緣味小聚 (金百利廣場) (已結業)

同事今日last day中午我地一齊出去食飯，主角話想食小炒。我地就揀咗呢間係公司附近嘅餐廳。唸住近啲可以食耐啲。女仔都唔想食太飽，首先肚腩會突出嚟，其次食得太飽好眼訓，胃脹住脹住都唔舒服。所以五個女仔都係點咗3個餸。鮮菌皇豬爽肉：炒得好嫩爽，菇煮得好入味，索晒啲汁。脆薯仔牛柳粒：本來係呢啲小店食小炒我都唔期待牛柳粒可以嫩口，但食落軟淋香嫩，唔會有乾柴嘅感覺。魚香茄子：好香口，拌飯一流，但又要忍口，好辛苦。

Lunch都食到既蒸海鮮😂，因為咁趕既時間，有人幫你蒸埋，你負責食就得，而且份量十足。每人都有一份有鮑魚，蝦，蜆，蔬菜。仲會跟個飯或者陳村粉，都已經飽飽地但仲有一籠點心等緊你。而最重點，係個燉湯，足料，清甜！

我見佢呢度點心款式雖然不多，但都有啲新鮮款，花旗參湯蝦餃皇令我有驚喜，花旗參湯嘅甘甜配上蝦餃嘅鮮美，特別得嚟又幾MATCH。牛肉球：不過不失。黑糖蜂巢糕：口感軟糯，黑糖香味重。宮廷棗皇糕：我一向都喜歡食棗皇糕，覺得唔會好似年糕咁死甜，又有棗嘅清甜，口感煙煙韌韌，好味。椒鹽雞軟骨：食咗太多甜嘢，於是叫咗個小菜，食下炸嘢開心係雙倍！價錢除咗花旗參湯蝦餃皇稍微貴少少之外，其他點心都只係十幾蚊到二十零蚊之間，價錢都幾抵下。

天氣涼涼地最好就緊係食D熱野暖下身, 火鍋同蒸氣鍋就最好不過係銅鑼灣行完街近近地就去金百利度食飯, 見到緣味小聚, 有海鮮蒸氣鍋食, 岩哂海鮮蒸氣鍋套餐$238/位, 19:30前埋單/ 21:00後入座每位仲有減$30優惠套餐包括左8款海鮮, 燉湯, 牛小排同埋八寶飯今日既燉湯係蟲草花燉雞湯, 足料燉湯, 無添加味精, 飲完暖笠笠之後就陸續上齊配料, 全部海鮮都好新鮮, 店員會幫你計時蒸埋除左海鮮之外, 仲有其他蔬果類包括係套餐入面 一般蒸氣鍋都係粥底, 但緣味小聚比較特別, 佢係八寶蒸飯可以揀8款配料連埋飯一齊蒸, 夠特別, 食完好暖胃總括以銅鑼灣呢區黎講算係幾抵食

今日天氣有啲凍，即刻想打邊爐，但由於成日打邊爐，所以攪攪新意思。我地搵到一間蒸氣鍋餐廳，除左有海鮮蒸氣鍋外，重有蒸飯，好特別👍🏻餐廳坐位算多，等一陣就有位了，而坐位都設有卡位，卡位當然舒適好多。佢地係一個價錢，包左幾種海鮮比你，吾駛諗得咁辛苦。坐左一陣就開始上菜啦，首先會有一個湯，呢個湯好勁，真材實料。湯原汁原味，店員介紹係沒有落味精，所以要長時間製作👍🏻👍🏻飲左個咁好味既湯，海鮮都係時候出場啦，全部海鮮都好新鮮。重點係，全程都吾駛自己動手，有店員幫手，佢地會調好鬧鐘，一到時間就會過黎幫你將海鮮夾起，再放其他海鮮入執蒸，服務不錯👍🏻👍🏻個鮑魚蒸好後，店員重會幫我地將鮑魚從殼到整出黎，很貼心☺️另外，啲蜆都好大隻好新鮮，海鮮基本上啖啖肉，鮮甜多汁，非常好味😍另一個重點出現，就係蒸飯，當你食完海鮮，店員就會比一張蒸飯點餐紙比你。佢地叫八寶蒸飯，即係入面有8種食材去蒸，配合海鮮蒸氣鍋去食，真係第一次。我地選左人氣既食材，特別有芋頭同排骨，因為都係我至愛。柱侯牛粒都係一個吾錯既選擇，因為蒸出黎，牛肉粒連飯一齊食，非常好味，容易入口😂佢地會將好足料既飯，放向蒸氣鍋到蒸，可能水蒸氣帶有海鮮既味道，蒸

