影片
招牌菜
相关文章
同啲同事收工齐齐黎揾食，今晚食啲乜好？最后选择左去美味佳食串烧！估唔到又几唔错wor ⋯⋯有机会再帮衬！串烧好yummy ，点左唔少串烧，我哋系咁食，密密食，一串又一串，我哋三个人，埋单时每位80，抵食，平得黎又好味。点左多种唔同嘅串烧，肠仔香脆，鸡肉串都唔错，鸡蛋肠粉亦好味😋，金菇肥牛好惹味⋯⋯食串烧，烧鸡翼系必食，成只鸡翼都系10蚊一只！如果宵夜食嘅话，再加啤酒🍻，睇波好时光⋯⋯朋友吹水好消遣⋯⋯
继续阅读
成日一到凌晨就肚饿～忍咗半个钟终于抵受唔住roommate嘅诱惑落咗去食美味佳。美味佳开到四点，最啱通完顶嘅朋友去补充体力。串烧车仔面大家就嚟食得多，殊不知美味佳有一个secret menu，而哩样食物就系晚晚深宵肚饿时谂紧嘅野食，又平又好味抵食嘅－－净米多渣。净米多渣顾名思义就系净米线但多汤渣，即系车仔面唔要𩠌食汤渣咁。沙渣有薯仔啦、猪骨啦、鸡啦、鸡肾啦等等，一碗$20但绝对食得饱又好味，闻到阵味都流晒口水，系月尾穷学生恩物呀～大家要叫的话记得直接同姐姐讲，menu上面冇咖！第二位美食就系蛋炒肠粉，平时食肠粉加甜酱花生酱已经冇得输，而加蛋去炒肠粉令全碟野都散发住香气，带比两样食材灵魂。咁嘅宵夜就算食完会肥都系值得！话明系串烧店又点会唔叫串烧呢，今次就叫咗烧烧卖、烧猪颈肉同烧鸡全翼，三样都系我平时会叫嘅野食，因为太饱冇叫到同样都好味嘅烧鸡软骨、烧菇同烧豆卜！同样系好味夹抵食！宵夜永远都系充斥住满足同愧疚～无办法～吃货嘅生活就系咁样过～
继续阅读
四月下旬．晴午夜已过，也不知为何我会夜麻麻在这里附近，只知道人很倦，酒饮了不少，头晕晕，肚空空，想吃点东西。离远，看见这里灯光火著，原来是卖车仔面及泰式串烧的店子。吃一串香口的东西，正好，就行了过来。凌晨一时多，这里人不少，堂座客多，等外卖的更多。看了又看，就要了串烧猪颈肉。只见大家也十串八串的买，我这个只帮衬十元的客人，当然不会阿之阿左，乖乖的站在一边等。不过阿姐也不忘问我「辣唔辣」的，几认真。串烧闻起来香，烧得猪颈肉边位微脆的，香口。除了香辣，还有孜然粉的味道，加上肉质爽脆，很不错。难怪是这么多人在等，下次再来，要多吃点东西了。
继续阅读
呢间店我知系细搬大的消息,上OPENRICE先知,红磡的车仔面都夹杂住卖串烧.是一个特色.回程时...我看到个景色.又记起尊敬的人教我的道理,我成日记住,个人衰极都有限..哈哈首先介绍呢间卖的食物,除了串烧.车仔面..仲有小食.仲有糖水....串烧我兴趣不大,反而钟意车仔面.环境太似一般屋企...坐里面太嘈,播著韩文歌.仲要比起夜店更大声.店内得老闾娘一个人...里面有食客食完的碗同骨无收好我坐比较接近门口的枱.都十分干净....价钱好抵食,20元3个𩠌,加饮品要冻的加2元.....22元超抵冻柠茶.茶味足.不过柠却系太少...不太甜.....正....而个3个𩠌新竹米粉更新.令我知道什么叫真的假不了,假的真不了的意思.个猪骨汤底系睇到又食到...不用怀疑是否猪骨汤...仲有肾.薯仔.猪骨成份...加埋3个𩠌变左6𩠌米粉.更加抵食我呢次点3个𩠌太普通...猪肠都系无异味,夹在少少肥膏香味....都好正肠仔...鸡肉肠来...仲好有心机开左2边....牛丸2粒系来贷不过牛味浓新竹米粉都不是吹水...乱安个名上去.呢只米粉比普通米粉弹牙.爽口.不会林.我反而觉得打边炉时用呢只米粉更正..老闾娘都好细心问人客食唔食猪骨.个睇到又食到的猪骨汤底.绝对夹个车仔面...我好开心...我真系觉得抵.只要改善卫生呢间店绝对系正.
继续阅读
久唔久都会去帮衬美味佳，好多时去到都会好多人。要等... 系意料中事！我都明白夏日炎炎，仲要对住三个炉头不断咁狂烧串烧系一件好辛苦嘅事。而且眼见佢地就算边个都好，都会做到大汗淋漓，个人一定系会比较燥啲，所以我都唔会介意佢地『版』起块面嘅。不过，燥还燥，都唔驶落order时一啲反应都冇啩？我讲咗两次要order啲乜嘢串烧，个『化行妆嘅女店员』就一啲反应都唔俾我。我都算咖喇，你咁忙，听唔到都唔出奇嘅。咁我之后就问咗佢一句︰事头婆唔该，你地而家有纸画咖？之后佢就一句『duck』埋嚟︰你买好多咩？之后我话︰唔系，十串左右。之后佢就话︰你要咩？讲啦...之后我就讲我要啲乜嘢啦... (((不过佢依然一啲反应都完全冇俾过我啰))) 我落完order之后(((其实我都唔知佢听唔听到)))，我就坐埋咗一边等。根住之后有个男人咁啱又系嚟买外卖，佢同个『化行妆嘅女店员』讲要乜嘢之后，个『化行妆嘅女店员』都有『点头』回应。再之后有个南亚人士指住啲鸡串，隔住玻璃示意要一串，之后个南亚人士再行埋落order个位同个『化行妆嘅女店员』话︰One 个『化行妆嘅女店员』仲笑笑口咁答佢︰One, Okay!!!哗... 果一刻我真系好嬲啰！ 而家咩事先？我同你落order就连一个『眼神』或者『点头』回应都冇，人地同你落order就识『回应』人地！喂... 我都系客嚟咖！(((就算你真系该店嘅事头婆都唔应该用啲咁嘅态度啦！))) 我唔系要求要有良好嘅服务态度，但最最最基本，我落order时，你都俾个反应我先吖！老实讲句︰啲嘢好好食咩？未至于啰！唔食你啲串烧，系唔会饿死咖！
继续阅读