美心西餅 (蝴蝶廣場)

营业中

休息中

趁父親大人六十大壽之際，特登買個啱意頭既生日蛋糕。係東海堂同美心西餅兩間做選擇，雖然大家都有相似款色既壽包蛋糕，價錢相若，我都係揀左美心西餅。訂購只要係十九小時前就得，仲要係依間有即場烘培，真係絕對新鮮，仲送生日牌同寫字。依款蛋糕最少要訂兩塝，但我地十三人分啱啱好，冇多冇少。外觀方面真係100分，中間兩個壽桃係白朱古力整，同真既一樣，不過太真喇，咬都咬唔到，場面尷尬。味道方面非常新鮮，生果多樣化，唔會酸又夠甜，蛋糕係海綿什果，新鮮好味，加埋cream一啲都唔太甜，好開胃，全部人都讚！

買個蛋糕慶祝家人生日。Target買個細蛋糕剛剛好一家人食。因為臨近聖誕所以有聖誕為主題既蛋糕, 賣相唔錯, 紅噹噹感覺幾好意頭, 蛋糕味道係雜果蛋糕都好適合一家大細食。所以最後就揀左呢個節日限定既蛋糕, 盛惠$138。加埋個生日牌同蠟燭就更加有節慶既感覺。雖然蛋糕上既裝飾係紙牌而唔係朱古力, 但個人覺得更合心意, 因為其實大家都唔會食果d朱古力牌, 最後都係會掉。生果方面有芒果同士多啤梨, 蛋糕cream都夠滑。以一間連鎖集團餅店來講都算有水準。

2016年2月22日 (星期一) 4:00pm 麵包店環境乾淨，燈光昏黃，包點擺放齊整，一目了然。 【最佳食法】：1) 當天以常溫享用2) 放進雪櫃，冷藏後則像雪糕3) 焗爐加熱，外脆內軟。 以澳洲忌廉芝士製成，外表金黃，賣相美觀。在買回家之後，放入雪櫃冷藏了一晚，翌日下午茶時段拿出來進食。淡淡的芝士味不夠濃郁，不是流心款式，牛油曲奇撻皮具牛油香味和鬆軟。雪凍後整體感覺一般，還是熱食比較香比較美味。