美心西餅 (新葵興廣場)

我觉得美心鸡批一直以来都有水准，但发觉而家吾系间间美心西饼有得买，系葵兴商场见到，又热辣辣真系要买番件，鸡批外层厚度适中，鸡肉馅有肉又有汁，吾会无馅又干柴柴，下次行过一定要再买。…查看更多

如果平时见完客，两点钟又未食嘢既话，行过附近有美心，一定会忍唔住走入去望一望，望完一大轮，最后都一定系会拣烧鹅濑，就系钟意佢食完又唔太饱，但系又有饱肚嘅感觉，叫多杯热奶茶就啱啱好。…查看更多

美心西饼嘅蛋糕入面，我最钟意嘅都系呢一个天使蛋糕，仲记得以前食嘅时候第一次食好有惊喜，因为呢度嘅cream唔会太甜，再加埋上面嘅焦糖脆脆，简直系啱啱好！！😍而且呢度嘅蛋糕非常松软！！同埋好大件，基本上10个人食都可以！！😍😍…查看更多

虽然老婆份工喺兼职形式，但佢公司算几好，逢喺过时过节，都有啲应节嘅礼物。就好似中秋，就会一人一盒月饼，不过，好搞笑，留意咗佢3、4年，年年都喺送「美心低糖蛋黄白莲蓉月饼」。我俩公婆对食月饼无咩要求，收到咩月饼都开心。不过，睇返之前嘅食评，呢款月饼嘅包装盒都无变，仍然喺一身橙红色嘅铁罐，亭台楼阁配荷花，鲜艳嘅色彩配搭，好有古雅之气。盒面右上角，仲刻意标示含糖量低于5％，小弟无查证过，因为睇完后面嘅营养资料一栏都唔喺好明点计出嚟，不过，本身一向都唔太信呢类标示，最紧要咩都唔好食过量。打开盒罐， 一盒共有6个，均以独立包装处理，衞生方便。顺带一提，近呢几年嘅月饼，已少咗奉送啲胶刀、胶叉，对环保方面算有少少进步。包装盒无变，而质素依样亦无变，皮薄而平均，白莲蓉好软滑，亦唔甜腻，最正喺个咸蛋黄流晒油，搭杯热茶，喺下午茶嘅好配搭。今年所食嘅月饼都以奶皇为主，莲蓉或白莲蓉都少食咗，其实小弟真喺对此无乜偏好，因为奶皇有奶皇好食嘅地方，莲蓉亦有莲蓉值得欣赏嘅地方。…查看更多

话咁快星期五就系龙舟节啦🐲🐲今晚同屋企人食左美心原粒瑶柱里蒸粽(经典套装)，一共有三只粽包括原粒瑶柱里蒸粽、桂花豆沙粽及贵妃豆沙粽。-原粒瑶柱里蒸粽用料非常丰富🤩，口感特别，大大只超厚实，百分百香港制造，食得安心又满足。绝配糯米配绿豆，加上日本原粒瑶柱、花菇、烧鸭肉、莲子、栗子等等，份量十足足斤重👍👍桂花豆沙粽及贵妃豆沙粽同时用上红豆作馅，前者散发淡淡桂花清香，后者则有清新芳香玫瑰花香味，两者同样甜而不腻。…查看更多