紅辣椒 (已結業)

一個係雞扒唔知咩米線~唔多辣ge，都幾多料，又有我愛ge菇，唔錯呀另外一個係咖哩牛腩飯，個咖哩都係唔辣，偏甜，我覺得好好食，哈哈不過可能有人會覺得太甜服務冇咩特別, 幾好呀叫人會應，冇黑面就夠價錢好似係$40倒，幾好ar幾抵

同鐘意四圍食既友人食野, 就緊係食唔同既野。 今次就去左大埔既紅辣椒食下泰國野, 我揀左泰式炒金邊粉黎食, 幾好呀 酸酸地甜甜地 仲有d糖同細既花生粒係一邊 料又足又夠份量! 扺食!! 不過個日間店既店員唔知咩事 好冇禮貌 單都未落完就走左 我地再講未落完另類佢都仲黑囗黑面咁走左去

經過門口，有店員招徠話係新開既！我就覺得奇怪，呢間好似已經開左好耐喇喎，不過詳細我無再問既，因為本身我地都係諗住食呢間，話之你前開定舊有啦。同朋友二人食完餐飯後，都感覺同其他泰國菜有點分別，諗來諗去，原來分別在於它的港式！首先，一踏入餐廳就聽到店員用泰文溝通已經覺得自己係飛左去泰國啦，但最得意係店員一行埋黎識轉Channel同你講番廣東話先最窩心！而跟住要介紹既係點解話佢港式呢！因為是夜我地每人嗌左碟碟頭飯！有別於其他泰式餐館通常只有嗌餸食飯！每碟飯都只係四十幾蚊連野飲！咸蛋雞粒炒飯咸蛋碎份量足夠帶出香味，炒飯好夠味，食完一啖想即刻食第二啖！無骨豬手飯好大舊豬手，味道唔錯但未達到入口即溶既效果，適合鍾意啖啖肉同可以補充骨膠原(豬皮)既朋友。不過我下次就會留肚食第啲喇。。另外因為我地太肚餓而且太耐無食泰國菜兼忽然好想食咖哩既關係。。。青咖哩 配 牛由於黃咖哩周圍有得食而紅咖哩又偏辣！朋友對辣接受程度麻麻地所以我地揀左青咖哩！一夾舊牛肉入口，好有口感連埋啲汁好好味！我地即刻搶汁大戰！撈飯食簡直一流！正如上文所言，我所講留肚食第啲絕對係下次就咁嗌碗白飯撈汁或者套餐揀咖哩乜乜飯好過！小食拼盤泰

朋友仔又遲到，我放工返到大埔七點幾已好肚餓喇 ﹗唯有又叫啲小食頂住肚先啦 ﹗剛發現有廚師推介既新派泰菜囉，好想試試。生蝦刺生，都係用淡水草蝦啦。第一次係度食生蝦，唉 ﹗勁失望。比我發現係雪櫃攞出黎，一早劏好晒。依家雪到溫度過低，影響味道同質感。肉質都爽口但乾爭爭，無水份，配上泰式酸辣汁濕濕地免強可以瞞騙過去。如果新鮮即劏即冰鎮，味道會又鮮又甜，口感黏口又滑溜又勁 juicy，依碟真係差得遠。評價係唔難食，新鮮度不足，麻麻地，好多酒吧做得好過佢。雖然做左兩食，蝦頭攞去炸，但都完全安慰唔到我囉 ﹗糯米釀雞全翼，雞全翼？大多只用雞中翼，好野，讚 ﹗雞翼外皮香脆，好正噃 ﹗咬落鬆化。試吓成舊啪入口先，糯米最中心位置有點凍，翻熱得唔夠喇。味道同口感都好好，不過糯米飯味道好單調，要花點心思加點配料先可以滿足到我。海鮮冬陰功湯，朋友仔至愛，味道真係好濃郁，都好飲。不過我想佢再辣啲，依家味道較為酸，海鮮味又唔夠突出呢。依度有個海南雞冬陰功，我好想試試架，但朋友仔不感興趣。泰式明爐烏頭，早次食過一次麻麻地，今晚比多次機會您啦 ﹗成個爐上枱，但係個火只有一點呢 ﹗一點突破咩？受熱非常不平均，搞到條魚有熱有

