緣聚西日餐廳 (仁愛堂圍) (已結業)

係屯門食「放題」正常都只會諗到戈啲牛乜牛物既邊爐放題，但原來屯門依家都有真正既日式放題啦！真係早排先知，可能係因為佢開戈個位唔係好多人會經過，所以以為間野暫時都好似唔算好出名。不過去到戈陣發現都有戈等緊位，原來大家都收風收得咁快哈哈。等左陣就入到去坐，應該因為我係2個人，多人既話可能就要等多陣先會有位入。入到去唔係旺角銅鑼灣連鎖放題戈種size，細細地又唔嘈，幾好，又唔會勁逼咁。因為有時係出面食放題，多人到連郁兩郁都好似阻住隔離台食野咁。一入到就對住個大門口就有尼三個部份，自助飲品櫃、甜品櫃同埋前菜沙律櫃，覺得睇個規模黎講，佢都真係算幾多野簡。不過尼啲就可以慢慢食既，緊係叫左主角先啦！放題最緊要既野阿！壽司同刺身盤！壽司係到左先既，個size完全係好適合放題食，的的色色咁，唔會食幾舊就飽左。因為有時候係出面食，啲壽司真係full size既正常壽司，會唔敢叫太多黎食，會浪費左個胃既quota咖嘛。而個刺身就西利啦，本人就好鐘意食三文魚既，啲三文魚唔係梅梅地戈種，係正常既高質刺身，仲要係厚切添。由其是個三文魚腩，真係勁勁勁勁厚，仲要勁好食，真係不得了。放題既第2主角就自然係啲煎炸野同熱食

百幾蚊嘅自助午餐因為要幫bb 整証件、所以黎左屯門呢頭食野。呢間野叫「緣聚」、入到去比我嘅感覺係好大間！香港已經好少餐廳可以咁大間。可能呢度係屯門啦⋯⋯呢度啲裝飾好多類型、當中有#marvel 佢呢度嘅叫嘢食方式係用iPad點菜，大家一定要食幾多叫幾多啊！千祈唔好做大晒鬼！我見佢款式都有好多，例如有壽司，刺身，燒物、天婦羅🍤、拉麵等等、真係好豐富！都話出去揀飲品嘅時候、睇到我花多眼亂，我仲見到有甜品食添啊！最勁係佢有冰糖燉說雪燕🤩好滋補啊！如果我先生喺度、一定會去飲生啤，通常出面都係比啤酒、估唔到佢呢度有生啤可以自己斟黎飲！好正啊！👍🏻😍

一直都唔知屯門原來有間咁正既放題，今日一試之下發現係完全性價比勁高又好食。我地一入到去，就即刻拎住部Ipad係到揀食咩好快d食物就送到黎lu雞翼尖勁入味 又煮到夠哂淋 搞到我地都食唔停呀黎得食放題就一定會食刺身同sushi la剌身新鮮無雪味之餘仲食到啖啖好香既魚油味Sushi就每件細細粒 唔會比一大舊飯食飽哂 咁就可以慢慢試哂咁多款咁就當然唔會淨係食呢d la都要食下菜既 個鐵板牛油炒雜菇好香 食到唔停口呀 好好食！

今日放工入去屯門逛逛，朋友之前介紹有間缘聚嘅放題唔錯，今晚就去光顧。店舖有D難揾，但勝在較為幽静，冇咁繁囂。放題食品多元化，以平板電腦落單，放便快㨗，飲品和雪糕就自助形式。刺身好新鮮，三文魚腩厚切和拖羅份外肥美，油甘魚，帶子和甜蝦很鮮甜。燒物款式很多，牛舌燒得很爽脆，一口鐵板牛肉粒牛味濃郁，肉質腍滑。燒羊架焦香膻味，肉汁豐富。炸物好有水準，榴槤炸彈榴槤蓉饀料豐富，清香酥甜。炸蝦天婦羅薄薄脆漿爽脆甜蝦，香脆可口。加上冰凍飲品任飲，雪糕和雪條任食，真係一頓豐富嘅放題。

