維港冰室

营业中

休息中

今日中午開完會同兩個同事食午飯，雖然銅鑼灣成日去但係一講到中午食飯就真係無咩頭緒，還好另外兩個同事平時都食開，最後介紹左間快、靚、正既餐廳。餐廳由會展站行去十分鐘唔駛，佢算係新派嘅港式茶餐廳，門面光猛、入面環境都幾舒服。由於晏晝時間座無虛席，我地三個都爭取時間睇下有咩嘢好食，鋪頭不論喺牆身定係枱面都貼滿餐牌，食物選擇多不勝數   ，不過我哋呢啲鍾情港式口味既，每人一個飯餐就算。等咗大約15分鐘，食物終於都陸續上枱啦~~~ 每一樣食物都出晒煙，應該都係即叫即做。首先介紹我嘅咖哩吉列豬扒飯，佢有兩塊吉列豬扒每塊份量好大，豬扒外脆而肉嫩，但我覺得主角反而係馬拉咖哩汁，香濃咖哩同香葉味非常惹味。女同事嘅焗鮮茄牛脷飯，佢一上枱已經俾佢個賣相吸引，個份量相當大而且鋪喺上面嘅芝士、茄汁都非常多，我都忍唔住試咗啖。佢個飯係炒飯底粒粒分明，再配合個汁每啖都好豐富，試埋佢個牛脷，估唔到口感好似牛脷芯咁好嫩好淋。另外男同事個沙爹牛肉炒河好正而份量好大碟，佢個沙爹牛肉好多，牛肉嫩滑有牛味好有質感，而沙嗲汁亦好香濃。河粉底雖然無撈埋嚟炒，但係簡單撈一下所有河粉掛晒汁，一啖河粉一啖牛肉真係差的食晒...... 食

講真，打工仔最緊要係咩呀？正所謂搵食搵食，搵餐晏仔姐，最緊要快、靚、正，大件夾飽肚，對自己有d要求得黎又唔會太失禮，尤其是港島咁忙碌既生活所奏，有呢一粒鐘抖下已經好滿足！👇🏻📌常 餐 A -▪️ 冬 蔭 公 肥 牛 湯 米 粉 - $58▫️ 試左個人氣常餐A，主菜有呢個「冬蔭公肥牛湯米粉」，大蝦非常爽彈，配菜有野菌、蔥、香茅、生菜，成個泰式風味出哂黎，層次豐富，濃香入味；而配上「火腿白松露炒蛋」，炒蛋夠滑溜，唔會炒到乾爭爭，外左白松露份外惹味；加左1蚊麵包轉多士，我再額外加9蚊試埋個出爐蛋撻，蛋同酥皮無分離，做到外鬆內軟，蛋香十足，唔錯。

本人並不是食家，亦很少會評價，只係依自己品評角度；這次只係想大家分享，就現在的茶記/冰室，良莠不齊，有啲更超乎你想像的~~差，但收費都比呢間為高，質素簡直係劣。這間卻俾我感到誠意，第一次幫襯係剛有不舒服，睇完醫生，想食清清地，又冇時間回家煮清淡餐，所以想搵間食啲湯粉之類，但唔係魚蛋粉嗰啲，因為試過食魚蛋粉啲油多、味精濃，唔可以做到清淡湯粉，行過這間坐下來正是晚餐時段，心中有些不好意思，叫了一個豬扒湯通粉，飲品都冇叫，因為實在想清，點豬扒都唔係想食，只係點綴一吓，唔係真食，只食通粉...其間服務員並沒有任何不禮貌或歧視態度，到走時因我實在不好意思低消費佔位，要來一杯暖服藥及道謝，服務員還很歡迎光臨嘅招待，感覺暖意滿滿的。就這樣我記住了這間店，再三來幫襯都感到沒有趕客的服務。當然你又不能以冰室價錢，而要求五星酒店款待吧！

復活節期間決定留港消費， 但係！ 這個星洲炒米真的不似預期，真係令你嚇了一驚 ，雖然是要求走肉， 但係，喺一般正常下，如果客人沒有要求走雞蛋，一般素食也會有的，這間竟然同佢講到明不需走雞蛋只需走肉，小鹹 便可，結果煮出嚟係雞蛋沒有？得一兩條青紅椒，和一些芽菜， 也就算了， 下午茶份量亦都不會要求他是很多的， 但？至少味道亦不可能這麼求奇吧！ 首先秤上枱除了不是很熱， 還有完全沒有鹹味， 我想他是因為食素的關係？ 竟然連鹽都唔落？ 雞蛋唔落就算了，但是不可能完全唔落鹽， 所以不要說港人想哂大陸去消費，根本香港所有食店都沒有heart去煮, 消費貴！服務差！ 仲要求其煮！咁樣！梗係冇人願意留港消費啦！

