美心西餅 (屯門站)

营业中

休息中

適逢屋企人生日，咁岩見到美心用指定信用卡買蛋糕有優惠，咪諗住試下呢個……小熊維尼蛋糕，其實買之前都好清楚入面有d咩材料首先外圍係厚厚既芒果慕絲，之後有上下共兩層海綿蛋糕，中間有芒果但非常可惜……芒果既份量極小，整體黎講呢個係一個超級極普通既芒果mousse 蛋糕，而且 mousse 既味道太淡，變相成個蛋糕冇咩味，所以真係幾失望如果主角鍾意個蛋糕造型，的確可以一試，但唔好抱太大期望，雖然唔係難食，但一定唔係味道豐富

由於無人陪食晏，想搵快餐又無，咁就搵到來美心西餅，想食佢嘅撻類，諗住之後有排下就食飽啲，唔想食麵包就梗係揀cake or tart類，今次揀左芝士撻和榛子脆脆撻，睇落名字已經係我favourite, 排隊都排耐左，因無隊形，比人打尖，好彩唔趕時間，等多陣都無所謂。買完行出去橋上食，撻皮唔係好脆，又唔係好實，都唔錯，芝士撻唔夠濃，可以重手啲就正啦！榛子撻都唔錯，如果加啲榛子果仁碎應該仲香仲好食

送完小朋友經過美心，打算買第二朝的早餐，但見到袋裝麵包只係得兩日，在考慮買唔買時，店員話佢哋仲有三文治賣，可以用優惠價配埋豆漿做個套餐。行去西餅櫃一望，果然有三款三文治可選擇，其中的『吞拿魚/白汁粟米蛋三文治』得返最後一份，碰巧今日未食早餐，於是就要左份三文治($13)再加多支美心自家品牌豆漿先收左我$17吞拿魚三文治所用的係白方包，餡雖然係得一舊仔，但因為有一定嘅厚度，所以食落都唔覺得太少餡，反而仲有啲驚喜，平時食開嘅吞拿魚治係會有啲粟米粒，但美心嘅吞拿魚中間夾住啲青瓜，食落更加清新爽口另一邊係麥方包做成嘅白汁粟米蛋三文治·······其實我諗緊個標籤係唔係打錯，明明拎上手的係番茄蛋三文治，完全食／睇唔到有粟米的蹤影，番茄新鮮但蛋沙律略嫌唔夠沙律醬，但都明白，太多醬個方包會濕，所以都叫合格啦~豆漿，豆漿不夠濃，豆漿本身好味，唔會清到好似飲水咗

香港地，宜家D麵包真係好貴WOR，閒閒地一個腸仔包係D大型舖頭買都成$8個，食完仲好似食左陣風落肚，唔飽既XD 我餓餓地就落街買包食啦!今日買左呢個「合桃提子裸麥包」，我一睇就諗咩叫提子裸呢???我見幾搞笑所以就買返試下，點知返到屋企goggle先知原來係「提子」&「裸麥包」，裸麥一般比較以小麥所製成既白麵包深色，都含有更多既膳食纖維，純裸麥麵包又被稱為黑麵包，唔怪得個包黑色架啦!切開一睇，見到好多融融地既合桃，仲有少少提子乾，食起上黎幾有咬感，合桃同提子乾都係有營養既食物，多食無防~至於裸麥包，食落有陣酸酸地既味道，一開始個味我覺得有d似好似發霉味，我仲即刻睇下係咪過左期，後尾食落就慢慢接受到個味，其實都幾得意，酸酸地既麵包估唔到又另有一番味道喎!

以前食美心盒裝芝士都未見有特別標榜地方,轉新包裝後,見有“澳洲”兩字,當然價格亦隨之上升。切開蛋糕,很軟,鬆。但最表層的蛋糕皮好碎散。試一口,蛋糕質地很軟,淡淡芝士味,不太rich,對於 cheese cake迷既我就不足夠。但淡淡既味會吸引到我食多d,而且唔膩,相信這點對很多女士黎講都好重要。不過食唔出牛乳或特別的芝士味,是否有澳洲來源成份就不敢苟同。但建議食時放雪櫃(短時間)蛋糕質地會更佳。

繼續情人節分享：昨天與小兄妹到屯門遊玩，回家前被美心新出的 #Cakefor2 蛋糕吸引了，忍不住帶了一隻回家！新出的 #Cakefor2 取名估計是與大小有關，意拍剛好給兩口子分享吧，不過甜魔媽媽認為一家四口吃會更適合呢；蛋糕有三款口味，分別是#NAUGHTY 綠茶慕絲朱古力脆脆蛋糕、#PURE 士多啤梨忌廉蛋糕，以及#WILD 辣味朱古力慕絲蛋糕，全部劃一價$98，精緻又不貴，最後選了#NAUGHTY帶回家。綠茶慕絲朱古力脆脆蛋糕結合了綠茶的清幽與朱古力的香濃，最妙是中間有好些脆珠在內，更添口感，超好吃稱不上，但味道與層次都幾豐富，一家四口都挺喜歡。以此價位算幾挺食，大家也不妨一試啊！

