紅葉茶屋 (奧海城二期)

营业中

休息中

紅葉茶屋來自日本鎌倉的過江龍，作為和風Cafe，餐牌主打多款人氣美食；和牛壽喜燒、定食、拉麵、抹茶甜品等，裝修使用木傢俱為主，簡潔線條和素雅的色調，充滿和風雅韻。店面設有寬敞卡位，空氣中彌漫著抹茶的清香，是靜心放鬆的好去處。牛肉壽喜燒定食 (138)牛肉軟腍多汁，浸没在濃稠的壽喜燒汁內，入口香甜。再蘸上温泉蛋，質感更順滑，牛味香濃，在湯中加入京蔥、娃娃菜、豆腐、冬菇等，豆腐滑溜，純樸豆香，娃娃菜吸嗦甜湯，清新解膩，吃後䁔笠笠。炸餃子 (+25)餃子炸至酥脆可口，內裡填滿豚肉和香蔥，沾上酸醋汁，肉汁散發口腔，令人開胃滿足。蒲燒鰻魚茶漬飯 (138)鰻魚肥美、甘甜，入口綿潤無骨，淋上熱鰹魚昆布湯香，能浸泡出鰻魚的鮮香。飯粒吸收了鰹魚湯汁的精華，加上一絲絲紫菜，清爽而不油膩，再配一口鰻魚，讓人垂涎。雪糕牛奶抹茶 (+25)純滑的牛奶雪糕，覆蓋在濃縮抹茶上，牛奶濃香，與香醇的抹茶味融合，口感滑順，抹茶的微苦與甜美的平衡，帶來清涼的享受。追加三文魚刺身 (+28)三文魚肉質鮮嫩，油潤可口，搭配醬油更提升鮮美。紅葉甘の三昧 (88)是甜品控必點，包含: 抹茶提拉米蘇、春色牛奶布甸、及北海道蜜瓜軟雪

今晚去同朋友食飯，佢叫我陪佢去奧海城行吓街，順便夜晚係果邊食個便飯。咁岩行攰左係附近搵左間食日式定食，因為行經過聞到好香生薑燒豚肉味。我就梗係叫反個生薑燒豚肉定食配凍百香果茉莉花茶🩷🩷🩷🩷🩷果然真係好有驚喜，一上菜已經聞到勁香好肚餓了。佢係甜甜地個醬汁炒香個豚肉配埋白洋蔥好清甜，送飯一流。再配埋啲漬物仲有個麵豉湯好豐富。佢個百香果茶飲到酸酸甜甜既百香果味同埋茉莉花既茶味。另外叫左個鹿兒島一口和牛定食配蘋果汁加配炸餃子🩷🩷🩷🩷🩷佢個一口牛入口即溶同埋都炒得岩岩好，咬落好juicy又係送飯好正！佢個蘋果汁酸酸甜甜好開胃，同埋個炸餃子超脆即叫即炸熱辣辣。我仲有叫多個我最鍾意食既燒鱈魚片🩷🩷🩷🩷🩷竟然呢度有得嗌。食完之後本身想搵間甜品舖食吓飯後甜品，點知見到呢度有埋甜品食，佢個抹茶提拉米蘇我好想試下，朋友想食佢嘅牛奶軟雪糕我叫左呢兩款。佢個抹茶提拉米蘇真係驚艷咗我🩷🩷🩷🩷🩷🩷，抹茶味好夠濃，又夠creamy奶味都好濃郁配搭得好好😍。牛奶軟雪糕有啲似牛奶妹個軟糖味，甜甜地既牛乳味。無諗過呢間餐廳咁有驚喜。

