紅葉

营业中

休息中

元朗紅葉餐廳是港式茶餐廳，份量大、價錢合理，人氣極高，旺場常需等位，但食物質素與環境很可以招牌沙爹牛肉炒河份量十足，牛肉嫩滑，沙爹醬濃香微辣，河粉爽滑入味，深受街坊喜愛。奶油多士厚切酥脆，塗滿牛油與煉奶，甜香誘人。菠蘿油外脆內軟，入口即化，配凍奶茶茶味濃郁，完美下午茶組合。餐廳環境懷舊，紅白格地板與老式吊扇別具特色，乾淨舒適。服務親切，店員效率高，點餐出菜快捷，雖然座位略擠，但紅葉以實惠價格、足料菜式與濃厚港味，吸引食客幫襯！

元朗紅葉冰室真係一間抵食又親民嘅茶記！早餐時段嘅豬扒麵同沙嗲牛麵係招牌，豬扒麵湯底清甜，豬扒煎得香口嫩滑，配彈牙幼麵，簡單但好滿足；沙嗲牛麵醬汁濃郁，花生香撲鼻，牛肉厚切Juicy，食到停唔下來！下午茶嘅豬扒包都好掂，麵包烤得微脆，豬扒厚實，夾住生菜同蕃茄，醬汁酸甜開胃，份量足，抵食又好味！晚餐推介焗豬扒飯，豬扒外酥內嫩，鋪滿濃郁芝士同番茄醬，焗得香噴噴，飯粒吸晒醬汁，啖啖滿足。服務員態度親切，落單快手，環境乾淨企理，坐得舒服。價錢親民，CP值高，無論早餐、下午茶定晚餐，紅葉冰室都做到高水準，絕對係元朗街坊嘅心頭好！想食地道茶記美食，真心值得一試！

最近想食tea見到喱間茶記大排長龍，就一於試下。我叫左一份炸豬排餐。份量方面都可觀，炸豬排的外層炸得相當酥脆，但豬扒的肉質就屬於一般，雖然口感不差，但肉味較淡，要點沙律醬。配菜都算新鮮，以這個價格來說，確實抵食。客人既眼睛係雪亮既，果然多人既餐廳都係有返咁上下質素。

元朗有好多茶餐廳。以前一直有食開呢度嘅午餐，都叫做正常食得落口嘅茶餐廳。今日再嚟食午餐，估唔到水準係急速下降。真係非常非常難食！件牛扒薄唔緊要，但係無味，顏色奇怪，食落去都唔知係咩肉。個漢堡扒正常地好鹹，預製食物冇得講，最後得個白飯係食得到。幸好杯凍檸茶都叫做正常飲得到。個餐加埋凍飲要$61。咁嘅價錢响元朗，真係可以有好多選擇。收碟阿姐問我仲要唔要，我話梗係唔要啦，好難食。跟住佢同我講話，你可以換。。。我都費事。以後唔會幫襯。

大年初三諗住落樓下買蕃茄整蕃茄通粉 點止經過呢間茶餐廳見到有人食蕃茄牛肉湯通粉，就係我鍾意食嘅通粉，我同男朋友又懶懶哋決定自己整去呢度試吓本身睇佢新年假價錢唔貴， 但係原來一個餐要加$10真係賺死佢我平時有選擇困難二話不說今次即刻揀 番茄牛肉湯通粉，如果有得揀我會要烚蛋不過冇，所以就要太陽蛋 佢本身配丹麥多士男朋友鍾意 熱辣辣脆脆地牛肉有兩至三大塊 算係咁㗎喇 都幾新鮮好味湯底方面都調校得好好 我將一粒蛋黃夾爆咗做湯底仲正 過免不了有啲味精 因為食完有一種奇怪口渴 不過調味都非常好，仲有兩三件大蕃茄😘男朋友嗰餐就係致癌首選一條好鹹嘅腸仔 男朋友話好好味，仲要極速食咗成條。。。 公仔麵嘅有彈性嘅 五香肉丁就真係硬骨骨 都唔明點解男朋友鍾意食？奶茶好味男朋友飲晒兩杯😂😂不過呢度冇廁所，要隔籬商場 好污糟㗎 仲要問依度餐廳拎鎖匙 🔑紙巾，記得帶紙巾

今天去元朗試了一間連鎖餐廳的早餐。他們的價格相對其他餐廳貴，但確實是有道理的。正所谓一分錢一分貨，出品也很有水準。我點了一配豬扒麵 + 腸仔炒蛋 + 多士 + 熱奶茶。豬扒麵相對來說，比較一般。炒蛋是我吃過最好吃的。濃濃的奶味和牛油香味，蛋是半生熟的，一顆一顆的質感。多士烘得很香很脆，只可惜比較細塊。奶茶夠熱，奶味也夠，很香，值95分。下次想試一試他們其他時段的食物，午餐或下午茶或晚餐，可能也會有一些不同的驚喜。

叫咖喱雞球飯，打開變左肉片，完全無提醒換左。極之差的體驗!收銀那位阿姐在發夢，有內地口音那位，我記得你!!!!!!!外賣自取，返到屋企先發現係咁，又無得換，唉, 香港人真係食開屎，咁都幫襯。

一個人食lunch 黎到長期滿座既紅葉 落單到上菜10分鐘都唔使 應該焗定好多係廚房～個碟好似唔大 不過一個女仔都食唔晒 因為肉多過飯 豬扒都有5,6舊 仲要比較厚 不過個茄汁好甜 應該落好多糖 芝士拉絲有驚喜 仲有啲罐頭菠蘿同蘑菇 $64黎講算抵食 唔怪得咁多人幫襯

