影片
朋友减肥想食少啲碳水，见到菜花饭佢想食好耐，所以佢食菜花饭，朋友话菜花饭份量好多好饱食唔晒，下次要叫少花，细食者要留意下，叫菜花饭可以叫少花，以免食唔晒。咖喱吉列猪扒定食吉列猪扒即叫即炸要等十五至二十分钟，猪扒质素正常，大小适中，酒味有点重，应该用酒腌过，本人唔太钟意重酒味，配菜有少少椰菜红萝卜片，咖喱汁少，味道甜，饭味一般。呢间舖头因为无水吧，所以跟餐饮品选择只有汔水和纸包饮品。总结味道不过不失，68蚊咖哩吉猪饭唔算抵。但如果戒碳水，想食菜花饭，推荐黎呢度食，毕竟好少餐厅有。*菜花饭要加十蚊
继续阅读
因为进行紧生酮饮食，如果谂唔倒食乜都会外卖红灯笼个鸡扒椰菜花饭，鸡扒够大块又嫩又多汁，椰菜花饭份量又够晒多。不过发觉佢嘅品控唔系好稳定，有次椰菜花饭俾左白饭（好在即场check一check先发现），有时块鸡扒又好干，而今晚就出事添了……我地叫左葱油鸡扒蛋碎花/日式咖喱鸡碎花，仲有串烧五花肉/烧开边鸡中翼…啲椰菜花好唔新鲜，有轻微嘅酸味，好可能冇放雪柜/食材放得太耐。个日式咖喱啲鸡都有同样问题，有轻微酸味，而个五花肉亦有同样问题。而个开边鸡中翼就烧得太干，净系睇个样就知同之前水平有出入。另外椰菜花同只煎蛋都有好多「镬屎」，完全不能接受，系咪厨房换左人？定系请左个新手part time？整个体验非常差，所谓十功不能抵一过，希望今次只系个别事件，如果再有同样情况就唔再帮衬了
继续阅读
🏮红灯笼 🏮(📍红磡崇志街20-30号明华阁地下C号舖)-🔹椰菜花饭一般价钱都比较贵, 因为准备整椰菜花饭其实都好比较多工序而且费时. 试过自己整都大费周章, 要不断刨之余, 刨果时D 椰菜花又会𪪼到周地都系, 善后功夫都唔系少, 所以有得拣都会选择买外卖, 方便又快捷 -🔹位于红磡呢间红灯笼都开左一段日子, 平时系送餐平台成日都会见到佢既踪迹, 通常买满一个价钱就会有折扣优惠, 所以我地都系忠粉!-🔹食左咁多次, 今次终于都记得影番D相写下食评红灯笼铺头细细专做街坊快餐生意, 干净企理, 位置唔多. -🔹餐厅有一个"特色碎花"系列既MENU 专会椰菜花饭而设, 平时我必定会叫既就系 "葱油鸡扒蛋碎花" $62🔹呢个招牌鸡扒水准非常稳定, 每次都保持到一定既外脆内多汁既水平, 鸡扒大大件, 切开好JUICY好嫩-🔹葱油又多又香, 混入椰菜花饭一齐食系好惹味! 椰菜花饭份量一点都唔会吝啬, 多过一碗白饭咁多, 包食得饱. -🔹最神奇系椰菜花饭完全冇草青味, 而且都仲算炒得干身, 当然同炒饭有段距离，但加番少少幻想就相似!🔹今次我地仲加左2串烧鸡翼, 辣辣地又香又脆好好味! 虽然我地叫左外卖LUNCH, 加左2串惹味鸡翼后成件事丰富左好多!
继续阅读
食外卖大部分又油又腻, 的确好唔健康, 又无得做运动, 搞到最近真系肥左唔少😩所以今日专登拣啲健康啲嘅野食, 咁啱原来附近开咗间sell低糖低碳嘅西餐厅, 一于试下先!1. 葱油鸡扒蛋碎花 $68 (熊猫价)最特别同健康嘅地方就系用椰菜花碎代替白饭, 但份量一啲都唔少! 非常足料同饱肚, 食完嘅感觉同饭差唔多, 好抵食！鸡扒卖相都好好, 煎到金黄色, 加上上面嘅香葱唔似茶餐厅𠮶种又咸又油, 食得出餐厅确实系以健康为主打. 加埋只靓靓嘅荷包蛋, 捞埋菜花一齐食, 好味得黎又唔会好滞, 真系可以放心大啖食👍🏻👍🏻👍🏻高质!2. 尖椒豆干辣肉碎花 $68另一款就系辣肉碎同豆干, 听到应该会觉得系有成层油喺底𠮶种肉酱/卤肉. 但非常惊喜, 我系食唔到有一啖油喺入面. 肉碎偏咸个同菜花捞埋食又系好夹, 都推介!高质好食又健康, 一定番食啦🤣
继续阅读
Red Lantern红磡生酮小店 葱油猪扒蛋碎花🧁食物质素：😍😍😍😍📸打卡指数：😍😍🧹卫生指数：😍😍😍😍💁🏻♂️店员表现：😍😍😍😍💵性价之比：😍😍😍😍😍地址:红磡崇志街20-30号明华阁地下C号舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹Red Lantern在何文田站和土瓜湾站之间，建议由土瓜湾站d岀口再行十分钟。餐厅有适合低碳生酮人士的食物，也有正常的饭意粉沙律和一些串烧小食在香港生酮餐厅不多，有椰菜花饭的更少，自家整椰菜花饭也很麻烦，容易岀水难得有一间煮得好吃，而且价钱平民，午餐HK$58包饮品，大家可以去试一下。🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.日式咖喱鸡碎花 HK$58 Rating：7/10。这个是低碳餐，咖哩中有薯仔。严酮人士请注意。日式咖哩不会太辣。鸡肉足料。椰菜花饭颗粒大小适中，够镬气。粒粒分明够干身。应该有用蒜头一起炒，有微辣2.葱油猪扒蛋碎花 HK$58 Rating：8/10。平常葱油猪扒蛋饭已经是一个强劲的组合。改用椰菜花饭也不错。葱油很香。猪扒煎得很香，但调味不足，有点淡。份量十足，有两块，饱饱的。下次可以试一下鸡扒，应该更香口好吃3.烧汁鲭鱼 HK$15 Rating：7/10。鲭鱼皮脆。鱼肉不干。没有腥味。烧汁正常🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹
继续阅读