美心西餅 (已結業)

下星期就母親節，根據我地屋企傳統會分批食飯，自然唔少得食幾次蛋糕一早留意到美心有早鳥優惠，5月8號前預訂有85折，就揀左呢款蛋糕「荔枝玫瑰士多啤梨忌廉蛋」，賣相吸引，用嚟影相好得1.3磅蛋糕折實價＄193.8，已經夠哂一家6口食啦！面層有靚靚忌廉唧花，雖然食落唔太膩，但實在太多太厚啦，最後都易唔住開夾層加入士多啤梨荔枝玫瑰果醬同啫喱， 酸酸甜甜，口感好特別，又增加左層次感整體嚟講個蛋糕都幾好味架！

放工經過美心西餅見到3.9牛乳瑞士卷，個樣成隻乳牛咁，黑黑白白色，一心諗住未試過，就買個返去食啦，夜媽媽夜闌人靜， 肚仔有啲餓喎， 就攞條瑞士卷出嚟食， 食落口淡淡牛乳香，食落個感覺好似飲緊北海道某牌子牛奶咁，又香又滑，最得人鍾意嘅地方，佢唔算太甜味道啱啱好， 蛋糕鬆軟唔黐牙， 完全冇發粉嘅味道，感覺同自家製出品一模一樣， 估唔到大集團而家嘅質素都咁好， 難怪小店生存嘅機會越嚟越低。

朋友生日,要買蛋糕慶祝.在9月份蜜瓜都應該不是當造,但因為通常吃飽再吃個生日蛋糕就太多了..為免浪費,蛋糕都是禮儀上切下,開心下呢.所以我買了個迷你的,水果蛋糕,那不太膩..水果都可吃到.我們10個人,每人吃一小份都已非常滿足,蛋糕上有哈蜜瓜及蜜瓜,賣相沒那單調又能帶出蜜瓜主題吧.蛋糕被白雪雪的CREAM包圍著,內層是一層CREAM一層蜜瓜味海綿蛋糕,再一層CREAM,總共有3層CREAM,2層蜜瓜味海綿蛋糕,重點是不太膩,非常鮮甜的蜜瓜,意想不到的!