美心西餅 (V City)

营业中

休息中

父親節買咗個蛋糕同屋企人慶祝，呢個蛋糕算係近期食過唔錯嘅款，啲芒果唔會好酸，大大舊連埋啲cream食好正，而佢個底係巴斯克芝士蛋糕，食落幾濃同香嘅芝士味，但又唔會焗得過硬，老人家食都覺得幾軟幾soft

見到網上外賣平台原來美心西餅都可以送啊仲要免運費下午茶唔使落街又真係幾好喎叫咗雜果撻蜜瓜撻叫多兩代麵包聽朝早早餐，非常正！蛋撻當然有質素啦！生果都係用靚野嘅

上星期女朋友生日，亦都好鍾意小小冰嘅佢，時常叫我生日嘅時候要買啲特別啲嘅嘢俾佢，唔好求其買個普通蛋糕或者只不過係一啲朱古力或者雜果嘅蛋糕，對於一個冇咩興趣嘅宅男來講，要諗一個好特別嘅蛋糕真係好難㗎！我上網搵咗好耐，甚至乎上去網上搵吓有冇啲咩特別蛋糕可以送俾佢嘅時候，價錢都要成幾百蚊過，對於每一個窮人來講真係好難攪㗎有次出街經過美心西餅睇一睇佢嘅櫥窗，嘩！ ！ ！佢嘅生日蛋糕真係好多款式，亦唔似其他餅鋪咁樣咁古板，而令我最吸引嘅蛋糕就係呢一個小小冰蛋糕，我二話不說就叫店員包起佢，店員亦都趕用Apps可以有八折優惠，我那那聲單咗個Apps，點知最戇居嘅係原來個Apps只需要比個以為barcode數一數就有呢一個優惠，呢個真係要諗一諗唔係都幾無聊買咗之後送俾女朋友，佢不知幾開心，我哋先開咗佢黎食，個餅係香蕉慕絲，我覺得佢又唔算太甜又唔算泰龍，味道剛剛好，我亦都有分享比家人食，今次我覺得好滿足呀，而佢亦都冇怪責我太古板