美味廚

营业中

休息中

今日同朋友約左美味廚打邊爐, 之前都有聽過人講哩間打邊爐ok, 所以都冇意見.黎到就有碟生姜皮蛋, 我好鍾意食皮蛋, 所以都唔介意佢charge之後揀左蜆肉同沙嗲湯底, 佢既湯底最平$90 最貴好似150. 咩tirumisu 湯底我就冇乜興趣試啦.原本諗住叫和牛, 不過$3xx 得4片, 唔夠分喎, 所以叫返普通牛, 都係3xx 不過一大碟.之後我地都係叫返平時打邊爐o個d 菜, 生根, 蟹柳, 芝士腸, 粟米, 等等.特別d 既好似蝦丸同墨魚滑好彈牙都好好味, 特別係個墨魚滑, 仲有一粒粒墨魚粒, 不過一份丸都要成$150另外d 餃都幾得意, 我諗d 咸係佢地自創, 不過有d 我就覺得唔係好match.埋單每人over $400, 不過我就覺得以哩個水準唔係好值, 而且我地亦都唔係叫好多特別野, 好多都係現成買返黎都收咁貴.

陪女朋友OT到8點幾😂突然唸起灣仔美味廚有宵夜優惠，由上環出發👫9點3到，去到侍應提示話宵夜優惠9點半開始，以入座計，咁就係門口餓等15分鐘😬9點半準時入座，侍應好有效率一坐底就有勁溏心嘅皮蛋食👉👅正，跟住即刻點咗個沙爹拼牛尾，超好味價錢仲係半價tim，另外牛肉買一送一，勁勁著數😆又點咗一份蒙古羊肉，好吃，佢仲係有少少口咁，唔會好多肥油一入口溶嗰D，我鐘意👍👍另外一定唔少得佢哋D餃，我叫咗份黑松露和牛餃同埋波菜墨魚丸，超👍超👍超👍好味，另外一份響令👈有水準因為熱的😄😄及什菇拼盤、至愛的波菜👈又要讚👍👍👍真係好新鮮！！1小時KO晒😥超滿足😴😴

我哋所有人下次都唔會再去!雖然嘢食都ok, 但係服務態度勁差呀.訂枱果陣時, 本來我哋係訂9點鐘，佢哋又話9點半後入座計會有優惠, 咁咪等到9點半先食囉...我哋last order果陣時係11點, 啲侍應佢哋又唔同我哋講幾點收工喎，等我哋仲繼續order嘢食,到咗11點30幾分, 入嚟我哋間房話: 佢竟然叫我哋, 仲話所有人等緊我哋收工!!!其中一個仲話:咁我就叫佢而家上埋生果甜品啦，佢話個廚收咗工喇嘩!!! 請問呢啲係咩嘢服務態度呀???點可以喺半個鐘淥熟晒啲嘢食呀???11點last order 11點半要人走，會唔會過份咗呢??? 係咪啲嘢食唔熟都放入口食先???我哋仲有嘢飲架, 仲要飲埋啲啤酒同汽水, 點食呀!!!我哋真係唔係特登磨爛蓆唔走, 根本佢哋應該要提早last order時間啦!無理由last order係11點, 然後踏正11點半就立即趕人走!!!如果last order叫咗好多嘢食, 根本係冇可能食得完就即刻要人走, 有邊間食肆夠鐘收鋪就即刻趕人走架!最嬲係侍應叫我哋咁先衰吖嘛...講緊我哋係食咗4千幾蚊喎......仲要俾埋$800 tips!!!!真係好嬲呀

因著外國同事的到訪，專誠帶她吃火鍋，感受一下香港的獨特之處：夏天吃火鍋。在眾多的食物當中，有四款是特別喜歡的。芝心丸：肉質很好，夠彈牙，肉味佳。而溶化了的芝士更是一絶。豬頸肉：很易入口，很爽甜。黑松露豬肉餃：很矜貴，松露味十分之香，很令人回味。鮑魚：夠新鮮，無話可說，就是鮮甜。熱葷之外，也有兩款特別美味的甜品。這個芒果椰子雪條最特別的地方是鮮製的，日日清。因此有吃得出的鮮甜，是其它濫製的雪條不能比擬的。在火鍋店內能夠吃到雪條已是新奇，這裏更有趣的是有芝士蛋糕，而這芝士蛋糕也絶不求奇，甜度剛好，軟軟的上層與脆底配合的很好。是這一餐很好的收結。

