影片
以上资料只供参考，请与餐厅确认详情
2025/05/13，约16:40，投诉于置富第一城商场 109至110号铺美好餐厅用餐食沙爹牛肉米时, 发现汤里有1只完整甲由由,当时我即时拍照及把有问题的食品给店舖里面嘅职员途投诉, 最后店舖职员只将作退款及2句道歉。离开餐厅后亦都即时感到头晕及有作呕,故此我要将事件投诉给1823及卫生署。证据图片会在附件程上
继续阅读
今日嚟到第一城，见到有间港式茶餐厅，就试吓。餐厅主要做港式餐饮，都有少少越南嘢。餐厅系快餐形式。柜台落单后，会有票俾客人去取餐区等攞餐。座位都系自由坐嘅。餐厅环境干净企理，都算唔错。我今次叫咗个港式常餐。餐肠面（转通粉）配火腿奄列、牛油方包，热奶茶 $47味道唔错，份量都大，性价比高👍🏻服务方面，因为系快餐，都冇咩服务。店员都系正正常常咁，态度唔系特别好又唔系好差。
继续阅读
以食过嘅茶餐厅嚟讲，美好嘅下午茶确系抵食！尤其系啲拼盘餐样样有啲，食完会有种满足感☺️鸡中翼拼盘餐配埋餐饮$40😱😱————————————————————————🐔2件炸鸡中翼+1咖哩角+1件春卷炸嘢系热辣辣上又够脆🧇半份西多西多有花生酱夹心，食落仲有微微蛋香🍟薯条/🥗沙律沙律份量合理，味道正正常常————————————————————————如果觉得唔够饱，仲可以加多$12再配碗🍅🥔🐷蕃茄薯仔肉碎通~个汤底有屋企煲嘅汤嘅感觉，有落足蕃茄同薯仔。虽然饮得出有落茄膏，但份量适宜，比起一般茶餐厅嘅蕃茄汤优胜👍🏼
继续阅读
前2日收工去买外卖，等左20分钟。攞到个外卖反屋企，发现俾错左。等个20分钟见到个厨房挂住同女同事吹水，好明显就系挂住倾计搞到俾错野。搞到要攞个外卖落去换，搞左40分钟先有得食
继续阅读
要买 "飞仔" 再自己出去取食物的非连锁快餐店，已经少之又少。可能在工厂区既旧式饭堂会比较容易找到，但在住宅区、商业区，真系难得一见。然而，在历史似是悠久但看起仔又唔系好久既沙田第一城，有一间名字叫《美好》的食店。就是保留这类先购票，后自取的食店。是一间介乎茶餐厅同快餐店之间的港式食店。两次在第一城办好事，我都专程来，快快趣食个快餐店式既茶餐厅午餐。这一间《美好》，是好典型的一家旧式快餐店。印象中，我细细个已经有帮衬了，印象是俾完钱之后等嗌咪的。不过，时代进步了，今时今日，我地睇电脑屏同埋听广播。一见到自己张飞既冧把、或一听到自己张飞冧把既广播，就可以出去攞野食啦。第一天来，我要了一份干炒鸡扒意粉。虽然是快餐，但也能做到茶餐厅式的即叫即炒，这就是旧式买 "飞仔" 既港式快餐店才有的好出品。味道本身已经足够，加点辣酱去食，是十分惹味的。而且，这是一份肉多多的炒意粉，是学生哥的浪漫。隔了一段日子，我又出现系第一城了，想快快谷坐低食个 lunch。我又想起《美好》。这一次，我选择同样是学生哥的浪漫食品之一，葱油鸡扒蛋饭。脆皮的鸡扒，甜甜的酱油，再加上香口的煎蛋同更香口的葱油。是一个既美味又邪恶的一份午餐是香港式餐饮的精神所在。两次来，我都选择热奶茶。这儿的奶茶，算是普普通通。感觉虽然是良好，但没有出众的感觉。当一杯惯例的跟餐奶茶，不过不失而已。能保留到传统特色，也保持到好味道。我不得不说，我喜欢这样的《美好》餐厅。每次用完餐，都感觉到有《美好》的一天。
继续阅读