美心西餅 (荃灣站)

营业中

休息中

朋友生日,想買個蛋糕賀o下佢,但自己唔想食(怕肥),驚買一磅佢食唔哂,唯有孤寒d,買個的骰小西餅送俾佢啦~~望o黎望去,都係見栗子杯同呢件芝士小蛋糕見得o下人o下!記得朋友話過鍾意食芝士蛋糕,就要一件啦~~雖然size細細,但外型真係唔錯!遺憾o既係包裝o個陣先發現底部原來崩o左少少!但我已經叫個店員換過一次,(事緣佢開初夾俾我o個件個面有d焦!)呢件係我自己揀o既,冇辦法!朋友收到,好似好開心!可能明知我孤寒,有蛋糕食已經唔錯!試食過後,覺得上半部比較硬實!冇下半部咁軟滑!味道就普普通通!15蚊一件抵唔抵?見人見智~

食完越棧~ 想食甜品~ 就去左買美心鮮果撻, 食左咁多間連鎖餅鋪, 都係美心最好食, 個餅底好脆~ 生果又新鮮, 但如果生果可以甜d會更好味~ 雖然$10好似貴左d~ 還有條隊排果陣怪怪~ 我地買果陣有人插隊, 但個收銀好叻~ 留意到應該係我地先~ 抵讚~

今日行完街...累累..無諗過回家煮野食,所以在美心睇睇有咩西餅先,點知有晒家姐同我最愛的西餅,其實款款都係tart,哈哈!!真係幾抵~雖然每款要4蚊,不過tart始終相比起西餅,係名貴少少的 每款tart design都好精美,很喜歡!!!! 每個tart ge底部整得很固定~唔會碎!good 買左2個 蜜桃tart表面塗上好多蜜糖喔,真係好甜美的~中間雖然只係普通的蛋糕,口感係較硬的~很不錯!!而且幾飽肚tim,食一件已經幾飽~如果係大食的人,買幾件tart食,一定飽過吃西餅 兩個 荷蘭tart,雖然我都唔知呢個tart名點樣黎,記得小學6年級果陣幫老師盤點書簿之後,係miss 的獎勵,果陣首次品嚐呢個tart,之後就愛上了,直到而家~每次食,都覺得好好味~質素無變過!!好鐘意有咁多糖霜~而且層次感都幾豐富~中間有一個圓柱珍的小蛋糕,較為軟身,個面仲係蜜桃味果jam!!Sweety 小圓柱蛋糕下面就係有cream~不過食落口較為油膩,所以都唔會食晒為妙~ 朱古力tart,食落又真係幾甜~所以今次兩人share食,雖然呢種朱古力唔係好特別,不過鐘意食朱古力的話,我相信見

13-2-2010 Sat(年三十)同男友o係荃灣買完野o岩o岩o係呢o度,佢同我都想試真啲斑蘭味,咁美心有$10一件o既斑蘭蛋糕切餅,於是順便買返屋企食.返到屋企我即刻拎出o黎,好奇之下用手指按吓佢,佢好快回復原狀,哈哈真係夠彈性喎.咁我同男友食喇,質地好鬆軟,味道清清又唔甜,幾好食,同男友讚不絕口,呢個可以encore啊.

尋日(10-2-2010 Tue)冇飯帶,不如朝早買定麵包當lunch啦.就o係呢o度買呢,睇到有好多選擇,最後我揀o左$12.00有5個o既迷你芝麻卷,同$6.50o既吞拿魚蟹柳包.到公司食飯時間,先食吞拿魚蟹柳包,都幾軟熟,吞拿魚份量多,幾乎有成個包咁多,但蟹柳好少,幾乎係冇.呢個都算唔錯.之後係迷你芝麻卷,相比起前者,呢個比較硬啲實啲,味道當然清淡啲.不過食o左3個都好飽lu.

5.1假去朋友家聚會…買左個一直對佢滿有幻想…名字漂亮外表雪白無瘕o既”天使蛋糕”o黎做下午甜點!!唔...食落就係普通o既一件忌廉蛋糕哇!!!...吾係特別超鬆軟…就係夠純…即簡單冇其他好多配料生菓裝飾之類…裏面只薄薄一抺類似”麥精好立克”味o既一層…清清淡的…甜味就係由附送o既粒粒脆脆帶起成件蛋糕o既味道…亦係哩個蛋糕o既精髓所在!!!...食左一大件呢!!!當日信用咭有9折...