公司阿頭請食飯, 當然唔可以求其搵個地方啦有識食同事介紹美味廚. 其實之前食過, 不過好多年前啦.今次巴閉呀, 包左間房, 有專人服侍. 點菜時都有專人幫忙介紹. 不過就好hard sell 條魚囉. 我地都點左D海鮮, 有象拔蚌,聖子同蝦, 不過專人好想我地食魚. 問晒我地咁多個要唔要叫條魚. 今次無影太多相, 話晒都係同阿頭食飯, 唔想太大鄉里咁.湯底. 超誇張, 每鍋三拼第一鍋: 牛尾+沙嗲+蘋果雪耳湯第二鍋: Cappuccino 冬陰公+麻辣+海蜆湯象拔蚌刺身 - 份量唔多 (有兩碟依個size), 新鮮, 有D貴 聖子皇 - 好新鮮, 不過阿專人幫我地D聖子放入個沙嗲湯 .. 好彩我地即刻攞返起另外仲有好多野食, 都幾好味. 唔知係咪有新鮮海鮮做對比, 個貴花蚌淡而無味, 得個爽字唔知係我地太肚餓, 定係專人趕下場. 佢不停幫我地煮, 我地又不停咁食. 坐左唔夠一個鐘, 全檯既野清晒. 仲要上埋糖水.五千幾蚊食一粒鐘 (人均六百幾), 值唔值你話呢.

契女😍生日專登黎美味廚食火鍋興祝🎉🎉🎉🎉🎊🎊🎊🎊因喜歡食佢哋個疏乎厘蕃茄火鍋湯底 有個部長好好, 知我契女生日仲建講放支腊竹係疏乎厘面, 做成一個蛋糕咁🎂 氹到契女超開心💓今次試咗款新菜 👉 冰菜, 幾得意, 巠上D水珠咸咸哋, 另外當然點咗係大人同小朋友 (我契女) 最鍾意食嘅丸丸餃餃啦😊6個人食咗10款丸餃, 分別👉黑松露和牛餃, 韓式泡菜餃(my favourite), 彩虹七色墨魚丸, 和牛油牛丸, 芒果釀豬肉丸, 手打雞肉鵪鶉蛋丸, 咸蛋豬肉丸, 車厘茄墨魚丸, 手打新鮮蝦丸, 梅菜豬肉丸及我契女最愛的手打墨魚麵, 超彈牙, 全部都味道分明, 好有特色,👍👍👍👍💪😄😄😄期望create 多D丸餃, 因我同契女都係丸餃 FANS😆Yummy

第一次寫食評! 因為實在忍唔住分享呢一餐非常勞氣的飯局: 一去到坐低便放低碟皮蛋，咁問佢係咩來的，佢話係餐前小食，到埋單時發現變左要收$45既一道餸! 之前食左碟炒花枝係唔新鮮既，有d臭味，結果退回取消，埋單時仲要你講左兩次要投訴亂收費，問佢經理係邊佢先揾經理來，但態度差，經理問番你坐低時冇見過張海鮮紙？我話無，咁示意張紙有寫明？但都冇講到，只講話唔好意思，幫你取消，真估唔到香港都有呢d好似大陸亂收人錢既手法，嘢食唔好食，服務仲咁差?不會有下次

本身諗住係貴價野實無死但係今次都中左少少伏個晚訂左位既 係門口等左都成15分鐘先汁好張枱比我地等到都有少少唔耐煩 本身想搵第2間食添一入到去 其實環境你話迫唔迫就真係見人見智個位淨係夠一個人通過咁啦湯底都算幾得意隔泥有人叫冬陰公cappuccino但我無咁既勇氣試新野所以就無叫到 如果有朋友唔驚辣又鐘意試新奇野都可以試下但最後我見佢地都唔太頂到陣味野食方面叫左肥牛 牛利 丸類 魚類呢D炸魚皮就度度都差唔多 所以唔評價但佢個肥牛 牛利真係值得講一講佢個名叫本地肥牛/牛利可能我真係未食過香港本地牛肥牛同牛利真係無咩味感覺好淡另外醬油真係怪怪地 因為我點左好多先有味最後服務姐姐話有人訂左枱叫我地交位問左幾次係咪我地加唔加野食 如果唔係就要交位其實價錢都唔算平但服務態度就真係有少少趕客

午餐吃小炒，一個set lunch ，有湯、飯、小炒和糖水。份量都唔少，一個女仔食唔哂。因為幾個女仔想傾計，所以來呢度食。貪佢d位闊落，坐得舒服，可以慢慢傾。每次都食士多啤利生炒骨，因為真係幾好味，火喉夠，士多啤利唔會林，鐘意佢酸酸"美美"，易送飯。佢地個炒桂花素翅都唔錯，用蛋和素翅炒，清清地，素翅爽口，加蛋炒，又幾夾，味道不錯。再加一個什菜煲，什菜煲 ok 啦，無乜特別。Lunch 都幾多人，訂檯會好d。

