紅茶

营业中

休息中

31/5/2025 我同老婆一行二人諗住試紅茶冰室 一去到有人排隊 唔緊要 照等 當時 13:05 佢門口寫明繁忙時間 人齊先可以入座 心諗 反正我哋都齊 冇影響點知個阿姐冇視我哋 係咁嗌後面的 3-4 位，我哋即時出聲 3-4 坐得落 冇理由唔安排兩位入座 咁排嚟仲乜 佢答 我哋係咁安排 有 3-4 安排入坐先 費事安排搭枱 咩世界 點解唔可以安排兩位 + 兩位入 係要畀 3-4 位。咁排隊嚟仲乜 仲要態度極差 自稱係負責人喎 我哋真係食到一肚氣 冇下次 真的好想知負責人是否真係佢

勁低能，淨係收現金、Alipay同埋WeChat Pay，唔L諗住做香港人生意🙄我唔明點解一間咁多分店嘅茶餐廳可以連八達通都冇🙄仲要屯門呢間分店收唔到信號⋯⋯頭先要增值Alipay又要load勁耐，本身啲嘢已經好難食，仲要唔收其他payment真係搞到人都燥燥地🙄啲嘢食難食到痴線，真係唔明點解咁多人食？頭先嗌咗個西冷同埋焗豬扒飯，冇樣嘢係好食！嗰塊牛扒仲難食過我喺惠康求其買一塊返屋企自己煎，柴到呢⋯⋯個焗豬扒飯仲衰過大快活⋯⋯都唔平，兩個餐買單都要二百幾蚊。其實呢間嘢到底有咩出名？點解成日經過都見到咁多人食？🙄真心想知。反正我淨係知試過一次之後冇下次🙄

原本想叫個菠蘿包下午茶餐，個職員話冇晒，點知過咗5分鐘就聽到話菠蘿包新鮮出爐😓,改叫炸豬扒烏冬，儍更更坐喺度等咗15分鐘見隔離兩枱都上咗炸豬扒烏冬跟住問職員先至話炸嘢無咁快要等廿幾分鐘，廿幾分鐘之後都係無餐送黎，之後趕時間話唔要啦個烏冬取消餐，個收銀員一句「唔好意思」都冇淨係係度盤問：「你飲咗野係咪？$XX 啦！」好似趕客唔憂做咁, 枱面濕笠笠，地下D垃圾冇人掃👉🏻以後應該唔會再幫襯！😡😡😡

屯門紅茶冰室，今次去咗屯門嘅紅茶冰室，呢度裝修真係好有老香港風味。牆上掛住舊時嘅海報同畫，暖黃色嘅燈光，加上木質嘅桌椅，坐低就好似穿越番上世紀嘅香港茶餐廳。睇餐牌，選擇都幾多。叫咗個熱狗包、炸魚柳同埋杯凍紅茶。個熱狗包，麵包表面滿滿芝麻，咬落去外脆內軟。熱狗腸肉質紮實，咸香適中，搭配埋生菜同番茄，再加上酸酸甜甜嘅茄汁，口感層次好豐富。炸魚柳炸得金黃酥脆，用嘅應該係新鮮嘅魚肉，入面嫩滑，唔會有雪藏味，配上茄汁，真係好滋味。凍紅茶茶味濃郁，甜度啱啱好，唔似有啲地方甜到膩，飲落好解膩。同我之前喺一間主打美式快餐嘅店食過嘅類似食物相比，嗰度嘅熱狗包多數會加好多芝士同醬料，味道偏重口味；而紅茶冰室呢個就更似本地改良版，味道更清爽，突出食材本身嘅味道。價錢方面，呢餐埋單$90，都算合理。不過，餐廳人多嘅時候，服務員有啲忙唔過來，加水同落...

