綠茶餐廳 (將軍澳中心)

营业中

休息中

難得放假夜晚同女朋友出咗去食飯.行過將軍澳中心見到有間新開嘅中式餐廳.女朋友見到有好多人排隊就話食哩間實無死所以想試吓.所以我哋就拎咗飛排隊.繁忙時間真係要啲時間等待.有啲客人可能因為等得太耐都開始有啲唔耐煩.開始有啲煩躁發爛真係難為門口小姐姐仲要同佢地解釋.女朋友仲講笑話等唔到未唔好食囉仲好我哋可以早啲入去.真係頂佢唔順😂😂幾經辛苦終於入到去係一張二人卡位.舒適度還好張枱就細咗啲放唔到太多嘢食所以我哋淨係叫咗三個餸😮‍💨😮‍💨龍井烤雞真係綠茶餐廳必食嘅招牌菜式👍🏼侍應會問我哋需唔需要影相如果需要就會放低隻雞比我哋打咗卡先之後就拎去幫我哋剪雞.籠底有龍井茶葉煙燻住啲雞.食落有淡淡嘅龍井茶香味.皮脆肉嫩又多汁.好食過好多中餐嘅雞👍🏼綠蔥油汁萵筍擺盤精緻.萵筍同萵筍之間會夾住一塊黃瓜.配埋特製嘅花椒油真係又美觀又新奇.可以一試👍🏼麵餅醬香五花肉食落有啲似扁皮鴨.只係佢唔係鴨變咗五花肉.醬汁濃郁口感豐富.食一兩舊都唔錯但係食到第三舊就會有啲膩🤣今日嘅新餐廳體驗整體都唔錯👍🏼服務態度良好.環境優美.會再嚟👍🏼期待下次試其他菜式🤤

北上既時候已經對佢印象唔錯，特別係佢地個粉絲蝦。而家香港已經有多家分店，仲有會員app ，有迎新優惠。雖然香港全寸金尺土，冇可能做到內地果種大既園林式裝修，不過仍然係有限既空間加入園林既元素。餐牌上當然有好多熟悉的面孔，不過更吸引既係香港限定。西湖雷峰塔模仿西湖雷峰塔既外型，其實係山藥和奶既製成品，口感似奶凍。綠色既湖水則來自豆蓉。暴打鳳梨茶造型吸引，特意將熊同鳳梨茶分隔，避免直接溶於水中，適合打咭，而且味道清甜。蔥香脆皮烤鴨平時食開烤雞，今次烤鴨比到驚喜。除咗皮脆，滿碟既蔥香絕對一讚，有幾分XO醬既感覺，食開烤雞既你真係可以一試。蝦湯泡飯泡飯個重點係要夠滾，砂鍋上滾出煙，然後加脆米充滿儀式感。粒粒蝦肉，脆米同泡飯口感豐富，而且湯沒死咸。高湯蝦乾小青菜高湯清甜，配合蝦乾帶出少許鹹香。

星期六、日常常排長龍，趁今晚好似少啲人，所以去試吓！門口負責安排坐位的女侍應穿上白色輕紗，帶點古代風，連男侍應穿上綠色的，感覺好似穿越時空但又食現代化的美食😅上第一道菜是粉絲果裹蝦🍤，好得意要自己計時😅，煮到咁上下開始聞到香味！土豆芝士餅個外型就好似一般，但食落去有幾特別幾好味！最緊要價錢唔貴$22由於天氣熱，所以order咗一杯紅寶石琉璃，我感覺好似紅糖，由於分隔咗兩層，所以容易啲食珍珠，同埋熊仔唔會咁易溶化！又睇得又飲得！ 砂鍋西施豆腐感覺一般😅而甜品方便我覺得西湖雷峰塔好好味又抵，而西湖成試一次便算！懷舊米漿，我感覺起其他餐廳好少有，所以都試吓！

