影片
我每个星期日都会去美利凉茶专门店报到，例行买返杯鸡骨草凉茶，再加一份$10烧卖，简单又满足，已经成为我假日嘅小习惯。鸡骨草凉茶带微甘苦味，饮落去唔会难入口，清热去湿效果不错，长期饮真系觉得上火少咗。夏天饮冰凉版本特别爽，冬天转饮热嘅又够暖胃，无论几时饮都啱。烧卖系地道街头风味，热辣辣、调味惹味，配埋甜豉油更加开胃。虽然唔系咩高级点心，但食落有熟悉味道，系香港街坊美食嘅代表之一。美利凉茶唔只系凉茶舖，更系一种街坊情怀。每次买完饮住凉茶、咬住烧卖，心情都特别放松，呢个简单嘅组合，已经足够为一个星期画上温暖句号。
继续阅读
发现太古呢间凉茶店原来好多小食卖碗仔翅萝卜糕肠粉鱼蛋烧卖茶叶蛋⋯之前试过茶叶蛋价钱算平味道都ok今次买左串烧卖热辣辣，隔住个外卖袋都feel到食落软熟味道几好唔会粉张住个口几弹牙既，鼓油系点肠粉既级数甜甜地，配埋辣油十分香，10蚊7粒来讲 cp值几高 好过食7仔好多啦另外饮左杯火麻仁 凉茶$11杯，男店长好年轻和善有礼，烧卖会帮我落埋豉油辣油，就叫佢帮我简有咩岩我饮，呢排去厕所唔系咁顺畅，佢就话火麻仁岩我，滑肠通便去湿，我钟意饮冻既味道都唔错几香，佢口感唔系鸿福堂果种好杰既，系流质，我问佢话呢d梗系唔同，佢地有工场每日整，所以保证新鲜同冇防腐剂，咁十一蚊来讲几平靓正啦 下次会再试下其他小食饮品👍🏻
继续阅读
喺附近返工真喺无咩特别好食，有时济济地都会过嚟饮杯凉茶，下火清热气，喱到啲凉茶唔错，有时都觉得几有效，有几次想咳，饮返杯都顺返条气。烧卖同茶叶蛋喺几好食的，个辣椒油唔错，茶叶蛋都好入味，但系鱼蛋就真系麻麻哋，真系可能真系煲得太耐好腍，完全唔弹牙。不过系几有特色嘅，真系都几怀旧feel，同埋坐落于怪兽大厦，得闲嚟打个卡影吓相咁就吓呢一种买少见少嘅楼群压迫感，同埋都feel到𠮶种街坊经过饮杯茶食串烧卖嘅感觉。
继续阅读
细细个嚟鲗鱼涌探亲戚，成日经过呢间老店闻到凉茶同茶叶蛋香味，所以有几深印象，试过鱼蛋丶茶叶蛋丶龟苓膏等等，豆浆浓豆花滑，凉茶饮品都几好饮架，而家长大都间中会过去光顾呢间店^^
继续阅读
未食过咁难食既鱼蛋一咬就散 明显就系煮得太耐鱼蛋冇鱼味 亦唔弹牙 即系粉又唔靓 鱼又冇辣鱼蛋 系咖哩粉 沟左好多水即系完全失败亚叔亦都好似唔愿做咁款求求其其是是但但都系𠮶句香港地今时今日咁既态度系唔得架
继续阅读