紅葉

营业中

休息中

去到元朗，肚仔餓，形點乜Q食店都閂哂門On膠膠行出去揾下食，行行下有間叫紅葉嘅茶記就試下。叫咗個乾炒牛河，一上碟就嚇親咁大兜😂牛肉都足料，唔會煮太熟太鞋身。我9點半入到黎，10點仲her her聲咁入客，睇黎呢間茶記有啲料到，下次過黎試下呢到嘅沙爹牛麵！牛河同爆檸煮正路野，揾野食填飽個肚不二之選。唔知係咪忙或者人手唔夠，問啲員工我話1位廚房仲有無開，個姨姨佢9指個位叫我有空位就去座，可能人地眼中服務差，不過見佢成排熊貓單就知應該好忙。不過坐喺到發覺佢好處係啲位幾闊落，唔似出面啲茶記啲枱有櫃桶頂住個大脾

係咁既～作為一個元朗既街坊，要搵一間岩自己心水既茶餐廳又真係唔易，首先我想好坐d，食物質素唔差，呢間都算係咁，好過上一手。我平時最常食係佢既常餐。沙嗲牛肉米粉，米粉質地有別於其他，比較淋滑有咬口，沙嗲牛肉內有花生醬，味道都濃郁，牛肉見到都起碼5、6片，份量足。兩片火腿、炒蛋，味道正常，炒蛋係一粒粒蛋咁既，無落味，要自己加鹽，火腿味道正常。丹麥多士，嚟到熱辣辣，面頭有牛油，酥香好味，個人最欣賞就係佢既丹麥多士，要新鮮出爐嗰隻。其實我已經算係老顧客啦，平時帶個仔去公園，去完就係食呢間，尤其夏天好熱嘅時候，呢間冷氣好足夠。

食物已經唔係好質素，咪食過咁難食又貴嘅垃圾茶記，另一個最大問題係啲員工真係差到無論，除咗講嘢唔係好聽得明之外，仲要用咆冬瓜傾計講客點點點。。。。。我就甘唔好彩岩遇上。俾人係背後講，佢當你好似聽唔到甘。叫拿只碗。叫左幾次，有人應無人做嘢，仲要咆冬瓜講阿吱阿咗。真係想問候佢媽媽，如果餐廳請嘅係唔健全員工可以理解，可惜個個都唔係囉。咁唔鍾意做香港人生意，返大灣區啦，招呼你哋啲同鄉啦。住元朗遇到呢啲咁差嘅餐廳，真係祝佢提早休息。

服務好差唔值得食 又貴希望有0星可以選擇入來就態度好差野又唔好食好過分唔建議下次再來食m記都好過昵度一次都唔會想來 再來就是浪費錢浪費時間員工好多做嘢好慢隨便去一個茶記都好過紅葉

等一個焗飯等咗40分鐘9:10pm打電話叫order9:45pm先拎到一直喺度拖浪費人時間問佢係咪漏咗單又話唔係叫佢換個飯比我就話整緊40分鐘係餐廳食都走左啦完全係垃圾餐廳唔會再幫襯

成日都覺得呢間d食物好好食特別係蕃茄焗豬扒飯/意粉但係今次比錯左雜扒飯雖然都有d失望 😅😅但味道都唔錯午餐好似都係五十幾蚊左右始終比多左錢，所以覺得好唔抵🥹屋企離餐廳都有d距離 就廢事返去換喇🥲