### **環境與服務** 餐廳裝潢簡約，帶有中式茶室的風格，燈光柔和，適合小聚。不過座位較窄，尤其是大桌選擇不多，若多人聚餐可能不太方便。服務方面，上菜速度偏慢，尤其是繁忙時段，需耐心等待。 ### **菜品評價** #### **1. 黑松露炒飯** 炒飯粒粒分明，黑松露香氣濃郁，但分量偏少，松露醬的味道稍重，蓋過了其他配料（如蛋和蔬菜）的風味。整體來說，香氣足但層次感一般。 **★★★☆☆** #### **2. 綠茶餅** 外皮酥脆，內餡是微甜的芋泥蓉，帶有淡淡茶香，不過略嫌油膩，吃一塊已足夠。若能減少油分，會更符合健康趨勢。 **★★★☆☆** #### **3. 煙燻雞** 雞肉嫩滑，煙燻香氣突出，皮薄而不膩，搭配微甜的醬汁頗有風味。可惜分量較小，適合2-3人分享。 **★★★★☆** #### **4. 勝瓜湯** 湯頭清甜，勝瓜（絲瓜）煮得軟嫩，帶有淡淡胡椒香，喝起來很舒服， 有瑤柱或蝦米提鮮。 **★★★☆☆** #### **5. 雞油蒸黃花魚** 魚肉鮮嫩，雞油的香氣滲入魚肉中，入口滑而不膩，是當晚最驚喜的一道菜。唯一缺點是魚的尺寸較小，性

今日晏晝同老公去左將軍澳中心果邊行下，好耐無去過見到好多新餐廳，咁啱之前返大陸好鍾意食綠茶呢間餐廳，依家先知原來將軍澳都開左，入去食先。我叫左幾個唔同款式嘅菜式都好特別，味道都幾好食🩷🩷🩷🩷🩷黑松露牛肉炒飯 一上菜已經聞好香黑松露味。再加左三色豆同牛肉粒，炒到好夠鑊氣，份量十足。鮑魚小炒肉 鮑魚嘅鮮味再加上青椒同埋豬肉一齊炒辣辣地好惹味。麵包誘惑 焗到脆卜卜嘅麵包加埋雪糕一齊食，冰火兩重奏好正。西湖雷峰塔 佢個賣相好精緻，而且口感好似豆腐嘅質感，原來係用左淡奶油，雪糕同埋青豆泥製成，好清新做甜品一流。龍井檸檬茶 佢個龍井味好出，加埋啲青檸片酸酸甜甜好開胃。暴打鳳梨茶 佢個菠蘿味幾清甜，茶底都好清新好夾，夏天飲一流。原來佢係同米芝蓮名廚合作制定咗七款菜式，同埋餐廳用龍井茶呢個主題，無論喺餐單上或者裝飾上都好有古典風味，估唔到香港都係咁好食，依家下載佢個會員Apps仲有迎新優惠。

今日同朋友行過將軍澳中心.見到原來哩到都開咗間綠茶餐廳就即刻行入去試🤣我哋去個陣都唔算多人可能係因為過咗食飯時間.唔洗等位即刻有得入.非常幸運🍀雖然佢哋用餐時間90分鐘.但係如果唔忙都可以比我哋坐耐啲.哩一點非常合理👍🏻粉絲裏蝦🦐用Gas 爐即煮.店員會幫你計埋時間.新鮮大蝦彈牙多汁.粉絲口感軟滑.非常入味👍🏻龍井烤雞🍗皮脆肉嫩非常多汁.盒底有龍井茶葉煙燻住.食落有淡淡嘅茶香味.一定要試👍🏻西施豆腐鍋🍲豆腐軟綿綿夠晒滑.配埋肉碎蝦仁青豆.真係送飯必點👍🏻環境優美.燈光足夠.打卡一流👍🏻後生仔女場.效率高.服務態度非常好👍🏻 比其他中菜抵食好多👍🏻

