美心西餅 (健威坊)

营业中

休息中

試咗開心果麻糬蛋糕嘅材料有開心果忌廉（美國產）、開心果粒（日本產）、綠色蛋白蛋糕碎、白玉麻糬、脆糖、Mascarpone芝士忌廉、白朱古力呢款蛋糕嘅靈魂係濃郁嘅開心果味，令每一口都充滿香氣同層次感。開心果忌廉帶來絲滑口感，配上香脆嘅開心果粒，增添咗唔同嘅口感層次，幾好食

美心西餅有特色的蛋糕供客人訂購，今次訂購的是BB百日慶生蛋糕，雙層的鲜果忌廉蛋糕，蛋糕頂層有一對造型可愛的BB鞋，還可以選擇加💰轉栗子饀和十朱古力脆脆餅底，客人可隨意更改，時令季節栗子蛋糕是極佳配搭，好味😋，推薦👍👍👍

🌰栗子麵包糯米池🌰話說我食完南記已經好飽經過美心諗起呢個包就入去望下點知真係有喎 仲有柚子同士多啤梨味結果我買左個栗子試下先😛可能因為佢入面有糯米池 所以好重手入面除左有栗子蓉仲有栗子粒糯米池煙韌 不過細舊左啲麵包本身甜甜地 而且好實在但我鍾意肉鬆個個好食啲糯米池大舊啲 平$3.5呢個$12.5真係好貴囉😶

早上去美心買個包做早餐， 結賬時見到有呢個香蕉牛油蛋糕賣， 個人好喜歡香蕉味，見佢又幾新鮮咁，就買黎試下一下， 上面仲有好多果仁，香蕉味濃濃的，糕身幾濕潤，牛油味十足，而且不會太過甜，配合果仁一起吃，增加口感，整體上不錯👍

很久沒有寫食評了，近排小熊維尼好像很火熱，很多品牌也和它聯乘，繼時代廣場後，輪到美心，身為維尼的粉絲，自然要支持啦美心這次推出了兩隻味，小豬是牛奶布丁味，而維尼是雞蛋布丁味。外型：無得輸，超可愛係買的主要原因味道：淡淡的雞蛋味，但唔夠滑，而且分量少價錢：$39 偏貴，如果唔係為佐個杯，根本唔會買

之前喺fb見到美心出咗呢隻蜂味蜜糖屋蛋糕，已被其趣緻造型深深吸引，諗住作為父親節禮物。。咁循例都上美心fanpage睇吓啲人comment la..點知幾乎一面倒劣評同家人商量後，膽粗粗的我決定挑戰味蕾都知理想同現實之間有段距離，好彩個look都見得吓人。。蜜蜂仔同蜜糖棒係白朱古力，甜度適中。面嘅啫喱都有蜜糖味。切開之後發現個cake有層厚厚嘅黃色cream喺外圍，內裏就層次分明，同宣傳品嘅解構圖差唔多: 朱古力蛋糕冇咩特別，但值得一提嘅係中間嗰層鮮黃色蛋糕，佢吸收咗上面流心蜂蜜嘅甜味，非常好味 下面嗰層檸蜜啫喱就酸酸甜甜，消除飽滯感。至於底層嘅蘋果蓉就幾清甜足料有咬口，配合埋撻皮餅底一硬一軟都唔錯~可能蜂蜜本身有陣味唔係人人都鍾意啦…但我見屋企人同我自己就幾滿意喇，不妨一試!

今日我係壽星女，不過唔係大攪！唔興全日有節目，反而即興約啲好友做運動兼食飯，食完韓國菜，佢哋話要同我切蛋糕，因為即興，無預先訂定，加上真係好飽，所以目標係細，記得美心有個好細嘅蛋糕，去到有！芒果脆脆，真係大西餅少許，同店員講，即刻幫我們包起再加配埋膠刀蠟燭！返到公司，好簡單咁開個小型生日會！花型蛋糕好靚！一開四，大家分唔會好飽！芒果肉好多，好甜，忌廉滑唔會太多，加上脆脆增加口感！好好味，份量又剛剛好！生活簡單就是美！

HELLO KITTY這個名字我想尤其是女孩子, 應該無人不曉吧. 宅女自問不是吉蒂粉絲, 但也驚嘆這隻無咀貓咪受歡迎程度應該比任何一個卡通人物都要高, 其推出的周邊產品無其不有, 曾看過一個有趣的討論問有什麼產品是HELLO KITTY沒有出過的, 結果由基本如家庭用品至誇張如AK47甚至飛機坦克都有吉蒂的出現, 足以証明HELLO KITTY在全球市場的影響力絕對是數一數二. 而美心西餅近期攪作多多, 繼推出完大粒栗子蛋糕之後, 緊接著便是跟這個吉蒂貓來個CROSSOVER, 推出了幾款非常吸睛的甜品蛋糕, 看來吉蒂粉絲們又要大開荷包了!這次美心西餅共推出了三款不同玩法的HELLO KITTY蛋糕, 分別有摩天輪CUPCAKE套裝, HELLO KITTY RAINBOW蛋糕, 及以一大個KITTY頭造型的白朱古力草莓慕絲蛋糕.全部由11月1日巳開始預訂了!雖然三款都吸引, 但論最有玩味最大堆頭當然是HELLO KITTY 摩天輪CUPCAKE套裝了. 所以這次就來動手做個吉蒂摩天輪玩玩吧!!看看這個用來盛著CUPCAKE的紙盒, 也是特別用上廚師KITTY的模樣, 加上一貫可愛至

