影片
以上资料只供参考，请与餐厅确认详情
记得十多年前做旅游业，若到附近酒店接客，必定会嚟买个包食，当时酒店出品街坊价钱，面包新鲜松软，令人再三回味。时而世易，十多年后再帮衬，店面虽然无变，但一睇卖相就知唔系那回事，$9个包，细细个冻冰冰，白晒晒，外型仲衰过一般cheap cheap饼铺。唔信邪，点都买咗个呢食，极冻极硬极难食，绝对无下次。
继续阅读
以前行路返大角咀时会试下唔同o既路 , 反正有时间 ,左转右转 , 去到太子或旺角或何文田 , 都一样识路返去就系因为咁 , 发现左呢间维景酒店下o既饼店 , 间中都会帮衬今日放工无乜野做 , 就慢慢行下 , 去睇下狗仔猫仔 , 路经维景 , 入去见到 d 面包好似几唔错 , 于是买左两个1. 日式杏仁直烧棒~ 呢个系本月推介之一 , 面上有好多杏仁片 , 用奶油黏住 , 味道无乜特别 , 杏仁片系淋o既中间有一部份空心左 , 有 d 好似练奶味o既酱整个面包系软熟o既 , 但只有奶油味而不是杏仁味 2. 泡芙包~ 外表睇超黎白雪雪 , 一个圆饼型 , 无乜特别 , 佢叫做泡芙包 , 好容易令人联想到 , 外脆内软 ,中间藏住香甜软滑o既吉士或忌廉之类o既泡芙实际竟然系又干又硬 , 只有甜味o既 " 光酥饼 "## 呢两个包质素同味道都强差人意 , 完全不值 $ 8.5
继续阅读
今日唔想去太远，去深水埗食晚饭前行完花墟，再走左去太子睇吓有咩食 有亲戚曾提到维景酒店嘅自助餐唔错，但系有经过过嘅应该知道该酒店系内地同胞嘅favorite，要系食Buffet嘅时间同佢地争一碟之长短，实非我辈所能，所以只好转战酒店饼店~酒店嘅饼部每日下午5点会做8折(以前系7折)，7点做6折(不过相信已经所剩无几!)~我地时间刚刚好，4:55到埗，但系已经有数个识途老马早过我地! 女朋友喜欢食栗子，所以希望可以试尽全港嘅Mont Blanc. 买左件成座山咁高嘅栗子挞($16,-20%)~呢件绝对系穷人恩物，实心嘅栗子蓉非常之饱肚，味道唔太甜，但系有栗子味，只系打得唔够细滑，间中会食到小小嘅栗子粒，蛋糕部分非常细小，只系一旧五蚊硬币厚度嘅海绵蛋糕，味道同松软度都非常普通，曲奇批底有少量朱古力酱将海绵蛋糕黏实，整体嚟讲算合格，食晒可能饱过食饭盒，但系同心目中嘅No.1，北角和富道Clover比当然无得比.另外买左个合桃麦包($14,-20%)同桂圆杞子包($14,-20%)，合桃麦包系大路货色嘅水准，可以话同酒店嘅形象相映成趣. 而桂圆杞子包有浓㶶嘅肉桂味，唔难揾到甜甜嘅桂圆同红色嘅杞子，不是天然健康个种面包，但系以呢个价钱黎讲系Good Deal值得一提系一男一女职员系人朝下能保持友善有礼貌，不慌不忙，绝对系训练有数!
继续阅读
人系好现实，所以我都唔例外~知道此店的面包5点后有7折，所以5点过后立即去买其实一到5点之后就特别多人， D包好快比人扫晒，于是我手快地买了个香草蒜蓉忌廉芝士包，一个「U」字型既包，都几大个，约300g重，面头有d燕麦，感觉上几健康，而事实上都几健康既~包身偏硬，而且比较淡味，你会感觉到系少油既关系~而包心平均地分布左d忌廉芝士同香草蒜蓉，蒜蓉有少少苦苦地，但好香!而忌廉芝士既咸味不重，两者一同食落去既味道出奇地夹其实我食过好多次，今次忍唔住要分享比大家~
继续阅读
因为有5点后7折,所以经常来帮衬每次一定买CAKE食4件都系$40以内好食过某些连锁饼店多多声最仲意食芝麻味CHEESE CAKE唔太甜,好香芝麻味阿妈至爱朱古力果仁蛋糕,果仁朱古力味丰富,劲正另外有只芝士烟肉包,特价左好似7*0.7=$5都唔使里面D馅劲足料返到屋企焗热番佢仲好食另外我觉得服务好好WOR点解楼下话佢唔好既????我见YOUNG个女仔劲NICE+好笑容有时仲会同佢搭2句嗲TIM
继续阅读