羅勇泰國粉麵 (已結業)

厚福街出名多野食，呢間泰國粉麵係有種魔力，令人食完又會想再來食羅勇泰國粉麵價錢便宜，但味道絕不馬虎，而且係呢度食野仲不用加一入到餐廳第一時間看看想吃什麼。各式各樣泰式食物應有盡有，有王牌的海南雞飯、串燒、泰式小食、泰式飲品我們點了一碗海南雞湯粉，兩碟海南雞飯餐廳的海南雞可以說是切食的，雞肉啖啖肉，滋味無比，而且又不油膩，好清新的如果食海南雞飯仲會配上獨特醬汁沾海南雞，醬汁有辣有唔辣，款款都岩口味食海南雞飯仲跟個椰子雞湯，雞湯香濃，清香椰香濃濃雞味，滋補養顏頂瓜瓜海南雞湯河都好特別粗湯河啖啖滋味，彈牙而湯底都好惹味，跟河粉成絕配調味醬料滋味小食類都很不錯，泰式蝦餅即點即炸，外皮金黃香脆，中間蝦肉彈牙正，熱辣辣脆卜卜沾上酸甜醬，超醒神串燒都十分惹味，點了兩串雞肉，兩串豬肉，兩串豬頸肉啖啖肉啖啖滋味好吸引沾上醬令肉類更為滋味去食泰式食物，串燒真係唔少得係尖沙咀鬧市能吃到又滋味又抵食的泰菜

今晚去到厚福街行入啲先發現有泰國🇹🇭嘢食！仲係泰國街邊小食湯粉串燒！ 外面望見間鋪細細哋，但原來裏面仲有位座。坐得闊落又舒適最啱我哋今晚兩個女仔傾計。 秘製滷水豬手飯：豬手夠soft入口溶化，飯嘅份量也剛好但滷水汁如果再濃郁啲我本人覺得會更好. 個亮點其實係椰子雞湯！以為會好重椰汁cream味好濃但是清清地嘅雞湯好有椰子味，一啲都唔油膩。串燒一樣出色尤其是係個沙嗲醬回味無窮街邊式泰國湯金邊粉加埋不同調味料自己控制分量就啱我哋兩個人分咗又有自己嘅口味.甜甜酸酸加辣好開胃。生蝦都不錯👍加埋蒜頭同酸辣汁口感一流蝦亦新鮮！

今晚在核心外圍聽完歌後就搭船過尖咀搵野食，之前bookmark左呢間店好耐，一直都未有機會試，今次終於可以試下了。本來以為食評幾好，去到可能要排隊，估唔到又唔洗喎，店內大把空位，唔知係過左食飯時間定平時都唔太多人。一坐低就叫左個羅勇雜錦河&豬肉雜錦河，2款都係同一湯底，係傳統泰式船河果種濃濃既豬血湯底，河粉係超粗既泰式河粉，丸類就爽口彈牙，份量就略嫌小左d，味道不俗。不過食完返到家，就超口渴，飲左2大杯水都解唔到渴，可能湯底香味太濃了。

接完男朋友收工後，係附近呢間藍色富泰國色彩既餐廳坐低左。點了: 羅勇海南雞飯，羅勇什錦湯河牛肉豬頸肉雞翼串燒青檸梳打 X2嗌完野後,隨即送來椰子雞湯,是海南雞飯送的。湯好濃 無添加 有齊椰子的香與甜看上來有點油 但其實都幾滋潤見到有杞子 都足料既 個湯贈送來說算幾驚喜海南雞飯 雞肉係已全去骨雞肉嫩滑彈牙 唔會好肥雞肉都啱啱好夠送飯 油飯幾香 黃薑味重 有店舖自製的醬汁送飯 更添好味羅勇什錦湯金邊粉湯色濃 飲落都好香好濃厚 有炸豬皮扎肉魚旦丸物芽菜通菜蔥等配料看上來份量不多 但食落都夠飽有魚片、魚肉條及豬肉丸：豬肉丸同魚肉條最好味泰式河粉是一大塊一大塊的很特別而且很有口感　好味再可以上自己再落不同既調味料夾埋本身香濃的湯　更配合自己的口味牛肉豬頸肉雞翼串燒　均配上花生沙嗲醬樣樣都燒到微焦覺得豬頸肉最好味青檸梳打 清新好飲兩個人埋單不用兩百蚊食飽尖沙咀來說算很好：）推薦船河