之前見美心做宣傳:金秋栗子蛋糕 已經完全吸引身為栗子迷嘅我嘅目光, 栗子忌廉,栗子慕絲,栗子茸栗子栗子栗子咁真係引死我, 所以下定決心今年生日鎖定佢為目標!!!! 適逢蛋糕有限定試食價,今次真係天時地利人和齊哂~ 屋企人少少, 所以都係諗著買個MINI蛋糕就夠 (多就唔矜貴嘛~ )體型細細的mini蛋糕盒, 盒面以簡約白色為主調, 附有金色文字 'Hope you enjoy the cake'精美別緻又有種高貴感 金秋栗子蛋糕mini 試食價$88由盒中拉出黎嘅一刻, 心情興奮, 就似新郎於婚禮中揭起新娘面紗一樣,'新娘'外表美麗, 妳今晚就嫁給我的胃了~ 栗子忌廉環形紋理整齊, 籂上丁點糖霜, 有種白色的純潔, 上有一粒潤澤泛光的栗子頂端附帶少量金箔,十分矜貴 到唱生日歌時點上燭光,原來插上蠟燭有種違和感, (因為插不到中心?)不過咁先有生日氣氛嘛 完成新婚夫婦合照儀式後,終於開始起動了,(我真係等左呢一刻好耐喇~) 除掉外層保護膠片, 栗子慕絲黏著膠片,身為栗子迷既我當然唔放過每一口栗子,不顧儀態, 舔乾淨所有慕絲,率先試到栗子慕絲的味道: 甜得入心又甘香

逢到中秋就是各大餅 店出月餅時間，上次分享完恆香,今次來分享美心,今日返到公司，見到上司拎1盒美心月餅出來放在我的枱面上,叫我做完工作之後分給同事享用，我愛吃冰皮多些，難得上司請吃月餅，加上快到中秋，美心月餅雙黃月餅冇咁甜,連容味道又不會太油膩，而家少買傳統月餅，我覺得不及冰皮咁健康，它的甜味亦好甜，我不會去買傳統月餅，這是上司請同事吃,我當然俾面吃下,出奇地又OK,我覺得不會甜到不能吃下去，美心有時不算太差,包裝亦不是太老土,送禮和自用都可以，亦要多謝上司請我吃月餅，它的連容又不會太油膩同甜味過甜，十分適合不愛太甜的人

今日我細佬生日，咁就試下美心西餅新出既3.9澳洲牛奶蛋糕拉。賣相方面，蛋糕上既牛牛圖案插卡好可愛，另外蛋糕表面有乳牛既圖案，好似真係隻乳牛，好得意^_^ 。蛋糕由牛奶奶凍+蛋糕+曲奇餅底組成。味道方面，牛奶奶凍入口即溶，3.9牛乳既奶凍勁有牛奶味，又好滑。牛奶忌廉又唔會太甜，very good 。蛋糕好軟熟，曲奇餅底又好脆，成個蛋糕都好好食，值得一試！！！

小妹鐘意食美心蛋糕，行街見到美心有新產品，3.9澳洲牛奶卷，乳牛既花紋卷蛋吸引左我眼球，立即買返屋企做飯後甜品！唔記得映未切既樣，切開見到忌廉內有牛奶既果凍，外面黑色係竹炭朱古力卷蛋。蛋糕挺實，充滿牛奶味，加上牛奶果凍及忌廉，整體卷蛋好重牛奶味，不錯！👍

囝囝大個了！指明要看《Cinderella》，昨天24孝媽特別去屯門UA訂票，回程時順便在美心買條人氣火紅的3.9澳洲牛奶卷回家吃。由於反應太好，可愛的牛牛蛋糕盒都用完了，只好在店內拍照留念～　卷蛋一帶回家，小兄妹剛好午睡醒來，這條蛋卷正好成為食母子女三人的下午茶啦！首先說明一下，一般全脂牛奶的脂肪含量大約是3.0%，另外低 / 脫脂奶的脂肪含量則約1.5% / 0.5%。無異牛奶越高脂會越滑溜，大家在品嚐全／低／脫脂奶時，相信很易分辨到。脂肪含量去到 3.6% 的北海道3.6牛乳常常為食客所稱道，而這回美心選用脂肪含量高達 3.9% 的3.9澳洲有機牛奶，來製作這款卷蛋，再加上可愛的奶牛花紋，太吸引了吧～　仔細分享味道以先，也看看小兄妹的反應：囝囝爭著要動手切卷蛋，好啦，就讓他如願！不過這隻豬仔，似乎有姿勢、無實際呢！連斬幾刀後，卷蛋還未成功斷開（其實是質感實在比較棉柔密細啦），還是讓甜魔媽媽代勞好了。連同家裡非常嗜甜的工人姐姐，我們一共分了四份，每人都有一份。我不客氣了！牛奶卷上的印花圖案，是竹炭黑朱古力蛋糕，味道香濃不甜，襯上雪白又鬆軟可口的蛋白蛋糕，視覺效果鮮明奪人。而中間就是

