羅麥記 (V City) (已結業)

乘西鐵必經V City，時間不多，午餐就在此速食吧!  到羅麥記，撈丁、炒丁、磚頭是不二之選。雖然價格小貴，但在此商場來說已算是抵食，且翻桌快，總是能即時入座。第一次遇上常餐餐牌，但當中只有雞翼撈通粉合心意，而相比之下雞翼還是配撈丁更美味。最終放棄常餐改為散點，反正平日午市是送餐飲的，凍飲加3元。  我的雞翼撈丁($55)是重口味之選，感覺麵質比之前󰀃󰀃淋身一點，但相差不遠，配四隻肥美醬汁雞翼，醃得甚入味，外皮嫩󰀃滑，繼續保持水凖。那醬汁是自家制的，混合老抽，甜鼓油的香氣，很有媽媽的味道，選加辣的關係，乾辣椒下得重手，被辣味蓋過了原味，影響了整體的味道，下次還是不點加辣的好。附出前一丁的麻油佐吃，這也不用多介紹吧!      老公點的是豬扒蔥油撈丁($50)，嚐了一口麵條，水準跟之前差不多，味道沒雞翼撈丁濃甜辛辣，口味較為大路。飲品一如以往，不用寄予厚望，那就是一般正常的茶餐廳水準。凍檸茶(套餐+3)檸檬下得足，茶味可以更濃，但總比選配特飲好。  二人速食$110有交易，算是有質素的午餐，見食評不佳，也許是選了冷門食品吧!

今日放假終於都可以周圍行下，行到咁上下就黎到v city既羅麥記。門口大大個招牌映入眼簾，仲有唔少懷舊裝飾品，例如黑白電視，收音機，粵語殘片先見到既大皮喼等等。一入到黎墻邊都掛住六、七十 年代既廣告，各式各樣，五花八門。話說回來，一坐低我就叫左個七彩朱古力西多士，同一杯凍奶茶。先說七彩朱古力西多士，賣相好吸引，多士被濃郁既牛奶、香甜既朱古力醬、七彩繽紛既朱古力重重包圍，原來呢三樣醬同多士都幾match。西多士外脆內軟，都唔算油膩，本人誠意推介，小朋友一定好喜歡食呢款。仲有杯凍奶茶，茶味好濃郁，又唔會太苦澀，加上香滑既奶，口感一流。下次如果有機會既話，一定會約埋舊同學仔一齊過黎食野，重溫校園時。

大少成日都話想食羅麥記，終於俾佢食到，因為……唔多人等位~~平時V City經過見到佢都好懷舊，估唔到入到去，真係好特別一坐低，店員拎咗本好似手冊嘅menu俾我地，最後我地點咗幾樣佢話係推介嘅食物黑汁墨魚鬚 - 呢個應該係甜豉油加燒汁整，甜甜地，不過個墨魚鬚就應該係就咁白烚，如果係一早炒埋，應該會比較入味，依家只係汁有味墨魚鬚無味羅麥雞翼撈丁 - 呢個好明顯係瑞士汁雞翼撈出前一丁，絕對唔會失敗，所以正常好味磚頭焗白汁芝士海鮮飯 - 呢個，我絕對唔會建議你食，除非你好鍾意食受潮感覺嘅麵包，個汁唔夠，我地最後要佢另上多碗汁俾我地，基本上同磚頭包唔夾，點都係茶本嗰啲甜嘅形式好好多紅豆冰粒粒奶茶 - 呢個奶茶對於我呢個奶茶怪嚟講，只可以話合格，不過最欣賞佢係將啲紅豆沙整成冰粒，咁就唔會因為有冰而令佢杯奶茶再比之前更淡

之前去過vcity羅麥記食晚飯，點左佢地既招牌菜，磚頭焗豬排飯同羅麥汁炒河。個飯份量好多，可以夠2人食。但個磚頭係普通一磚麵包挖空放飯落去，越食越口乾。炒河就無咩特別，羅麥汁好普通，唔值咁貴。而今次決定再試多次其他野食，點左腐乳雞球撈丁，仲有阿芝豬頸肉芝士撈丁，同招牌紅豆冰粒粒奶茶。雞球既味道好奇怪，應該係雪得太耐。豬頸肉係薄切，而公仔麵份量足夠但芝士汁就好少。環境方面，我2次都係2個人食，都安排左係門口右邊既一排枱坐，比較窄。食過2次，試過不同食物，以後唔會黎

