美心西餅 (寶怡花園)

营业中

休息中

打風下雨最好留喺屋企瞓覺😆，瞓醒悶悶地落樓下買下午茶。近近地有間美心西餅，一睇就揀咗楊枝甘露布甸撻😍。芒果是夏天的恩物，呢個撻特別之處喺有支淡奶pump pump，加入芒果🥭上面味道更好。脆卜卜嘅外層,凍冰冰嘅餡料,熱辣辣嘅天氣進食,真係超正!

自從收購埋東海堂之後啦蛋糕都一直有好多既變化由其係款式上啦會更貼地有多款既公仔蛋糕啦以前只會用白朱古力公仔牌放上鮮果蛋糕而依家既美心蛋糕係好有心機去設計好似我今年收到既呢個馬仔蛋糕多表夠哂可愛女仔收到係會勁開心味道方面比較新鮮既主要以奶同咖啡味為主Cream 仲要勁厚真係好正內心係朱古力蛋糕啦加層奶咖啡啫喱底部選用返傳統黑森林底入口好有滿足感愈做愈好

一星期前知道屋企人生日，特別早兩日預訂一個卡通公仔蛋糕, 員工非常細心, 慢慢幫我寫低我需要寫祝福字的朱古力牌, 有信用卡優惠折實大概$200, 個size都好大個，絕對夠八個人食有餘。講返個Hello Kitty蛋糕, 個賣相已經好吸引, 蛋糕入面好軟熟, 面層鋪滿椰絲碎碎，中間有層什果, 上下以鮮忌廉夾住，新鮮又夠fresh, 估唔到美心西餅都可以有咁高質素！因為之前喺美心訂嘅蛋糕, 通常都係早一兩晚整定, 試過有發霉㖭！下次會再試試訂其他卡通款式, 試試新口味！

一路都好鍾意食美心嘅雜果撻，但今晚試過呢間分店嘅雜果撻之後，決定以後唔會再買!生果唔新鮮，餅底冧哂，一食就知應該擺咗好多日都賣唔出啦!😦做為咁老字號嘅舖，有咁嘅質素食物，真係好失望😐