羅勇泰國粉麵 (已結業)

以前同班Fd去食泰國嘢，食親都係泰式炒金邊粉、冬蔭公、椰汁黃綠紅咖哩......好少食到新變化，今次同男友係厚福街見到呢間羅勇泰國粉麵，就一於試下。一開始仲以為係個叫羅勇嘅人開嘅舖頭，原來羅勇係泰國一個城市（冇文化真可怕😅）！舖頭入面好似一個貨櫃咁，一入去一邊係藍色貨櫃牆，另一面係D彩色木板砌成嘅牆，有些少泰國特色嘅裝飾，民族色彩都好強。大熱天時嚟杯泰式奶茶($20)先，我成日覺得香港奶茶茶味太澀，泰式奶茶奶味太重，泰式奶茶係兩者中間，不過會比較甜少少。呢度嘅泰國奶茶就未夠太地道，冇錯啦，就係唔夠甜，但So far比港台奶茶好飲。然後前菜嚟碟泰式生蝦（$78）先，一碟一共六隻，蝦仁晶瑩剔透唔會灰灰黑黑。一隻蝦配一塊蒜片再搭配特調嘅泰國辣汁，酸酸辣辣嘅味道與蝦肉產生咗化學作用，額外突顯出蝦嘅鮮甜。然後我哋點咗兩串沙嗲串燒諗住過下食肉癮，分別係一串雞肉（$15）同牛肉（$15）。我個人覺得，食串燒食乜肉唔係太重要，更重要係個沙嗲汁調成點。呢度秘制嘅沙嗲醬有好多花生粒同椰糖味道，質感有D似麥芽糖咁黏稠，茶一層上D肉度，啖啖肉香，啖啖花生香。至於主食，一心打算食河粉，所以叫咗個秘制滷水豬手湯河

今日同好姊妹下午茶傾談下，都唔知食乜好又落雨，所以近近地選了附近食泰粉麵。這間有下午茶，粉麵飯餐加$5有飲品我叫咗海南雞湯金邊粉，朋友加$5叫了凍青檸紅茶海南雞都滑哦，都算有雞味！配料有香菜、芽菜；金邊粉都算份量夠，不過湯比較咸，食完有點口渴枱上有傳統泰式調味料讓客人自己加味，老闆娘都有主動叫我們試一試！串燒最少要叫2串，比較乾身；2個比較我會喜歡雞翼，比較外脆內軟，都香口飲品都叫大杯，普通味道，無特別

下午諗食乜真係諗到頭都爆，次次都打開Openrice 碌來碌去，見公司附近呢間都開咗一排，今日就自己一個去試下，叫咗個海南雞飯，上枱時都見排得不錯飯見到黃色以為好重雞油香，但食落唔香之餘仲被其他調味料蓋過，加上飯粒有啲爛，未算飯粒分明，而雞飲都尚算嫩滑，但略嫌唔夠雞味加上醬汁唔啱我口味反而跟上的椰子雞湯幾好飲，飲落好香椰子味又夠熱，價錢都算差唔多嘅喺尖沙咀區嚟講，但個飯真係可以再做好少少，咁就仲好味！！

知到嚟間店好耐，今日放假特意去試試No.1船麵，特登两點去，無咁夠人。坐低睇餐牌，第一時間有個應該係泰國人講廣東話待應問我食咩，我第一次去所以花上半分鍾了解個餐牌，個小姐好不耐煩黑晒面咁去左～～首先唔係我叫你，我又未睇餐牌又點知食咩咊！黑我面都無法，明白既，好食嘅係無咩service…叫左個牛肉湯金邊粉，先試試得唔得再叫其他，我都係精名消費者！粉到，第一口當然係飲啖湯先…船麵個湯係牛高湯，小药材加猪血為之正宗！1，個湯係暖…唔係熱！……2，淡到直程係…無味……3，船麵指定有嘅炸雲吞皮…無4，牛丸似猪肉丸多d手5，牛肉係蘇打粉拿嘅，茶記好食過佢湯底好失望，係白水煮完肉加卤水加老抽，炸蒜係泰湯底嘅精神所在，佢無！同正宗船麵真系無咩關系！最後都係用四寶，糖，魚露，辣椒粉，醋！咁我洗鬼出到去尖沙咀食咩，求其落街都有幾間！正所謂：好一餐唔好一餐，無下次！