今日約左一家人食飯，行經商場見到有間叫做「綠茶餐廳」，佢係內地人氣食肆，主打新派浙江菜，近年在香港大展拳腳，短短幾個月內迅速開左七間分店，而且非常受歡迎，店內環境充滿杭州氣氛，裝修同環境都好特別，典雅而富濃厚嘅中式氛圍。順帶一題，用膳時間只有90分鐘，餐廳還推出了會員App，入面有迎新優惠，大家一定要使用呀！入座後，店員送上茶，再給餐牌用QR code下單，我哋揀左幾個招牌菜，落完單唔夠幾分鐘就上菜了，幾有效率。首先要品嚐一下杭州靚茶，九曲紅梅茶歷史悠久，係紅茶中的珍品，口感醇厚，甘甜爽口，茶味挺芳香，飲落好舒服，色澤如紅梅般偏紅。龍井烤雞 呢個係打卡菜式，店員首先放上煙燻木筒，裡面原來係原隻烤雞，然後問要唔要影相，之後幫我地剪開雞件，服務非常唔錯，烤雞外皮薄薄的，金黃酥脆，還帶點淡淡龍井的茶香，油脂唔算好多，所以食落唔會有負擔感的感覺。細看下，原來木盤底部有龍井茶葉，茶葉幽香慢慢滲入雞肉之中，非常有心思，係必食嘅皇牌招牌菜。粉絲裹蝦店員奉上小爐在客人面前即場烹製，再用計時器計時，當響起時店員就會過嚟幫你兜亂啲紛絲就食得，由生至熟只需蒸焗幾分鐘，包保熱辣辣。粉絲在吸收蒜蓉蝦汁後，非常上

之前北上食過綠茶餐廳，而家唔駛山長水遠北上都食到近排將軍澳中心都開左間，約埋住系附近的朋友一試餐廳仲推出左會員app，新會員可享迎迎優惠龍井烤雞$138烤雞份量驚人，兩個人share 每人分到四、五舊外皮香脆唔會肥膩，雞肉多肉唔鞋口，建議多人share 食粉絲裏蝦$108粉絲上枱要等六分鍾先食得，待應會計時過黎幫手撈勻，炒香撈埋醬汁好好食筆墨酥香$48神似毛筆的造型絕對系打卡之選，沾沾旁邊的墨汁食香脆酥皮，裏面包住白蓮蓉，唔太甜紅寶石琉璃$28酸酸甜甜勁大杯，夏日消暑之選

門口攞位嘅女仔服務態度太差問佢攞位黑口黑面。問佢攞張餐單望一望好似問緊佢攞錢甘勁唔耐煩。老細請呢d員工倒米。仲要係門面。嚮深圳食服務態度好好，apm食都ok。嘢食不過不失，環境冇apm甘大甘闊差少少。衰在服務差唔會再去。

🔹️到將軍澳 “綠茶餐廳” 午饍🥢 餐廳裝修古色古香🪴🌿 食物高質、有特色😋 店員有禮🧑‍💼👩🏻‍💼 價錢合宜💰💫綠茶集團👑 與米芝蓮星級名廚 👨🏻‍🍳 聯手合作🤝 制定夏季限定Menu😍😋🔸️龍井綠茶🫖.茶味香氣芬芬、醇厚、入口甘香☕️🔸️翠舟蝦劃🦐🛶以秋葵和蝦滑炮製, 秋葵的嫩果口感滑嫩, 蝦滑鮮甜彈牙, 外觀吸引😍有心思💞🔸️粉絲裹蝦🦐🥘以爽彈開背蝦和煙韌粉絲, 爆香洋蔥和蒜香, 粉充分吸收湯汁和醬料的味道Yummy😋🔸️蟶子蒸蛋🍲肉質爽彈蟶子肉 ~ 味道鮮甜, 配合幼滑蒸雞蛋, 鮮味開胃👍🔸️筆墨酥香🖌以文房四寶造型💫 材料以麵粉 、白豆沙製成, 外脆內綿, 加上朱古力醬製成墨汁, 為俏為妙🤩

無禮貌的服務員及招呼一間中資在港插旗但用港式茶餐廳招呼服務加一服務費就識收一味喺度 收唔收得 食完未仲有冇野未黎 啲野食到齊未一直係度催催催催啲碗碟又唔識換服務員態度非常惡劣特別係催last order 與及帶位同事90分鐘用餐 食左45分鐘就 截咗手機點系統簡直不所謂