假日14:30諗住食個下午茶，條隊已經排到勁長，等左好耐終於到自己諗住入去，而家人當時只係差幾步路就到。個阿姐堅持「繁忙時間要齊人先比入座」，短短2-3分鐘叫晒後面條隊D人入去都唔比我入座，齊左人都完全漠視我嘅存在，真係嬲到我用盡畢生嘅粗言穢語問候佢 以後唔會黎阻你做生意！

一向都知紅茶好出名，成日排長龍。今日晚餐諗唔到食咩，就決定去紅茶。之前已經有食過佢嘅常餐，係港式風味不過不失。我幾鍾意食佢嘅奶油豬，好脆好好味！今日叫咗一個咖喱焗飯，同埋一個蒜蓉汁雞扒飯。雞扒皮炸得非常脆，個雞扒係有骨嘅，啲飯就有啲太硬，似係飯焦嘅感覺。咖喱焗飯薯仔都有俾到兩大舊，焗飯味道唔錯，係蛋炒飯底，冇咗啲犯太硬嘅問題。茶餐廳來講質素都不錯，但佢價錢唔包嘢飲，就算熱飲都要加$3。如果要排長龍就未必會成日嚟。

見開左好耐都未試過呢間餐廳，今日晚餐無咩人就專登入去試食下，餐湯同餐包都正常，牛油已經塗左落個包到，口感鬆軟同熱，羊架份量比較少和凍，味道一般，薯菜系一個薯仔加少少沙拉醬，凍檸茶無咩茶味，整體一般但系唔難食。不過員工服務態度完全無法接受！！上菜和收餐極快，10分鐘內未食完，已經比人問左三次收唔收得隻碟走！為求快，每次傳菜都系將隻碟撞落張檯到勁大聲，亦都無留意客人位置，差d撞落我隻手到，從服務態度而言完全不推薦，可能這就是傳統港式茶餐廳的特色吧……

今日同朋友去咗屯門市廣場嘅紅茶餐廳，試佢地嘅早餐，當時大約9點半，雖然十幾人在門口排隊，不過唔使幾耐就有位。我叫咗✔️沙嗲牛肉麵配炒蛋丹麥多士，朋友則叫咗✔️炸菜肉絲米粉，同樣配炒蛋丹麥多士，飲品是凍檸茶及凍奶茶，唔使一分鐘飲品就沖好送到，其他食物亦陸續到來，整過過程5分鐘左右，真係快過閃電，雖然如此，食物質素都唔差嘅，其中丹麥多士真心好食，暖暖地又夠鬆軟，食完又想試佢地嘅菠蘿包，就叫咗一個同朋友 share，味道還可以。如果你趕時間，係一個唔錯嘅選擇。

紅茶常客，事緣今天中午時段到紅茶用餐，到結帳時收銀員態度極其惡劣，無意識到支付寶付款碼滑到海外碼，未知道未能完成付款，問收銀員拿收據，得到極大聲浪的回應呼喝「唔得！」，及後第二次掃碼不成功才發現問題，當時情況只得我一個在結帳，我亦算溫和先提醒佢仲注意自己禮貌，及後三次她依然態度極為惡劣，我就請店內員工請經理出來，但其他員工當時語氣及姿勢都投以輕蔑的眼神望向我，經理到場後，我便上述以上過程讓其了解，經理有虛心接受我的投訴，但那位收銀員繼續依然覺得心心不忿。作為服務性行業，請認清自己所在的位置，代表公司及代表餐廳員工形象，經過此次事件，令我不會想再次光顧此分店。希望店內經理注意及提高員工的情商及服務水準。