下班後跟親愛的到厚福街搵嘢食，我倆被餐廳藍色裝潢吸引了，看看餐牌原來係食泰國菜，便二話不就走進餐廳了。餐廳主打船麵，有多款麵類供選擇，我選了羅勇什錦湯米粉，他選了海南雞飯。說起來，近來船麵都很受歡迎，這間船都湯底也用上豬血，濃濃藥材味，湯底也是船麵特色的黑湯底。但沒有別間的濃郁，但我覺得很合我口味。配料也很豐富，有炸豬皮、肉丸，札肉等。海南雞也出色，肉質嫩滑，而且醬汁是秘製的，出面吃不到這個味道。另有椰子雞湯附送，濃濃椰子香，很好喝👍🏽

素來愛吃泰式粉麵的我一見有新店必去捧場，這天便去吃厚福街這新店羅勇泰國粉麵！ 到達時已是下午茶時間(14:30~18:00)可以用優惠價＄5配飲品，我梗係要枝裝可樂啦，車爸爸選了泰式凍奶茶。 食物方面我選了海南雞湯河＄42，車爸爸則選牛肉湯河＄42，須然是下午茶看上去份量都不少呢！ 牛肉湯河看上去似豬肉多點，湯頭色澤深棕好像挺濃呷一口味道沒有湯色來得吸引，餸料車爸爸也只說可以吧！ 而我的海南雞湯河有香脆少許炸豬皮，大量青嫩通菜都是我喜歡的！ 海南雞沒多肉香一般冰鮮貨的質量，但＄42碗粉也不要多幻想吧！ 湯頭跟車爸爸那碗沒兩樣，粗身河粉索盡湯汁味道入口滑捋捋是合格的，可惜吃罷我口渴得很啊！

話說睇戲前去了厚福街食沾麵，見到附近有間主打泰國船粉的舖頭，就一於睇完戲行一陣街之後去這裏食晚飯。泰國菜就好多地方都有，但主打船粉或泰國街頭小食的地方不多，而且這裏的價格相宜，是不錯的選擇。羅勇海南雞飯雞肉嫩滑，油飯清爽不膩，雞醬甜甜辣辣，不錯。椰子雞湯足料，有香濃的椰子味。牛肉湯河牛肉湯河是泰國船粉的湯底，配上少少的通心菜，好濃郁。入面有爽彈的牛丸，大大片的牛肉。而河粉是特製的，比正常的河粉粗了兩三倍，配上濃郁的湯底，依然入味。泰式鴨肉金邊粉鴨肉入味，金邊粉幼身，配上船粉湯底，非常吸味。炸魚餅魚餅混入泰式香茅等香料，彈牙可口，配上泰式辣醬，是不錯的小食。椰青椰青冰凍而且清甜，是消暑的好幫手。

與友人來到尖沙咀以售賣舊相機鏡頭商場走走，看了很多，到了晚飯的時間。來到尖沙咀厚福街這個美食聚集之地，天氣悶熱，選擇這泰式粉麵。走進店內，原以為店舖小小只有數張枱，誰知轉個彎角，另有洞天，這點很是意外。店舖以藍色為主，牆壁有如貨櫃一樣，非常特別，簡單的掛著泰式風味的畫像，枱上有著數款調味。我和友人看了又看，好像很多食物也很吸引，最後各自選了粉麵及小食。先送上椰子雞湯，單是送上枱，已經有陣陣椰子香氣，湯味甜中帶清香，那是天然椰子的香與甜，椰子的甜味更顯雞湯的濃厚。兩碗粉麵，隨後一同送上，是羅勇什錦湯河(改河粉)，泰式鴨肉湯河(改油麵)。兩碗的湯底顏色都是深深的茶色，該是很濃厚味道感覺，湯入口果然是很厚很濃，有點藥材味道，又帶有肉香，朋友說是肉骨茶的感覺。調味料當中有兩種，辣椒配著醬油及辣椒配著醋，分別試著加進湯中，若是辣椒配著醋的話，中和了湯的厚味，令湯入口時較清，若是辣椒配著醬油的話，卻增加湯的濃厚，各種口味，各有特式。泰式鴨肉湯河上的鴨肉，雖是全熟，意想不到，乾濕度適中，容易咀嚼，若加點辣椒配著醋的話，令鴨肉味更為突出，肉味更濃。油麵吸收了湯的味道，油麵的油香更配合，想像不到的美味。