復活節依然要返工的我~為左買隻復活雞俾同事~所以買了芝士麵包條~~芝士麵包條脆脆的~香香的~一向不錯加9蚊貪得意換嗰隻復活棉花糖雞就真係甜到傻!!!!!唔可以食嫁.....點入口呀...而且~呢隻係開邊雞得半隻嫁咋~後面係平面嫁~哈哈~~

早前男友好奇想食天使蛋糕,但太大個,要等多人至食,到尋日(9-4-2009Thur)終於有機會喇,因全家人都返o黎食晚飯,咁我買個啦.食完晚飯後,我就拎出o黎分八份食,個個第一啖都話食到好濃o既芝士味,覺得佢真係鬆軟啲,但又冇廣告講得咁好食.我覺得蛋糕唔滑,而o個個咩魔法拖肥太甜,但口感真係又鬆又脆,o徒晒.用匯豐咭有9折,即$133.20

09年我究竟食左幾多次生日蛋糕呢？仲要有d生日蛋糕因為我唔知人地喺邊間買~所以冇post上嚟的了講返今次的生日蛋糕~地鐵站的店~永遠多人~但亦都係最近我家的美心家人買了1.5磅的雜果黑森林很誇張...如果喺餐廳的話...咁大件芒果...請問叫人點食........................很甜...不過亦都有脆餅底~但...真係好漏呢...呢一個係永不再食之選~食一次已很夠了......

聖誕節到了,當然少不了要買點蛋糕應應節剛好發現有美心的餅咭,便換了這件芒果栗子蛋糕($23)面頭的芒果不錯,很清甜份量也夠不過栗子茸不是太足夠,有點到喉不到肺的感覺要讚的是cream不多,不會過甜和過膩.老實說一件普通又不飽肚的蛋糕要$23真的不值,要不是有餅咭是絕對不會買的

月餅從來都是傳統的蛋黃蓮蓉好吃，不過偶爾也想轉下新款。今年半島月餅被搶購一空，媽咪一句有興趣試奶茶味冰皮，龍就改買了美心。雖然不好冰皮，我也想知這些古怪的新口味，滋味到底如何?試食後，答案如下：　　冰滑奶茶-吃不出有茶味，不過勝在味道甜香、質感滑溜，當是小茶點吃也不錯。蕃薯糖水-月餅混入了蕃薯茸，令口感帶鞋的不似傳統冰皮滑溜；除了蕃薯，美心製作認真把薑味也放進去，但薑味冰皮的味道真的太怪異了，食半啖已想放棄...芒果脆脆-微酸的芒果又是與冰皮月餅不太夾，加入朱古力脆粒也沒有令味道變好，反而破壞冰皮原有的滑溜口感。芝麻豆腐花-芝麻與豆腐味都是輕輕的，不講其實吃不出來；微甜較滑的味道與口感，在一眾冰皮中算是較好的了。　另外，別看禮盒大大個，其實冰皮月餅份量非常「精緻」，除開$15只得一小件並不划算。不過話說回來，味道又不是好，份量加大了我不是更難清貨?

去好友屋企拜年,估唔到佢會買左美心的楊枝金鼠招待我地!前排我係美心見到,雖然造型可愛,但係好似成廿蚊一隻,都唔拾買次有機會食到,真係難得!個西餅整到成隻老鼠咁,不過係蔶色,初時以為成件都係楊枝金露布甸,但係食落先知原來係楊枝金露布甸包住普通蛋糕,不過蛋糕部分好少,而且無乜味,主要味道係黎自果層好厚既布甸。楊枝金露布甸基本上同芒果布甸一樣味,偏甜,唔係十分特別,配合用朱古力造的老鼠耳、老鼠尾同埋外加既一個金朱古力,都不失為一個別緻既甜點。當然,佢既賣點其實只係佢既造型啦!

買咗個黑芝麻吞拿魚火腿飽,OK喎,雖然凍咗少少,但都好好味,好多餡.

(24/10/07)應節買左件,店員話是南瓜肉蛋糕wor!一食,只食到下層的橙味,分層吃,上層係肉桂蛋糕夾雜極少的南瓜粹,今次又比人扼喇!南瓜頭曲奇,好濃朱古力味o下,老公都讚好!

先此聲明,我想COMMENT既係綠楊出口O個間,希望唔好點錯相朝朝早都要買麵包俾男友做早餐,差唔多朝朝早八點鐘去到,百分之九十九既時間佢地都係未放晒D飽出黎,多數都係仲有一半飽仲收埋(我冇用錯字,真係收埋)係一疊疊放係地上既麵包盤度... 喂大佬,八點鐘啦,星期一至五既八點鐘已經唔算太遲亦唔算太早,身為賣早餐既鋪頭,仲要係一個懶便利既位置(地鐵站住宅入口),好心就醒少少啦,最少都將D最COMMON 同大路既飽放出黎先啦,你入唔切袋未俾人用鉗鉗完俾錢時先入O羅,唔使朝朝早去到都要特別REQUEST D STAFF 搵D 香腸飽呀,腿蛋飽呀,肉鬆飽出黎,係繁忙既返工時間仲要等你幾分鐘摷個飽出黎都幾大牌(我想講美心,希望大家唔會覺得係我),仲試過幾次話冇我要既飽(炸菜肉鬆你話唔再出都由你,但最少兩次都話冇腿蛋飽真吹脤), 一次又只剩一個腿蛋飽(八點鐘就話賣晒喎,真係好生意,心想都唔知係唔係之前個晚剩低)另外,有一點我都係唔明,d 飽永遠唔熱都算,但點解好多時我都摸到好似雪完咁凍,唔好話我知真係隔晚,所以有時多d時間都情願行遠少少幫襯第二間麵包店,都好過浪費時間搵一輪再問然後先知原來佢太好生悥