續杯 (已結業)

我和仔仔都很喜歡吃雞。我們住在東沖，最方便就是來到這家Share Cup 續杯。 地理位置非常方便，由東涌地鐵站，行三分鐘就到。我們一星期幾乎也到Share Cup 續杯兩至三次， 昨晚和兒子一起吃，因為他也非常喜歡吃炸雞。 這次我們點了大大塊的鹽酥炸雞扒， 售價為30元， 不算特別便宜， 但是水準也值得這個價錢。雞扒非常香脆，加上支鹽粉，分外惹味。雞扒是即叫即炸的，所以入口時是熱燙燙的， 很惹味。 雞扒用料新鮮，雞肉肉質嫩滑。美中不足是他們餐具一般只是給竹籤， 那麼大塊雞扒，用竹籤吃比較困難。我們也打算繼續光顧。…Read More

相距上次出東涌已經係半年前嘅事，今日再嚟東涌先見到富東廣場開咗唔少食肆。坐咗成個鐘車覺得有啲口渴，就去尼到買嘢飲。尼到較幾多選擇，有八方雲集、有間泰國奶，仲有尼間續杯。續杯好似得尼到有，我地就買咗佢20蚊嘅黑糖珍珠奶茶。一飲落口係一陣苦澀嘅茶味，好似食緊茶葉咁，同時佢亦無鮮奶或者任何黑糖味😔。佢嘅珍珠亦都好淋身，咬落去完全無彈性。好難想像佢係一杯黑糖珍珠奶茶😵。建議都係買返八方雲集，佢尼到間分店係有黑糖珍奶賣，雖然無試，但應該好飲啲。…Read More

每次去完天仁 都覺得第二日要黎呢到飲番杯 因為小食店好有heart 炸魚蛋$13/10粒 真係冇咩地方有。 仲要好好味。 除左炸魚蛋， 炸墨丸同燒賣都係必食的。飲品通常都係飲水蜜桃綠茶加椰果， 不過影相呢杯冇加， 細杯只係$18 大杯係$20。…Read More

第一次飲, 有朱古力味但未至於特濃, 另外有奶茶味, 味道有D特別😌 初時以為係連鎖咖啡店沖果種朱古力特飲, 但呢杯實在太fusion😳 仲有寒天條添, 口感好奇怪店員有禮貌, 熟悉餐牌, 同其他客人講解時有條理. 下次可以再黎, 試下D正常味道啲既野飲😉…Read More

今日約朋友去愉景灣玩，喺東涌等埋一齊入去，因為朋友遲咗，咁我就喺富東商場行一個圈，天氣咁熱，梗係要飲番杯珍珠奶茶啦！ 商場地下有一間唔係連鎖店嘅叫做續杯嘅台式飲品。如果細杯嘅話，18蚊到22蚊都有，咁大杯都係20度24蚊左右，定價都非常相宜除咗飲品之外還有一些學生餐， 便當餐，可能要為附近中學，屋村，工作的人而設， 但是價錢也不是非常便宜。 我哋揀咗兩杯不是珍珠奶茶的， 因為太熱不想飲奶。珍珠冬瓜茶， 冬瓜茶消暑解渴，甜味適中，珍珠偏硬，如果可以淋少少會好一點。蘆薈雪梨蜜， 比起冬瓜茶我比較喜歡雪梨蜜，因為天氣炎熱，雪梨透心涼而且蘆薈清爽，味道鮮甜。滿分為10分(1分最低，10分最高)食物：8環境：NA衛生：8服務：8價錢: 8舒適度：NA總分：8…Read More

