美好快餐店 (已搬遷) 新店位置

我覺得第一城內味道ok的餐廳很少，除開那幾間連鎖快餐廳，美好餐廳都算平易近人，不想煮飯就會黎呢度食。下午茶餐食過幾次，公司三文治認真抵，三十幾蚊有四塊，仲跟埋薯條同野飲。方包烘得好乾，鬆脆得來但好熱氣。內餡畀到足，蕃茄火腿蛋，一樣都不少，味道雖然不及翠華，但已經好實惠。以前住荃灣個陣好鐘意食叉燒煎蛋飯。美好做得都ok，流心蛋撈飯一流，菜都幾多條下，都算健康搭配。我最常叫的茶餐不外乎炒米炒河炒飯。星洲炒米都幾正啵，米粉炒得够乾身，唔會好油，咖哩有少少辣，又香又開胃，有俾唔少火腿同蝦仁。我去親美好永遠叫薏米水，祛到濕又甜甜地。街坊價街坊味，還是不錯的。

食飯時間多人見美好快餐未食過又有位就黎試下點左個菜肉雲吞順德魚腐米線31蚊 都幾平米線夠滑不過唔夠大碗 份量較少湯底應該冇乜點落味精 不過淡而無味好彩有落蔥調味我鐘意佢加幾條白菜都幾健康魚腐值得一讚軟林入味得黎又唔腥菜肉雲吞皮薄餡多雖然皮比較易爛開不過熱辣辣 而且頗有鮮味

叫左一個豆腐班腩小菜餐 $57 ，收銀阿姐 (Helen) 問我飲咩， 我話要中國茶後尾睇到可加錢 $3要熱飲， 我同阿姐講我要熱檸茶，點知佢收我total $69佢當檸茶係散叫，收我$12我要求佢更正檸茶跟餐 唔係散叫， 佢唔肯！佢話係我自己無問清楚，係我的問題，唔關佢事，唔肯改單！我話作為收銀你都有責任解釋俾客人聽。跟住佢唔理我 當我透明佢隔離同事話你自己去搵老闆law 我地唔會理！！！繼續當我透明！$12 事小，重點係佢地態度惡劣!做街坊生意 用依一種態度只會趕客！成件事好明顯係 收銀落錯單要自己賠 所以佢地好團結咁要個客自己食左佢！p.s. 野食ok, 白飯好硬

上午去威爾斯醫院，午餐就有機會去遠一遠享受，但像這一日，下午到醫院威爾斯醫院，而且是由灣仔出發前往，食午飯的地點，就限了在醫院周邊的屋苑，而這一天，我由中環搭上了 88R，而該巴士只有一個目的地，那就是沙田第一城，於是，我就只好在第一城商場內，搵野食。找來找去，都是一些連鎖食店及一些令人看不上眼的店 (看得上眼的早已食過)，我環繞整個商場兩周之後，最後決定來這一家充滿了伯伯同學生的地方，名字叫《美好快餐》。這《美好快餐》，應該是小生活區內的一間老字號，感覺較新的門面大概是因為置富接管商場之後一起大翻新吧。入內，感覺新，但依然是老牌港式快餐店的格局。固定位，先購票後自取，一杯杯的汽水，是許多人的學生午餐回憶。不過，我們已不再是學生，就算穿上校服都冇人信，所以，我呢一個阿叔並不能享用令人懷念的學生餐，只好叫一個柱侯牛腩飯，貪佢有汁。對，這是一個充滿汁同水的柱侯牛腩，味道算是不錯，牛腩也夠腍，單是味道同肉的質感可以說是不錯。但，整體上有兩個敗筆，一個係汁太多太水，二就是牛腩太碎。這一試，我只可以說是普通，簡單快餐，的確是學生哥味道，說真，一點也不出色。

街坊快餐店，我都幾喜歡去，今次來到第一城這小店，都喜歡這店的食品，我本人很喜愛吃牛，今早就點了這份早餐 、 $31包括牛扒火腿，沙爹牛肉麵，熱奶茶，好豐富，牛扒加详葱计，真一流，吾乾好juicy,麵是爽口蛋麵，沙爹牛肉夠諗身，濃汁好香花生香味，值得一讚，奶茶香濃有茶味，比美一些大排擋。

training 完會同隊友黎食個飯補補既，今次試左餃子魚腐米線。 冇加野飲，一共31蚊，幾扺! 呢碗都幾大碗，米練有好多下，魚腐有少少咸，但好香口，口感都幾魚肉feel。 餃子都好香，夠滑，夠實既料，好有口感，味道適中。