位於大角咀的日本過江龍日本料理甜品店，以木色裝修風格為主，座位舒適，寬敞。主打日式定食、壽喜燒、丼飯、拉麵、飲品及甜品，全港都有分店。烏冬：香蔥柚子蜆肉烏冬蜆肉大大粒，份量也蠻多，粒粒很鮮味，烏冬麵條彈牙，湯底清淡帶柚子清香，這碗絕對是清新開胃的夏日之選。魚丼：鰻魚滑蛋丼鰻魚厚肉，甜甜的鰻魚汁配上滑蛋汁，米飯吸收了蛋汁及醬汁後，特別下飯。定食還有麵豉湯及前菜。甜品：紅葉三重奏甜品是不容錯過的必點之一。這款集合三種甜品，一次過滿足三個願望。分別有一款迷你芭菲、抹茶雲石紋芝士蛋糕及蕨餅，非常精緻。迷你芭菲，蜜瓜雪糕，中間有脆片、抹茶生朱古力、牛奶雪糕、抹茶啫喱，細細杯份量剛好。芝士蛋糕軟滑，帶點淡香茶味，芝士較突出。抹茶蕨餅，沾上少許黑蜜，中和抹茶之澀。甜品：鐮倉紅葉茶屋特製軟雪糕芭菲招牌的芭菲，滿滿的配料，最頂層是期間限定口味的軟雪糕－夕張蜜瓜雪糕，配上銅鑼燒，然後有紅豆蓉、白玉，中間有抹茶忌廉，口感如慕絲般綿密，底層是牛乳雪糕及抹茶啫喱。抹茶系列：牛奶抹茶抹茶拿鐵味道濃郁，呷一口，先是牛奶味，之後濃郁的抹茶慢慢散發出來，奶香甜中帶茶澀，濃厚回甘，不會甜膩。咖啡系列：冰極椰青咖啡先倒入椰

今日约左朋友喺奥海城簽單，完成後都成三點，想揾啲甜品慰勞下自己，行下行下見倒呢間"紅葉茶屋"門口有個下午茶海報，即管試下。用手機落餐，點左個柚子香葱义燒拉麺+凍咖啡，另外點多杯芒果焦糖迷你芭菲，坦白講碗拉麵同凍咖啡正常水準，無咩大驚喜，义燒有厚度，唔係燈影义燒，湯底同麵都好味，反而個芭菲有啲驚喜，外觀吸引，上面係蜜瓜味雪糕加上QQ芒果，正，下面係麥片加椰果，食落又有唔同層次，下次可以試埋其他口味！埋單兩舊水，唔算平，但勝價比高，可以—試

紅葉茶屋幾間分店我哋都幫襯過好多次，但今次真係恐怖體驗，喺佢哋IG留咗言但未有人睇或回應，暫時唔會再幫襯，亦會叫家人朋友唔好幫襯當時有至少兩個員工（一個負責水吧甜品吧、一個傳菜）唔戴口罩但不停打噴嚏同咳，兩個都近距離處理同接觸食物，但竟然有不適都唔自覺戴口罩，員工守則竟然亦冇寫明，其中一個員工仲企正我哋隔離一邊玩手機一邊咳咳咳咗一段時間，而我哋係用餐當中的。而且餐廳入面有好多好大隻嘅烏蠅飛來飛去，衛生情況欠佳。對紅葉茶屋同一般日式餐廳嘅印象係衛生水平、員工培訓都比較嚴謹，但今次真係非常失望。建議大家咪再幫襯

好耐無喺奧海城食飯，想食清淡少少，揀左呢間紅葉茶屋食晚餐，之前淨係食過外賣甜品，今次係第一次堂食，不得不讚d餐碟真係好靚.✨牛肉壽喜燒定食✨前菜有醃蘿蔔同牛蒡，壽喜燒汁唔會過咸，好送飯，可惜味噌湯感覺似即沖✨蒲燒鰻魚茶漬飯✨茶漬飯無茶揀🙈揀左鰹魚昆布湯，湯份量太少，但味道不俗，鰻魚肥美，可惜得一件✨藍莓芝士忌廉窩夫✨呢間日式餐廳好多甜品選擇，好多都好吸引，呢個窩夫有好多配料，好豐富，只係個窩夫感覺係現成野，唔係新鮮壓出黎，質感偏軟，但過吓口癮都唔錯既

