美心皇宮 (已搬遷) 新店位置

星期五晚同老公仔入咗沙田,心血來潮想到酒樓食晚飯,就上咗去美心皇宫,由於當晚有宴會進行,被安排坐係收銀處對出走廊位置,不過勝在地方闊落,無所謂啦!見到有推介健康食品,鮮蟹肉榆耳銀絲羮,雖然要$128,但見吸引,所以叫咗個嚟食,再加碟蒜蓉炒白菜$58.不知為什麼,這兩個餸足足等了三十分鐘才上檯,隔嚟啲檯遲過我地叫都幾乎嚟齊晒啲餸,唔知係咪我地個羮太刁鑽.不過個羮又真係好好食,蟹肉真的很鮮,量亦很多,兩個人每人都飲到三碗,味道亦調得剛剛好,用嚟撈飯一流.至於碟蒜蓉白菜仔,很大碟,菜亦很新鮮,炒得有鑊氣,幾好食.估不到兩樣餸加白飯,已食到很飽,值得一提,碟前菜花生,價值$11.

老豆生日所以一次半次無所謂..埋單22x$ 食左 紫菜蟹肉卷 (炸野係得呢個睇得上眼)叉燒腸 -亦唔錯,皮薄同肉相隔恰到好處北姑雞飯-唔得了30$盅..仲要做到同7仔d龍x叮飯無分別..潮州粉果-皮薄係唔錯..但花生太多牛肉-O哂咀..竟然大點..但質素仲差過某10蚊唔駛既酒樓蒜茸鮮尤-又係O咀.大點..仲要佢特別唔同...但唔知點形容..又係比唔起平D酒樓既質素節瓜釀唔知乜野..平平無奇..上次午茶..今日就下午茶..平均平10蚊..真係幫襯下午茶好過..不過見唔到有紫菜卷今次叫左唔同之前既有..帶子腸..無乜特別..牛柏葉..大同小異..敉鳳爪,咖哩魚蛋尤魚..全無真係食唔出身價囉..西米布甸中間有蓮容..但都唔會特別覺惹味..

六個人近下午兩點去飲茶，卻只安排坐於一張中央的窄枱。因隨身有五六袋戰利品，又見周圍有甚多大枱空著，欲要求知客轉換卻不得要領，坐得認真唔自在。(一直到我們走時仍有枱全程空著…)有數架點心車不停推著，看牌不少點心是一樣，較為熱門的卻欠奉。到埋單才知價錢相對並不便宜，甚麽蘿蔔牛什、蝦餃、白灼牛柏葉等等全部要三十多元，好食也無所謂，可惜只是非常一般，最弊係唔夠熱，包括唔多滑的义燒腸粉。侍應的服務則唔錯，手腳快。我們加單，她提醒不如遲幾分鐘才入單，因為下午茶時段同樣食物會平一些。不過附近咁多選擇，相信下次唔會再到此店了。

一行七個男的來到了美心皇宮，求的只是飽肚。適逢匯豐卡有優惠，當然要大魚大肉。我們便跟侍應說︰「除了那兩個羹，每樣要一個！」(侍應呆了一呆) 她很有禮貌的提醒我有否隨身攜帶匯豐卡，嚇得我連忙檢查檢查。點了八款小菜︰雲南醬脆燒雞（半隻）茶皇燻太爺雞（半隻）玉葉魚湯黃金蝦丸鮮蟹肉桂花魚肚蒜香蝦球銀絲煲黑松茸露菌醬炒帶子露筍串竹笙上素西施白玉蒸海魚同學說茶燻雞沒有味道，但我覺得茶的味道挺香，不錯。玉葉魚湯黃金蝦丸的湯很鮮甜，蝦丸很爽很彈牙。而蒜香蝦球銀絲煲的蝦球亦是很甜很爽很彈牙。露筍串竹笙上素的菇比較多，而竹笙只有四件，味道還可以。而這次的蒸魚，火喉剛剛好，不錯。(但我感覺味精頗重)一輪亂風掃落葉，小菜全給我們消滅了。 有點意猶未盡，每人點了一個甜品。(匯豐卡$20兩個)我吃了金箔椰汁糕和龍珠籽杞子糕。金箔對我來說不是賣點，我只看重椰汁糕。椰味很香不錯，而杞子糕則稍甜。很滿足！^^