今日同個朋友黎到銅鑼灣金百利廣場既緣味小聚餐廳。尼到主打係海鮮蒸氣火鍋。我地每人都叫左一個套餐黎試下。 食物黎到了仲有專人幫你蒸埋，再分配好。免郤了很多處理及蒸煮既煩惱。因為唔係每個人都清楚各式海鮮及百寶飯既最佳蒸煮時間。頭盤先蒸帶子、鮑魚同西蘭花。伙計們仲幫我地處理好鮑魚唔食得既內臟，非常細心。然後到貴妃蚌， 蜆，聖子，金菇，海蝦， 龍躉片。都好新鮮嫩滑。最後到八寶飯，可以自選八款唔同配料。 隨你所好。有別於一般打邊爐，食完都唔會覺得熱氣，喜歡食海鮮既朋友可以試下。

緣味小聚近排天氣凍左咁多，想搵返暖笠笠既食物補下身先！聽朋友講，係銅鑼灣金百利有間幾抵食既海鮮蒸氣鍋食喎，一於今晚試一試佢！一到埗，就嗅到成間鋪都係海鮮嗰陣蒸氣味，心諗今次又冇搵錯食店，就帶著其待既心情入座。 呢到原來有兩個餐可選擇，係星級海鮮餐同豪華海鮮餐，豐儉由人。由於第一次黎，試下比較平嗰個餐先！ 店員一上個海鮮盤，我同朋友即係嘩一聲，實在忍不住影張相哂下命先，點解咁講呢，因為隻扇貝同鮑魚太大隻了，之後店員慢慢地將佢地送入蒸鍋，完全唔洗自己郁，正！ 隨著個Timer 一響，我同朋友都急不及待試下啲海鮮，一放入口，終於明白呢間野點解咁多人食，真係非常鮮甜，完全唔同出面嗰陣又鞋口又腥。話咁快第二盤海鮮送到桌上，今次係龍躉件、海蝦同牛小排，質素仍然保持高水準！最尾有個八寶飯埋尾，仲可以比你揀八款配料，自己想落乜就落乜，彈性得黎又岩哂一大班朋友黎食，唔洗爭黎爭去。另外，值得一讚嘅係每次無論係蒸前蒸後都有專人服侍，例如幫你擺上個蒸鍋到又或者蒸完幫你分埋食物，我覺得呢個服務非常好，因為蒸鍋難免有時會過熱，咁樣就可以避免不必要既意外發扇，啱哂一家大細過黎食返餐好既！

平日晚上係銅鑼灣，呢度都算多日。因為呢個蒸海鮮實在太吸引套餐有2款，揀咗$238 試吓打個卡就有嘢飲送，真係抵呀先嚟一個燉湯，非常正，味道足料唔漏，仲一啲油都無，湯料都可以食架大家唔洗擔心蒸幾耐，有侍應處理架。首先鮑魚同帶子一齊蒸，每次都有少少配菜蟶子有三款都係殼類一齊蒸，貴妃蚌，沙白，花甲。配菜秋葵都好好味。龍蠆件幾鮮嫩, 啲蝦開埋邊食起真係好方便。食完海鮮有牛排件，原來咁樣蒸都幾好食架噃最後有八寶飯，有好多材料揀8款。份量都幾多，食唔哂添呀同場加映可愛飯勺一個，。係等飯時見到，真係要幫佢拍照留念

蒸汽海鮮曾經勁受歡迎，有一排冇食到，又心郁郁想食，就黎到銅鑼灣吹間，見幾抵食，二百幾蚊就有一個set首先有個燉左六口鐘既湯飲，果然拍得住屋企飲既老火湯，有味精，又鮮味，又足料之後就到海鮮set啦，每樣都有少少，仲會有人serve, 計晒時，唔怕蒸到'鞋'晒鮑魚蒸得岩岩繡，非常鮮甜彈牙，都冇咩點醬油已經好夠鮮味。貴妃蚌蒸完都仲好大隻，點少少蒜蓉，帶出晒鮮味另外值得一提既係龍躉，好嫩滑，清甜牛小排既脂肪分佈岩岩好，蒸一陣即刻食好重牛味，比起燒或者打邊爐仲好食！一般蒸海鮮都係搭配粥底火鍋，但依道就係八寶飯，可以自選8款配料，花多眼亂。蒸飯吸收晒配料既咪味道，今晚好滿足

緣味小聚海鮮蒸氣，位於銅鑼灣金百利商場火鍋7樓。蒸蒸蒸，全部都係蒸，餐廳主打蒸海鮮蒸火鍋，有兩個海鮮套餐供選擇。晚餐首先第一時間來一客燉湯，沙參玉竹燉雞湯，火候十足，非常好味。之後就會由餐廳服務員，全權處理八款蒸海鮮，每款蒸海鮮的時間，服務員都控制得非常好，顧客只需要等著吃。海鮮之後就有三塊牛味十足的牛小排。晚餐的總結是顧客自選八款材料的八寶蒸飯，自選材料選擇非常多，粟米，排骨，榨菜，南瓜等等，材料豐富。

