紅燈籠 (已結業)

朋友減肥想食少啲碳水，見到菜花飯佢想食好耐，所以佢食菜花飯，朋友話菜花飯份量好多好飽食唔晒，下次要叫少花，細食者要留意下，叫菜花飯可以叫少花，以免食唔晒。咖喱吉列豬扒定食吉列豬扒即叫即炸要等十五至二十分鐘，豬扒質素正常，大小適中，酒味有點重，應該用酒醃過，本人唔太鍾意重酒味，配菜有少少椰菜紅蘿蔔片，咖喱汁少，味道甜，飯味一般。呢間舖頭因為無水吧，所以跟餐飲品選擇只有汔水和紙包飲品。總結味道不過不失，68蚊咖哩吉豬飯唔算抵。但如果戒碳水，想食菜花飯，推薦黎呢度食，畢竟好少餐廳有。*菜花飯要加十蚊

因為進行緊生酮飲食，如果諗唔倒食乜都會外賣紅燈籠個雞扒椰菜花飯，雞扒夠大塊又嫩又多汁，椰菜花飯份量又夠晒多。不過發覺佢嘅品控唔係好穩定，有次椰菜花飯俾左白飯（好在即場check一check先發現），有時塊雞扒又好乾，而今晚就出事添了……我地叫左蔥油雞扒蛋碎花/日式咖喱雞碎花，仲有串燒五花肉/燒開邊雞中翼…啲椰菜花好唔新鮮，有輕微嘅酸味，好可能冇放雪櫃/食材放得太耐。個日式咖喱啲雞都有同樣問題，有輕微酸味，而個五花肉亦有同樣問題。而個開邊雞中翼就燒得太乾，淨係睇個樣就知同之前水平有出入。另外椰菜花同隻煎蛋都有好多「鑊屎」，完全不能接受，係咪廚房換左人？定係請左個新手part time？整個體驗非常差，所謂十功不能抵一過，希望今次只係個別事件，如果再有同樣情況就唔再幫襯了

自從最近開始左生酮飲食，好多野都唔食得，更唔好話外賣了。多數要自己cook，不過有時候都想懶食外賣算。紅燈籠就成為左我哋外賣嘅首選，因為佢不但提供生酮餐，而且仲好好食添！日式燒汁雞扒碎花飯 （午餐） $62 👍🏻👍🏻👍🏻👍🏻👍🏻碎花飯即係椰菜花飯，代替左白飯，可以放心食。佢炒得都好乾身，唔會濕淋淋，而且份量都好多，一個大男孩都夠食。至於佢個雞扒係我嘅至愛，煎（炸）得好香，皮夠脆，而且係勁大塊。保持肉汁之餘又好嫩滑，再配合隻煎蛋真係冇得彈。佢仲有啲椰菜做伴碟。又好味又夠飽，食左不下十次了😂燒開邊雞中翼 $18 （1隻）👍🏻👍🏻👍🏻👍🏻👍🏻其實間店嘅食飯都幾多元化，除左飯，仲有烏冬/意粉，更加有埋串燒添。今次試左佢個燒雞翼，有好重嘅香料味，少少辣，非常唔錯！P.S. Foodpanda 有8折優惠食物：❇️❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️❇️翻兜指數：❇️❇️❇️❇️❇️

🏮紅燈籠 🏮(📍紅磡崇志街20-30號明華閣地下C號舖)-🔹椰菜花飯一般價錢都比較貴, 因為準備整椰菜花飯其實都好比較多工序而且費時. 試過自己整都大費周章, 要不斷刨之餘, 刨果時D 椰菜花又會彃到周地都係, 善後功夫都唔係少, 所以有得揀都會選擇買外賣, 方便又快捷 -🔹位於紅磡呢間紅燈籠都開左一段日子, 平時係送餐平台成日都會見到佢既踪跡, 通常買滿一個價錢就會有折扣優惠, 所以我地都係忠粉!-🔹食左咁多次, 今次終於都記得影番D相寫下食評紅燈籠鋪頭細細專做街坊快餐生意, 乾淨企理, 位置唔多. -🔹餐廳有一個"特色碎花"系列既MENU 專會椰菜花飯而設, 平時我必定會叫既就係 "蔥油雞扒蛋碎花" $62🔹呢個招牌雞扒水準非常穩定, 每次都保持到一定既外脆內多汁既水平, 雞扒大大件, 切開好JUICY好嫩-🔹蔥油又多又香, 混入椰菜花飯一齊食係好惹味! 椰菜花飯份量一點都唔會吝嗇, 多過一碗白飯咁多, 包食得飽. -🔹最神奇係椰菜花飯完全冇草青味, 而且都仲算炒得乾身, 當然同炒飯有段距離，但加番少少幻想就相似!🔹今次我地仲加左2串燒雞翼, 辣辣地又香又脆好好味! 雖然我地叫左外