下午茶時間經過第一城，但個到又周圍都係連鎖快餐，食到厭， 所以最後簡左呢間。呢間價錢一般般，我叫左個牛腩麵，加埋一杯紅豆冰，就33蚊。個麵ge麵質同平時喺茶記食開個d差唔多，比較普通。至於d 牛腩，就比較細舊，而且有幾舊食落去偏硬同唔夠肥，整體質素都係一般。另外，我飲紅豆冰，但佢比左支細吸管我，搞到成日條吸管會比d紅豆塞住，不過杯紅豆冰就幾好飲ge

宜家大部分既商場都比大型連鎖食肆攏斷，不過呢間美好就可以係大字頭既快餐點之中生存，因為佢以合理既價錢，比到好味既食物味道方面唔錯，多士啊奶茶啊都有茶餐既味道，西多入面有好多花生醬，好味，薯條亦都炸得啱啱好，脆得黎又唔會太乾值得一試

果次享道食野，聽到個阿姐贊自己餐廳嘅粥好食，而且留意到佢就係食緊佢贊嘅粥。其實佢地并唔系黃婆賣瓜，鄙人亦確實覺得呢道D粥，我食過嘅計入到三甲之列。以前D即炸油炸鬼都好好食，可惜裝修過後就唔賣喇。湯米粉和炒飯我都食好多，食落肚有自家私房菜之感，唔會太重味精。至於碟頭飯就麻麻地咯。

今日來到第一城已經係食tea的時間，咁就去快餐店吧！炸脾沙律配凍啡，炸脾佢係即炸所以要等叫冧把。炸脾size唔算大，不過炸得好好咁，雞皮炸到好脆，切開見到d肉就嫩仲有肉汁，雞皮不會醃到好咸，好食。沙律係雜菜加雜果，好味，如果可以多少少更好。凍啡佢中規中矩，合格！

平時食完早餐經過呢度, 都坐到滿滿, 所以如果想嚟呢度食, 一定要早過人, 今次我地早咗起身, 差不多八點半嚟到, 仲有大把位, 但到我地食完走時, 已經坐到八八九九了...........價錢比同一商場內的茶餐廳平, 份量亦大些, 所以可能係呢個原因, 吸引咁多人嚟食, 尤其是男士們.........  沙爹牛米餸同粉的份量都好大, 但牛肉太多筋, 洋蔥份量都唔少.............  火腿、餐肉、炒蛋呢度冇配牛油方包, 但有三拼, 火腿竟然有煎, 餐肉亦比想像中厚, 不過個味好假, 一d都唔似午餐肉, 炒蛋都好大隻  薏米水估唔到早餐都有薏米水選擇, 仲要d薏米係多到有差不多半杯, 真係食薏米都食飽, 味亦唔會太甜, ok

今日去左幾個地方，終於可以食野，午飯冇時間食，所以不如要個下午茶炒粉面餐，$33。我叫左干炒牛河凍啡，佢係買左拎飛等叫no，因為係即炒。到我了，見到都流口水熱辣辣，味道不會過咸，油不算多，有好多牛肉片丶蔥和芽菜，炒得好香，好好味，配埋辣醬，正，因為佢隻辣醬都好味。凍啡算夠味唔會好水果種，合格。題外話，佢果度雖然係向商場內，但有蒼蠅咯

這裡的早餐份量是頗大的，比起連鎖式的大很多，不過這次要喊面了。要了一個沙爹牛肉通粉加雞扒煎蛋和凍檸茶。沙爹牛通的份量大，牛也不太化學，通粉也不會過淋，而沙爹汁也是一般水平，可以收貨的。不過出事的是雞扒。吃完了粉再吃雞扒時，一切開，完全不對勁。雞扒仍然是紅色的，而這種紅是未熟透的顏色。結果因為夠飽而沒有退貨，不過喊面就少不免了。不是多人的時間也控制不了生熟是不可接受的。

快餐第一城也有不少，五寶飯除了兩“大”外就只有這裡了.這個四寶飯有不少碼的。有燒肉，鹵水雞脾，紅腸，鹵水墨魚和咸蛋。燒肉是不錯的，皮脆肉也算嫩。鹵水雞脾當然是雪藏貨，墨魚不韌，紅腸也OK。差不多的價錢，比兩大好點點。連一杯凍飲，$39，比起剛回港時，美心的四寶飯連凍飲$26, 通脹真的驚人。對於附近的上班族，這裡買外賣是不錯的選擇。

對面大活裝修, 去大樂途中就入左黎.格局有點80 年代的味道, 不過新型屋苑好似都無乜唔係俾大集團霸哂位.入正題, 過左午飯時間, 閒日時間, 唔係等位唔使迫叫左奶醬多+檸蜜 $16 以及 時菜肉片河 $30奶醬多到漏, 唔會話唔夠, 不過唔係厚底, 咬口差少少時菜肉片都幾夠份量, 但係生粉"獻"太厚, 炒河太多油, 如果改進應該對食客同東主都有利