加班工作後回到屯市已九時多，疫情後商場餐廳都提早打烊， 深夜食堂選擇極其有限下， 就在茶餐廳解決。市中心如今是紅茶、牛奶、太興、敏華四分天下， 之前的茶記換了新臉孔， 前身是金記冰室現易手為紅茶，簡生說觀塘紅茶水準穩定， 相信出品會比牛奶冰室好，那就試吧。一看餐牌的價位有點令人驚訝， 有一段時間沒有光顧茶記堂食， 意想不到價格又上調了不少， 但即使即將打烊也是高朋滿座。黑椒雞扒焗飯($65)，近來懷念起焗飯的滋味，這晚終可以回味了。焗飯表層撒上溶化芝士甚邪惡，舀一口焗飯芝士千絲萬縷的，伴隨黄金炒飯熱辣辣，再加上黑椒汁微辣帶甜香，跟香口的焗飯十分搭配！雞扒是雞上脾位置啖啖肉，雞皮香口雞肉不肥不膩，想不到焗飯在流水化的作業下仍有如此水準。老公選了咖哩牛筋腩意粉($65) ，咖哩飯看樣子十分對辦，走馬拉咖哩路線照理該是香辣椰香滿載。咖哩入口確是香料濃郁但欠椰香，賣相與味道有不少出入，食味偏淡，好典型的「色水碟頭飯」。論咖哩前身的金記表現較佳，看來如今美味咖哩難求。意粉彈牙不會過淋不錯，牛筋夠淋嫩，但大塊牛腩硬實乾柴，紅茶咖哩水準普普要慎選。凍飲隨餐只需加＄4，凍檸茶冰塊較多，但難得仍用鮮檸檬

😫😫😫😫今日食個早餐，等位已經耐，仲要戴眼鏡女侍應嘅態度係呼喝式問你食乜嘢？😡😡😡客人想問可唔可以轉包，佢好冇禮貌咁話寫咗咩款包囉冇得轉，都係想問一聲姐，唔使咁對客人🙂‍↔️🙂‍↔️🙂‍↔️仲好惡問係咪要呢個包🥲🥲🫠🫠之後客人禮貌地想攞杯水男侍應見到扮聽唔到。😤 成間舖頭待應都冇禮貌，只有收銀員有D笑容🫣⋯⋯ －間餐廳想食早餐受晒氣，真係唔怕比人話就去食啦！🥹🥹🥹🥹冇下次😤

做完嘢行去商場睇吓有冇地方食晚飯九點多點知好多都已經準備收拾關門好好彩再過對面見到新開餐廳進駐💢「紅茶」見仲有晚市套餐就即刻走入去餐廳當晚很熱鬧！久違不見的坐無虛席👏服務員很友善亦主動介紹晚市套餐比我哋見餐牌都眼花撩亂～太多款式🤭🤭有些款式感覺很特別又罕見⋯⋯最後揀左：🌟鮮魚湯龍躉泡飯 $78鮮魚湯一向都是自己很喜歡呢個湯底很鮮甜味道很濃郁加上有瓜有菇有木耳及龍躉口感也很豐富喔！食材很新鮮！🌟黑椒燒西冷牛扒燴飯牛扒肉質鮮嫩，淋淋地易入口味道不錯！個人覺得不用點黑椒已經夠味！送飯一流👍整體食物質素唔差，環境座位空間感足夠，不過凍飲加$6嫌略貴💢

早餐時段見門外不算多人排隊，加上入得都算幾快，只排了大約10分鐘，排隊期間見隔住玻璃有位女士食剩好多，成碟通粉好似未食過咁，都諗係咪唔好食呢🤔 叫了一份沙爹牛肉麵跟炒蛋丹麥酥、凍檸茶少甜少冰。首先嚟到係凍檸茶，明明叫了少甜少冰，但冰一啲都唔少，於是叫職員俾隻杯我裝冰，隔咗冰之後杯檸檬茶只淨返半杯，檸檬茶茶味淡，而且係勁甜，只係一杯沒有茶味嘅檸檬糖水，即時同職員反映，不過職員係聽完就走左，一句都冇回應過，至於食物，炒蛋一般，滑嘅但蛋味唔濃，丹麥酥牛油足，沙爹牛肉麵嘅沙爹味唔濃，屬普通茶記水準，梳打粉太多令到牛肉肉質過鬆，而且冇牛肉味，食過就明白剛才位女士為何食剩咁多。最後提醒各位，呢間餐廳只收現金。餐廳嘅職員比一般餐廳多，服務速度好快，但禮貌不足。