紅葉茶屋 (奧海城二期)

营业中

休息中

行過紅葉茶屋，見到門口晚市餐牌幾多選擇，同朋友見晚市開始多人，又見佢仲有位就試下佢既晚餐，職員門口登記都好著緊做得好足，跟住就安排左我地坐窗口旁，晚市定食有12款，選擇困難症又出現，最後揀左和牛肉壽喜燒同一口牛定食，同埋加左一口芝士，兩杯抹茶拿鐵，小食同飲品都可以減$10兩款定食牛肉都唔會煮到全熟，口感岩岩好，壽喜燒個汁唔會太濃味，食晒成個都冇問題，一口牛個汁就好開胃，兩個女仔食都仲可以加飯，*定食既白飯可以任添😋一口芝士熱辣辣，芝士味幾濃，一碟得幾粒有啲唔夠喉，抹茶拿鐵抹茶味同奶調味適中，唔會太澀飲唔到，整體黎講係奧海城食晚餐CP值算ok下次聚會可以再選擇呢度

食完飯行咗陣街 行到好攰想搵甜品先發現原來成個奧海城都冇乜甜品食 最後入咗嚟呢度食 因為以前試過個抹茶甜品好好食 8點鐘入去都冇咩人 可以好舒服咁坐亦冇最低消費所以兩個人只係嗌咗一個甜品 🍮 —————————— 抹茶提拉米蘇 唔知係咪冇乜人叫 個甜品擺咗好耐咁上面啲抹茶粉都變咗一粒粒冇咗以前好好食嗰種感覺 中間戈層嘅唔夠creamy 蛋糕有啲濕 整體感覺係原本係好好食但係佢實在擺得太耐 不過50幾蚊兩個人都OK嘅。下次都會再黎食

依間我起旺角T.O.P見過幾次之前已經想試 點知原來佢奧海城都有分店今日行開就試吓餐牌超級多選擇 丼飯 魚生飯 烏冬 拉麵等 又有小食最吸引莫過於甜品 好多抹茶😍特別想試佢嘅茶漬飯1️⃣叫咗個鉄火茶漬飯 (吞拿魚刺身) ($128)超靚仔 勁有日式風味真係有小茶壼放茶另外仲有兩碟前菜: wasabi味嘅波菜 炒牛蒡紅蘿蔔絲味道少少鹹 不過就幾開胃同幾刺激到味蕾個吞拿魚刺身飯都好大個 而且吞拿魚勁足 全部大大片🐟佢有個空嘅細碗仔 係俾你張啲飯同吞拿魚夾出嚟 再倒茶入去食咁就可以品嚐到普通吞拿魚刺身味道 同倒完熱湯之後少少熟既吞拿魚原先個飯係真係一啲味都冇而且飯質唔係珍珠米 一啲都唔黏唔飽滿 係唔好食嘅🍚但係加咗茶就ok 起碼索左啲味 好似食湯飯咁另外佢加咗啲紫菜絲同白芝麻 同個茶幾夾最得意係佢個茶唔係原全茶味 而係半茶半湯 間中聞到好似麵豉湯味🍵至於吞拿魚刺身 佢有成8-9大片全部都厚切 色澤紅潤 都應該好新鮮食落都ok 未至於好好味 間中有啲位會韌啲同埋佢唔太重吞拿魚味🤥好嘅就係唔腥結論係都係倒咗湯茶好食啲 先會有味 另外仲要加豉油建議唔好當刺身飯食 因為米飯口感唔算好食完成個飯都飽 但由

喺附近上堂，嚟咗呢間餐廳食lunch，因為假期關係，餐廳比較忙，同時亦顯得唔夠人手咁。.「海鮮四色茶漬飯」$128🍽：隨餐會遞上一張茶漬飯食嘅方法教學，我個人第一次食魚生嘅茶漬飯，感覺幾特別，刺身分別有三文魚吞拿魚蝦同埋魚子，刺身係新鮮嘅，飯嘅份量偏少，整體味道唔錯，不過價錢我覺得略貴，連加一要$140幾。

今日約左妹妹去奧海城shopping 行到肚餓 就搵下有咩好野食行到去二期見到有間紅葉葉屋 裝修望落簡潔 感覺好舒服然後望下個餐牌 我同妹妹二話不說就入左去餐廳 平日下午茶時間 唔算好多人 座位亦算舒適揀野食啦～我揀左個牛肉壽喜燒定食 個定食跟左個湯 仲有兩個前菜 跟左個白飯 牛肉份量好多 而且配菜亦好多 有豆腐，蘿蔔絲，什菇個壽喜燒汁好好味 由於白飯仲可以無限添加 我食左兩碗飯 好飽好滿足另外 我仲見到好多特色甜品 但我同妹妹都好飽 所以等下一次再黎試值得一提既係員工們既服務好好 好有禮貌 唔錯唔錯