9/3/2008來到美心皇宮，一行八人。匯豐信用卡有特價優惠，所以點了一個套餐、兩個買一送一小菜和兩個買一送一甜品。$498 四位套餐鮑魚竹笙雞絲羹金元貝海味一品煲青蔬白玉蒸海斑雲南醬脆燒雞（半隻）咕嚕蝦脆生麵這五款東西都很不錯，唯獨是蒸海斑比較遜色。魚的肉質比較「鞋」，好像有點過火。旁邊有點豆腐，但一點味道也沒有。感覺最好的是一品煲，那冬菇燜得很「林」，味道很好。$128 一送一小菜鮮蟹肉桂花魚肚黑松茸露菌醬炒帶子這兩道菜感覺不太特別，味道可以。那炒帶子份量特別少。$20 一送一甜品龍珠籽杞子糕黑白奶皇煎堆仔我只有試杞子糕，幾香，但也幾甜。八百元找數，不錯不錯。

以前屋企附近有美心，搬左之後就N年無去過美心飲茶，今日同女友去開沙田，又諗唔到食乜，就不如飲茶，結果揀左呢度。2點左右，都幾多人等位，但就好快到我地，一坐底己經出點心車拎野食，好耐無試過有點心車啦，宜家無論屋企附近或者出去食都係用點心紙，突然有細個既FEELING。兩個人食左饅頭、叉腸、鳳爪排骨飯、叉燒包、油菜等等，竟然估唔到個饅頭幾好食，真係咬落好鬆軟；叉腸又夠滑、多叉燒，鳳爪排骨飯亦在水準，估唔到食D咁普通既野都有驚喜。服務中規中矩，環境夠闊落同光猛。

年二十八中午,帶住師父仔等開工,諗住請佢飲餐茶,點知一去到,人山人海,足足等左個半鐘。不過美心係幾好服務,有女侍不停提供果汁同熱茶,最後問我地坐係大堂門口有無意見?當然無問題啦!攔住點心車,叫左帶子腸粉,鼓汁鳳瓜,尤嫌唔夠入味!柚皮,夠晒腍!綿花雞,不過同魚肚double左,珍珠雞(方形),幾個癮。魚肚等等,還有幾個記不起,保持水準,服務又好!總數$240.

9人來這裡晚飯慶祝生日吃了8款小菜+壽包+蛋糕1. 籠仔糯米蒸鱈魚球($88)- 正確一點應是鱈魚塊,幾滑不過冇乜鱈魚味- 糯米飯幾香- 7分2. 四川海鮮豆腐煲($78)- 幾多配料,有蝦帶子青椒炸豆腐- 說是四川風味不過一點也不辣的- 7分3. 京城醬烤骨($80)- 京城醬紅得像人工染色一樣,恐怖- 排骨烹煮過度,骨肉分離- 4分4. XO醬彩芹炒雙蚌片($88)- 幾惹味- 7.5分5. 欖菜肉碎四季豆($68)- 雖然入味不過太油膩了- 6分6. 沙爹金菰肥牛煲($68)- 粉絲索晒D沙爹汁,好味!- 肥牛不太UN,OK-8分7. 金菰扒翠綠柳($60) - 諗住叫D菜清下腸胃,點知都係一PAT油一PAT生粉撈埋- 翠綠柳應該是翠玉瓜切絲- 5分8. 豉油雞半隻($90)- 味道可以,雞肉尚算嫩滑- 8分9. 壽包一打($35)- 夠熱,也不會太甜- 8分同一般廣東菜館冇乜分別烹調宗旨也是多油多調味份量可以,不過如果冇左壽包同生日蛋糕就不太夠食服務好,上菜快美心集團中還是喜歡從前的淮揚飯店和北京樓下次試下八月花先