海鮮冬陰功湯，可以話係招牌菜 ﹗味道依然濃郁，夠辣又夠酸，我較喜歡濃味的呢，仲帶少少鮮蝦味道。泰式炸蝦餅，綠色一點點係咩黎架？可能撈左少少蔬掛，食唔出。外層炸得好香口好鬆化，但蝦肉彈力不足，有點死實，味道鮮不過口感唔好喎 ﹗海南雞飯，其實食過好多次，而且每次都好滿意架 ﹗但係依個 lunch 既海南雞飯比雞翼同雞胸我，味道淡而無味，質地仲要腍劈劈，麻麻地乍喎，最差今次 ﹗

今日一行3人諗唔到食咩就行到邊就食到邊 最後呢到呢間RED CHILI等位果陣,我地三個都睇好哂自己食咩,跟住我就睇下有無寫加一,搵唔到入到去,我地諗好哂.叫人落單,有個呀姐呢到問我地食咩, A朋友就講左佢個餐,跟住個呀姐突然同後面張台講:凍0茶未到,搞緊嫁啦我都諗住等佢跟進埋先講我食咩,廢是亂哂大龍點知個呀姐一望番過呢, 就好唔耐煩咁講: 叫左我過呢落單又唔講食咩!哇!!咩道理,我等你做埋D野先落單,你話番我轉頭???但無計,唯有忍住繼續落單D野食水平都OK.. 叫左個咖哩牛喃反$42 咖哩什仈$42 同一個豬手反 $42野食唯一不好是份量少好啦,食完就埋單走人,,見到張單加一,根住我再睇清楚份餐牌,無顯示,都算啦.. $139 埋單我地比$140 , 個收錢呀姐係落單果個,佢去到部收銀機呆左係到,我地等左5分鐘佢都仲係企左係到吹水大佬呀!你服務態度好D呀,何況一蚊呀,多都算啦, 你咁的服務態度要拎我貼士?太過份啦!呢間野,無下次,貼錢受氣,個呀姐,希望你可以改善下你的態度,唔好再得罪客人啦

海鮮冬陰功湯，夠香夠酸又帶微辣，味道香濃，飲時好享受，好美味 ﹗但飲完有點渴，未必係味精，可能因為鹽份較重啦。明爐烏頭，上次發現有魚食，今次專登黎試一試。爐火好弱，等好耐都未滾得起呀，可能冷氣大風掛。等唔切，見暖暖地都照食。泰式肉碎汁仲未能滲入烏頭之中，所以魚肉味淡，但質感都算滑。過左十幾分鐘後，差不多食晒條魚，個湯終於滾喇，而魚肉亦開始有湯既酸甜肉汁味道，但太遲啦 ﹗泰式燒雞，未試過，又再以身試險喇 ﹗叫依款燒雞係出於好奇心。甜甜甜、肥肥肥、油油油 ﹗肉質都還好，嫩而有肉汁，我都係決定食返海南雞喇 ﹗香氣同賣相都算吸引，但味道真係麻麻呢，可能我本身都唔鍾意食甜，所以有點影響，不過肥同油就無辦法啦。馬拉盞炒椰菜苗，未試過咪叫黎試吓囉，食得炒通菜多，都想轉下。椰菜苗質感較硬，厚身亦較乾，質地粗糙又老，無咩水份，味道帶澀。個人不太喜歡，所以食幾啖就放棄喇。

