影片
港铁太子站 C2 出口, 步行约3分钟
继续阅读
电话号码
98891259
营业时间
今日营业
12:00 - 22:00
星期一
12:00 - 22:00
星期二
全日休息
星期三至日
12:00 - 22:00
*最后落单时间: 21:30
以上资料只供参考，请与餐厅确认详情
太子区少见的素菜。老板娘亲自下厨，即叫即做，外卖建议预先order唔需要等。店铺无咩冷气要留意。夏天见到老板娘同员工都做到身水身汗，好欣赏佢地的坚持。虽然唔系每样都好食，例如韩式泡菜炒年糕，偏咸，建议老板娘可以调节下就perfect。但我钟意系小店用心制作，有几样菜式系我长期都会叫，尤其系罗汉斋，次次食都好开心，叫套餐每次都会送汤或者甜品。份量好充足，有时可以留到1/3 到第二日中午食，好抵。长期有派饭给长者的善心之举，经营素食唔容易，真系要多多支持。
继续阅读
早半个钟打电话落order，黎到都要等..叫左个乌冬同埋紫菜汤谂住都会有惊喜..点知..我谂大家唔嫌要等又或者好想试伏嘅都可一试..个紫菜汤我真系接受唔到系甜嘅。个乌冬..真系普通到不行..
继续阅读
店家是位热爱推广素食的人士。还记得在深水埗旧店「梅贵缘」已帮衬。很高兴他们在太子开店，由地铁站行去近左好多，为我哋素食或为食之友多一个选择。店比旧时细左好多，堂食约三、四个位，想慢慢享受，都系外卖会方便我。今次试左罗汉斋炒乌冬、姜醋。等外卖时顺便吉左一串咖喱鱼蛋食。咖喱香而清，可以食到丸的味道；即抄的罗汉斋乌东，料款多样化又足料，可一啖乌东一啖𩠌；本来好饱，但个姜醋太香啦，忍唔住都要食埋。总结和以前一样可保持到水准，最重要系食完唔口渴，不会过浓味道，可以食到食材嘅味道。又多左一个外卖饭堂。正！ 大家要多多支持小店！
继续阅读
缘素新开张位处太子基隆街附近，提供纯素餐单老板娘好热情，而且新张期内有八折！点了菠萝腰果玉碎炒饭，原来所有炒粉面饭都系即叫即炒！啱啱开张唔够腰果，厨师用松子代替。炒饭嚟到份量非常大，各位女士可选择少饭。虽然卖相一般，但胜在即叫即炒，同埋老板娘热情搭够！
继续阅读
太子基隆街开咗间新素食餐厅叫「缘素」，原来前身系做自助餐嘅「梅贵缘」，睇下有咩正嘢食先。🤓座位唔算好多，餐牌好似劲多嘢拣㖞，饺子，小食，炒粉面饭，小菜，连汉堡包都有。唔想谂食咩嘅就学我咁叫个「贵缘素大碗」食啦。😄系咪好似盘菜呢？卖相真系超靓呀。呢度两个人份量卖 $118，新张期间八折优惠（至一月九号）即系 $95，除开每人唔使 $50，好过食华御结啦。🤭单张讲嘅材料未必完全一样嘅，老板娘话因为有时冇某啲材料，例如今日系跟乌冬唔系素面，𩠌都会有少少分别，但总之都系超丰富。😋先讲个炸猪扒，真系好正，好脆，味道又调得好好，食一块唔够喉呀。🤪望落有啲似蚝豉嘅系素羊肉，比好多旧好抵食。豆卜好大旧，非空心好好肉地，水饺系自家制，皮好烟韧个馅又好味。乌冬唔系手打，冬菇系原粒有好多粒，墨丸，贡丸同牛丸同真嘅好似，片头就样似，但食落比较似鱼腐，比较淋身。😀有一块好大块嘅，问咗老板娘原来系泰式鱼饼，超好食呀，好香辣，老板娘都话系佢嘅最爱。最特别系有羽衣甘蓝，好似系第一次食粉面食到佢 ☘️。仲有两旧好弹牙嘅，好似话系扮猪肚嘅东西，都好味㗎。😙资料话系太子站 C2 出口，回程我发现 D 出口近啲㖞，过条马路就系喇。大家去开睇下我呢个路痴有冇讲错。😂
继续阅读