今日2-5-2013，用餅卡取餅！見有一款「芒果六重奏」（$25）一杯都幾貴，不過想試，一杯有六層，面有一層新鮮芒果肉，另外有五層係啫喱狀嘅物體，食完有少少失望，因為嗰幾層啫喱比較堅韌，味道亦不出，無乜芒果味，結果好似食五層都無乜分別！食唔出有五種味道，不過員工態度好好，一杯有獨立蓋，再用膠袋袋好，所以好穩陣！

那天，我跟3 位食友一起飯聚，食友 MJQueen 送贈美心蛋卷給大家！ 多謝妳！我則買了 <天仁茗茶> 的茶糖給大家作為小禮！美心雞蛋卷包裝盒由本地品牌住好啲 GOD 設計，型格十足！設計打破一貫沉悶的包裝！打開包裝盒，有4 條蛋卷！淡黃色色澤天然！富蛋香！薄而脆！甜度剛好！ 令我食完一條又一條！

公司同事是個饞嘴一族，每到三點三下午茶時間，總是杯不離手，奶茶一杯再加曲奇小點，而坐在他周邊的同事當然亦會受惠。正所謂禮尚往來，同事之間互相請吃下午茶，當然是平常不過，這天午飯後途經「美心」，發現有款「花蜜蛋糕」 ($38)，女店員還落足嘴頭，力 sale 它是用澳洲塔斯曼尼亞的 manuka 純天然花蜜焗製的，見此蛋糕賣相挺美，就買來和同事分享。原來這蛋糕不單外形美觀，連盛載的紙盒都頗花心思，蜜糖色的紙盒，上面印有無數小蜜蜂，造形活像一個女仕的手挽袋，的骰可愛。打開盒後，竟然連蓋著蛋糕的透明塑膠罩也做出蜂巢形狀，而紙盒入面兩旁再重覆印上蛋糕名字及蜜蜂圖案，彷彿像提醒客人這盒就是美心的 honey cake，真不得不佩服設計者的巧思和洞察力。最後要提的當然是味道喇，這蛋糕入口陣陣清香，充滿著天然的清淡蜜味，而且密度比起一般的蛋糕略高，但咬落口感輕盈蓬鬆又富彈力，絕不過度甜膩，就算把整件蛋糕幹掉了，花蜜的香味仍留在口腔內一陣子，味道是挺新奇的，唯一是略嫌蛋味不足，但整體都算不錯的，值得一試。

吃過難吃到死的東海堂冰燒月, 行過美心, 見到名字好浪漫的「二人世界」孖裝冰皮, 而且有 5 包 賣 $100 的優惠 (原價 $26 - $30 一包), 於是一掃就掃了 5 包回家。這 5 包我選了以下口味:1. 芒果脆脆冰皮是朱古力味的 (少少啦), 餡料是綠豆蓉餡再夾芒果醬, 綠豆餡中還有朱古力脆米, 因為多了脆米, 所以脆脆系列賣得比較貴, 要 $30 兩個。美心的冰皮比東海堂的好得多了, 又薄又柔軟, 雖然綠豆蓉比較平凡, 不過加了脆米, 令當中有卜卜脆的口感, 我覺得那些朱古力脆米的朱古力味比起冰皮更濃啊。只是芒果醬太少了, 所以芒果味不太夠。2. 皇牌芒果以下三款的餡料其實也是綠豆蓉, 只是冰皮和中間的夾心不同而已。這個的夾心跟芒果脆脆是一樣的, 味道好像有些不真實。3. 抹茶甘栗冰皮的抹茶香勉強有一點點, 反而夾心我期望著是栗子蓉, 出來反而是栗子碎粒, 而且栗子的分量相當少, 味道不彰, 都給甜甜的綠豆餡蓋過了。4. 黑芝麻娃娃雙重的黑芝麻的口味, 包括黑芝麻的冰皮和夾心, 可是黑芝麻的香味不足, 始終芝麻凍食的話風味是差一皮的。最喜愛的, 是包裝的紫藍色。4. 滑

生日同事為我特別準備了魔鬼蛋糕，因為我太愛吃朱古力。魔鬼蛋糕食得多都幾漏，都真的幾甜，但我好鍾意灑上面的朱古力脆脆，好好味，又有咬口。魔鬼蛋糕總算試過了，最終定論，我還是比較喜歡芒果脆脆

同事仔生日，早前佢透露過想試下美心既魔鬼蛋糕，所以我地一早就訂左嚟幫佢慶祝。之前食過天使蛋糕，感覺都係好天使，成個白色，好純潔及清新，不過配既脆脆就好甜，唔落好過。今次這個魔鬼蛋糕，配的不是天使既脆脆，而係很香很鬆脆的朱古力脆脆，未放上個蛋糕度，已經俾我食左好多。魔鬼其實係朱古力，質感同天使差不多，都係好香好鬆軟，一入口就即溶，好味。個包裝亦好得，好鬼靚!!!!不過，如果魔鬼與天使大比拼，我會揀天使，因為好鍾意creamy的味道，好滑好香。下次梅花間竹，食番一次天使先。

小伙子生日，早上去到這餅店，想訂個近期人氣急升的天使蛋糕給他，聽聞除了有天使蛋糕，也有魔鬼蛋糕，一白一黑，但今早窗廚內祇見天使蛋糕，不見魔鬼蛋糕，可能魔鬼晚上才出現，就訂個天使蛋糕吧！到了取蛋糕那天晚上，果然見到魔鬼蛋糕，難道真的在晚上才出現？天使蛋糕是純白色，中間有個洞，每個蛋糕附上一盒焦糖脆脆，用作裝飾之用，蛋糕非常鬆軟，吃時像吃一陣風，中間有咖啡味忌廉夾心，淡淡的咖啡味沒有影響白色的軟滑忌廉，焦糖脆脆的焦糖香味令蛋糕不至那麼單調，整個蛋糕都是好吃的。希望小伙子喜歡。我也希望他將來不做成天使，也不要做魔鬼。