之前買咗團購優惠券, $99.00可當$180.00用. 限星期一至五(假期除外) 18/6到期, 今日終於約齊人食喇.19:30到 唔使等位. 一坐低先order限量供應嘅磚頭焗豬扒飯, 人齊後再叫其他.磚頭焗豬扒飯 (茄汁)--豬扒夠林又入味, 飯配上茄汁幾好味. 麵包入口香脆, 臨尾可加汁點包食, 我哋要白汁(可以試多款汁) 我哋圍內嘅結論係飯配茄汁, 包配白汁係最perfect.避風塘海鮮炒飯--炒得夠乾身, 辣辣地好惹味, 正!豬頸肉芝士撈麵--麵身頗林, 唔多啱我食. 芝士汁調教得幾好味, 豬頸肉都唔錯. 燴牛利意粉--呢個嘅茄汁香濃, 可惜意粉過林, 牛利又無咬口, 真係無牙都食到. 兩杯雪糕紅豆冰--無特別, 甚至覺得佢過甜. (大x樂好飲過佢) 紅豆冰粒粒奶茶--有驚喜 原來紅豆配奶茶都好match, 正!團購優惠$99.00當$180.00用, 實際埋單用咗$268.00

與友人去屯門進餐,想到V CITY有滿多食店由於晚上7-8點的時間,到處都排滿人等位,走過LAW MARK KEE,見餐廳裝修特別.又冇人等就試下呢間,一打開menu ,見到食物價錢偏貴,但照片介紹的食物感覺美味心諗唔緊要,貴的茶餐廳可能會物超所值場內坐不滿,由於十分肚餓, 選定立即叫菜,但揮手好幾次,待應都對我們視而不見 ,揮手與呼叫後成功點餐,我們都點了兩款 menu 上寫住"推介"的撈麵我的是雞球腐乳撈丁$50,友人就點了豬扒蔥油撈丁$50各加凍飲 (好立克$10 ,美綠$10)首先腐乳撈丁很快就到,我與友人第一反應都是目定口呆,相片內的是雞球,而我的.....就似俾人食過的小雞粒...雞粒有點怪怪的雪味,撈丁的份量亦少了一半!麵上有一匙腐乳,麵撈有芝麻醬,麵的味道還可以,但整體被詐騙的感覺!!!!!menu圖片與真實差太遠吧!而我叫的美綠,可見是普通茶餐廳的一般..再比較淡一點隨後朋友的蔥油撈丁與好立克到了, 看上去好像比雞粒的 好一點..但吃上口其實也不相伯仲,以普通醬油撈麵,上面很多蔥,豬扒較完整,完!其實是沒有什麼可以介紹一個係屋企都整到的公仔麵,以及水準不好過一般茶餐廳

其實已是第二次黎到羅麥記，但對上一次已經係大概兩年前，然而再次黎到感覺依舊，精緻的老香港式裝修依然鮮亮，就連枱墊都還是以前的棋子設計。羅麥記主打當然係充滿香港味道的茶餐廳食品，但都加入了西式元素，今次試左吞拿魚菠菜焗白汁通粉，雖然並唔係我想像中的碎菠菜汁，但食落仍然非常有驚喜，加左芝士去焗，食起黎較香濃，而且吞拿魚份量好足，每啖都可以食到，非常回味：）另外磚頭焗豬扒飯都係推介，menu上寫住限量供應，但當時大概七點都可以食到。講起豬扒飯好自然會想同大家樂馳名既一哥焗豬扒飯比較，食落就會發現兩個都各有千秋，兩個都好味！羅麥記既入面冇蕃茄亦冇青豆，但飯都炒得香，一粒粒非常乾身，配埋蕃茄汁食好惹味，主打既豬扒比起大家樂都咁軟身，但非常入味又唔乾，一樣咁好食。磚頭即係個麵包當然係可以食既，角位好脆最好味，但女仔既話食完個飯個胃應該冇空位容納個包了。我仲偷飲左兩啖奶茶，質素一點都唔差，係奶茶精既我平時出去食飯都會叫奶茶，依杯絕對可以過關，茶味夠濃而且不會太甜，只係略嫌唔係用碎冰沖，飲到最後自然好易變得淡。羅麥記既食品尤其係飯類，份量都比較多，今次點左兩樣已經捧住個肚走，本身想點埋朱古力多士都食唔

今日同朋友出屯市食羅麥記，其實佢無論環境定食物都好香港地道既感覺，叫左雞翼公仔麵、蝦多士、磚頭焗飯 (太吸引無影相;P) 同埋菠蘿冰，蝦多士有啲油但真心係幾好食，個多士放奈左都仲脆卜卜，磚頭焗飯其實即係一個未切即面包挖空中心即面包放飯再焗，面包皮撕左出黎點汁食一流！仲有杯菠蘿冰，無諗過啲冰係用菠蘿汁整既，所以唔似其他茶餐廳，飲到尾溶哂冰就無哂味，好貼心！下次一定會再黎試其他菜！

約好今晚開枱，點知雀腳臨時OT要晏D先到，我哋唯有醫肚先啦 ！ 見近近地有間<羅麥記>又未試過，於是一至通過去試試。由於要等位關係，無聊聊攞起本餐牌望吓又幾有特色喎，成本學生手冊咁，睇咗無耐已經有位了。由於肚子餓嗱嗱淋叫嘢Share食先，我哋叫咗，磗頭焗豬扒反，豬件夠晒肉汁不會太乾，麵包滲咗少少汁不至包身太淋,但又帶點汁香很不錯。燴牛脷意粉，牛脷沒有哪種騷味， 也不會太淋處理啱啱好，連我其中一個不食牛脷的都話OK。海無骨南鷄反，貪它沒有骨啖啖肉，最啱我D懶人，味道中規中矩，總算冇選錯。最後仲叫多個磚頭多士果籃雪糕，潤一潤