📍 維港冰室 (銅鑼灣）銅鑼灣謝斐道483-499號新城大廈地舖行街行到攰，見到新開左間冰室， 一於試一試😋高質冰室👍🏻嘢食全部即叫即做又勁多選擇，絕是值得推介。 😆😆👉蔥油瑞士汁雞翼撈公仔麵 (常餐）💰57😋😋😋😋.3/5愈來愈小餐廳有瑞士雞翼～ 見到又點可以唔試試😆😆瑞士雞翼夠晒入味再配埋個撈丁，夠晒邪惡😈👉西炒飯💰68😋😋😋😋/5夠鑊氣，料又足👍🏻 鍾意食炒飯嘅你，不妨試一試😎👉酥皮蛋撻&椰撻💰9+11😋😋😋😋.5/5蛋撻好好味～ 唔會太甜又唔會太膩，酥皮又夠鬆脆👍🏻 椰撻味道都唔錯回頭: yesYesyes!!!食物全部都係誠意之作，🤭絕對會再嚟🫶🏾#kermit食在銅鑼灣

夜晚11點幾入去,落單之後有個短頭髮黑框眼鏡阿姐同我哋講: 知道我哋收12點㗎可? 都同佢講冇問題,我哋2位都係諗住快食, 嘢食11:35上枱,食咗唔夠兩啖,播超大聲音樂, 問佢可唔可以細聲啲, 佢同我講話唔得🤷🏻‍♀️係要播咁大聲 (當時都仲有四五枱客). 問另外一個職員有冇負責人喺度, 佢話有經理, 但就唔見所謂經理過嚟了解. 做服務行業做到咁嘅待客態度, 真係祝你好生意.

今日2pm打電話叫外賣，我第一句係講話：「唔該想要個下午茶」，門面不嬲忙，佢收咗兩個客錢之後應返我電話，就叫個焗豬扒飯（下午茶餐牌係有嘅）。去到俾錢，佢收我$73 ，我問唔係有下午茶餐咩？同一個收銀答我：「你無講下午茶餐，下午茶餐係連埋嘢飲。」即係餐廳個邏輯係，我就咁叫個飯收我$73 ，我叫個飯連嘢飲就收我$58 ？我冇去嘈我有冇講呢四隻字，因為都係口同鼻拗。就係因為一個咁做嘢嘅職員，以後唔會想再幫襯🙏🏿 $20事少，覺得食個餐都俾人老屈，同埋而家啲餐廳係咁做嘢👍🏿

呢間茶餐廳效率高服務到位今日經過諗住試吓叫咗個下午茶餐$55 + $3 凍飲個餐好快就已經嚟到啦上枱個賣相都幾好有兩塊牛都幾薄同埋幾多筋(茶餐冇辦法啦）杯凍檸茶都幾多冰有三片薄檸檬都算幾有心總結嚟講都算幾好啲嘢嚟得快同埋我一起身嗰時即刻有人清潔所以我覺得呢間嘢都經營得幾好所有嘢都到位😂以銅鑼灣嘅價錢算係咁

新年流流最適合食一啲新年嘅喜慶菜首先，嚟咗嗰碗發財蠔豉伴鴨掌，啲鴨掌煮得好軟滑，啖啖都係肉汁，食落去好滋味。鴨掌嘅滋味同佢哋煮嘅蠔豉汁好夾，啲蠔豉嘅鮮味同鴨掌嘅鮮甜好搭配。豉汁蒸䱽魚，啲䱽魚鮮嫩多汁，蒸得剛剛好，肉質好鮮美。豉汁醬汁係咁香嘅，好濃郁。啲豉汁入嚟同䱽魚嘅魚肉完美結合，每一口都係鮮美嘅味道爆發。䱽魚肉質鮮嫩，加上豉汁嘅鹹香，真係一絕瑤柱扒豆苗，咬入去口，啲瑤柱嘅鮮味會迅速彌漫開，同埋啲豆苗嘅口感好鮮脆，真係好恰到好處，令人回味無窮。l

維港冰室 (銅鑼灣)銅鑼灣謝斐道483-499號新城大廈地舖約了一班人去打牌，打牌要做足唔知打幾耐架心理準備，食飽體力充足備戰。去附近食野再上去場地！中午出品上菜快，是習慣了附近好多上班族幫襯的節奏。常餐五十幾蚊起，仲有咖喱/焗飯/鐵板餐有自家焗製麵包Lunch 七十幾蚊起，包湯及飲品，茶記常備的紅白湯我點了黑毛豬煎蛋伴薯菜（可要pasta /rice /著薯仔，肉類愛好者，大豬扒肥美吸引，加埋煎蛋架加持，更好食。魔鬼芝士汁西冷牛扒焗飯，個汁似白汁多d,芝士味唔算太突出。個飯有蛋碎，好好食另一個牌腳本身大食量，又怕就點了$9 蛋撻同麻薯波波叫來做甜品