泰式馬拉盞炒通菜 Sauteed Water Spinach with Spicy Shrimp Paste thai style，雖然油左啲，但有鑊氣、熱騰騰又惹味 ﹗馬拉盞微辣醒胃，通菜鮮嫩，食都索索聲 ﹗好好食 ﹗今晚食自己，咪買外賣返屋企食囉。泰式生菜包加辣 Stir-fried Minced Pork Wrapped in Lettuce thai style，加左辣都唔係好辣呢，反而芫茜多左好多呀 ﹗我唔食芫茜架，依家炒到熟透都免強接受到啦。豬肉碎肉味香濃，肉汁豐富，加入多種香料同炒，好香口。用鮮爽西生菜包住食，帶點清新味道，好味道 ﹗機乎每次必食既生菜包 ﹗泰式去骨海南雞 boneless Hainanese chicken thai style，今次肉質嫩滑到不得了，雞味香甜而濃郁，皮光肉滑，顏色金黃。不太肥又不太瘦，夠大隻而啖啖肉，連雞胸肉都好軟棉，不需要任何醬汁已經非常美味 ﹗難得有超水準表現喎 ﹗Good ﹗推介紅辣椒穩陣 6 寶，生菜包、串燒、馬拉盞炒通菜、去骨海南雞、炸蝦餅、冬陰功湯。

百雞為您日日損，超值之損 ﹗今晚第二次幫襯，試佢地好抵既二人套餐，二百幾蚊有冬陰功湯、炒什菌、生菜包、蟹同甜品。再散叫多半隻海南雞，真係食唔晒呀 ﹗抱住個肚腩走。冬陰功海鮮湯，熱騰騰上枱，見份量都夠兩個人喎。味道特濃，微辣帶甜而酸味較強，大量香茅香葉，有蝦有蜆、草菇蕃茄，好好飲。今次第二次黎幫襯，試多幾樣野先，上次都幾滿意啦 ﹗泰式生菜包，豬肉碎炒得香口、肉味濃而帶肉汁，都保持水準，只係質感較濕，卷住爽口生菜同吃，好好味呢。真係如果味道再酸啲、再辣啲、再濃啲，會越食越開胃、越食越想食架 ﹗馬拉盞炒什菌，新嘗試。炒得香就幾香，但油左啲，菇菌類特別索油啦 ﹗味道麻麻，仲有點苦澀味啊，不推介。無骨海南雞，可以叫有骨架 ﹗無骨啖啖肉，勁方便，懶人最啱 ﹗招牌海南雞，雞味都夠，皮厚但滑溜，肉質嫩滑，滿意。木桶泰式咖喱炒蟹，椰香不辣既甜咖喱，質感幼滑，點麵包食唔錯。但唔好咁孤寒啦，汁太少呢。蟹仔較細無咩肉，味道鮮甜帶海水味，都係過吓口癮架啫。椰汁糕，好甜呀，椰汁味濃，不太啱我。

開左多年既泰菜餐廳，都經常經過，今日終於一試虛實喇 ﹗芒果特飲，鮮榨芒果汁，又香又甜又冰凍。泰國靚芒果唔會酸，正呀 ﹗泰式生菜包，簡單既菜色更能試到師父既手藝。肉鬆炒得香口有鑊氣，豬肉味亦非常香濃，加上多種香料，味道更豐富，熱辣辣既肉鬆用爽口多汁生菜卷住同吃，好味道 ﹗沙嗲串燒，燒得香口有肉汁，質地軟棉。傳統泰式沙嗲醬偏甜，香而不辣，帶濃郁花生味，不錯。 馬拉盞炒通菜，我最喜歡的炒菜 ﹗又香又辣、新鮮爽口又多汁，鑊氣夠且炒得翠綠，好味道 ﹗通菜夠鮮嫩，完全無渣，調味剛好又不會太油膩，加上炸蒜更加香口，大啖大啖咁食，正呀 ﹗泰式海南雞飯，傳聞中話係大埔最好食架喇 ﹗等我試試先，普通白切雞，肉質同雞味都不過不失。雞油飯都算乾爽，但較淡口，還可以啦，整體合格啦。

