影片
开饭介绍
来自日本镰仓的人气和风Cafe，供应寿喜烧、丼饭、拉面、甜品等美食；其雅致舒适的木系装潢，提供一个可放松身心享受美食的用餐环境。
继续阅读
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
我同男朋友嚟体验二人套餐，套餐分量好足，食到我哋超满足😌红叶四点盛呢份前菜摆盘好精致😍集合咗炸虾、枝豆、八爪鱼、刺身等等，完美展现咗日式料理嘅精髓❤️炸虾外酥里嫩、枝豆入口柔和顺口、八爪鱼口感Q弹有嚼劲、刺身鲜美细嫩，配搭埋少少酱油风味更加佳👍🏼.主食我哋拣咗「香辣烧牛肉」同「豚肉生姜烧」，牛肉切片厚薄适中，经过高温炙烧后可以好好咁锁住肉汁，食落去非常滑嫩，微辣嘅风味同牛肉嘅油脂互相平衡，令整体口感同味道更加丰富，令人食欲大增！🤤🤤豚肉生姜烧都好好味，猪肉一点都唔腥，配搭埋生姜酱汁嘅辛辣，唔会过于刺激，反而好好咁提升猪肉嘅鲜美🤩呢两样真系要配搭白饭一齐食，根本就系白饭杀手😋.甜品方面我哋拣咗「期间限定软雪糕」，雪糕口感细致柔滑，丝绒般嘅轻盈质感真系好清爽！甜度适中，而且带住非常浓郁嘅牛奶香气，令人一啖接一啖，回味无穷🤤.饮品可以拣加钱，我哋拣咗「冰奇异果」同「杂莓茶」冰奇异果入口清凉，奇异果微酸同淡淡嘅蜜甜喺嘴里绽放，果香浓郁但唔腻☺️杂莓茶都几清爽，淡淡嘅花果香气，饮落去茶底醇厚顺口😇
继续阅读
最近同死党去D2呢间「红叶茶屋」试佢个期间限定二人set真系有惊喜！前菜个龙虾沙律一上枱就知落重本，龙虾肉撕到幼丝但仲弹牙，沙律酱沟咗柚子醋同山葵籽，辣辣地带出鲜味，最正系底层垫住冰镇青瓜丝，好醒胃！红叶四点盛摆到成幅画咁靓，炸虾虾脆浆薄，咬落「咔嚓」声仲见到虾肉透粉红，个炸衣脆得嚟完全唔油。芝豆绵滑中带豆香，八爪鱼腌到入味，爽口到似食紧蒟蒻。刺身厚切，鱼香系会黐住个口腔慢慢散，正到想encore！主食个北海道味噌叉烧野菜拉面有惊喜！汤底饮落先甜后咸，非常鲜美。叉烧肥瘦三七分，慢煮到入口即化，程度啱啱好。野菜吸尽味噌精华，煮到透明仲keep到爽脆，够晒过瘾!吉列猪扒&广岛蚝set系邪恶之选！猪扒拍打到松软唔黐牙，面包糠炸到金黄色，咬落「咔啦」声之后系爆汁嫩肉。广岛蚝大，炸到外脆内流心，一啖咬落去蚝汁爆出，鲜甜到满满精华！甜品环节个期间限定软雪糕不得了！一点都不会太甜。黑蜜抹茶蕨饼烟韧度满分，黄豆粉落得够豪气，黑蜜甜度啱啱好唔会漏，食完成个set大满足！绝对系同friend食好西嘅首选！
继续阅读
远房亲戚介绍我荔枝角呢度有非常唔错嘅日本菜，叫红叶茶屋，就抱住试吓嘅心态带咗女朋友嚟呢度用餐，结果意想不到嘅非常好食。我哋订咗两个位，女朋友满怀期待嘅想要试吓佢哋嘅特色菜，我觉得呢间餐厅嘅地点都系真心唔错，好有氛围。我哋先嚟一款蕃茄胡麻沙律嚟试下，真系唔使讲，非常之好食，佢哋特调嘅酱料好特别，淡淡有一股香气，然后蔬菜番茄都系非常新鲜，仲好脆口，而且食咗好开胃，感觉可以食得更加多女朋友食嘅系佢哋嘅特色茶渍饭，上面佐料有火灸刺身三文鱼，经过火烧后嘅三文鱼鲜味更加突出，然后肉质更加绵密，口味都比较鲜香，再配上茶渍饭，茶香四射，食咗一啖仲想再嚟一啖。我自己叫嘅系猪扒滑蛋丼，猪扒炸得好酥脆，外皮嘅喀拉喀拉声音，令人流口水，然后滑蛋嘅口感都系好正，搭配日本米饭，味道同口感都非常丝滑，好好食。 呢度嘅菜品真系都好好食，下次仲要带女朋友嚟试多啲菜色。
继续阅读
今年嘅周年纪念，我哋都好钟意食日本餐，所以特意拣咗间以日式拉面同乌冬闻名嘅餐厅。朋友仲好努力咁推荐畀我哋。我嘅主食点咗温泉蛋卡邦尼乌冬，乌冬面条煮得啱啱好，淋上奶香浓郁嘅酱汁，好好食。我将温泉蛋嘅蛋黄轻轻拌开，拌埋面一齐食，味道更加香。我男朋友就点咗北海道味噌拉面，味增汤底散发出浓郁香气，配上厚切叉烧、半熟蛋同玉米粒，简直一流。我哋嘅配菜系龙虾沙律。龙虾肉好新鲜，肉质结实，配埋特调嘅酱汁，味道一级棒。我哋仲点咗四点拼盘，拼盘入面每道小食都有独特风味。包括外壳酥脆嘅炸虾、新鲜嘅八爪鱼、芝豆香气浓郁，入口即化嘅新鲜刺身。甜品方面，我就拣咗抹茶提拉米苏，男朋友就点咗牛奶雪糕，雪糕嘅奶香非常浓郁，甜而不腻。我哋都好钟意呢间餐厅，下次仲想再嚟试吓其他菜式。
继续阅读
最近天气真系好冻，想喺附近揾碗热面食啱啱男朋友喺附近，就约咗佢一齐去睇住唔错嘅 「红叶茶屋」食乌东面。我地两个都叫咗乌东面，我食嘅系芝士乌东面肉质鲜甜，仲有淡淡嘅芝士香气，真系令人难以抗拒，而且冬天食碗热辣辣又滑溜嘅乌东面，真系好暖胃。男友就叫咗明太子忌廉口味嘅面，第一啖就食到浓郁嘅奶香味，但明太子比较清淡，唔会过咸，所以整体味道啱啱好。睇住男朋友食到津津有味，我都忍唔住多试几啖。日式料理最出名嘅就系刺身，当然要叫一盘试下。刺身处理得非常干净，细腻滑溜，原汁原味，鲜味十足，食起嚟真系爽！仲有令我眼前一亮嘅清酒蚬肉都好香。每个蚬肉都好肥美厚实，仲吸收咗酒香，令成个蚬肉都充满鲜味，一啖落去，简直系人间美味。呢间意外发现嘅日式餐厅真系唔错，可以多啲嚟捧场。
继续阅读