之前聽過朋友講話呢間日式放題都幾好食，今日就同媽咪去試下。尖沙咀出名嗰幾間就食得多，屯門食都係第一次。被安排坐卡位，然後用pad落單。落單呢樣要讚下先，唔洗好似其他放題咁逐張紙搵黎寫，同埋有時嗰張紙落一樣嘢真係好浪費，呢間既方便又環保。刺身一定唔少得啦！擺放得幾靚，刺身亦夠凍又幾新鮮。黃金雞軟骨超好食，燒大蝦也不錯。嘩…有兩款燒蠔，雖然燒完唔算大隻，但勁香囉！一口海膽手卷，海膽鮮甜。清酒煮蜆，啲蜆脹卜卜嘅，好鮮甜。媽咪點咗碗花膠湯，佢話好好味。食食下先發現原來出面有沙律同枝豆攞，哈哈…再黎多round甜蝦先燒大蝦媽咪勁like又嚟多轉，燒三文魚骨都好香口好好食。不得不大讚佢啲炸物，係完全唔油又夠熱，一啲油益味都冇 。尤其呢個榴槤炸彈，係超級好食嗰隻。外面夠脆唔油，仲要裡面榴槤蓉滿滿的，勁勁勁香！呢個價錢有咁嘅質素，真係物超所值，性價比極高。侍應又好禮貌

屯門區較少放題餐廳，但又唔想去咁遠，如是去去聚緣！我地坐左嚮靠窗的位置，呢到的座位唔似一般放題餐廳咁逼，坐得好舒適！值得一讚！另外，用I Pad點餐，又環保又方便！野食方面選擇有好多，連打邊爐都有！刺身鮮甜新鮮！由於我不太好刺身，所以只點了少少，但仍很有❤️思地放在冰碎上保冷！寿司款式多，細細件！熟食方面應有盡有，有我最中意的羊架、蜆、蚝、天婦羅，簡直無得頂😝😝意想不到的是d野飲，唔似其他放題餐廳，只有罐裝飲料，還有意大利即磨咖啡，又滑又好飮！今餐真係物超所值！絕對會再黎！今次食得太飽，下次要試一試個打邊爐先！

屯門可以食放題既地方唔多，如果唔想岀九龍又想食到放題既話，新墟既緣聚就係一個好地方啦。舖內裝修風格行比較年輕西式風格，睇得岀有放心思喺舖面到。喺點餐時係用一部平版電腦上面點既，我覺得呢一點非常好，因為又比較環保，又可以隨時點餐👍🏻👍🏻咁食物方面，款式就唔算非常多既，但應有既都有得俾你選擇，例如刺身，壽司，炸物，燒物。刺身方面，三文魚，吞拿魚都相當新鮮，食到停唔到口，叫左好幾輪🤤另外想特別提到既呢度亦有燒蠔可以點，仲係任點，所以我都點左好多輪，有蒜蓉同芝士選擇，值得推介👍🏻最後飲品同甜品既選擇亦都好多，雪糕仲有名牌子既雪糕添，真係以平民既價錢，享受到高質既晚餐🥰

原來在屯門中旅社附近新開了一間放題，平時有沒有留意到，直到有朋友約我在屯門食放題才知道原來有一間門面很大很清晰的放題日式放題店。門口放了點單紙，　可以看到款式雖然不多但係主要想吃的東西都有例牌可以任飲，第一樣落單的當然是刺身還有我最愛是三文魚！厚厚的肥豬肉一樣！還有花之戀！另外點了一個鐵板牛柳粒，上枱熱辣辣，上台時冒住煙，很野味！壽司有我最愛的北寄貝壽司，灸燒左口魚，希靈魚等等。燒生蠔也有兩款，我點了蒜味生蠔，可能因為是即場燒的，要等一會兒才送上碟。炸物也不錯，雞軟骨挺脆的，我也很欣賞天婦羅，特別是南瓜天婦羅及鮮蝦天婦羅！一吃就知道是新鮮炸的。甜品竟然有dreyers!另外也有我最愛的韓國的蜜瓜雪條！以這個價錢來說性價比很高！放題想食的基本上可以吃得到，而且食物質素新鮮即做！如果平時喜歡主攻某幾項食物嘅朋友絕對可以一試，食放題屯門都可以，不一定要坐車去出面！

