紅金不換泰國菜館 (已結業)

昨日原本去另一間餐廳食，不過Full booking。咁唯有去呢一間食喇！講起嚟把幾🔥！樓下嗰兩檯客，檯上啲野食都食完喇！都要吹一陣水，死都唔走！OK，Find！咁無法啦，唯有上樓上坐，啲招呼完全唔L掂，樓上得一個waiter，啲野食喺樓下攞上嚟，重要既係，我坐個檯既隔離檯，成班阿叔喺度食煙，講野大大聲(呢兩樣野我都算)，最重要既係，我地隔離檯客遲過我地嚟，啲野食到咗都快過我地落order(我哋早過嗰檯客落Order先㗎)，重要坐喺冷氣機底嗰邊，我真係忍無可忍喇！拍枱走人！呢間真係Blacklist中既Blacklist！永遠唔會再去！啲招呼極度超級差！…查看更多

油麻地附近有間唔太起眼既泰國菜館，有日好奇就走去試下。 餐廳以深色木系裝修為主， 啲枱都幾迫，椅背之間冇咩空隙，但員工都體諒， 我地2 人坐4 人枱都ok，唔會格硬迫你搭枱坐滿4 位，比好多香港茶記人性化👍🏻🦐泰式生蝦 HKD98 $98 有8隻生蝦，價錢都算公道， 蝦身肉質仲特別爽實 ！配泰式辣醬同海鮮醬都好夾。 🐚辣椒膏炒蟶子 HKD98 望落好似幾辣， 實際個汁幾多椰漿， 甜甜地但都幾惹味。 一碟都有8-10隻蟶子仔左右， 蟶子有啲啲韌，就算好多醬汁但肉身都唔入味， 同個醬都冇特別Match 。🍞 蒜蓉包 HKD48 絕對係世！一！蒜蓉包❣️ 係本店必叫菜式！ 由兩塊厚多士切條上碟， 麵包脆邊中間就好鬆軟， 成塊麵包每個角落都係滿滿既牛油蒜蓉香，唔會烘到好乾好”慘口”，亦唔會太油淋淋，就算麵包咁飽肚都可以食到唔停口☺️ 見到好多客都有叫！ 😌🥬 豬肉生菜包 HKD89 份量都唔少！肉末有紅蔥頭、檸檬葉、香茅等調味， 味道辣中帶酸，好有泰國風味，唔錯！ 🍜乾炒河粉（豬） HKD88 單一食可能會覺得唔夠味，但Pigbee 覺得係樣樣餸都咁濃味之下，有樣冇咁濃既平衡下幾舒服。 豬肉好多，仲好厚切 🤣 炒既火喉都岩岩好，河粉都乾身。 Pigbee 覺得餐廳用心煮食，街坊價錢但又真材實料。不過如果環境坐得舒服啲，樓面人手多番啲，相信會吸引更多人幫襯🥰…查看更多

無意間喺朗豪坊附近，發現咗一間泰國小餐廳，見入面似係泰國人開，就入去試試😋一入餐廳，服務員真係泰國人。有禮又細心，一開始就有杯熱水俾我哋沖洗餐具。餐廳入面好多熟客，大部份客人入嚟，都同服務員/老闆打招呼及問好，有啲客人仲講泰文。味道方面，啱我口味，所有菜式都唔會太咸。相比其他泰式餐廳，往往食完都會超級口渴。「泰式菠蘿炒飯」第一次見食呢個炒飯，肉鬆同埋腰果會另碟上，餐廳都幾細心，知道可能有客人唔食腰果，或者唔食肉鬆。👍🏻特別值得一讚係，廚師好認真處理食材，所有海鮮都處理乾淨，蝦腸有挑走，青口有清內臟…… 唔係間間餐廳都咁認真，的確抵讚👍🏻👍🏻👍🏻臨走嗰陣，見到有泰式糕點外賣， $25有五件，都幾抵食，下次再幫襯先。😋…查看更多

平安夜以為周圍都多人，本身都諗住疊埋心水食連鎖快餐店，點知去旺角行行吓見到間冇乜裝修睇落去好地道嘅泰國餐廳，老公就話不如食呢間泰國嘢🤣但明明個零禮拜前先去曼谷返嚟選擇好多，menu好厚好大本😳其實香港普遍好多泰國餐廳既菜式都係為咗迎合香港人口味，真係喺泰國又好似唔常見到呢啲菜式🤣呢間餐廳比較特別係會有泰國嘅鄉村菜首先上菜既係脆肉炒椰菜苗同香辣豬肉碎配飯，椰菜苗新鮮爽脆，脆肉口感似臘肉，都幾乾硬，下次都係會叫返馬拉盞炒椰菜苗香辣豬肉碎飯好好食！好惹味！加咗好多香葉同香茅落去炒，雖然凍咗但都好好食，仲有隻燶邊荷包蛋，撈埋啲蛋汁簡直回味，我會為咗呢個飯再嚟🍴辣椒膏炒蟶子就好失望啦🫠好詭異咁個菜上到嚟係咁出煙，我地都興奮咗一下，因為剛才個椰菜苗同個飯其實係凍既，不過見間舖都好忙，大時大節體諒下所以一見到個炒蟶子係咁出煙，我哋都好開心終於有道熱辣辣嘅菜。點知，食落口炒蟶子係冇味而且係暖偏凍🫠🫠🫠我地覺得佢只不過係烚好咗啲蟶子，擺到凍咗，然後再同啲熱既醬汁撈兩撈，真心呢個真係好失望好唔開心仲叫咗兩牛一豬既串燒，串燒嘅沙嗲醬好惹味，唔算難。豬口感會好食過牛，牛嘅肉質都算霉，冇咩牛味，冇咩特別都唔一定要試蒜蓉包非常驚艷，好好彩呢個係熱既，成條脆卜卜，佢唔算好重蒜蓉味，但好香牛油味！好食到一次過食曬，呢個我係係香港食過最好食既蒜蓉包🥳本身諗住叫椰汁雞湯，但見到佢鄉村菜入邊有個香草雞湯，加上係泰國鄉村菜，未聽過又咁特別，大家都未試過，就諗住試吓，但…………..我唔可以話難食，只能夠說真係唔係香港人口味🤣首先佢唔似湯，似汁多啲，除咗雞之外，入邊有好多款唔同嘅蔬菜，西蘭花椰菜花南瓜秀珍菇雞脾骨豆角粟米芯，仲有啲南薑香茅九層塔香葉同辣椒，最特別係，佢有魚骨😳我估會唔會就係泰國既臭魚醬，利申未食過試咗一啖都覺得還好，食第二啖嘅時候唔知點解有一種撲鼻而來嘅難受🥲真係吞唔落去…..老公拎起嚟聞咗一下都投降🥲我唔想話人地國家既傳統菜式係伏，好奇既可以嘗試下，我相信會比到你強大嘅衝擊感🫣埋單$468，其實都有兩道菜係好食既，下次都想再試下其他，希望揀仲啱口味架啦🤣…查看更多