呢間紅葉算係唔錯嘅平民茶餐廳👍，唔想下下食咁貴嘅時候都可以試吓☝🏻，西餐鋸扒中式叫小菜都有，菜式亦算多，最啱幾個人嘅時候，個個都唔知想食乜嘅時候真係可以試吓😌

今日放假出完去葵芳後，返到元朗雞地呢邊買完嘢都已經成5點咁晏，但仲未食午餐，就諗住揾間附近茶餐廳歎個午餐+下午茶，原來雞地鳳群街好多餐廳都轉咗。決定試下幫襯紅葉，坐低睇咗一陣餐牌，都係想試下個沙嗲牛肉麵，我個人認為任何一間茶餐廳如果連個常餐沙嗲牛肉麵都整唔掂嘅，其他食品都唔好有太大的期望。沙嗲牛肉麵牛肉口感幾好，份量亦夠，而且沙嗲汁亦美味，可能肚餓關係，麵的份量好似太少。炒蛋的賣相夠吸引，食落亦夠嫩滑。多士及火腿如果份量可以多番啲就好，因睇落有啲孤寒的感覺。我一向飲品走甜，今日杯凍奶茶都幾夠味，算係合格。

服務不錯，試過外賣自取及堂食。食物質素尚佳。如有英文餐牌便更理想！唯一燈光太猛。慳電一啲不用咁燈火通明。 可WhatsApp 先叫，外賣自取，如做埋外賣速遞就方便了。 希望有粉絲煲😂

早餐去了紅葉餐廳，叫了一個多士餐，滿滿的花生醬，唔孤寒😅同樣，另一個炸菜肉絲米粉，正常炸菜多過肉絲，但係呢個肉絲多過炸菜喎！重點係沙爹牛肉，坊間沙爹牛肉都係行貨來貨，但係呢個就係懷舊味道！一流！

叫左碟乾炒牛河，成碟嘢竟然可以得一片牛肉，同餐廳反映返仲話係因為一次過炒幾碟炒唔勻，但望到成間餐廳果陣得幾個客根本冇人食呢樣嘢，就算係都唔係理由，呃人秤仲要咁唔老實

第一次寫食評，咩驅使我咁做？係因為隻煎蛋？係因為商品說明？係我錯？我叫煎蛋，嚟到係熟蛋😳同員工講，無反應🤷🏼‍♀️係我錯，無講清楚太陽蛋荷包蛋之類⋯叫咗個歐陸4走茄汁豆嚟到見到無沙律菜，我問點解無沙律菜佢答我：下午茶先有！我：但哩個餐牌係早餐餐牌嚟？張相有喎都係我錯，圖片只供參考，文字上係無寫☹️😑😑請問寫明嘅他他醬呢？哩個好似係叫千島醬喎係我見識少最後，連碗麵都無食晒就走左新開業不久，但已經咁，員工有幾求其呢？食評：炒滑蛋無味⋯⋯⋯⋯完

見佢新開去試下啦，食十次有四五次都漏單，員工態度極差食物質素可以，但係飲品實在太甜食用環境的話不能接受，即使非繁忙時間，兩個人不能坐卡位，否則強制搭枱，一個人的話連卡位都唔坐得。強烈不推薦晚餐的話佢既意大利飯值得一試，以性價比黎講同一般西式餐廳收一百鬆啲既set差唔多，而鐵板餐就一般，一般餐廳黎講，選擇唔算係多，如果以晚餐黎講，一家大細既話無論價錢定係環境都唔推薦揀佢，如果以一個人或者兩個人既話，性價比亦唔推薦佢，最重點都係員工質素，又漏單態度又差

週六買外賣早餐，等半小時都未有，投訴後，店員輕佻地說：「你下次可以轉堂食。」服務態度超差！另外，在店外觀察半小時，發現食客都不用掃安心出行或寫紙仔，仲要全場搭枱，防疫意識極低！而且違反政府防疫條例！

附近一向好多茶餐廳，呢間新開幾星期，食過早餐，晚餐都非常一般同無誠意。最後一次機會俾下午茶，星洲炒米，等左25分鐘都未有，其間15分鐘有入去問阿姐，阿姐態度惡劣喝住同我講話未有，OK等多陣，到25分鐘真係忍無可忍，問收銀佢話去睇睇，點知睇住佢即係入袋拎出黎，相信個外賣擺左係度一段時間🙄。成個米粉極乾身，無咖喱味，得油味，分量細，成個米粉得兩條叉燒，蛋碎都唔見有！咁樣收46蚊？！唔會再有下次！