影片
招牌菜
今日同朋友去踩单车，由大埔踩到大围，还完单车，想话去食返d辣野刺激下。大围美食咁多，食辣我一谂就谂起鸡煲，不过朋友话附近有间烤鱼好出色，仲话一食就会上瘾，好难唔试试佢。入到餐厅，环境就差少少，d位比较窄，不过食物质素先最重要嘅。我地叫左个全条烤𫠐鱼，辣度方面佢有大、中、小同BB辣，我地都算食得辣，叫左个中辣。个鱼黎到，紧系即刻饮啖汤先啦，酸味好够，辣味就差d，本身谂住都唔系辣㖞个汤，老板娘之后补句，愈滚就愈辣，你一阵就知。𫠐鱼鱼肉好滑身，好新鲜，而且无乜骨，岩晒我呢d懒人。汤底配料亦好足，莲藕、萝卜、芽菜、豆卜等等，配料再加亦唔贵，之后我地仲叫左碟牛肉，不过真系愈食愈辣，但又好过瘾，相都忘记左影。呢间小店，位置有少少偏，不过距离大围站不远，有机会会再去食。
继续阅读