影片
一个系鸡扒唔知咩米线~唔多辣ge，都几多料，又有我爱ge菇，唔错呀另外一个系咖哩牛腩饭，个咖哩都系唔辣，偏甜，我觉得好好食，哈哈不过可能有人会觉得太甜服务冇咩特别, 几好呀叫人会应，冇黑面就够价钱好似系$40倒，几好ar几抵
继续阅读
同钟意四围食既友人食野, 就紧系食唔同既野。 今次就去左大埔既红辣椒食下泰国野, 我拣左泰式炒金边粉黎食, 几好呀 酸酸地甜甜地 仲有d糖同细既花生粒系一边 料又足又够份量! 扺食!! 不过个日间店既店员唔知咩事 好冇礼貌 单都未落完就走左 我地再讲未落完另类佢都仲黑囗黑面咁走左去
继续阅读
经过门口，有店员招徕话系新开既！我就觉得奇怪，呢间好似已经开左好耐喇㖞，不过详细我无再问既，因为本身我地都系谂住食呢间，话之你前开定旧有啦。同朋友二人食完餐饭后，都感觉同其他泰国菜有点分别，谂来谂去，原来分别在于它的港式！首先，一踏入餐厅就听到店员用泰文沟通已经觉得自己系飞左去泰国啦，但最得意系店员一行埋黎识转Channel同你讲番广东话先最窝心！而跟住要介绍既系点解话佢港式呢！因为是夜我地每人嗌左碟碟头饭！有别于其他泰式餐馆通常只有嗌𩠌食饭！每碟饭都只系四十几蚊连野饮！咸蛋鸡粒炒饭咸蛋碎份量足够带出香味，炒饭好够味，食完一啖想即刻食第二啖！无骨猪手饭好大旧猪手，味道唔错但未达到入口即溶既效果，适合钟意啖啖肉同可以补充骨胶原(猪皮)既朋友。不过我下次就会留肚食第啲喇。。另外因为我地太肚饿而且太耐无食泰国菜兼忽然好想食咖哩既关系。。。青咖哩 配 牛由于黄咖哩周围有得食而红咖哩又偏辣！朋友对辣接受程度麻麻地所以我地拣左青咖哩！一夹旧牛肉入口，好有口感连埋啲汁好好味！我地即刻抢汁大战！捞饭食简直一流！正如上文所言，我所讲留肚食第啲绝对系下次就咁嗌碗白饭捞汁或者套餐拣咖哩乜乜饭好过！小食拼盘泰国菜要食小食拼盘是常识吧？春卷好脆！猪颈肉厚肉大块又多汁！虾饼肉厚皮脆！鸡翼肉嫩不过略嫌个皮厚左些少兼炒过左小小火，但Overall仍然系好值得俾Like!!两个人食到最后真系饱到反转！再叹埋杯华田沙冰 & 芒果沙冰。完全无冰粒要咬，好处系味道唔会俾冰粒冲淡，坏处系。。无！非常完美既句号！我饱喇！下次再黎开餐！价廉物美既泰国菜！
继续阅读
朋友仔又迟到，我放工返到大埔七点几已好肚饿喇 ﹗唯有又叫啲小食顶住肚先啦 ﹗刚发现有厨师推介既新派泰菜啰，好想试试。生虾刺生，都系用淡水草虾啦。第一次系度食生虾，唉 ﹗劲失望。比我发现系雪柜攞出黎，一早㓥好晒。依家雪到温度过低，影响味道同质感。肉质都爽口但干争争，无水份，配上泰式酸辣汁湿湿地免强可以瞒骗过去。如果新鲜即㓥即冰镇，味道会又鲜又甜，口感黏口又滑溜又劲 juicy，依碟真系差得远。评价系唔难食，新鲜度不足，麻麻地，好多酒吧做得好过佢。虽然做左两食，虾头攞去炸，但都完全安慰唔到我啰 ﹗糯米酿鸡全翼，鸡全翼？大多只用鸡中翼，好野，赞 ﹗鸡翼外皮香脆，好正噃 ﹗咬落松化。试吓成旧啪入口先，糯米最中心位置有点冻，翻热得唔够喇。味道同口感都好好，不过糯米饭味道好单调，要花点心思加点配料先可以满足到我。海鲜冬阴功汤，朋友仔至爱，味道真系好浓郁，都好饮。不过我想佢再辣啲，依家味道较为酸，海鲜味又唔够突出呢。依度有个海南鸡冬阴功，我好想试试架，但朋友仔不感兴趣。泰式明炉乌头，早次食过一次麻麻地，今晚比多次机会您啦 ﹗成个炉上枱，但系个火只有一点呢 ﹗一点突破咩？受热非常不平均，搞到条鱼有热有冻，传说中既冰火明炉乌头？﹗好挂住潮式热腾腾明炉乌头添 ﹗唉，热都唔热下，照食啦。好腥㖞，算喇，我放弃。今次唔够新鲜㖞，未试过腥味咁重。质地同味道当然唔可以跟元朗黄油乌头相比啦，但腥味重而鲜味欠奉，而且鱼鳞又刮得唔干净，有咬落个肚时，满口都系，感觉好污糟核突啊 ﹗肉碎冬阴功汤底味道偏酸，好醒胃。但奈何个炉火力唔平均，汤又少，连鱼既一半都未到，搞到一边热一边冻，点食呀？师父今次真系失晒水准啰。胡椒炒软壳蟹，想试好耐喇 ﹗又胆粗粗试新野，但系同我想像中差天共地，好油呀 ﹗仲好咸添 ﹗其实蟹肉味道好鲜味，但个汁又浓又咸得紧要。我原本想像应该会系先炸好蟹件，再用鲜胡椒炒香，会非常干身、惹味、香脆架麻，误会晒啰。马拉盏炒通菜，到底今晚师父发生什么事呢？每样送都比平时差一半，真系唔多掂㖞。通菜炒到又老又靭又黑炆炆，马拉盏份量少，净系得油，唔合格 ﹗好难食 ﹗
继续阅读
今日一行3人谂唔到食咩就行到边就食到边 最后呢到呢间RED CHILI等位果阵,我地三个都睇好哂自己食咩,跟住我就睇下有无写加一,揾唔到入到去,我地谂好哂.叫人落单,有个呀姐呢到问我地食咩, A朋友就讲左佢个餐,跟住个呀姐突然同后面张台讲:冻0茶未到,搞紧嫁啦我都谂住等佢跟进埋先讲我食咩,废是乱哂大龙点知个呀姐一望番过呢, 就好唔耐烦咁讲: 叫左我过呢落单又唔讲食咩!哇!!咩道理,我等你做埋D野先落单,你话番我转头???但无计,唯有忍住继续落单D野食水平都OK.. 叫左个咖哩牛喃反$42 咖哩什仈$42 同一个猪手反 $42野食唯一不好是份量少好啦,食完就埋单走人,,见到张单加一,根住我再睇清楚份餐牌,无显示,都算啦.. $139 埋单我地比$140 , 个收钱呀姐系落单果个,佢去到部收银机呆左系到,我地等左5分钟佢都仲系企左系到吹水大佬呀!你服务态度好D呀,何况一蚊呀,多都算啦, 你咁的服务态度要拎我贴士?太过份啦!呢间野,无下次,贴钱受气,个呀姐,希望你可以改善下你的态度,唔好再得罪客人啦
继续阅读