去東涌，行完outlet買杯嘢飲先。對面富東商場，地下好多嘢食同飲品店，見呢間'續杯'好多人幫襯，同朋友買咗兩杯台式飲品，大大杯又抵飲。用電子屏幕顯示所有飲品種類和價錢，非常清晰。台式手調飲品，除咗珍珠奶茶， 其實仲有好多系列的，例如果汁、mocktail, 有啲可以自選茶底，例如揀綠茶，或者揀配料爆爆珠、椰果之類。甜度都有4種選擇，可根據自己口味，下單時說明便可。 想增加口感這裏的配料有十款選擇之多，例如oreo 、黑珍珠、椰果、蘆薈、紅豆、爆爆珠、胚芽、仙草等。仙草冬瓜茶$22,見到裡面兩大舊仙草，即是類似我們的涼粉，真係開心，可以飲嘢，又可以過下又口癮。仙草滑嘟嘟，涼浸浸，夏天飲好消暑，冬瓜茶都係消暑佳品，味道微甜又有冬瓜香味。朋友點的百香果椰果$22,好襯夏天的色彩。味道酸酸甜甜的百香果，朋友說飲完好舒服。而且椰果份量不少，爽口又滑溜，大家都喜歡台式飲品就是有得飲有得食。大杯都只係$22一杯，幾抵飲，有好多附近街坊幫襯。下次再來東涌行街，我都會再幫襯。…Read More

呢幾日都熱到一個點！ 又係飲珍珠奶茶嘅季節啦！東涌無咩珍珠奶茶店，幾間之中我最喜歡富東街市口嘅續杯。有喜歡的珍珠奶茶！即刻排隊買了兩杯。奶茶的茶味十分香濃，奶和茶的比例都恰到好處，我叫了正常甜度，不會過甜，味道都幾合我心水。黑糖的焦香味很濃郁，拌勻了還是飲到濃濃黑糖味道。珍珠夠大粒有嚼勁，我還加了$5元加原味椰果。椰果比珍珠更煙靭，而且很健康。其實佢都有好多選擇，加$5可以配椰果、珍珠、寒天條、爆爆珠、胚芽、蘆薈、布丁、爆爆珠、紅豆、仙草凍，最驚喜連 Oreo 都有，下次我要再仔細點看個餐牌，我想試下加Oreo 呢！…Read More

本人住東涌，區大有大型商場東薈城。通常遊客及本地人入東涌都會係商場來諗食乜，小店故之言唔會係考慮範圍之內。但我會介紹這間小店給東涌居民，可以放工或閒時幫襯。這間位於富東的小店「續杯」主打外賣珍珠奶茶、台式小食，多以學生及居民幫襯為主。有一晚夜放工經過就叫了套餐「肉燥雞朳蛋飯」，跟餐包一杯珍珠奶茶。我會用“滿足”形容這餐小店外賣，因為飯量夠大，粟米肉燥料多，雞朳大件及有鹹香鹽酥味。飲埋杯珍珠奶茶夠哂飽肚。雖比不上大型連鎖店餐廳的規模及豐富食品，但這間小店絕對附合有民生價錢、食物質素及人情味。所以我會介紹大家可幫襯作下午茶或正餐。…Read More

前o個排朋友個BB 出o左世，我地特登入o左東涌探佢兼玩BB。未等齊人，o係附近商場逛下諗住買d 零咀dep 下，最後幫襯o左呢間o係正電梯底一落就係o既台式飲品店。我諗佢主要都係賣台奶o既~ 不過都有唔少小食，甚至正式一個飯都有。點o左個套餐，鹽酥雞拼薯條加珍珠奶茶($43)，似乎係即叫即整，都等o左一陣。鹽酥雞係雞粒，鹹香o既外層，裡o面o既雞肉頗為扎實。薯條可以揀焦鹽、海苔同唔記得咩o野味，叫o左海苔。因為d 薯條都係同鹽酥雞放埋同一包o野，總之瀋晒落去。有紫菜碎點綴之下o既薯條，更令人食指大動~最近去台式飯店叫冬瓜茶會比較多，貪佢天然一d，都好耐無乜飲過珍珠奶茶。不過而家飲番，又覺得幾好飲。咁樣o係路邊一路等一路食，跟住o黎o左o個d 朋友又會伸手過o黎抽下水，都幾有風味。…Read More