可能因為新餐廳… 勁多人排隊. 一於試下佢龍與鳳…有米之蓮星級名廚聯手制定menu! 人好多. 職員都有啲霸氣. 乖乖地入座～ 龍井綠茶（熱/位）@$12.9-茶唔算好熱， 可以即刻入口， 如果想要熱水可以問職員拎龍井烤雞 $138-肉質嫩.職員會先俾你睇下雞係原整一隻， 跟住就幫手剪翠舟蝦劃 $88-個秋葵味好出，有小小遮左蝦滑既鮮味， 所以我分開黎食～ 咁就岩岩好！ 唔錯！ 蛋黃南瓜$68-好香既咸蛋黃香呀！ 好食！ 如果熱啲應該仲正！ 西湖盛蓮$38-朶粉紅色花係士多啤梨味. 下面個奶凍物體有啲杏仁香暴打鳳梨茶$28-覺得呢杯野飲都幾抵，有晒做型～ 又有一片片既菠蘿～賣單前記得download app 做會員， 有迎新優惠劵

環境舒服，食物菜式有新鮮感都，有打卡位，食物ok!價錢合理！值得一試！鹹蛋黃南瓜好食，綠豆餅好食，香菇醬香焗木魚仔幾特別又幾好食！東坡肉，佢加咗白飯底，減咗個肥膩，食落去好易入口，一啲都唔漏！

將中新開餐廳，新店以杭州西湖龍井茶文化為靈感，結合現代美學設計，打造獨一無二的沉浸式用餐體驗。菜式由米芝蓮星級名廚俞斌，精心設計夏季限定菜單，食材新鮮，創意十足！💚粉絲裏蝦
新鮮大蝦彈牙多汁，粉絲吸滿了鮮蝦的鮮甜，口感軟滑，非常入味。💚西湖雷峰塔
甜品創意十足，外觀精緻，淡淡茶香，甜度適中，不會過膩。$28喺香港餐廳食個飯後甜品真係唔錯。💚鮑魚小炒肉
切片鮑魚鮮嫩，加少許辣椒炒肉，層次豐富。醬汁濃郁，$108有鮑魚算合理，如果有多幾片鮑魚會更滿足🤣💚蛤蜊絲瓜
絲瓜清甜爽脆，蛤蜊嘅海鮮鮮味，啱哂健康飲食嘅客人，很適合夏天享用。💚茶香奶凍
奶凍入口即化，茶香濃郁而不膩，滑順嘅奶香有驚喜！💚龍井檸檬茶
有隻熊仔打卡好可愛😍這款飲品清新開胃，龍井茶清香，搭配檸檬酸甜，冰冰涼涼特別適合香港悶熱天氣！

大量打卡菜式晚市兩人埋單$600都唔使😱食之前記得下載會員Apps領取迎新優惠喺餐廳門口已經聞到淡淡的綠茶味餐廳亦都係古風嘅裝修，令人感覺好舒服▫️筆墨酥香以文房四寶為靈感的打卡必點甜品毛筆造型嘅酥油外層酥脆，內餡白豆沙比紅豆更清新唔油膩點上墨汁造型嘅朱古力醬兩者配搭啱啱好▫️西湖盛蓮精緻蓮花造型打卡必點甜品上層蓮花造型草莓布丅搭配杏仁布丁同馬蹄爆爆珠酸甜一啲都唔漏，布丁口感超滑，加上粒粒爆爆珠💥口感好豐富～▫️粉絲襄蝦蝦係以未煮嘅形式上枱，之後再加熱6分鐘店員會幫你開蓋翻炒，一打開香氣撲鼻蝦充滿蒜蓉嘅香味，粉絲吸晒汁送飯一流記得店員離開後自己都要翻炒，如果唔係會黐底哦～▫️江南綠茶餅外層沾有已經炒香嘅芝麻超香口！內層係芋頭餡，甜而不膩每一款打卡菜式都有寓意，打卡之餘仲能夠用全新嘅手法帶出中國傳統文化同風味~