影片
招牌菜
放lunch食个泰式汤河叫左碗清汤鸡丝河汤好饮够味 鸡肉系海南鸡肉 好好食😋！唯一唔好系唔够饱 份量偏少 泰式奶茶都赞！ 唔算好甜 平时唔点饮奶茶既我都饮得晒。海南鸡饭就一般般 油饭㖞够香鸡肉今次系鸡胸 个人喜爱鸡髀肉多啲
继续阅读
叫lunch set 泰式猪手饭 $50黎错左个泰式猪肉炒饭$71仲话我嗌错 服务态度好差虽然话俾过碟我 我都怕你加料啦 炒饭超多油 多油到外观睇已反晒光饭一旧旧 黏埋一齐 炒唔开咁又少料 猪肉得果几粒碎 菜又得几粒泰式饮茶好稀 无茶味 奶味就淡到好饮沟水咁结论系清水仲好饮过杯茶个饭食左一半都无 好似只系食左几啖 就食唔落 无食 真系哽唔落点解炒饭可以炒到咁难食仲有餐具有污渍 睇见都唔开胃虽然舖头系家庭式经营 应该要支持下但真系好难食 难以接受
继续阅读
旧时系牛头角返工都系嚟呢到买外卖返公司, 贪佢平而且味道对版, 咁啱有一晚要到附近, 食个早晚饭试试夜市如何 要留肚之后再食, 叫咗4样比较轻食泰式冬荫公 (S) - 虽然叫咗细份, 都够2个人分到2小碗, 味精够酸够香小辣加埋砂煲保温够热, 入面都好足料, 有虾有菇有车厘茄同埋好多香茅, 虾唔算爽弹但唔系霉嘅沙嗲串烧 (猪鸡双拼) - 即叫即烧要等耐少少, 正正常常似泰国街边店嘅味道泰式青咖哩猪 (加辣) - 冇谂过会用煲仔上有惊喜, 不过加咗辣都唔算好辣, 猪肉份量都少咗啲, 反而菜(四季豆, 茄子)就有好多, 不过配薄饼点汁都几好家庭式小店就系有人情味, 睇到佢地分工合作, 小朋友都乖巧帮轻屋企人嘅情境, 周围都挂满泰皇嘅肖像, 电视播紧泰国电视台, 其实都几开心
继续阅读
喺外卖平台见到呢间泰国餐厅餐厅，谂住帮衬小店,叫咗个$45青咖喱鸡饭外卖，真系完全冇良心餐厅，仲以为自己叫咗青咖喱斋,啲鸡粒细到揾唔到，矮瓜仲多过鸡好多，成碗所有鸡粒加埋都冇正常两件鸡既size。反而另外个菠萝炒饭饭啲鸡粒仲多过个青咖喱鸡饭。真系无言。另外杯冻咖啡又冇咖啡味，得水味同够冻。虽然唔系贵野，但都应该要有正常水准，对得住良心，唔明咁样都可以出货比客人食，好似完全预咗你唔会回头。通胀高都唔系咁样做生意。
继续阅读
中午入座时只有几个食客，我地二人各自落了一个饭跟野饮。第一个饭很快送到，味道还好。但员工落漏单，朋友食完但我个饭都未到。同另外一名员工讲差一个饭未黎，佢直接就话我地无落单，然后发悔气话无单。到其他食客的饭都相继送到之后才到我的饭。同行朋友已经食完15分钟。员工放低饭时更重新指责我们无落单。然后收钱时更没有计清楚，直接想收多我地$10, 要我地重覆计一次俾佢。自己落漏单仲要无礼貌，没有单 胡乱收钱，不会再帮衬。一边食，一边见到有两只小强走过。其中一个员工一脚踩死后就咁用手扔掉，但我无见到佢有消毒或洗手 就直接再送餐俾其他人
继续阅读