ai.... 講起lee間野就真係火都黎埋......我同男朋友打算明年結婚, 想搵間價錢ok既酒樓擺酒...見美心既package $4xxx (近5000)一圍,都ok la, 又格過下價la, gum咪諗住上去問清楚d details就落訂ga la, 點知個sales manager 好似趕客gum, 我地只不過想坐下來想清楚, 但佢竟然話: "你地坐到天光也沒有用的, 都冇結果ga la, 不如回家吧." 我懷疑自己一係個腦short左or 對耳塞左, 邊有人gum做生意ga, 我地雖然唔係訂得多, 亦唔係訂得少, 都有廿圍多d...gum 都有既....問佢可唔可以間一個角落做麻雀房, 佢話唔得, 問清楚個package有乜野送, 佢話: "自己睇la, 寫晒係度, 送咩ar? 送瓜子lor"(我心諗你不如話送花生同kiu頭)我地都好好脾氣ga la, gum都仲坐係度再問佢菜單d野la, 佢話張菜單係for今年only, gum 我地問下年張菜單幾時有, 佢話下年2,3月(我心諗下年1,2月結婚既人幾時先知個菜單呢?)gum既服務態度, 我同我男朋友都認為不可接受. 須知

The environment is ok while the food just tastes ordinary.

環境好, 好有空間感,坐魚池那邊可以望住空中花園食飯, 火樹銀花, 靚! 小菜很好吃,海鮮冬瓜羹好喝。好憎d新潮餐廳迫迫夾夾既感覺,我只係想食餐安樂茶飯。美心衰在貴,請考慮d野大碟d呀! 如果日日可以係美心開飯就好啦!

8:30後有消夜特價很底食,食品質素吾錯,3個人都係二佰鬆的,唯一最差的是陳村咕嚕肉衰過大排檔.軟淋淋褭頭少少暖肯定無走油,直接撈汁,美心居然有呢啲廚師,留響度累稔死人,難怪要賤價推銷,樓面招呼幾好.証明平日都有tranning好過對面金都

琴晚同屋企人(3個)去美心食晚飯，選菜時已發覺選擇好少，得一份Menu可以睇，小菜得果2頁，D野好貴(好似冬瓜盅賣成$140)，但貴得黎唔好食先係問題~我地叫左一個涼瓜滑雞煲，涼瓜仲算OK,但D雞真係非常之差，梅到離曬譜，梅到我亞媽食左第一個仲以為係魚塊黎，因為D質感梅到好唔似雞。D雞除左梅之外，又件件都冇肉食。有一半係雞腳上面D位置(即平時食鳳爪上面一大舊骨，有D筋，有少少肉果個位置)，冇件係似樣既~一個細細個既涼瓜梅雞骨煲，成六七十蚊，真係...我地仲叫左一碟炒菜，份量小得可憐，又係60幾蚊碟，唉！我諗我地食過都唔會再番轉頭！令人太失望了！公眾假期+開響人流禁大既新城市廣場，晚上7-8點都只係坐滿一半，睇黎大家都知架野咩事~一句講曬：新城市美心皇宮：「大集團、高收費、低質素」

禮拜表哥由外國返黎, 特登帶佢食中菜. 見沙田果間都算近於是去幫襯. 點知食落發覺中左招.商場間間舖爆滿要等位, 點知去到美心皇宮居然即去即有位. 點菜果陣, 想將個話梅蝦球改做蒜蓉蝦球, 個部長係咁推介個話梅蝦球好味, 唔多想改. 講左一陣佢先肯落單. 隔左兩個字佢突然返黎同我地講, 幫我地改左個蒜蓉蝦球做蒜蓉蝦仁... 蝦仁同蝦球差咁遠, 佢問都唔問就自己幫我地改左, 我地當然唔肯要佢改番做蝦球.上齊菜之後好耐都未上飯, 問左d侍應幾次都未上. 等左好耐d飯終於送黎, 個侍應話俾我知d飯剛剛煮好, 所以要咁耐. 我拎起d飯睇, 煙都冇乜.. 咁既大話都敢講, 我服左佢.雖然d食物尚算OK, 但係呢d咁差既服務態度我真係好唔滿意.免得過我唔會再幫襯.

好耐都冇去過美心,見行開新城市廣場,就試下...見到明明有好多空位,但又唔放人入,擺明就扮多人,制造人潮...珍珠雞--沒有翠園那些好吃煎鑲茄子--茄子頗淋,中間的蝦肉超一般,全冇蝦味家鄉炒米粉(頂點)--叫左先知係頂點,好貴>< ,d米粉橙橙地色,炒得唔夠乾身,感覺像是炆米,面頭有蝦同蛋絲埋單$102.3食完差不多12:50, 人龍俾食之前多起碼三倍!!!!誇張!!