喺旺角朗豪坊附近嘅地道泰國餐廳最欣賞係個冬陰功湯！好多料！又唔會太酸，好好飲呢個盲曹魚都係值得推介，條魚係起咗一塊塊肉咁炸 ，食既時候可以用香葉包住食，層次感豐富，仲有芒果絲同木瓜絲可以夾埋一次過食，好正！D醬汁酸酸尾尾，但好食，少少辣。燒大頭蝦，我哋有五個人，叫左10隻，大頭蝦一個頭都好多膏，肉質彈牙炒蟶子個醬汁係甜甜地，少少辣，有香葉落去一齊炒，肉質爽口彈牙蒜蓉包要趁熱食，好脆口 好香，呢個一定要試整體來講很不錯性價比好高，店員大多數都識聽廣東話，下次會再去。聽朋友講呢間餐廳好旺場，人多一定要訂位…查看更多

係旺角邊行邊搵野食，揾著一間泰國餐廳，裝修唔錯新淨，環境都整齊，不過坐滿可能幾迫下午餐選擇多，只係影左飯類，仲有粉麵類可以揀，價錢大眾化冬陰雞肉炒飯 $58冬陰公味唔夠出，聞落OK，食落唔酸唔辣，唯獨炒得算少油，粒粒分明，都只係一個普通嘅炒飯，勝在碟頭大菠蘿雞肉炒飯 $58相反，呢個好佢嘅菠蘿酸甜平衡又突出，炒飯材料足，菠蘿、雞肉、蛋都好多，仲有埋肉鬆同腰果，真係不得了！…查看更多

夜晚係旺角諗住叫外賣，就嗌外賣啦，點知好奇怪好多間泰國野都無野飲嗌🧐🤔🤔 最後碌碌下就嗌左呢間，意外地又幾好食喎😌豬肉生菜包 ($98)：送上黎已經好大份，豬肉同菜都好多，豬肉少辣好惹味😍炸蝦餅 ($83)：可能因為我地都幾近，送到黎仲係熱辣辣，蝦味好香好濃，配埋個泰式酸辣醬，一流！👍🏻👍🏻泰式雞肉炒飯 ($86)：一上黎個樣其實唔似好泰式嘅感覺，不過都幾好食，唔會太多肉，反而有都幾多菜，好健康😛龍眼冰 ($31)：龍眼水就比較甜啲，唔係好岩我口味，不過食豬肉生菜包個陣解下辣都ok嘅😂…查看更多

食過一次午餐覺得唔錯，於是同家人嚟食晚餐，果然有水準。見小食拼盤 (蝦餅、魚餅、春卷、串燒，各2件) 樣樣都啱食，所以商量叫呢個，但魚餅我地一般，所以有傾過，點知上檯無咗魚餅變咗蝦餅 (好細心呀)食泰國菜好中意食蒜蓉包，好脆好香口，配咖喱食一流，不過豬肉就無乜味道。炒河粉好夠獲氣鐵板蠔仔餅係期待之作，不過最終碟上有少少失望…查看更多

好驚訝！！！！價錢平民.又地道 泰國人煮.又好好食.連杯飲品味道都好泰國.裝修舊同低調不起眼， 係衰在枱有少少痴立立。 次次行過都會入去食.仲有泰國小食同甜點可供外賣😉…查看更多

週末旺角油麻地周圍都係人，於是趕時間嘅我直接入咗一間人流比較少嘅餐廳，諗住快快脆脆食完一餐就算。點知呢間餐廳嘅食物質素令人非常有驚喜😋😋全晚我最鍾意嘅係串燒，肉質鮮嫩，醬汁出色！蝦餅炸得香脆可口，冇雪藏或者冰鮮味，點埋醬食一流。炒金邊粉味道酸酸甜甜，味道適中，亦唔會太油，加上檸檬汁同花生醉，very nice! 生菜包有得揀豬或雞，而我今次就揀咗豬。微辣嘅豬肉非常惹味，連平時唔食辣嘅我都食咗好多。每份餐點嘅份量都好足料，出餐速度都好快，服務亦不錯，以同區嘅餐廳性價比來講稱得上係物有所值👍🏻…查看更多

位置係mk 小米後面條街有驚喜係幾地道的雞肉pad Thai店還掛著 九世皇的照片價錢相宜 包唔太甜而香既手標泰茶糖同調味可自己加環境衛生一般勝在味道地道和性價比高會再幫襯…查看更多