以藍色為主色既泰國餐廳都真係第一次見果然入面都係充滿住泰國既味道大象又點會少得餐牌簡潔，一眼望哂，價錢夠哂平民化，下午茶時段，加五蚊仲有野飲添係泰國餐廳好少食到墨魚餅，一共有五件，墨魚夠彈牙，炸左都唔覺太熱氣呢個蝦餅就有四件，炸得夠酥脆，又唔覺太油膩呢四隻醬係辣椒魚露、辣椒醋、糖同辣椒粉泰國人原來好鍾意加落d湯粉一齊食架粉既粉量唔算太多，湯底就用豬骨湯同涵水汁淆成，而河粉係好闊好大塊，餸就有通菜、札肉、魚條、肉丸等等，包羅萬有魚條都幾彈牙海南雞飯真係無得頂，雞肉就算唔係雞脾位都滑一滑，原來個雞醬都有得揀辣或者唔辣，個湯仲要好足料，你係會飲到雞同椰子味架

叫了鴨肉湯河同串燒豬頸肉，很欣賞河粉粗身，能夠量吸收湯的精華，湯底夠地道，不過味道層次能再多一些，有鴨肉的關係所以湯底有鴨味，好香，鴨可係斬得太細舊的關係，有點骨碎，串燒睇得出廚師好有心機燒即燒即食，非常香口，船河粉量有點細，男士來可能要叫2碗。

厚福街出名多野食，今晚去完尖沙咀同奸咀影相，落返去厚福街搵野食呢度有間泰國菜一直都想試，因為朋友試過話好吸引，所以今日黎到呢頭就順道來食返餐好野餐廳門面十分光猛，遠遠都已經看到了餐廳內座位數目都不少簡潔的menu，有湯粉類、飯類、小食、飲品等等檯上仲有食泰國野必備既醬料任用小食泰式鳳爪很喜歡呢種味道，酸酸辣辣的，超惹味，而且當中的配菜都很好味。鳳爪有些軟骨，吃想來會變成脆脆的口感，很好味，外皮脆彈、中間部份又脆卜卜，汁醬又令人愈食愈開胃真是很地道很滋味我點了一份海南雞飯，店員有問我醬汁要辣還是不辣，我選了不辣的醬海南雞飯份量都不少，大大個的黃油飯，上面鋪滿了大大件而多的海南雞件整件事都十分滋味隨餐仲附上一碗熱辣辣的椰子雞湯椰子味很香，當飲下時先會飲到雞味，之後椰子味是慢慢地滲出來的，十分特別這個海南雞飯的確是平靚正，用料靚，份量又不少我們點了兩串豬頸肉串燒跟兩串雞肉串燒串燒一送上時都已聞到陣陣燒肉味，味道香濃，而且看到燒得很靚，沒有燒焦食串燒當然會配上獨特醬汁沾著來吃豬頸肉跟雞肉都是啖啖肉啖啖滋味肉類有不同的口感好想食多幾串最後當然有食粉麵啦我們點了一碗豬手湯河，我覺得這個滷水汁十分惹