又係成日幫襯既餐廳，因為係屋企附近。貪佢唔使book位定食又有得免費添飯～設施方面有啲舊，櫈同啲托盤都睇得出經過時間既洗禮，算係求其食餐飯既好去處。今次我壽喜燒個賣相真係好一般，一舊野咁。男朋友叫既A4黑毛和牛就正常好多。味道無咩特別，不過啲菜真係好一般，好硬～似白烚左一陣就放落去～其實我就唔覺得值依個價。今次叫埋個甜品Tiramisu ，反而我幾中意。佢唔係傳統手指餅既整法，質感亦比較硬身，蛋糕底～雖然唔係authentic 不過岩我口味所以我覺得好食！同埋我中意佢個presentation，好整齊既感覺，推介！

一入店，馬上就俾豪邁既卡邦尼烏冬俘虜咗味蕾🍜。想像下啦，濃郁嘅蛋黃混合澎湃嘅芝士同煙肉塊，每一啖都係烏冬滑溜溜嘅幸福感！烏冬面彈牙，吸滿咗醬汁，當溫泉蛋一炮開，黃金嘅蛋液流得到處都係，幾美味囉～好像有個小宇宙喺口中爆炸噠！點多碟抹茶白玉雪糕，哥哥！清新嘅抹茶味道，配上滑嫩嘅雪糕，舌尖上嘅熱氣一下子就消失曬！白玉又加咗幾許QQ嘅食感，一句話，清新爽口到不得了！每樣菜色都喺筷子上盡情跳舞、啖啖肉的和牛好滋味，豬排厚切多汁，呢間茶屋簡直就係口福之家。茶屋裝潢得寫意又舒服，啱哂同三五知己小聚，聊聊天嘆嘆茶。食單簡單直接，一掃就選到自己鍾意嘅美食，真係方便到爆炸啦🎉！下次再來試試其他招牌，儅然要再次打卡啦！👍🍵

好想好想破戒食雪糕見公司附近有間日式茶室日式木系裝修都幾靚既有芭菲食又唔太貴就入咗去試吓叫左抹茶芭菲今日雪糕係密瓜味中間有d抹茶雪糕同抹茶啫喱蜜瓜幾香甜仲有個抹茶生朱古力無諗過係抹茶粉入面係黑朱古力🍫😅有少少失望

本人昨晚一行三人到奧海城這間餐廳吃飯，完全係比佢門口嗰張牛肉壽喜燒poster吸引。因為本人十喜歡吃壽喜燒。我叫咗牛肉壽喜燒套餐。首先當食物上枱的時候發現賣相極差。擺盤都懶、牛肉質素唔好，煮法亦差。上枱食物冇一樣嘢係熱嘅我唔係要求熱到出晒煙。佢碗飯、牛肉壽喜燒、同埋湯連暖都稱不上。好明顯喺廚房攤到凍晒先俾我。附上佢放喺門口張poster同埋我上枱嘅時候食物嘅樣。大家明我講乜。其實佢要用心做好都唔係好難。將個壽喜燒湯底煮到好熱先轉落個砂鍋度，喺面擺生牛肉立即serve俾個客。就算你啲牛肉質素唔係好好，應該都唔會差嘅。我覺得完全係廚房問題唔關服務員事。所以都冇即場反映。不如喺呢度俾大家評下理. $133 +10% 要俾返啲質素個客。希望管理層或管理食物質素人士立即正視呢個問題.

之前喺D2食過一次紅葉茶屋，嗰次食甜品，已經覺得擁有滿滿嘅日本風味。所以今日去開奧海城，就試佢地嘅午餐。餐牌超多選擇，我地兩個選擇左以下嘅餐單：牛肉壽喜燒定食 $128北海道味噌叉燒野菜拉麵 $98抺茶白玉 $48炸牛肉薯餅 $35我本身好鍾意食sukiyaki, 不過原來紅葉茶屋唔係火鍋上，未能夠熱辣辣食，所以起初都有少少失望，但係唔緊要，味道真係唔錯，所以都開心番😅😅屋企人就食拉麵，佢話麵質唔錯，個湯底好好飲。我哋好為食，叫多一份牛肉薯餅，但係竟然唔記得左影相😭牛肉薯餅又係好好食，好Juicy🥰最驚喜係個甜品，兩種味道嘅丸子，配上手打抺葉，我完全感受到日本嘅風味，呢個係我推介必試嘅甜品👍🏻👍🏻👍🏻

