羅富記粥麵專家 (已結業)

又想食粥, 約左朋友1:30羅富記門口等, 自己唔小心遲到, 好彩朋友準時已經排緊隊, 好快就可能坐底叫左牛肉粥, 朋友叫魚片粥, 碗魚片粥滿到不能再滿, 我碗牛肉粥好少少, 仲可以放隻匙落去嘩!好美咪, 好甜, 又唔會過分熱, GOOD!22蚊, 好抵

24-10-2008蜆蚧鯪魚球 (大) $26美食之旅第二擊去了泰昌對面的羅富記，由於未肚餓，只點了蜆蚧鯪魚球來試試。一碟六粒的鯪魚球價值$26大元，真的一點也不便宜，熱騰騰的鯪魚球大小適中，外皮香脆，但味道只算是不過不失，不覺得有何特別好吃之處（是期望太大了嗎？）。值得一讚的是鯪魚球中沒有碎骨，相信在此也花了不少功夫。至於蜆蚧醬則非常之咸，也許是我自己不太喜歡這種醬的味道，我寧願不沾醬只吃鯪魚球。

01-08-2008狼狽的一餐，因為原本無諗住食佢，係因為突然落大雨被困呢區，其他店又full 晒，唯有衝入去叫o左個雲吞粗($20)，一碟細o既炸魚球($13)雲吞有五粒，唔算大，有小蝦一隻；麵無鹼水味魚球無碎骨非常好，但亦都無乜鯪魚味，o的蜆蚧超鹹！呢個價錢，真係嫌貴喇，不過中環區嘛……

想吃一碗特別的撈麵...三多龍尾已是三個舖位之距,行了十分鐘,還是走入羅富記吧..本來想叫牛腩撈,幸好看了一看餐牌...原來有薑蔥鯇魚撈....看似有少少特別...呵呵...鯇魚片份量很足,舖滿整碟麵,不會稱它為滑身,但不鞋口,而家淹味很'到'!!撈麵有少少汁,應是薑蔥汁,伴入撈麵很'出',因為麵身沒有太多鹼水味.令到它很滑,清湯沒有味精的感覺,很清甜!!可惜不可以雙併撈!!

兒時家母經常帶我到中環德輔道中那家店吃粥。家母特別喜歡這店的粥品, 她常說材料新鮮, 粥底又滑。我從不愛喝粥, 反而最喜歡炸鯪魚球, 小小的鯪魚球被炸得像兵乓球般大小，熱呼呼的上枱，印象中是非常棒的小食.....巳多年再沒有到羅富記了。今年決定懷舊一番......侍應生介紹蝦球蝦籽撈麵, 我再點了一碟炸鯪魚球。蝦球是蝦仁, 是漂白過的貨色, 完全沒有蝦味, 最差勁的有兩隻是霉爛的! 麵是全雞蛋麵，不打緊, 但撈麵竟然殘留有半碟是煮麵水。清湯是大地魚湯加了大量平價味精。我終於明白為什麼這裏沒有免費茶水供應了。炸鯪魚球有兩顆內裏竟是軟荏荏, 真的嚇人。一家老店不知何時竟變成這樣質劣的麵家, 真令人可惜。不到半小時, MSG syndrome 開始發作了, 結果是在回家前我要到便利店喝了差不多一公升清水才可解除劣質味精的魔咒.....難道好的東西不會是永久這句真是千古不變的定律嗎？

昨日好想食粥清一清腸胃, 想起及底粥,最近我公司就係羅富記,知威記好食啊,但得我一個人,費時行咁遠,東記都好,但冇丫痳。叫了及底粥(肉丸兩粒、豬潤三片、豬肚三件、豬腰一粒)和淨水餃(好大粒,共有6粒)。他們用料和份量都好好, 但係對不起,都要比個喊面,因為食完口渴到不得了,好鹹,飲了足足4枝500ml礦泉水，仍好口渴,鹹味仍揮之不去。呢樣野同蘭芳園有得flight。

中環那麼多粥麵店, 從來沒有試過, 是日就來到擺花街吃一碗雲吞麵.此店中環有三間, 上中下三路各一, 想食唔到都好難.十二點幾, 人開始多, 不過一個人也不難坐下, 就要了一碗雲吞麵.雲吞麵聽說正宗的要匙羹放底, 麵在上面, 不過這裏的規格就是冇. 管它的, 好吃才是王道.有五隻雲吞, 味道不錯, 不過雲吞的形狀就不及麥奀的好.麵是不錯, 是一般麵店的味道, 但口感爽身, 至少吃到底都保持到.湯底清清的, 沒有多餘的胡椒粉等等調味, 不錯不錯.十九蚊, 唔算貴, 都食得過.