除夕放早，去維園趁還未太多人行了個早花巿，之後才吃遲來的lunch，去到維港冰室已經四點，原來餐廳今天五點關門，我們趕上了尾班車，叫了兩個鐵板餐，來慶祝這除夕日，迎接長假期。粉葛豬骨湯 羅宋湯有中湯選擇有驚喜，中湯粉葛豬骨湯煲到老火湯，味道濃郁，喝得出很足料煲出來，西湯羅宋湯也很濃稠，很多蔬菜口感十足招牌黑椒牛柳意粉$129牛柳是牛腰部的肉，肉質細嫩，油花少，先用黑椒醬醃製，然後在鐵板上煎至兩面焦香，內裡保持多汁。黑椒醬調配出來的味道不會太辛辣，恰到好處。牛柳切開肉質粉紅，口感軟嫩，放在鐵板上的好處是可保持溫度，意粉軟硬度適中，配上一些蕃茄醬汁。兩件巨型的牛柳加上意粉，十分飽肚滿足。洋蔥豬扒拼法蘭克福腸$119和牛柳一樣都是兩件大大件的，豬扒煎到兩邊金黃，香氣四溢，豬扒質地很嫩，又多汁，配上薯菜是原個焗薯仔，加上芝麻醬，大愛，還有西蘭花和紅蘿蔔等配菜，法蘭克福腸煎到帶點香脆，鹹香惹味。凍奶茶 +$3 冰室黑牛 +$12凍奶茶以金屬杯盛載，可保冷，口感順滑，奶味頗重，黑牛是可樂加雲尼拿雪糕，令我們一試難忘，口味融和，想回家自制一下呢。

打工仔千祈唔好幫襯依間餐廳！落order等左廿分鐘叫佢哋跟一跟但佢哋根本就冇幫過我跟最後過多幾分鐘仲要上錯左另一個餐比我！點餐果陣個餐牌明明寫住係肉餅飯點知變咗蒸魚飯仲同我講話唔好意思我哋個餐牌冇改返咁點解唔係即刻落完單之後同我講？而係要白白浪費咗我廿幾分鐘時間喺你餐廳坐喺度等？如果一早知道冇我想食嘅嘢我就可以即刻走唔使仲嘥我時間成個過程佢哋完全冇覺得自己有做錯過咁處理手法嘅餐廳唔知點解仲可以營業到依家

好掛住港式鐵板餐呀！今日晏晝去銅鑼灣，就忍唔住入咗間茶記食喇～🤗佢哋嘅鐵板餐除咗有扒，仲包埋自家製餐包、餐湯及餐飲。而配菜可以揀焗薯、意粉或飯。焗薯唔係間間有（因為多數得炸薯條），一定要試下。如果加啲酸忌廉會仲好食🤭我哋嗌咗兩款牛扒，份量十足❤️ 蒜蓉西冷牛扒（$119）黑椒牛柳（$129）個人覺得牛柳好食啲，肉質較嫩。雖然食完好飽，但忍唔住叫咗件蛋撻（$9）。喺我最鐘意食嘅酥皮，蛋漿又厚又滑勁好食🫶🏿

完全不知所謂的餐廳！員工態度超級惡劣！話說，見到還沒關門就試試進去吃個晚飯，誰知我點的餐都還沒到就已經叫你結帳，營業時間還沒完吧？然後再用好差的態度叫你結帳，如果快要關門怎麼不早點說！然後當我的晚餐剛到，才開始吃的時候，突然把音樂聲調整到超大，目的就是想逼客人離開，我看到其他客人都紛紛因為太嘈吵而離開！然後我問服務員能不能把聲浪調低，他一臉怕事的樣子說不能，看似有點不尋常，接着我走去收銀處問:你們的音樂好大聲，能不能調低一下？ 竟料那個收銀員說:不能啊，你受不了可以走啊。然後音樂再大聲一點。。。。。請問這是什麼的服務？有必要用這種小動作去趕客人走？如果真的是到打烊時間，為什麼一開始又接我們這台客？老實說，這種方法實在太老土了，其實一般只需要向客人說明店舖要關門，請他們離開，我相信正常大家都會好合作，反而你用這種手法去叫人離開，完全是沒有文化水平的行為！這樣的店，不可能再回頭吃。。。。

天氣凍好想食湯麵，但今日中午忙到得30分鐘食lunch, 去維港食過早餐，上菜好快。就入座食個常餐 A 冬陰功肥牛湯米粉$58,配火腿白松露炒蛋自家製餐包。上枱都驚喜，因為好大好大份，冬陰功湯飲一啖少少辣好香，有幾粒蝦肥牛同埋好多雜菌菇，幼身米粉吸曬湯精華，個人覺得非常合口味好好食。炒蛋好滑，黑白芝麻的餐包，夠健康。同事就食一個咖哩牛筋腩飯，正常發揮都好食。餐單上有非常非常多選擇有16款焗飯，中午都有鐵板燒，仲有特色炒粉麵，仲可以叫小菜。另外買咗蝴蝶酥，麻薯包，同埋老婆餅返公司食做下午茶，個蝴蝶酥係一定會再回購，非常酥脆。麻薯包外面脆入面軟人流不斷，新開張希望可以一直保持水準，都會一直幫襯。