今日黃雨，但又吾想浪費一天假期，所以去左商場行街睇戲，經過見到紅葉🍁茶屋就入左去醫肚💕主食：卡邦尼烏冬平日卡邦尼意粉就食得多，卡邦尼烏冬就第一次試🫢烏冬出奇地好夾卡邦尼，烏冬面係粗身烏冬，比較有嚼口，配有芝士粉、煙肉、溫泉蛋，又香又好味🤤另外覺得卡邦尼烏冬十分有創意🫶🏻🫶🏻飲品：抹茶白玉雪糕身為抹茶控既我十分中意飲，加左白玉同雪糕，白玉有咬口，雪糕又消暑，啱哂熱辣辣的夏天😎🍁餐廳係用QR code形式自動落單，如果想要水係以自助形式去拎😁

紅葉屋 以前吃過旺角分店感覺還不錯所以今天在這裡繞一圈後決定吃這家家沒想到選擇錯誤了首先拿了票後叫過了沒注意想說問問店員可否輪下一個不過事先我們也先多領一張票在嘗試跟門口女店員溝通後在完全被無視的情況下我們為店員加上設計對白來消磨我們繼續等待的時間也沒有等很久就入座了我們被無言語之下帶到最入的位置店員們辛勤工作我們一坐下來就知道了因為我們坐在布草袋旁邊舊的衣物髒味汗味陣陣飄出自助茶水間有幾隻渠蠅在休息不是說餐廳有昆蟲不對但有客人入座是否應該多加注意點完餐後我們有點受不住味道了於是希望能轉個位置沒想到店員聽完後沒任何回應就轉身走了這是什麼？過了一陣又另一位男店員來問我們「你想調到哪裡？」原來這裡的店員是會說話的這是我們由等票到現在聽到店員跟我們說的第一句話最後還是換了個比較好的位置至少沒味道空氣也更流通一點餐點也隨即送到只能說普普通通但光是服務那麼高質就讓我們沒辦法好好享受食物了總結食物正常服務欠佳環境普通衛生超差同樣的價錢有更好的選擇

今次到紅葉茶屋食晚飯🥢，位於大角咀海庭道18號奧海城二期地下G36-G37號舖。 餐廳是一間來自日本鎌倉的過江龍，以抹茶提拉米蘇出名。定食種類多， 我被壽喜燒和茶漬飯吸引了， 點要兩款再加甜品，和牛肉壽喜燒定食$168、 豪華海鮮丼茶漬飯( 香濃蝦湯) $168、 鎌倉紅葉茶屋特製軟雪糕芭菲$75、 芒果焦糖窩夫$68。 🔸和牛肉壽喜燒定食 ～ 很喜歡食和牛肉壽喜燒， 有濃郁肉香， 肉質細嫩入口即溶。     🔸豪華海鮮丼茶漬飯( 香濃蝦湯) ～ 茶漬飯有兩款食法，1.先食刺身和飯，配山葵及醬油。2.再把熱湯倒進碗內，加入少量山葵。 刺身都算幾新鮮， 茶漬飯加入蝦湯， 清甜美味。 🔸鎌倉紅葉茶屋特製軟雪糕芭菲 ～面層有香滑的軟雪糕， 配上焦糖、紅豆蓉、丸子和小熱香餅，夾層有抹茶雪糕、幼滑忌廉和綠茶啫喱， 有不同層次的口感， 非常好味，推介。 🔸芒果焦糖窩夫 ～ 芒果粒太凍， 焦糖窩夫味道正常發揮。 欣賞這裏的雪糕芭菲， 抵食大杯又好味。🏷️溫馨提示～ 整個用餐體驗均屬個人分享意見， 只作參考😊。

I wanted to try their orange tiramisu but it was not available and changed to the seasonal strawberry one. I loved their sukiyaki set and green tea last time. I ordered their cold matcha with ice cream this time. My friend and I decided to try the regular beef sukiyaki set meal and also the wagyu beef sukiyaki set meal to see the difference.The drinks were served first and their maccha, despite the ice-cream and ice, tasted really rich. The shiratama was a nice touch to the drink given you somet