今日出左尖沙咀 要一個人食午餐黎左依間係厚福街既羅勇泰國粉麵餐牌有唔同既選擇今餐就決定食秘制滷水豬手湯河粉湯底淡淡滷水味 河粉係粗身泰式河片好難得有地方係用依種河粉 正豬手好似扎肉咁 軟軟加上膠原食落好味又方便唔會好似原隻豬手咁食到好麻煩灑上蔥、炸蒜同芫茜 帶來多層次既味覺享受裡面其他配菜包括通菜同芽菜 營養均衡每桌都有醬料 包括辣汁 酸汁 糖同辣粉自己調配喜愛既味道 我就鍾意加小小酸同辣最後再配上大大個滿甜既椰青正

今日豬仔出左尖沙咀 要一個人食午餐兜兜轉轉黎左依間係厚福街既羅勇泰國粉麵諗起泰國街邊/餐廳既泰式粉麵就流曬口水餐牌有唔同既選擇豬仔今日想食豬手 問過職員後得知係片狀 唔好原隻豬手上既就決定食依個秘制滷水豬手湯河湯底淡淡滷水味 河粉係粗身泰式河片好難得有地方係用依種河粉 豬手好似扎肉咁 軟軟加上膠原食落好味又方便唔會好似原隻豬手咁食到好麻煩灑上蔥、炸蒜同芫茜 帶來多層次既味覺享受裡面其他配菜包括通菜同芽菜 營養均衡每桌都有醬料 包括辣汁 酸汁 糖同辣粉自己調配喜愛既味道豬仔就鍾意加小小酸同辣最後再配上大大個滿甜既椰青依餐晏好味道又充滿泰式風味豬仔一個人都食得好滿足呀

聽講呢度有闊身河粉所以黎試下，係香港想食闊身河粉唔係咁易搵。佢位於厚福街尾尾，地點方便。成個門面藍色，好易認。All day menu。一至日都有下午茶時段+$5有野飲。凍咖啡奶茶都得！入到去都係藍色。我地兩個都飲奶茶，一凍一熱，係泰式奶茶黎嫁！每枱都有自助調味架。牛肉湯河，係泰湯底，幾片牛肉，都厚切嫁，仲有幾粒丸，幾條通菜，湯底唔差，正常野。我個碗係海南雞湯河，有海南雞，數條炸豬皮，都係泰湯底。雞肉比較韌同鞋口，敗筆。最欣賞佢既闊身河滑滑的好好食！總括來說，不失不過，無加一算係咁喇，但食完唔會掛住佢。

一入到黎已經覺得佢嘅設計用心，令人坐得好舒服，佢嘅洗手間設計好簡約，好乾淨，欣賞👍🏿我哋去嘅時候係下午茶時段，都算多選擇。我同男朋友叫咗羅勇雜錦湯河同海南雞飯，加五蚊飲泰式咖啡。老闆娘話雜錦湯河嘅丸同扎肉係泰國返嚟，我自己幾鍾意個扎肉，好香！至於個海南雞飯，我男朋友就好欣賞佢香得來唔油膩。另外，我哋仲叫咗泰式鳳爪同炸蝦餅，呢2個小食都幾出色。老闆娘話個炸蝦餅係佢哋用鮮蝦自己整，的確啖啖肉，好新鮮，好香脆！至於個泰式鳳爪，好清新開胃，好彈牙！

1. As stated in the name, Rayong Thai Noodles is famous for their Thai boat noodles. However, when I entered the restaurant, I saw that the Hainan chicken rice other customers ordered looked pretty nice. So I decided to go for it.2. For HKD$42, this Hainan chicken rice set with a coconut chicken soup is actually a nice dinner deal with generous portion and of good quality.3. Unlike ordinary Hainan chicken rice, you can choose whether you want it spicy or not. I opted for a spicy one, and it’s se

厚福街在尖沙咀縱橫多年,仍然屹立不到主要 、因素主要是這條街差不多佔據九成都是食肆，日、西、韓、泰、台通通都有， 漫無目的繞了一圈最終還是落腳這一間泰式舖頭、 通常慣例未入過去幫襯又未曾熟悉的店舖時，我會打開搜尋網看看食文又或是相片、 加上個人之判斷力，最終分數取決才會入內。。。店舖呈L型以藍色為主幹， 入內攞上餐牌望了一望價錢上以尖沙咀來說HK$四十多元可以吃上一個海南雞飯、 甚是難得所以毫不猶豫下便叫來一個試試~雞肉與飯之比例亦算為標準, 份量足食物味道又如何? 今次巧遇的是雞胸部份、所以 口感上亦全降低了， 至於雞肉的味道亦吃不出來、相反油飯做得可為恰好， 而且例湯方面是(椰子雞湯)亦做得甚為不俗~整體而言 如果下次再揀，我相信不會再給賣上來取悦、還是會試試其他粉麵可能更理想。