日式餐廳，裝修簡潔，地方唔算大，所以食飯時間都要排隊等位。原本俾佢主打的茶漬飯賣點吸引，但入到去見到餐牌就叫咗香蔥柚子蜆肉烏冬，因為本人喜歡吃用柚子做嘅食物。性價比高，蜆有好多隻，蜆肉都肥美，夠多蔥花，可惜吃不到柚子嘅味道。唔緊要啦，有咁都蜆肉，已經好開心，烏冬正常，湯底清清地，感覺唔係太飽，女生吃分量剛剛好。另外，兩開胃小吃，冇得揀，是日精選，兩款都冷盤蔬菜夾菇菌，都好味，感覺健康清新，係加分位。一貫日式食堂做法，有個吉碗喺旁邊俾你放食完嘅蜆殼，整體感覺良好，不過味道冇乜驚喜。

見到個「夕張哈密瓜🍈」嘅軟雪糕🍦，當然被吸引咗入去食🤣。呢間餐廳🍴都係主打日式料理為主，店舖唔大都算幾擠迫下，晚巿都算坐滿😌———————————————————————————🍦特製軟雪糕芭菲💬滿滿嘅一杯芭菲，最上層係夕張哈密瓜🍈軟雪糕🍦，仲有紅豆、丸子、燒餅、抹茶凍、抹茶忌廉，當去咗轉日本🇯🇵先🥺.🍱一口和牛定食🐮💬定食有野菜沙律🥗、麵豉湯、兩碟小前菜、白飯🍚，和牛粒夠肉味又鬆軟😌.🍜壽喜燒烏冬💬相比之下感覺比較淡，壽喜燒汁應該係濃味一點，可以加以改善

同家人去左嘗試新開左好耐但無食過嘅紅葉茶屋咁我地嗌左牛肉壽喜燒定食同埋抹茶蕨餅新地牛肉壽喜燒定食大大碗牛肉同窩 裡面有蘑菇同豆腐洋蔥同少少菜 成個套餐係有埋溫泉蛋 兩碟小食 一碗麵豉湯 一碗白飯 同埋 d牛肉嘅分量好多 唔係超肥嘅牛 d汁嘅味好濃郁 只係汁陪飯咁食都已經好好食😝 除此之外 飯仲要係任添 所以兩個人食一個set已經好足夠~好味!大力推介呢個套餐!😍抹茶蕨餅新地賣相吸引!睇落去雖然有少少細 不過其實食落去都好飽肚!個雲呢拉新地好軟甜 陪埋紅豆 抹茶mochi同埋個餅食係絕配!ฅ۶•ﻌ•♡不過個人認為價錢都係少貴😌

星期六黎到紅葉茶屋食午餐，假日比較多人，等左一段時間先入到。餐廳位子吾算寬敞，但環境都叫舒服，燈光柔和。我地叫左兩個定食午餐，分別係生薑豚肉定食同炸豬扒定食，另外加左兩樣小食，單骨雞翼同豆腐魚餅。定食有兩個細細地既開胃小配菜同昆布面鼓湯，味道不過不失。飯既分量好多，差d食吾晒。首先講左個生薑豚肉定食先，比左一細碟既芝麻，加落飯去一齊食都幾香。沙津菜配上酸酸地既醬汁，清新又開胃，中和返豚肉既油膩感。豚肉用黎送飯味道岩岩好，但齋食就偏重味，同埋d肉偏碎，食落去無咩口感。整體黎講都算吾錯！跟住講下個炸豬扒定食，豬扒都算厚肉，炸衣吾會太厚，咬入去仲有肉汁，吾會乾，算係做得吾錯既豬扒。 醬汁方面，可以揤少少檸檬汁或者點燒汁。🤗到小食啦，上次食過既豆腐魚餅今次黎到再叫，出面脆脆地，裏面就軟林林，應該係加左紅蘿蔔同粟米係入面，甜甜地好香😋想講呢間餐廳既炸物做得幾好，除左炸豬扒，個單骨雞翼都炸到好酥脆好香，微辣，但可能我口味較淡，覺得咸左少少～🤭下次再黎就試下其他小食😋

星期六 約左朋友一齊行奧海城 行到肚餓 經過一間日式餐廳 比佢地既餐牌吸引左 二話不說入左去職員安排我地入座 座位舒適 樣樣都好想試 最後我決定試個鰻魚滑蛋丼試下 友人叫左個刺身茶漬飯試 賣相同味道都唔錯 本來想試埋甜品 但實在太飽了 份量岩岩好 唯有下次再試值得一提既係佢地既服務真係好好 好有禮貌 我地唔識食茶漬飯 職員都耐心話我地知

今日周未放假可以同埋屋企人食晚飯不過奧海城晚餐時間間間都好爆所以早啲出去搵位食晚餐行過紅葉茶屋見晚市未多人又有卡位即入之前黎親都係排晒隊懶得等到而家都未試過餐廳選擇都多 定食為主亦有拉麵 烏冬 小食 甜品見到有個Deluxe原條鰻魚茶漬飯老公同哥哥就叫左牛肉壽喜燒同生薑燒豚肉定食好彩淨係叫左3份 個茶漬飯大份到夠我同妹妹食定食白飯仲可以免費添加 岩晒同小朋友一齊食食完飯仲叫左個夕張蜜瓜新地俾兩個小朋友一上枱就即食 所以淨係影到一張相😑主食同甜品味道都唔錯 由於我地黎果陣唔算多人所以上餐時間較快 職員都好貼心主動提供碗仔俾小朋友下次可以再黎試下其他款式

