美利涼茶專門店

营业中

休息中

我每個星期日都會去美利涼茶專門店報到，例行買返杯雞骨草涼茶，再加一份$10燒賣，簡單又滿足，已經成為我假日嘅小習慣。雞骨草涼茶帶微甘苦味，飲落去唔會難入口，清熱去濕效果不錯，長期飲真係覺得上火少咗。夏天飲冰涼版本特別爽，冬天轉飲熱嘅又夠暖胃，無論幾時飲都啱。燒賣係地道街頭風味，熱辣辣、調味惹味，配埋甜豉油更加開胃。雖然唔係咩高級點心，但食落有熟悉味道，係香港街坊美食嘅代表之一。美利涼茶唔只係涼茶舖，更係一種街坊情懷。每次買完飲住涼茶、咬住燒賣，心情都特別放鬆，呢個簡單嘅組合，已經足夠為一個星期畫上溫暖句號。

發現太古呢間涼茶店原來好多小食賣碗仔翅蘿蔔糕腸粉魚蛋燒賣茶葉蛋⋯之前試過茶葉蛋價錢算平味道都ok今次買左串燒賣熱辣辣，隔住個外賣袋都feel到食落軟熟味道幾好唔會粉張住個口幾彈牙既，鼓油係點腸粉既級數甜甜地，配埋辣油十分香，10蚊7粒來講 cp值幾高 好過食7仔好多啦另外飲左杯火麻仁 涼茶$11杯，男店長好年輕和善有禮，燒賣會幫我落埋豉油辣油，就叫佢幫我簡有咩岩我飲，呢排去廁所唔係咁順暢，佢就話火麻仁岩我，滑腸通便去濕，我鍾意飲凍既味道都唔錯幾香，佢口感唔係鴻福堂果種好杰既，係流質，我問佢話呢d梗係唔同，佢地有工場每日整，所以保證新鮮同冇防腐劑，咁十一蚊來講幾平靚正啦 下次會再試下其他小食飲品👍🏻

喺附近返工真喺無咩特別好食，有時濟濟地都會過嚟飲杯涼茶，下火清熱氣，喱到啲涼茶唔錯，有時都覺得幾有效，有幾次想咳，飲返杯都順返條氣。燒賣同茶葉蛋喺幾好食的，個辣椒油唔錯，茶葉蛋都好入味，但係魚蛋就真係麻麻哋，真係可能真係煲得太耐好腍，完全唔彈牙。不過係幾有特色嘅，真係都幾懷舊feel，同埋坐落於怪獸大廈，得閒嚟打個卡影吓相咁就吓呢一種買少見少嘅樓群壓迫感，同埋都feel到嗰種街坊經過飲杯茶食串燒賣嘅感覺。

細細個嚟鰂魚涌探親戚，成日經過呢間老店聞到涼茶同茶葉蛋香味，所以有幾深印象，試過魚蛋丶茶葉蛋丶龜苓膏等等，豆漿濃豆花滑，涼茶飲品都幾好飲架，而家長大都間中會過去光顧呢間店^^

未食過咁難食既魚蛋一咬就散 明顯就係煮得太耐魚蛋冇魚味 亦唔彈牙 即係粉又唔靚 魚又冇辣魚蛋 係咖哩粉 溝左好多水即係完全失敗亞叔亦都好似唔願做咁款求求其其是是但但都係嗰句香港地今時今日咁既態度係唔得架

如果有試過喺鰂魚涌海山樓對開巴士站等過巴士都必定聞到陣陣涼茶同茶葉蛋香味。 記得細細個就見倒呢間舖頭，認識佢仲早過D連鎖涼茶品牌。 七、八點就已經見佢開檔，朝早主要係街坊、學生和晨運人士幫趁，咁早當然唔係飲涼茶啦！ 有熱辣辣嘅蘿蔔糕、茶葉蛋同豆漿， 不過各款涼茶、感冒茶、魚龜苓膏同時供應。 叫得專家當然唔係得個名， 能講得出嘅涼茶名稱都可以搵到， 冷熱俱備。 一連幾日大吃大喝食得太多煎炸嘢， 等巴士時順便飲杯廿四味解熱氣最好不過。 即飲可取枱上預先倒出室溫玻璃杯涼茶， 想熱D可向店員要求。 廿四味先嚐苦再嚐甘，喉嚨痛楚得以減輕。 西方有各類成藥可隨時買，中國各款涼茶都可以隨時隨地有得飲， 一樣咁方便咖。