尋晚9點去中環覓食,朋友提議到羅富記,因為佢由細食到大都仲係覺得好食,去到都仲係幾多人,不過好彩啱啱有卡位1)豬腰膶粥($25)~好爽口,好多料,粥好綿,正2)魚片及第粥($25)~同樣好多料,朋友話正3)雲吞麵($19)~有5粒雲吞,麵份量適中,雲吞好新鮮,正二人共消費:$69

食過生記﹐係時候寫返羅富記既粥評。某個星期日﹐一起身肚仔餓﹐又想食粥。於是同男朋友仔o係中環會合﹐目標係羅富記。腦入面o既羅富記就只有最近電車路o個間﹐所以行過o左之後發現無開門o個一刻十分之失望!!好在男朋友仔知道o既羅富記係另外一間﹐所以就行o左上去。去到發現鋪仔細細﹐不過就坐滿晒人!!!好在個姐姐俾我o地坐卡位。嘻嘻。叫o左一碗皮蛋粥(因為太想食皮蛋﹐所以放棄白粥)同鯪魚球粥。原本想叫男朋友仔叫個炸鯪魚球試o下﹐不過男朋友仔怕熱情﹐所以留返下次。一路以o黎聽過好多人勁讚羅富記好味。不過唔知點解﹐我只係覺得我碗皮蛋粥一般。係就係好味同好綿﹐不過只係好味o甘簡單﹐總係覺得差o左o的o野o甘...加上個人有少少潔癖﹐所以食住都覺得有o的唔舒服。講到尾都係一間老字號﹐都值得去試o下o既﹐不過就唔乜驚喜o羅。

香港食晏總有一個奇怪現象，就係有鋪頭唔理佢好唔好食一樣會大排長龍，依間正係表表者。有日突然想食粥，於是去依度，發現店外等候的人仲多過店內進食的人，因此我決定買外賣以免浪費時間。我要了一碗魚片豬潤粥，只屬一般水準，雖然廿幾蚊唔算貴，但無論粥底同都毫無特別，最唔抵得係佢職員成日都表現到好似唔憂做咁，真係唔明人點解仲咁鍾意幫襯。

牛腩麵$19牛腩又瘦又韌, 味道普通. 麵有皂水味, 不彈牙. 老實說, 連基本要求都達不到, 比街外普通的茶餐\廳還要不濟.鯪魚球(3粒)加蜆芥汁$10大大粒尚算抵食, 但味道和在街市買回家無甚分別, 唯一可取的是表面煎得成形有張力.好的牛腩在中環, 近有水記, 遠有九記.好的鯪魚球, 個人認為應該加入陳皮會更佳.無下次

12月31日來lunch,好多人1)雲吞麵-雲吞質素唔錯,蝦爽,可惜湯底同d麵無味,要勁加醋和豉油2)蜆芥鯪魚球(小)-炸得唔錯,魚肉唔會成球粉,有鮮味,配上真蜆芥sauce。現在很多食肆轉為簡單方便的汁算數3)油菜-可以

羅富記d粥我好鍾意! 好綿好滑, 又有米味!而佢d炸鯪魚球又係非常正! 好香口又唔覺太油! 而且真係幾平幾抵!不過夏天去食比較熱左d....

清腸胃既鯪魚球粥。離遠睇住老闆好用力咁將鯪魚茸掟落窩湯度，好「震撼」...但就因為佢既力度，先令到鯪魚球粒粒都激彈牙。以為鯪魚球係鎮店之寶一定係細粒夾細份？非也：一碗唔多大既粥有五大粒半個拳頭咁大既鯪魚球。鯪魚球雖然有骨，但咁證明o左係手打唔係機碎...有骨之餘仲入得口；最緊要係新鮮- 鯪魚球鮮得o黎連少少辟腥用既胡椒粉都唔使落。一碗粥o黎講，貴就貴D，但佢有佢道理。

以食物味道論, 絕對可以當名店. 麵相當彈牙, 雲吞、牛腩都十分出色, 炸鯪魚球都得. 不過, 我同家人好日都唔會幫襯.我地食完有味精食物都會唇乾口涸, 唯獨係呢度就一碗未完已有此現象, 十分難受, 真係想問佢地D 味精係咪唔使錢! MSG 多食有損健康, 幾好食都假啦.