一直鍾愛泰國的船麵，但在香港想找一碗有泰國街頭風味的就不容易，重點在那香濃的秘制湯底。聞說這間羅勇能做到地道泰式船麵，當然要拜訪一下。店舖11:30開門，我是今日第一位客人。室內裝潢簡約平實，一人包場當然舒適。點了一個雜錦湯河，貪可以試多幾款配菜。店員將湯河端上來時，第一眼感覺似模似樣。湯底色澤深，夠香濃，配菜有豬肉丸、牛肉丸、魚旦及魚片。不得不讚那肉丸，質感十足，爽口彈牙，個人十分喜歡，但未知是否開舖的第一碗河粉，總覺得湯底未夠惹味，不過想要一解「思鄉」之情，已經絕對能夠止癢。要提一提，這碗麵仿效泰國船麵的份量，男士絕對不夠飽，但價錢卻又絕對是香港百物騰貴的反映，細細碗盛惠$48。

泰國船麵近年喺香港愈來愈流行，港九新界遍地開花，而且有平有貴，豐儉由人。早前看到友人食評，介紹尖沙咀一間船麵店「羅勇泰國粉麵」，據說餐廳主廚係泰國人，主打曼谷東南部羅勇特色湯粉及飯類。其實筆者也很喜歡吃泰式船麵，趁這天有空，就一於約埋老公過來試試。餐廳位於厚福街，門面十分搶眼，以寶藍色為主調，招牌上左右兩邊各有一隻大象。踏進店，地方不大，麻雀雖小，但頗有泰國當地庶民小店味道，花紋地磚配以象徵泰國的佛像裝飾，加上牆身的大象掛畫，別具泰國風情。餐牌很簡單，一頁過，除了主打的羅勇秘製湯粉外，還有泰式飯類、泰式小食、秘製泰式醬汁串燒、泰式奶茶及咖啡等。先來一客泰式小食炸蝦餅 ($58)，蝦餅做得頗不錯，蝦味雖然未算超濃，但食落爽口彈牙又唔油膩，能吃到內裡的蝦肉。 接著是一碗餐廳主打的船麵，選了泰式鴨肉湯河 ($42)，其實所謂「船麵」即係滷水麵，有傳由移居泰國、在水上市場工作的潮州人所創。至於這碗鴨肉湯河，材料除咗鴨肉外，還有炸豬皮。先嘗一口湯底，據說湯底用咗超過 15 種材料熬煮，過程不加味精，滷水汁味道超濃。河粉非常地道，夠曬大片，差不多有兩隻手指咁粗，而且吸滿湯汁，能吃出滷水的香味。店員

泰國地道菜 好受香港人歡迎當然唔少得 地道粉麵 最近尖沙咀 開了一間新店 以食粉麵為主打 一入鋪頭 香氣四溢 陣陣濃湯未 想必定一試看看餐牌 選擇亦多 我和朋友分別 點了兩碗粉面 加了一客 生蝦 等我介紹一下食物先 海南雞米粉 泰國海南雞出名大家都知 試試呢間 雞肉鮮嫩 重保留雞味 要說說 湯底會是這裡的靈魂 入口甜甜卻又帶小小藥材味 複雜得來幾特別 推介另外的鴨肉河粉 賣相吸引 分量十足 鴨肉煮得好淋 亦入味 河粉是泰國大片的河粉 滲滿湯底 非常入味 泰色生蝦:新鮮又夠彈牙 醬汁亦做得出色 酸酸辣辣 不俗最後係我至愛的泰奶茶 整得地道亦港式 唔會太甜 亦帶泰味 cup 下次會再來試其他美食裝修舒適 坐位亦濶落泰愛泰

中伏...雜誌幫佢賣廣告，食評太誇張。海南雞飯和船粉都唔得。海南雞飯連小朋友都話普普通通，船粉個湯得藥味和顔色，好淡。$48 碗又超細碗，好唔抵。前菜和飲品是食完碗粉和飯先到,又漏單。本人第一次寫食評。I read the great reviews from the magazine, and decided to bring my families to try this Thai restaurant. We all love Thai boat noodles and expect good flavor of the soup. the noodle soup was the worst that I ever hard, only herb flavor, nothing else. All the dishes needed to wait for long time. Not worth $48 at all.