緣聚西日餐廳，屯門平價日式放題，今天終於去試一試，餐廳是以平板電腦下單, 比我想像中先進！跟其他餐廳一樣，可以自助出去飲品櫃拿汽水，啤酒,其他飲品等,啤酒款式比平時的相對選擇多, 也有雪糕雪條還有我最愛的哈根大雪糕！晚上平日晚上七點到餐廳已經坐了大半的座位，客人也不少! 刺身也很新鮮, 我吃的三文魚、帶子還有甜蝦刺身很不錯! 三文魚及三文魚腩很肥美厚身! 色澤也很新鮮!另外點了一碟鯖魚, 魚味也很濃厚, 徹燒過後的鯖魚很甘香! 煮大蜆很大隻! 粒粒都咸香鮮嫩！日本甜薯細細粒但很甜很有薯香!平板電腦下單比很多外面的日式放題餐廳還要先進, 已經不是用寫字下!我個人感覺比較環保而且圖像照片也比較清晰，數量也很準確例如刺身數量按件數計, 上碟絕對是按照相同數量上，避免造成不必要的浪費！除了下單準確性, 絕對要讚揚這間餐廳的服務質素, 下單後很快已經可以上枱, 難怪餐廳比較隱蔽，依然有不少顧客！性價比高，可以一試！食物選擇較少但以平價及高質新鮮刺身取勝! 如果專注食刺身, 絕對回本!!!

屋企人想食放題，所以我地就揀左近近地嘅緣聚食。我地經新墟過去，落左樓梯就見到大大個招牌，大大間舖。入面舖面都真係幾大，一入門口，天花掛滿左酒杯，而且牆身嘅掛飾都幾西式幾靚。雪櫃入面嘅飲品種類好多。隔離有一啲餐前小食，沙律，日式八爪魚呀咁。雪糕櫃仲有好多款雪糕雪條添。第一輪就叫左唔少刺身啦，三文魚、帶子、八爪魚、蝦等等，連拖羅都有。刺身都幾新鮮幾厚，三文魚幾肥美，螺幾夾口。雪燕壽司，個名同個配搭幾特別，但食落雪燕係清淡嘅，有少少口感咁。芝士焗蠔好好食，我地叫左5輪，芝士味未至於好重，但配合個醬就好夾好開胃。個粥唔會好稀，而且都有料喺入面嘅，都唔錯。綿綿冰好難唔好食，不過我覺得好大碟，如果細碟啲會好啲，費事食唔曬浪費左呀嘛。呢個好食，我食左2杯，奶味幾重，又夠滑。冰糖燉雪燕好好飲，我飲左4杯。唔會好甜，好清，飲落仲有啖啖雪燕添，中間粒紅棗係冇味嘅，純粹裝飾。整體黎講幾滿意今晚餐飯。

星期六忙裡偷閒，跟好久不見的朋友去她居住的地方附近吃放題，貪其可以坐足兩小時，慢慢聊天消磨一下時間。侍應安排了卡位，闊落得來又有空間感。星期六眼見主要是家庭客，大人小孩坐滿了整間餐廳。用平板電腦下單能避免漏單的問題，也比較環保。飲品方面除了一般放題供應的罐裝飲品外，還有沖調飲品可以選擇，很有誠意。各點了一杯熱檸水和一杯凍檸茶，檸茶很有茶味，比起茶餐廳絕不遜色。刺身都是很大路的選擇，三文魚和甜蝦等都很新鮮。壽司選擇多，有火灸的也有刺身的，還有一些特色配搭。燒芝士炸蝦反卷賣相很吸引，配搭有新鮮感。手卷小巧的骰，想不到這價錢的放題都有三文魚籽這些較貴的食材。燒牛舌和燒三文魚頭火喉剛剛好，調味適中。燒雞軟骨串脆脆的，很惹味。炸物是新鮮炸好上桌，炸茄子和蕃薯都不錯，炸粉亦不太厚。燒甜薯是我最愛的小食，加一點點牛油去烤已經滋味無窮。甜品試一下雪燕系列的奶凍和焦糖3.6牛乳雪糕，奶味濃得來也不會太甜。每位$168加一價錢合理，吃得飽之餘質素也有保證。