上幾個星期有次星期六去食 LUNCH~~間野正常13:00 都無乜人係入面, 幾個WAITER企係度...D野食上菜慢.....上台啦...D飯凍的, 食左一次之後就無下次了

艾倫說這家泰國菜好好吃(雖然已是很多年前的事了...) 這天的時間剛剛好, 便試一試吧!我們點了它的晚餐. 泰式炒通菜, 非常香! 辣得剛剛好. 蒜蓉包也上來了. 正! 法包脆卜卜, 而且烤得很鬆脆, 不會過火, 亦不硬. 蒜蓉味香也是一絕. 過了許久, 通菜和蒜蓉包都吃完了, 主菜還沒有來. 有位侍者過來收拾菜碟, 問了一句: 啲菜到齊未吖? 吓, 別說笑吧. 菜是甚麼樣都未見到, 便要我們埋單嗎?三催四請, 咖哩牛腩才到. 還可以吧. 汁很稀, 亦不夠味. 牛腩不太軟, 只是一般. 還有拼盤. 少了一件, 因為見到它的樣子太吸引了, 一上來便放進口, 才發現還未影相呢 炸得還可以, 始終是炸物, 我們沒期望會有驚喜. 還有它的糖水, 有好多料, 又不會太甜. 還算是一個好的結尾. 食物還可以, 特別是它的蒜蓉包, 但以它的能力, 明顯是做不來這麼多客的生意. 吃時是有點勞氣, 始終沒法給它一個笑臉, 受得了都可以試試.

9點後來吃晚飯, 環境很舒適且有電視, 服務也很好啊! 點菜後不用很久, 食物就來囉! 我點了冬陰公米線, 不算太辣, 好吃的! 材料也廷足的! 唯有點不夠吃的感覺, 下次可以多點一客小食!

第一次食佢既晚餐,覺得唔錯,今日就去試佢既午餐,點知...我叫左個"咖哩什扒飯",餐牌寫住有:雞扒,豬扒,雞翼同腸仔, $34連飲品.個飯黎到,有2隻雞翼,1條腸仔..而所謂既扒,竟然係乾爭爭既邊位(2舊雞),骨+肥肉(2舊豬),4舊野都係得手指尾咁大,點砌都砌唔到一塊扒出黎!!!!碟飯貨不對辦!!我問d waitress碟飯應該有咩,佢地跟餐牌講完一次有咩送,再望下我碟飯,就話唔知,唔知...轉個頭就唔理我!!有無搞錯!!我都未食過咁小家既什扒飯架!如果唔想俾扒人,不如直接改做雞翼腸仔飯算啦!!同友人決定左,唔會再黎食午餐..晚餐都要考慮下呀!!

同好朋友餞行, 大家都係大埔人, 所以試試大家都未試過既餐廳. 9點幾先到, 得我地同另外一枱, 對我地嚟講, 環境啱啱好, 可以暢所欲言!點咗一個小食, 一個小炒, 二個主菜~~ (以下名稱可能有少少出入, 本人記性有點爛..)咖哩角 - 得! 似新鮮即炸! 皮薄餡靚!炒魷魚 - 唔係好記得係咩炒... 又唔記得影相.. 其實呢個都幾好既, 不過係一道下次再去會寧願試下其他嘢既菜~ 咖哩蝦 - 個汁好濃, 有蒜香, 蝦大大隻, YUM, 送飯一流 (我就當湯飲... )乾炒辣椒雞 - 略嫌乾, 不過味道香口, 都夠辣既~香脆薄餅 - 食之前想問清楚係咪naan bread, 但係翻譯唔成功, 都諗住博一鋪, 試試佢... 果然係貨真價實既naan!! 好好味, 就咁食都好鬼開心! 食得幾開心, 就算全場剩返我地一枱, 都冇話趕客, 算係咁~ 如果價錢平返少少, 會高分D, 佢以家叫做收得呢個價錢都有返咁上下水準, 收貨啦!