環境一般都幾迫，食材OK但貴，七點幾入座九點幾被叫埋單，之後想坐吓都有壓力，話有D訂枱客到了，一行四人按人頭計要俾接近HK$400都落得如此對待，就算美味也不會再來 

今天一行20人聚餐由我選點,我訂咗美味廚間房打邊爐,因人多口味多,所以選擇咗1人1鍋>滿足晒每位口味^^最值得讚是有款海中蝦係拆晒殼,啖啖肉,好爽、好甜、好味 另個隻泡菜餃真係一試難忘,好好食 及當日天氣都幾潮濕,佢哋竟然有部抽濕機放係房到,真細心^^每個friend都食得好開心^^

新年一大班朋友出來團拜, 朋友介紹來呢間, 所以就去了, 一心諗住野食應該唔錯, 點知, 希望越大, 失望越大...皮蛋 - 無想像中咁好食, 唔食都唔會損失湯底: 冬陰公CAPPUCCINO + 蘋果粟米雪耳塘排湯 - 我唔食辣, 所以無食冬陰公個邊, 而個蘋果粟米個邊, 可以話, 比滾水有少少少少味囉, 同個STAFF講話淡, 佢拎左一碟唔知係鹽定係味精出來, 然後一野同我倒晒落去, 我地即刻O晒咀.醬油 - 好啖桂花蚌 - 不知所謂, 完全無味, 最差既一碟火鍋配料脆肉鯇魚腩片 - 唔錯, 幾新鮮丫大魚頭 - 都算幾新鮮炸魚皮 - 正常啦本地手切肥牛 - 唔夠牛味本地雪花牛利 - 勁細塊, 無牛味醉雞中翼 - 算係最有味既食物, 好香既酒味蝦膠釀油炸鬼 - 唔覺得好食墨魚滑 - 正常口感黑松露和牛餃 - 黑松露陣味重左D, 食唔到牛味, 咁唔駛用和牛啦鹹牛利芝士餃 - 芝士味幾香皇帝菜 - 份量太細油麥菜 - 一份得幾棵, 5份1斤都無總括, 呢個價錢食呢間野, 完全唔抵, 野食又唔好食, 味道又淡, 下次有人請我都唔會再去!

Megan's Kitchen is my go-to place for hot pot. We were in Wan Chai with a visitor, on a  weekday, and we just popped in around 7pm with no reservations. At first they told us we were out of luck, but as we were leaving they said they'd found something for us-- a private room one floor up.As another reviewer mentioned, at the table were 1,000 year eggs, and no they are not free. (I think they said $9 each). We decided to have one each, so the visitor could try them and so that he wouldn't be stuc

值得推介的菜式，莫過於梳乎厘蕃茄蟹湯底! 上鍋時，一度令大家嘆為觀止！開始打邊爐前, 大家先把梳乎厘切成生日蛋糕狀, 品嚐蕃茄梳乎厘的味道，原來梳乎厘咸食也不錯。原本擔心湯太濃不適合打邊爐，但這款湯底濃度適中, 蕃茄令人更胃口大開。 另外，黑松露和牛餃子也令人回味無窮! 真正皮薄餡靚, 黑松露多到外面都見到! 蝦膠油條＄98一碟，可選生或熟。我選了熟，因怕難控制火喉。怎料上菜時，竟然上了生的！服務员説不用帕，可以幫我再炸。可惜最火喉過火，油條炸黑了，感覺油腻，最後大家你推我讓。總括來說, 這間火鍋店用料新鮮，創意無限, 不過價錢略貴, 份量袖珍。

試過同客0向呢度食lunch，但未試過打邊爐，今日第一次。d野食都唔平，但地方靜d，舒服d。湯底花多眼亂 ，乜鬼都有，超搞笑！都係叫番D大路湯底，雙拼沙嗲湯+蘋牛尾湯。無諗住豪食，所以叫普普通通，平平地0既野食就算！肥牛、肉丸拼盤、餃、菜拼盤等等。推介碟，可選生(蝦膠是未煮+油炸鬼，自己6熟食)或熟蝦膠十油炸鬼，即係就咁食都得，我地食熟0既，放湯6幾秒就入口食，食法有d似食魚皮，出奇好食 ！六條友，每人大約二百幾，OK 啦~