食外賣大部分又油又膩, 的確好唔健康, 又無得做運動, 搞到最近真係肥左唔少😩所以今日專登揀啲健康啲嘅野食, 咁啱原來附近開咗間sell低糖低碳嘅西餐廳, 一於試下先!1. 蔥油雞扒蛋碎花 $68 (熊貓價)最特別同健康嘅地方就係用椰菜花碎代替白飯, 但份量一啲都唔少! 非常足料同飽肚, 食完嘅感覺同飯差唔多, 好抵食！雞扒賣相都好好, 煎到金黃色, 加上上面嘅香蔥唔似茶餐廳嗰種又咸又油, 食得出餐廳確實係以健康為主打. 加埋隻靚靚嘅荷包蛋, 撈埋菜花一齊食, 好味得黎又唔會好滯, 真係可以放心大啖食👍🏻👍🏻👍🏻高質!2. 尖椒豆乾辣肉碎花 $68另一款就係辣肉碎同豆乾, 聽到應該會覺得係有成層油喺底嗰種肉醬/滷肉. 但非常驚喜, 我係食唔到有一啖油喺入面. 肉碎偏咸個同菜花撈埋食又係好夾, 都推介!高質好食又健康, 一定番食啦🤣

Red Lantern紅磡生酮小店 蔥油豬扒蛋碎花🧁食物質素：😍😍😍😍📸打卡指數：😍😍🧹衛生指數：😍😍😍😍💁🏻‍♂️店員表現：😍😍😍😍💵性價之比：😍😍😍😍😍地址:紅磡崇志街20-30號明華閣地下C號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹Red Lantern在何文田站和土瓜灣站之間，建議由土瓜灣站d岀口再行十分鐘。餐廳有適合低碳生酮人士的食物，也有正常的飯意粉沙律和一些串燒小食在香港生酮餐廳不多，有椰菜花飯的更少，自家整椰菜花飯也很麻煩，容易岀水難得有一間煮得好吃，而且價錢平民，午餐HK$58包飲品，大家可以去試一下。🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.日式咖喱雞碎花  HK$58      Rating：7/10。這個是低碳餐，咖哩中有薯仔。嚴酮人士請注意。日式咖哩不會太辣。雞肉足料。椰菜花飯顆粒大小適中，夠鑊氣。粒粒分明夠乾身。應該有用蒜頭一起炒，有微辣2.蔥油豬扒蛋碎花      HK$58  Rating：8/10。平常蔥油豬扒蛋飯已經是一個強勁的組合。改用椰菜花飯也不錯。蔥油很香。豬扒煎得很香，但調味不足，有點淡。份量十足，有兩塊，飽飽的。下次可以試一下雞扒，應該更香口

之前在土瓜灣除近閒逛，見到呢間新開餐廳，位置比較隱蔽，今日專登帶埋兩位小老闆去試一試。餐廳環境舒適，坐位唔會太迫，有5張4人枱和一張bar枱，門外另有擺放一張4人枱。每張枱都有擺放紙巾同搓手液。店員態度親切友善，又會介紹一下餐廳推介。餐廳有健康低卡既椰菜花飯提供，岩晒我呢啲減肥人士，我叫左一個日式咖喱雞碎花（碎花=椰菜花飯），兩位小老闆一個叫左蘑菇卡邦尼意粉，一個要蔥油豬扒蛋飯，另外仲叫左一個燒汁鯖魚。日式咖喱雞碎花椰菜花飯味道唔會太濃太咸，配埋日式咖喱味道剛剛好，咖喱都唔會太辣，我想食日式咖喱好耐，但咖喱一定要配埋飯先好食，我已行低碳飲食多年，呢間餐廳嘅椰菜花飯可以滿足到我嘅慾望。蘑菇卡邦尼意粉呢個意粉係即炒的，所以製作需時，意粉軟硬度適中，醬汁夠軟滑creamy，中間放咗一隻蛋黃令賣相更好同時增加蛋黃的味道。蔥油豬扒蛋飯豬扒煎得好香，蔥油比例一流，蔥花又香又爽脆，隻蛋都煎得好靚，小老闆唔捨得食隻蛋，留到最後先食。燒汁鯖魚鯖魚皮煎得微脆，魚肉都唔會乾，配埋燒汁一流。每個餐都會有一小碟配菜跟埋，感覺上健康一點。飲品可選汽水或+$3自家製羅漢果水/檸檬薏米水，我好後悔冇加錢叫檸檬薏米水，