星期六和朋友一早去行山，之後朋友建議中午去一間叫緣聚的西日餐廳食放題，可以食足兩小時，休息一下補補腳骨力。一入門口看到雪櫃和甜品架，有十多款罐裝飲品，甜品和前菜，令人更加期待。侍應姐姐安排了靠窗的座位，細心教我們用平版電腦落單，想不到食物款式有很多，除了一般日式放題的刺身壽司炸物外，還有肉類和火鍋供應。罐裝橙汁味道清新。食物份量不大，適合心多又細食的我試多幾款壽司很多種類,北寄貝壽司，花之卷，三文魚壽司新鮮味美。因為朋友不吃刺身，所以只點了一人份量，三文魚，帶子，吞拿魚質素以放題來說很不錯。海膽手卷，海膽入口即溶有飯香，建議第一轉先下單，因為好快就已經停止供應，真的是手快有，手慢無。熱食選擇都都很多，不吃刺身的朋友表示滿意。煮牛舌很入味，肉質不會韌。肉類方面，燒大蝦，西冷扒和燒羊架之中以燒大蝦最為出色，肉質爽口，蝦殼燒得微焦帶甘香。大蝦天婦羅，炸蝦丸，炸紫薯等炸物好香脆可口，不覺油膩。燒粟米燒得微焦，賣相好看之餘粟米也很甜。雖然已經很飽，但還是忍不住拿了一杯芒果雪糕。以這個價錢而言能有如此質素，絕對有下次。

下午打去問訂座，兩位晚上時段訂好，一到步即有靚卡位。對於日式放題，作為新界西老街坊，幾乎都會去試菜，但能夠定時想番尋味的不多；這家算難得。這是第三次先才寫食評，當中每次相隔超過三個月，証明質素保持得好。點菜是用板腦程式點，清楚點了的次序有沒漏單，這樣不怕點了又點，半飽又怕忽然送回大堆訂過已再吃不下浪費掉。地方潔淨不算得高分，但還算舒適。食品款式算不錯，分基本價所包，但刁嘴客可加錢增加海鮮類選擇，同加錢可選清酒等等，加錢也不算吊高了價錢，但就令每次用餐或組合聚餐有不同玩法同新鮮感。基本餐都可以有好多飲品選，推薦自釀梅酒。居酒屋LEVEL的焼き鳥，其他燒物都好穩定高質素，刺身樣靚抵食唔慳料，已經係返到啦。

今天與男朋友突登到了屯門品嘗放題十分幸運地不用等位,就已經可以入坐,店員招呼周到,入坐後先同我們講解放題包含什麼,什麼是需要另外加錢食物款式都比較多, 用IPad把食物下單真的很方便首先吃放題當然要先看看飲品雪櫃, 雖然價錢便宜但飲品不算馬夫不過因為小妹較凍,就叫了一杯熱柑桔當然不少得頭盤,我們叫了三文魚刺身,中拖羅刺身,甜蝦刺身,三文魚大腩刺身三文魚腩刺身不得不提,入口即溶,忍不住叫了很多次蒜香雞翼尖雞翼淋身,蒜香雞翼尖味道香口,適合餐前小食濃湯煮蜆蜆沒有沙粒味道都比較濃郁蒜香焗蠔蠔比較細少另外甜品都有很多選擇,不錯