156
8
6
电话号码
60637470
开饭介绍
取名自前启德机场,以「纸飞机」象征小朋友如折纸般拥有无限可能。亲子餐厅室内面积近4,000平方尺,设有不同主题的儿童玩乐区。由香港米芝莲一星酒家林师傅主理,主打摩登江浙菜,及提供儿童餐。 继续阅读
特色
家庭亲子
附加资料
星期一至五 : 小童入场费138,成人免入场费,餐饮最低消费150/人,星期六日 : 小童入场费198,成人免入场费,餐饮最低消费100/人。
营业时间
今日营业
11:15 - 14:00
14:15 - 17:00
17:15 - 20:00
星期一至五
11:15 - 14:00
14:15 - 17:00
17:15 - 20:00
星期六至日
10:15 - 21:00
*星期一至五最後落单时间: 19:30 星期六至日:最後落单时间: 20:00
付款方式
Visa Master AlipayHK 支付宝 现金 银联 微信支付
座位数目
70
其他资料
网上订座
酒精饮料
自带酒水
切蛋糕费
电话订座
赏订座积分
加一服务费
电视播放
当面支付
有关奖赏计划
招牌菜
牛肉麻辣香锅 创意牛柳年糕 BBQ菠萝咕咾肉 查理最爱陈皮红烧狮子头
食记 (197)
等级4 2021-03-27
332 浏览
寻日同两个小朋友一齐去纸飞机亲子空间度玩, 呢间餐厅呢位於旧机场启德邮轮码头,虽然系要转一程车,但系呢系好方便嘅九龙湾地铁站德福广场就好容易搵到小巴去啦。哗!去到启德邮轮码头嗰个地方好大呀!搭多程升降机上到去就会见到纸飞机亲子空间喇,入到去环境好色彩鲜艳,入场就有换拖鞋啦,小朋友就着返袜仔就可以入去玩。两个小朋友急不及待咁样即刻走去玩玩具!有好多公仔同车车。仲有一个木制嘅波波池同瀡滑梯中间位置呢就系用餐区啦,d餐具有齐哂大小朋友用嘅,职员仲会细心咁问你要唔要较剪剪俾小朋友食。一入场好快我哋就叫咗嘢食,menu选择好多呀,连川菜都有,估唔到亲子餐厅有咁多好野食!首先黎嘅大好健康嘅上汤鲜茄杂菌有机豆苗,两个小朋友好快就食咗番茄入面嘅焗蘑菇,好好味㗎,佢地系咁话要多d然後呢仲有一份,水果前菜拼盘,切到细细粒,有腌过嘅车厘茄,仲要去咗皮添呀,甜甜地,冇草青味好啱小朋友食!仲有呢陈醋云耳呢就啱晒我哋啲大人喇,又爽口又好开胃! 另外仲叫左陈皮狮子球,呢个真系咩年纪都啱食!连好细嘅小朋友都会食到呀,本来呢以为黎到咁好玩嘅亲子餐厅小朋友会唔肯食嘢喎,但因为啲食物啦又靓又好味,所以佢哋呢都好乖咁样食完先至去玩,当然唔少得嘅就系叫小朋友最锺意嘅薯条啦,呢度嘅薯条嗰啲特别㗎,用咗孜然粉,有啲川菜嘅特色。大概系玩左两个钟头,我觉得啦时间都算啱啱好呀,食嘢食一个钟啦,然之後小朋友去玩一个钟,入面嘅厕所分男仔女仔,仲有母乳房,亦都系每一个厕格入面有小朋友嘅坐厕,非常之方便呀,仲好乾净添,我都非常之推介呢一间亲子餐厅畀我嘅朋友㗎。 继续阅读
(以上食记乃用户个人意见 , 并不代表OpenRice之观点。)
等级4 2021-03-20
259 浏览
疫情下,可以玩乐又少人既地方真系唔系好多。小朋友成日都想玩滑梯,但好多地方都封左,太晒既日子又唔想行山,室内游乐场餐厅系一个大家都可以有自己空间既好选择。我今日选择左纸飞机亲子空间,位於启德邮轮码头,有巴士可以直达总站,交通都几方便,泊车都好方便,有2个钟头免费泊车。一落车附近有电梯直达上顶层,推住BB车都好方便直接去到餐厅。一去到小朋友已经好兴奋,已经自己除好鞋放好系鞋架准备去玩,比我还要快。餐厅职员既服务好好,落左单之後同小朋友去玩,到上菜既时候再通知你。餐厅既设计好体贴,所有枱都系圆边设计,小朋友跑黎揾家长都安全,有小朋友用具同餐整。我有幸安排系小朋友厨房及购物玩乐位置旁边既餐枱,小朋友食完自己玩就系我既私人享受时间,最开心莫过於望住佢开心自己放空。食物都有好多选择,我拣左牛柳粒年糕,第一次食呢个配搭,我觉得好好食,配饭一流,好大份可以2 个人食前菜都好好食好吸引,加埋一个好健康既上汤鲜茄有机豆苗洗手间既设计都值得欣赏,有动物设计吸引小朋友,一入去就有大人同小朋友既拖鞋,有亲子洗手间又有小朋友专用洗手盆,方便使用。食完可以去远少少既地方玩,有滑梯又有天然环保的木粒沙池,其中一个玩具系夹木粒,可以练埋手力。沙池既上面仲有个小型BRIO 车既模型玩。餐厅仲有好多唔同款既车仔俾小朋友玩,有D 可以踩,有D 系靠控制方向既而行既。旁边有一个点心枱位置,可以玩家家酒,小朋友真系会坐底扮食,都几有趣。仲有其他COSPLAY,幼儿CORNER,图书CORNER,可以玩足3个钟唔停,职员会系限时到之前早10分钟通知你,等你有时间同小朋友做好心理准备同游乐场讲BYE BYE。对於呢间咁RELAX 既餐厅我个人好满意,闲日人又唔多,大约得4 个小朋友,空间感十足,走时仲可以去启德跑道公园放下风小朋友一上巴士就训左,又有METIME. 继续阅读