準備去The One 電影前，男友說帶我吃個粉麵，本以為是魚蛋粉，但原來不是，這家以泰式粉麵作主打，比平常吃的魚蛋粉另類得多，值得一嚐。**************************羅勇什錦金邊粉 (8/10)湯底十分濃味，配料充足，佐以砂糖醋等，酸酸甜甜，惹味。椰青 (8/10)好大隻又多水，味道清甜肉身亦十分淋，很容易就被我清哂椰肉吃。串燒 (7/10)正正常常，較特別是沙嗲醬有花生粒，吃落有口感。滷水鴨肉飯 (7/10)男友說醬汁不錯，而且配有的椰湯特別可口。****************************另，店員十分友善，見我的砂糖快用完便主動替我換新的。

我哋叫咗一個鴨肉金邊粉同埋一個什錦湯可另外叫咗兩串牛肉串燒。首先什錦湯可有好多種唔同嘅食物但係大部分都係得一兩件， 中當中嘅一條長形魚蛋十分柔軟，另外有啲細細粒 魚蛋同豬肉丸 ， 仲有紮肉， 個湯麵有啲脆炸但好硬嘅炸豬皮 個可粉好闊幾特別但係個湯嘅味道比較淡歌識睇落去仲以為好濃味添。 整體算係幾豐富嘅 不過份量就一般， 味道都係普普通通。另外就係食咗一個鴨肉湯河， 同我以前食過嘅比實在好普通牛肉唔算香 ，啲鴨皮雖然肥但係都唔香， 個湯睇落去啲顏色好濃但係估唔到咁落去算係清淡。 所以最估唔到就係呢個鴨肉湯河原來係好清淡嘅湯麵。兩串牛肉串燒 都係正正常常冇乜驚喜 佢個沙嗲醬 直情有啲普通整體味道其實真係一般般但係價錢唔算好貴個賣相都算係可以見得人。

唔係太差嘅餐廳我都唔會寫壞評。呢間實在難食到一個點，唔寫會對唔住廣大Openricer。叫左個豬肉湯金邊粉，湯完全係有色水only，乜味都無，味精湯都不如。啲豬潤用黃酒/紹興酒癖味，但酒味過濃，豬潤似唔新鮮，其他豬肉不過不失。另外叫左個墨魚餅，食落去似魚餅，不過侍應一直話係墨魚餅，可能係魚肉溝墨魚，我唔識欣賞啦！泰式奶茶亦無茶味，無奶味，更加莫講有Thai tea香味。大聲講句「中伏」，唔算貴，唔怕浪費卡路里同錢嘅就去試啦

上網睇下有尖沙咀咩好食啦，就揀左泰粉，於是上openirce揾到呢間。之前都經過幾次，見門口都有人等位，驟眼望以為門面入面好細，點知入去轉角仲有好多位，都幾闊落，坐得舒服。海南雞金邊粉湯底好重味，但係有少少偏苦，朋友都唔係甘鐘意。不過海南雞好滑身，加返分！羅勇什錦湯河湯底一樣，自己一樣唔係甘鐘意個味，所以加左好多辣調味料。粗身河粉，好好食。雖然睇落細細碗，但好足料，魚片魚蛋貢丸通菜，好飽肚。炸魚餅不過不失炸得香脆，但有少少韌。青檸紅茶甜多過酸，好解渴！

今天點了豬手河及什錦河。豬手河上有豬手亦有炸豬皮,未食河前 先飲一口湯 吃得出沒味精 有小小苦甘味 吃不出是甚麼的湯底。豬皮不脆 豬手亦無咩味 難得河粉夠大塊及厚 有咬口。朋友的什錦河有魚旦 豬肉丸 魚片及牛丸,每樣都幾好味 真係魚有魚味 牛有牛味 只不過味精也不小。 河粉及湯底是一樣的。因1430來 所以可以享用下午茶優惠加5元叫飲品。我們點了泰奶茶及檸茶,泰奶是溫而不熱 味道中規中矩吧, 泰檸完全不檸。下午茶2位盛惠106元。羅勇泰河既味道是我不熟悉的那一種,應該回頭率不高。另外 最值得一提是份量偏小的 。