看似簡簡單單一杯茶其實並不簡單，原來係芒果鐵觀音，很香，喝下帶微甜，不錯老火燉湯，冇味精，飲完唔會口渴，非常清甜又足料戲肉來了！蒸海鮮扇貝大大隻夠厚肉，新鮮又爽甜加多塊番薯片，甜上加甜非常細心，有計時器計時，海鮮蒸得啱啱好，唔會蒸過老，又有專人服侍，抵讚！蟶子皇夠大隻又實肉，同埸加映金菇菜，一樣又爽又甜貝類大雜燴，有刀貝丶沙白同番薯蜆。全部厚肉清甜勁新鮮！重點係完全冇沙，冇失望，正！清蒸龍躉片，夠厚身唔腥，魚皮腍口有彈性最後仲有清蒸開邊蝦，唔使多講，一樣夠哂爽甜淨係食海鮮驚唔夠飽？放心！呢間餐廳非常貼心，最後重有個八寶蒸飯比你嘆！足足有24款材料比你揀，可以揀其中八款。一路喺你面前睇住佢蒸熟，啲味道直頭令到你流晒口水～總結，呢間餐廳主打蒸氣海鮮鍋，絕對合格有餘，價錢又親民！環境舒適私隱度高，唔想太嘈靜靜地同三五知己食飯既，絕對係個好選擇。另外個八寶蒸飯有驚喜，材料多樣樣有特色，食完啱啱好夠哂飽肚，想食蒸海鮮既朋友仔，一定要黎！

天寒地凍，最好梗係打邊爐啦，不過邊爐打得多都會悶，所以今次同班friend就揀咗去食蒸海鮮鍋。今次揀呢間叫緣味小聚，佢主要有2個套餐，2個都有8款海鮮，不過有朋友唔食龍蝦，所以我地就揀左鮑魚餐。揀完之後，一盅新鮮熱辣嘅燉湯就送到面前，香氣撲鼻，再睇一睇個湯嘅顏色，明顯好足料，好飲。飲完碗靚湯之後，就開始我哋嘅海鮮之旅。第一樣嚟嘅係大元貝，今日因為飽魚唔靚，所以轉左元貝俾我地，隻元貝好大隻，好鮮，好好味。之後陸續黎嘅有蟶子皇、龍疐同埋海蝦，樣樣都好新鮮，另外仲有幾種貝殼類，包括馬刀貝、大花蛤同沙白，總括黎講，呢度d海鮮樣樣都好鮮甜，好好味。食完好豐富嘅海鮮之後，最後仲有個八寶蒸飯，佢會俾張紙你揀8款材料，我建議一定要揀幾款濃味嘅材料，好似潤腸、蝦醬豬腩肉呢d，另外加d爽脆嘅配料，出黎個飯係超正！

無可否認，緣味小聚呢間餐廳嘅客戶服務係非常之好，每一個步驟都做到細節，基本上係五星級的享受！我哋嗌左個最平嘅套餐，都已經有扇貝，聖子，龍躉等等嘅海鮮，仲有一個好好味嘅燉湯！燉湯非常之足料，我飲湯最緊要夠熱，同好夠味，完全滿足我要求。之後職員幫我地蒸海鮮，除左時間調教得非常好之外，本身佢嘅海鮮都非常之新鮮，食落去係非常之鮮甜，加埋佢唔同的配菜，非常之好味。最後再黎個八寶飯，可以㨂八味餸，即場蒸，蒸完出黎個飯食唔停口，正！整體係平，靚，正！

朋友介紹～海鮮蒸氣鍋！每人$238+10%就可以食到6款蒸海鮮！（而家仲要做緊4個送1個優惠）完全唔駛郁，有人計埋時間係你面前即蒸即食～好啱淨係識食唔識整既我地👏🏻海鮮都好鮮甜好味，蒸既時間啱啱好～又唔會蒸過龍。點少少辣椒豉油食就而經好足夠👍🏻最後仲會有盤蒸飯，自選8款配料蒸大概20分鐘淋上豉油蔥花撈埋一齊食～好好味呀！我地揀咗銀魚仔、萵筍、蝦醬豬頸，潤腸、牛舌、冬菇等。真係好味到成碟食晒～😋😋食物質數同服務態度都好唔錯，下次約齊人4個再食過👍🏻

一人好少會去飲茶食點心，見依到有一人點心快餐，就食一次。一入去，都好多上班一族去食。可能關於依間店有好多唔同優惠套餐，而且仲有任食點心套餐揀。今日，我揀午市一人抵食特快餐。👨‍🍳👩‍🍳食物質素：🦐蒜香開邊蒸大蝦（改轉陳村粉）陳村粉配蒜蓉，好夾。陳村粉原先係冇味，但係一配蒜蓉就可以食好多，軟度適中。😋點心拼盤每樣有一件，剛好一人分量。燕麥糕大愛😉，幾特別，煙煙韌韌，而且有一陣陣燕麥味，唔算好甜。菜苗餃同粉果，內涵十足，飽滿。