(以上食记乃用户个人意见 , 并不代表OpenRice之观点。)
冇得去旅行,唯有留港游玩。我第一次黎启德邮轮码头做游客。我同阿囝首先搭港铁去九龙湾站,然後行十分钟去搭22号巴士去到邮轮码头。巴士路程短,不过半个钟先有一班,等死人。去到邮轮码头B区搭lift上R层,风景好靓。行去西面尽头发现有一间亲子餐厅。横掂有d饿,就同阿囝去玩返阵。原来一日分左几个入场时段,星期六及假期每个时段两个钟,小童入场费$198,成人最低消费每人$100。入场细路除鞋先,大人就换拖鞋。入面唔算大,但系游戏区有好几个,煮饭仔,BB区,装扮区,图书区,小型滑梯区,Lego区,弹床仔,车仔区,木造沙池等等都有得玩。我个囝满场飞,玩过唔停。中间范围就系用餐区,唔算空旷,但系都唔觉焗。今日周六下午两点半时段入场,居然全场满座咁滞。讲下大人concern既食物啦。呢间cafe居然系主打淮扬菜,而唔系西餐。食品选择有前菜,汤,主菜,饭麫同甜品等。创意牛柳年糕 $128+10%想知佢几有创意,就叫黎试下先。原来系将牛柳同年糕切粒,再加入粒粒蒜芯一齐炒。牛柳粒都几嫩同入味,同d烟烟韧韧既年糕粒加上脆脆地既蒜芯粒一齐食,几特别既口感同味道。如果怕油就可能要留意下,因为炒年糕好难少油。上汤鲜茄有机豆苗 $88+10%呢个素菜d豆苗坚嫩,煮得好好味,仲暖暖地。个大蕃茄系冻既,生生地,入面放左d杂菇。成碟菜好健康。爆汁话梅蕃茄,养生小木耳,时令水果爆汁话梅蕃茄有三大粒,已去皮。真系几爆汁。话梅味唔重,我个囝都接受到。养生小木耳好健康,个汁冇乜味。时令水果有三色提子,橙,火龙果同蓝莓适当地切好哂,方便细路食,我个囝眨下眼就食哂。宝宝奶泡每个细路有杯免费既宝宝奶泡。上菜速度好快,食饱就即刻玩。如果黎开呢头,都可以考虑呢间亲子餐厅。Menu都有儿童餐拣,亦有得包场,枱上有儿童餐具,餐厅内当然有儿童厕所。最开心既系,我个囝回程途中同我讲玩得好开心。 继续阅读
(以上食记乃用户个人意见 , 并不代表OpenRice之观点。)
等级4 2021-02-09
603 浏览
位於邮轮码头北面平台, 当然揸车过嚟会系最方便, 应该可以有免费泊车优惠~ 如果启德站过嚟就可能要转乘的士啦~ 亲子餐厅喺香港嘅数目唔算多, 大部分都系cafe形式饮下咖啡, 食意粉~ 呢一间就比较特别, 以中式为主, 仲要系江浙中菜㖭~ 开胃前菜两款:黑醋木耳, 话梅车厘茄酸酸地好开胃~ 车厘茄已经去皮, 话梅味唔会太重, 但系又成功带出车厘茄嘅清新酸味, 做得唔错~👍🏼主菜:陈皮狮子头🥢两大粒狮子头, 配上西兰花🥦 大人小朋友都适合, 捞饭一流🍚蔬果:上汤鲜茄时蔬, 水果拼盘原个大蕃茄去皮, 里面承载住大量菇类, 吸收咗鲜蕃茄汁嘅精华~ 菜苗亦都好嫩滑~ 完全系健康之选🍅🥬水果拼盘虽然唔大, 但系里面有齐:蓝莓, 冇核提子, 火龙果, 橙~ 最细心嘅系提子已经切开咗两边, 咁样就放心畀小朋友食啦~🍇🍊至於小朋友玩乐区方面, 地方唔算超级大但算系样样俱全, 阅读区域, 厨房, 模仿超级市场, 瀡滑梯, 木沙池, 摇摇木马, 仲有cosplay衣服 - 小朋友可以着上公主裙, 或者扮医生~ 入去玩乐区之前所有人都要除低自己嘅鞋, 亦都要着袜入去~ 如果店员可以为每个人嘅袜底都喷上酒精消毒就会更加好啦~ 🔺🔺🔺🔺🔺🔺🔺🔺🔺🔺🔺🔺🔺 继续阅读
(以上食记乃用户个人意见 , 并不代表OpenRice之观点。)
等级4 2021-03-25
0 浏览
 等了又等~ 终於等到亲子餐厅重开啦~细佬宝又可以去放电, 妈妈终於有安落茶饭食😌 🈶️几个玩乐区, 这部份主要玩车、路轨和小型工程玩具🪀.. 还有好几款大型嘅车可以比小朋友选择驾驶。仲有超大的supermarket, kitchen area 细佬补玩得不亦乐乎食物方面, 一般亲子餐厅嘅食物都比较普通,呢一度嘅食物我可以用非常好吃来形容。 晚餐set 有 主菜,前菜,蔬菜,加水果。 我们选择了细佬最喜欢的芝麻鸡翼,鸡翼炆得入味之余鸡肉亦非常嫩滑。 原个蕃茄菜苗 非常 juicy , 清新好吃又健康 。 继续阅读
(以上食记乃用户个人意见 , 并不代表OpenRice之观点。)