我好少入屯門食嘢，今日無聊聊入去行街街，於是問吓我個friend有咩好食? 她推介了一間有懷舊裝修嘅食肆叫「羅麥記」給我。於是我便試搵搵位置係Vcity,入到店內看到的牆身，餐枱，椅及Meun都好有懷舊feel，喜歡拍照的一定很鍾意。由於今日只得我一個，所以我只叫咗一個蔥油鷄扒撈丁，鷄扒肉嫩煎至微香起沒有一點雪味，配上蔥油味道出奇地夾。同一杯熱奶茶，幼滑沒有澀味，好像舊式大排檔絲襪奶茶般的感覺。

屋企人去晒旅行，冇飯開，又唔想叫外賣，但又想食焗豬扒飯。於是落街行下，路經Vcity入咗去羅麥記，見佢哋十大必食有個磗頭焗豬扒飯，於是叫黎試試 。豬扒份量足，夠Juice，飯用麵包裝住夠特別，味道很不錯！ 另加一杯羅滑咖啡.~ 環境有特色

來到“屯門”專程來依家餐廳食野，聽朋友推介話間野唔錯，所以入來食下！希望野飲方面需要改善下，太多冰之如，仲有粒大冰內面，寧願飲水好過，怪唔知得左右隔離都無叫野飲

難得一天下午休假，接了寶貝放學，做好家課，整理好房子，決定出去吃頓晚飯。本想去海趣坊稻香吃久違的一蚊雞加小菜，但接待聲稱九點前未必有檯再加上等候人潮汹湧，決定回市中心。到了V CITY想去利小館，但利小館都要等九張檯，結果寶貝拉著我去了IZUMI CURRY旁的羅麥記。本來應該都要等位的，但侍應見我帶著一名幼童，即時安排了座位。因為要遷就我家寶貝口味，叫了一個闊佬炒飯($68)，一個避風塘鮮魷($58)，另外加錢叫了菠蘿冰和凍檸茶。合共$176。十分鐘不到，食物上桌。闊佬炒飯也即是鴛鴦飯，賣相還可以，不過呢，飯底是白飯，不是蛋炒飯; 份量不算太大，剛好夠我和我家寶貝一起分享。蕃茄雞絲的部份不過不失，蝦是很大隻沒錯，不過淡而無味，看來是雪蝦無誤。避風塘鮮魷炸得算是鬆脆，不過，只得一堆金黃色的蒜蓉，完全沒有辣味，魷魚的味道是來自味之素的味椒鹽。至於兩杯飲品都很正常，沒有值得談論的地方。雖不至難吃，但也不值這個價，應不會再來了。

今日放假同老婆去食早餐，諗住羅麥記咁出名，黎試吓佢既早餐。我地叫左個沙嗲牛肉米粉多士炒蛋同鮮茄牛肉麵多士炒蛋。兩件多士黎到好明顯放左好耐同無乜焗過！塊多士又冧，又凍，個早餐食完，牛油到唔溶！炒蛋得個黃字，一d都唔滑。兩個麵既湯底可以。不過幾$40既早餐比咁既食物人食。康年同翠華好好多！起碼水食物準合理。

屯門自從開左VCity之後，美食林立，亦都成為連繫西鐵站和屯門市廣場的重要橋樑，入屯門行街變得更容易！再一次經過羅麥記，被懷舊的裝修吸引左入嚟餐廳場內都算幾大，所以唔洗等位就可以入座。一坐低就發現除左餐廳裝潢外，餐牌同埋餐墊都別出心裁，餐牌造型類似小學時代課室日誌的簿本，不過入面所記嘅唔係功課和出席率，而係各樣小食、甜品、飲品等等。至於餐墊就造成一張棋盤咁，對於小朋友嚟講應該幾吸引，可惜冇棋同骰仔玩唔到首先上左份公司三文治，普普通通到喺menu中也只命名為「三文治」，係因為鍾意食三文治而點的。結果出人意表，最普通嘅小食反而幾好食，而且好足料，睇相都見到非常厚！算係對得住呢個價錢！跟手上埋杯熱奶茶，雖然呢度以港式茶餐廳為主題，但呢杯港式奶茶竟然冇想像中咁好飲，奶味偏多了！中途伙計將帳單呈上，用一個特大的衫夾夾住，幾得意然後係豬頸肉阿芝芝士撈麵，撈麵其實是撈丁，芝士汁味道雖然唔差，但略嫌稀左少少，豬頸肉少少韌，食落唔算係最好食嘅芝士撈丁，但係做得招牌推介嘅食物，希望日後會有改善，否則賣$50呢個價位，有d唔抵！另外仲叫左一味蝦多士，呈上時同男友都嚇親，冇預料過係咁大舊，第一下感覺係食唔哂、