試新款式, 這是迷你版, D CREAM好滑, 而側邊的朱古力牆都幾DARK CHOCOLATE FEEL, 中間蛋糕夾著黑森林的料, 而且還有一點的意大利芝士蛋糕的味道, 新嘗試的不過不失之作~~~希望爸爸開心, ALWAYS WIN~^^

大家近日經過美心西餅，可有留意到櫃內一排排可受的公仔頭？原來，人見人愛的Hello Kitty今年已經40歲了，美心西餅也獨家隆重推出 Hello Kitty & Sanrio Characters 系列甜品。繼早前的迪士尼大搜尋公仔頭甜品杯，這批 Hello Kitty & Sanrio Characters 系列甜品也是一推出就大大熱賣。甜魔媽媽也等了兩天，才於剛補貨的屯門西鐵店美心餅店，買到一套四款的別注版甜品杯 ($32)！這一套四款的 別注版甜品杯 ($32@)，分別由 Hello Kitty、 My Melody、Kerokerokeroppi 青蛙仔，及 Pom Pom Purin 布甸狗，化身成顏色鮮艷的生果，賣相可愛、色彩繽紛，十分吸引人眼球，絕對是未食先興奮。 　當日甜魔媽媽拿出來拍照不夠一秒，Hello Kitty 甜品杯就給妹妹的小怪手突擊！之後再擺好陣再拍大合照，以及甜品杯內的內容時，又再度給小手搶攻。只怪甜品杯真太吸引了～　也講講內容，各款甜品杯內藏不同口味，帶給食客不少的驚喜。首先 Hello Kitty 蘋果杯 內是奶凍菠蘿啫喱，面層是質感幼滑、富有奶香

幸福繼續來, 每年親友必定會送盒冰皮月餅給我一家, 讓我們一邊賞月一邊品嚐, 真的很感謝! 今次送上一盒美心脆脆冰皮禮盒, 只愛特色月餅的我, 冰皮也被列入為其中一項, 但都要視乎什麼饀料, 真咀刁!長方形的月餅鐵盒封面以粉色為主, 一個個大小不同的浮水印圓形圖案重疊, 設計簡約純樸。一盒共有8個迷你, 每兩小個同款為一包, 方便攜帶外出賞月時進食。 四款中有天使脆脆、魔鬼脆脆、士多啤梨脆脆和芒果脆脆, 而我今次只試了頭三款, 因芒果脆脆已給老爸吃清, 也不要緊, 反正我並非芒果的愛好者。先說魔鬼脆脆冰皮月餅, 深啡色的餅皮上印有DEVIL, 註明自己是魔鬼。把它切開, 看見有粒粒的朱古力脆米, 吃下去時脆卜卜, 可口甜美, 中間有一層朱古力醬, 並非流心狀, 但質感柔軟, 而朱古力饀香濃而不甜膩, 加上煙韌的外皮, 啖啖滋味! 1/4個魔鬼有45kcal和3.9g糖份, 其實都不算好邪惡, 而且味道不錯。被魔鬼誘惑完, 當然要天使拯救。這個天使脆脆冰皮月餅外皮白雪雪, 口感同樣煙煙韌韌, 上面印有ANGEL, 把它切開同樣有脆口的脆米粒, 饀料為牛奶白朱古力, 中間亦有一層黃色的饀醬

上學途中買了隻朱古力包，包餡是朱古力醬，本應是很好吃的，不過真的只有很少朱古力醬，每啖朱古力都要珍惜，真是謝謝美心幫我減肥我覺得，以朱古力包來說，這個包不夠甜，顯然是因為朱古力醬太少對我這個朱古力迷來說，我是真的有點失望，不過也總叫有一點點朱古力味，好過食齋方包如無記錯一隻是$6.5，我寧願給付些錢要多些朱古力。值得一讚的是這間美心的麵包是每個獨立包裝的，很衛生除了防止被昆蟲看中，亦避免了麵包跌在地上時沾上髒物雖然看似是不環保，但我沒有要膠袋，所以其實一樣這樣的做法更能方便趕時間的顧客不用用托盤和鐵夾夾麵包，而可以隨手拿起一個付錢走人，快得多我家樓下的都應該要這樣啦！放學經過再買了一包四片裝美心高級麥方包，$6，第二日吃還是很軟身，不過正常，因為很多添加劑，個人認為不多麥，亦沒甚麼麥香味，下次不買美心方包了，因為我注意到美心的方包特別肥100g有27x kcal..