影片
昨日原本去另一间餐厅食，不过Full booking。咁唯有去呢一间食喇！讲起嚟把几🔥！楼下𠮶两台客，台上啲野食都食完喇！都要吹一阵水，死都唔走！OK，Find！咁无法啦，唯有上楼上坐，啲招呼完全唔L掂，楼上得一个waiter，啲野食喺楼下攞上嚟，重要既系，我坐个台既隔离台，成班阿叔喺度食烟，讲野大大声(呢两样野我都算)，最重要既系，我地隔离台客迟过我地嚟，啲野食到咗都快过我地落order(我哋早过𠮶台客落Order先㗎)，重要坐喺冷气机底𠮶边，我真系忍无可忍喇！拍枱走人！呢间真系Blacklist中既Blacklist！永远唔会再去！啲招呼极度超级差！
继续阅读
油麻地附近有间唔太起眼既泰国菜馆，有日好奇就走去试下。 餐厅以深色木系装修为主， 啲枱都几迫，椅背之间冇咩空隙，但员工都体谅， 我地2 人坐4 人枱都ok，唔会格硬迫你搭枱坐满4 位，比好多香港茶记人性化👍🏻🦐泰式生虾 HKD98 $98 有8只生虾，价钱都算公道， 虾身肉质仲特别爽实 ！配泰式辣酱同海鲜酱都好夹。 🐚辣椒膏炒蛏子 HKD98 望落好似几辣， 实际个汁几多椰浆， 甜甜地但都几惹味。 一碟都有8-10只蛏子仔左右， 蛏子有啲啲韧，就算好多酱汁但肉身都唔入味， 同个酱都冇特别Match 。🍞 蒜蓉包 HKD48 绝对系世！一！蒜蓉包❣️ 系本店必叫菜式！ 由两块厚多士切条上碟， 面包脆边中间就好松软， 成块面包每个角落都系满满既牛油蒜蓉香，唔会烘到好干好”惨口”，亦唔会太油淋淋，就算面包咁饱肚都可以食到唔停口☺️ 见到好多客都有叫！ 😌🥬 猪肉生菜包 HKD89 份量都唔少！肉末有红葱头、柠檬叶、香茅等调味， 味道辣中带酸，好有泰国风味，唔错！ 🍜干炒河粉（猪） HKD88 单一食可能会觉得唔够味，但Pigbee 觉得系样样𩠌都咁浓味之下，有样冇咁浓既平衡下几舒服。 猪肉好多，仲好厚切 🤣 炒既火喉都岩岩好，河粉都干身。 Pigbee 觉得餐厅用心煮食，街坊价钱但又真材实料。不过如果环境坐得舒服啲，楼面人手多番啲，相信会吸引更多人帮衬🥰
继续阅读
无意间喺朗豪坊附近，发现咗一间泰国小餐厅，见入面似系泰国人开，就入去试试😋一入餐厅，服务员真系泰国人。有礼又细心，一开始就有杯热水俾我哋冲洗餐具。餐厅入面好多熟客，大部份客人入嚟，都同服务员/老板打招呼及问好，有啲客人仲讲泰文。味道方面，啱我口味，所有菜式都唔会太咸。相比其他泰式餐厅，往往食完都会超级口渴。「泰式菠萝炒饭」第一次见食呢个炒饭，肉松同埋腰果会另碟上，餐厅都几细心，知道可能有客人唔食腰果，或者唔食肉松。👍🏻特别值得一赞系，厨师好认真处理食材，所有海鲜都处理干净，虾肠有挑走，青口有清内脏…… 唔系间间餐厅都咁认真，的确抵赞👍🏻👍🏻👍🏻临走𠮶阵，见到有泰式糕点外卖， $25有五件，都几抵食，下次再帮衬先。😋
继续阅读
平安夜以为周围都多人，本身都谂住叠埋心水食连锁快餐店，点知去旺角行行吓见到间冇乜装修睇落去好地道嘅泰国餐厅，老公就话不如食呢间泰国嘢🤣但明明个零礼拜前先去曼谷返嚟选择好多，menu好厚好大本😳其实香港普遍好多泰国餐厅既菜式都系为咗迎合香港人口味，真系喺泰国又好似唔常见到呢啲菜式🤣呢间餐厅比较特别系会有泰国嘅乡村菜首先上菜既系脆肉炒椰菜苗同香辣猪肉碎配饭，椰菜苗新鲜爽脆，脆肉口感似腊肉，都几干硬，下次都系会叫返马拉盏炒椰菜苗香辣猪肉碎饭好好食！好惹味！加咗好多香叶同香茅落去炒，虽然冻咗但都好好食，仲有只㶶边荷包蛋，捞埋啲蛋汁简直回味，我会为咗呢个饭再嚟🍴辣椒膏炒蛏子就好失望啦🫠好诡异咁个菜上到嚟系咁出烟，我地都兴奋咗一下，因为刚才个椰菜苗同个饭其实系冻既，不过见间舖都好忙，大时大节体谅下所以一见到个炒蛏子系咁出烟，我哋都好开心终于有道热辣辣嘅菜。点知，食落口炒蛏子系冇味而且系暖偏冻🫠🫠🫠我地觉得佢只不过系烚好咗啲蛏子，摆到冻咗，然后再同啲热既酱汁捞两捞，真心呢个真系好失望好唔开心仲叫咗两牛一猪既串烧，串烧嘅沙嗲酱好惹味，唔算难。猪口感会好食过牛，牛嘅肉质都算霉，冇咩牛味，冇咩特别都唔一定要试蒜蓉包非常惊艳，好好彩呢个系热既，成条脆卜卜，佢唔算好重蒜蓉味，但好香牛油味！好食到一次过食晒，呢个我系系香港食过最好食既蒜蓉包🥳本身谂住叫椰汁鸡汤，但见到佢乡村菜入边有个香草鸡汤，加上系泰国乡村菜，未听过又咁特别，大家都未试过，就谂住试吓，但…………..我唔可以话难食，只能够说真系唔系香港人口味🤣首先佢唔似汤，似汁多啲，除咗鸡之外，入边有好多款唔同嘅蔬菜，西兰花椰菜花南瓜秀珍菇鸡脾骨豆角粟米芯，仲有啲南姜香茅九层塔香叶同辣椒，最特别系，佢有鱼骨😳我估会唔会就系泰国既臭鱼酱，利申未食过试咗一啖都觉得还好，食第二啖嘅时候唔知点解有一种扑鼻而来嘅难受🥲真系吞唔落去…..老公拎起嚟闻咗一下都投降🥲我唔想话人地国家既传统菜式系伏，好奇既可以尝试下，我相信会比到你强大嘅冲击感🫣埋单$468，其实都有两道菜系好食既，下次都想再试下其他，希望拣仲啱口味架啦🤣
继续阅读
喺旺角朗豪坊附近嘅地道泰国餐厅最欣赏系个冬阴功汤！好多料！又唔会太酸，好好饮呢个盲曹鱼都系值得推介，条鱼系起咗一块块肉咁炸 ，食既时候可以用香叶包住食，层次感丰富，仲有芒果丝同木瓜丝可以夹埋一次过食，好正！D酱汁酸酸尾尾，但好食，少少辣。烧大头虾，我哋有五个人，叫左10只，大头虾一个头都好多膏，肉质弹牙炒蛏子个酱汁系甜甜地，少少辣，有香叶落去一齐炒，肉质爽口弹牙蒜蓉包要趁热食，好脆口 好香，呢个一定要试整体来讲很不错性价比好高，店员大多数都识听广东话，下次会再去。听朋友讲呢间餐厅好旺场，人多一定要订位
继续阅读