芳站)

营业中

休息中

見到個名就令我好想去買，當初重以為係芝士醬+藍莓醬做饀，點知到中間，就只係加左dd藍莓醬，少到咩味都食唔到...另外里間分店早上有供應即製三文治($10)，如果加奶茶/咖啡呢，就$14蚊，味道唔錯!

因為我鐘意鐘意食紅豆蓉又鐘意食栗子，里個包岩晒我胃口，面頭有d好似酥皮既野，內裏有紅豆蓉同幾粒細細粒既栗子肉，本人唔太喜歡紅豆沙，但係里個包用既係紅豆蓉，有番d口感，但覺得栗子比較乾甘囉...

唔記得叫咩名了,只係知一個外型普通既包包,中間夾住出奇地多既芝士,芝士有兩種, 有軟既同有硬既,突破左美心一貫姑寒唔比咁兔餡既作風,咁又係既, 成$6一個都唔算平,比多d係應該掛...總之就好推介哩個啦!^^

相信好多人都食過了,我對佢有d失望,因為真係好冇檸檬味,反而上次食既choco 味有食倒d,哩隻個味真係唔係太出,好彩佢原本既杏仁條跟本係好食,好鬆化, 甜又適中~當佢係原味就好好食lo

番工既早餐食麵包就最方便不過，一連兩日試左兩款1) 栗子蓉包: 長方型，包面有糖粉，但係就唔太甜，一心諗住內裏既栗子蓉係好似栗子蛋糕上面既一樣，食到先知跟本係兩回事，睇得出栗子蓉係加左麵粉差既，唔夠栗子味，有點失望…2) 蘿蔔臘腸包: 外型就真係好似隻白蘿蔔甘，幾可愛，食落去都有好幾多蘿蔔絲，而臘腸粒就比較少，好香蘿蔔臘腸味，好有冬天既味道...

實行慳錢大計!決定一個包做早餐午餐,今次選擇係車打芝士包($8.5)。個包圓碌碌,幾大個;面頭有堆芝士碎,入面就有都幾多車打芝士粒。車打芝士味道不太濃,反而包頂個堆仲濃味;口感就一如美心慣例--鬆軟,講唔上有質感,所以好容易消滅一個。

非常普通,一大個,味道同提子麥包無異,只係包面上好多白芝麻,同埋提子都幾多架!

好耐都未食過美心D西餅，聽到近期的食評唔錯。所以一口氣買了四件當下午茶(當然係同人share食la)，買了四件都係18蚊，真係好抵。第一口試藍莓朱古力餅，四件當中最好食就係依件，可借藍莓醬少d。跟住食士多啤梨拿破崙，個酥皮唔得鬆化；綠茶紅豆卷，唔夠綠茶味，紅豆唔多；菠蘿撻見網友推介，所以試下，都ok尤其個牛油餅底，其實買個時好多款式都想試，但食唔晒，唯有下次再試過。