超過分，剛才帶住兩個細路，叫三個餐。1:29入去，俾錢嘅時候差唔多係2:13。差唔多成個鐘頭，我哋已經催咗兩次，仲係有兩個餐未到。隔籬枱有另外一個食客，又係漏單，直程嬲到大鬧，同我哋一樣等咗超耐。我哋周圍啲枱遲過我哋到，啲嘢食都到晒，叫嘅嘢同我哋一樣。唔知點解，硬係有幾台啲嘢食係都唔到。已經係嗌當日嘅午餐，竟然都咁耐。我哋最後等唔到，小朋友坐到發脾氣，我哋最後都要走。竟然仲收我哋兩杯嘢飲錢，仲要收正價，真係超過分。

其實紅葉，紅葉餐室，紅葉冰室係咪同一間野黎？個餐牌都差唔多，唔知有無記錯。呢幾排黎多左紅葉食，一家大細坐張卡位真係好迫，通常唔會一次叫晒啲餐同餐飲，無位放呀。但每次加單都比人黑面，啲店員真係好鬼有性格，咁係嘅加單又霸張枱耐啲呀。下午茶嘅豬扒包配沙律係最受歡迎之一，勁多人叫，咁個包有返咁上下大，雜果沙律又幾好味咁。瑞士汁炒牛河就一般啦，基本上無炒過，攞個汁撈一撈就上碟。焗肉醬意粉都幾好，肉醬調味唔錯仲有落香草葉。焗白汁雞扒飯抵食，好大塊扒個飯又有炒底。餐飲有熱奶茶，凍鴛鴦，凍檸茶，幾正常嘅味道。順便講埋，枱面，餐牌，水杯，水壺都黏立立。

呢間冰室個質素好高，定期換新餐牌，西餐選擇好多，有時仲會出下特色西餐有斧頭扒、羊架，幫襯過幾次完全冇伏，仲幾出色，價錢又唔太貴。中餐都好鑊氣，湯都好好飲。奶茶好正，一飲就知用黑白沖，係寧舍好飲啲，但價錢跟餐價又唔係特別貴，淨係個奶茶都值回票價🥰地理位置幾好，喺元朗雞地一揾就揾到，佢地仲有室外位置可以帶埋狗狗過黎食飯，好開心，啲員工對狗狗都好nice喺元朗嚟講，呢間餐廳真係一個好選擇。性價比好高，最緊要嘅係呢度環境乾淨，坐得好舒服。整體氣氛令人放鬆，食嘢都安心啲!

戰斧牛扒超級抵食 130蚊都唔使塊扒厚度大嘅一隻尾指長度咁厚面積大過塊面 而且跟薯角同紅酒汁肉質唔會好韌 軟硬適中嘅嫩肉紅酒汁酸酸甜甜薯角外脆內軟 唔會因為喺鐵板而黐到爛融融蜜椒牛仔粒薯仔粒部分外脆內軟 唔係粒粒完美牛仔粒偏乾身 比較依賴蜜汁帶濕潤感蜜汁係偏水狀 唔會好杰撻撻味道唔會死甜 亦唔會好淡節瓜肉片節瓜因為吸收唔到太多汁所以唔會太鹹肉片反而鹹少少但係肉片鮮嫩 但係又唔會去到軟pat pat麻辣雞煲呢個就真係鹹 亦都唔似麻辣雞煲比較似啫啫雞煲 汁比較杰身雞肉裏面質感唔差 但係雞外身炒到有啲乾整體所有小菜份量多 而且唔貴尤其個戰斧牛扒出面食至少都要200～250店舖環境新淨 燈光足 美中不足四人位有點逼晚餐set最平都係70 仲包飯包嘢飲真心推介

一次就算今日第二次，未試過等晚餐炒小菜西蘭花炒雞柳蝦球等到朋友們食晒想走先黎，重要其中一個食焗飯食飽埋都快過我碟炒野，叫左2次伙記，第一個就睇機話有落到單叫我等等無去廚房睇，第2個就入去廚房睇話重有3分鐘叫我等等，等到我燥底，啲員工啲態度麻麻，好似吾憂做，重要比我見到個樓面亞姐攞番抹枱布黎抹鞋面，抹完攞去洗，洗完就放番係水吧枱下面既枱，因為放個到啲布係抹客人食完個張枱，經過今日之後我吾會再去呢間野

晚上去元朗形點，一般都貴。於是會行出去搵食，紅葉就係其中一個選擇。晚都幾多人等位，不過因為近馬路，室外位就免了，尤其夏天。晚餐很貴，反而散叫一份餐加餐飲會較高性價比。總比在形點食慳得多呢。

去到元朗，肚仔餓，形點乜Q食店都閂哂門On膠膠行出去揾下食，行行下有間叫紅葉嘅茶記就試下。叫咗個乾炒牛河，一上碟就嚇親咁大兜😂牛肉都足料，唔會煮太熟太鞋身。我9點半入到黎，10點仲her her聲咁入客，睇黎呢間茶記有啲料到，下次過黎試下呢到嘅沙爹牛麵！牛河同爆檸煮正路野，揾野食填飽個肚不二之選。唔知係咪忙或者人手唔夠，問啲員工我話1位廚房仲有無開，個姨姨佢9指個位叫我有空位就去座，可能人地眼中服務差，不過見佢成排熊貓單就知應該好忙。不過坐喺到發覺佢好處係啲位幾闊落，唔似出面啲茶記啲枱有櫃桶頂住個大脾