收工係奧海城買完野見有啲餓本來都求其搵間快餐/茶記搞掂個晚餐但行過呢間紅葉茶屋見裝修幾日式見間餐廳又係日本鐮倉過江龍舖頭決定左試下佢滿足下想去日本既慾望餐廳主要定食為主 有甜品 抹茶/茶類飲品叫左個 照燒三文魚定食 三文魚扒煎到岩岩好 入面唔會太熟上面仲有濃厚既照燒汁 用黎送飯食慾大增*定食類既白飯係可以免費添加另外叫左雜莓香橙茶 啲橙食落唔似罐頭橙似係新鮮橙 幾驚喜 配埋雜莓酸酸地食飽飯飲完可以消化下職員服務都ok 始終有隔版可能都會難睇到啲客都會留意客人有冇需要主動協助

同咗親愛嘅母親大人試下食呢間 起初以為只係甜品好食 點知原來熟食嘅味道都唔錯 相信抹茶控嚟到更加鍾意🥰ᴹᵃᶜᶜʰᵃ ᴸᵃᵗᵗᵉ $³²呢杯有驚喜🍵抹茶味好濃郁 苦中帶甘 啱哂matcha lover💚ᴹᵃᶜᶜʰᵃ ᵂᵃʳᵃᵇⁱ ᴹᵒᶜʰⁱ $³⁹飯後甜品就啱哂 份量啱啱好 加咗黑蜜又唔會覺得甜 而且抹茶蕨餅好煙韌 幾好食👍ᴮᵉᵉᶠ ˢᵘᵏⁱʸᵃᵏⁱ ˢᵉᵗ ᴹᵉᵃˡ $⁹⁸份牛肉壽喜燒定食一嚟到 就見到份量超多 有兩份前菜加一碗麵豉湯 仲配埋一隻温泉蛋 啲牛肉好入味 而且食極都好似仲有好多塊🤤如果唔夠仲可以免費加飯😂ᴹᵒᵐⁱʲⁱ⁻ᶜʰᵃʸᵃ ᴰᵉᵉᵖ ᶠʳⁱᵉᵈ ᴮᵉᵃⁿᶜᵘʳᵈ ⁽ᴷⁱᵗˢᵘⁿᵉ⁾ ᵁᵈᵒⁿ $⁷²佢地嘅腐皮烏冬幾唔錯😋腐皮好大塊 而且吸哂啲湯更入味 不過如果比較大食嘅話 就覺得份量少咗啲

星期日，間間餐廳都full, 12:15左右去到，有位，就試試佢🐂牛肉壽喜燒定食$98前菜、湯、飯、牛肉、玉子⭕️牛肉鍋份量好多，溫度適中❌野菜豚肉湯，比較咸⭕️飯嘅分量好適合女士，如果好似我咁要同小朋友share 佢都有得免費添加🐖生薑燒豚肉定食 $88⭕️肉嘅分量👍🏻肉又唔會太乾太硬，薑味比一般嘅濃好多，正餐廳方面，座位都舒適，不過服務就比較差！想叫野食，職員叫我等，等到4個職員得閒係到吹水，都唔幫我落單😑😤

在白色情人節前夕，到奧海城的 <紅葉茶屋> 食日式晚餐！由於，我驚知己好友唔識路，要等他來到才入座！他在旺角 8:00 放工，過得來奧海城已經 8:15！當我們正想入座時，女店員亦提醒我們，營業時間至晚上 9:00，被安排入座後，二話不說便要落單！食物亦很快送上！Menu照燒雞肉定食 $88他點的定食，白飯可添加！鐮倉紅葉茶屋腐皮烏冬 $72一大塊腐皮，豆類製品比較健康！卻是湯底偏鹹！ 烏冬吸收湯底精華夠入味！另配有清酸開胃的醃漬、白芝麻及帶辣的芽菜！豆腐魚餅 $19這款小食即叫即煎，熱辣辣，豆腐相對較多，跟魚餅混合起來，味道不錯！黃金螺 $19一客有3隻，富彈性的螺肉，要用小叉才容易把它轉出來！期間限定夕張哈蜜瓜軟雪糕 $28哈蜜瓜口味香甜濃郁！照燒三文魚壽喜燒茶漬飯 $108配料有日本本菇、洋蔥絲、流心溫泉蛋、三文魚有兩件，香煎，火候恰好內裡保持嫩滑！混合溫泉蛋及茶湯，茶湯本身味道清，拌勻之後，其實都幾淡口！小杯盛載：醃蘿蔔、豆腐等，有麻油香的蔬菜！鐮倉特製芭菲 $68包括：期間限定的夕張哈蜜瓜軟雪糕、抹茶忌廉由上至下品嚐，先嚐濃郁香甜味美的夕張哈蜜瓜軟雪糕、好似無