維港冰室

营业中

休息中

已來個好多次食早餐，次次個馬尾4眼女人，也問幾多位，以為你兩人入，即大聲呼喝話卡位要3人以上，隔離個侍應答3人，先用不服嘅眼神啤你才會收聲。今日再去，話兩個人，早我們入的一個人，就坐4人卡位，我們就安排坐2位，隔離係廚房出入口兼有好多貨叠高，變相其中一個位嘅右邊係密籠，即係得2／3個枱食得。一話等第二張卡位，即大大聲叫你唔好企呢度，出去門口企，再行出去開埋門，拉繩望住你，嘑企呢企(用討厭嫌棄嘅態度)，咁嘅服務態度，劉天王都話唔掂，梗係走人啦。完全係痴線嘅服務。

好多人幫襯，企理光猛。餐廳播熟悉的舊時嘅廣東歌，真係好有街坊親切感。叫咗個招牌維港包，賣相很好，味道可以。奶茶正常好飲。另外見到隔離台點咗菠蘿油$14 超大個。下次再試！

食左好多間茶餐廳下午茶，呢間嘅雞脾沙律真夠誠意，生炸雞脾好夠味，炸得脆而唔焦，配上沙律菜，沙律都唔hea,內有菠蘿，青瓜，蘋果，薯仔，仲用個炸米紙裝住，色香味俱全。

我路過要吃午餐，便坐下叫茶餐C:沙嗲牛肉米粉味道不錯，配火腿香滑炒蛋(炒蛋放得好靚如倒放的碗)+自家製餐包（原來是小菠蘿包、是驚喜、讓我地可以一嘗，而不用增肥），熱奶茶味道如一般奶茶。忘記拍照，但是對面的男客人拍了照片，他也是吃茶餐C，但是轉叫通粉，而且加了一個蛋撻，但是蛋下陷少少，蛋撻是否已經凍了？提一提那個稍為年長的男侍應落單態度麻麻。也有人叫外賣。

A new cha chaan teng had opened up nearby and I decided to give it a try during afternoon tea. It's large in size and seating was spacious.During tea time, they have an afternoon tea menu. Menu is in English and Chinese. There is no 10% service charge. Sets include a standard hot drink with possible upgrades. Choices were the usual fare.I decided to get the Stir Fried Beef Rice Noodles ($52). Portion was generous but I was still able to finish it. It wasn't too salty. For those that do like it a

經過想買個蛋撻，個阿姐十問九唔應，問有無八通睬都唔睬，又寸，再好食都唔會再食啦今時今日咁嘅服務態度幫襯過幾次lunch，味道同份量都ok，但因為個阿姐嘅態度，我諗我唔會再幫襯

依間茶記嘅常餐，係我暫時最最最滿意一間，大大份之餘絕對唔hea，冬蔭功肥牛米粉足料又夠哂冬蔭功味即係夠酸夠辣，最最最值得讚嘅係個餐包，唔係求其搽d牛油落塊方包到就算而係新鮮出爐熱辣辣麵包，之前食過都係比提子包同一款綠綠地既餐包，兩款都係夠熱夠新鮮，今日終於等到係菠蘿包，外層脆卜卜又夠熱，簡直係一絕食過佢地嘅常餐有：羅宋湯餐肉米粉 - 羅宋湯唔夠濃，相比下比較失色冬蔭功肥牛米粉 - 必食推介沙嗲牛肉米粉 - 終於有一間係我鍾意嘅味道濃湯豬扒米粉。豬扒大大件夠入味，正

灣仔新開嘅茶餐廳，環境乾淨夠冷氣，堂食雅座目測有30枱左右，不論早餐、午餐、下午茶、晚餐都好多選題！今日黎食下午茶🤭，都有9成滿座1. 薄燒牛扒配薯角牛扒生熟度啱啱好，約七成熟，唔會好韌，蒜蓉汁好味，但份量偏少；薯角好新鮮，夠脆，份量好多😃另外配凍奶茶，茶底好濃，奶茶好滑，可惜唔記得影相🫠2. 豉汁蒸倉魚等左15分鐘，賣相好靚，豉汁好香，倉魚輕微過熟，肉質好滑，整體都好食😋另外，餐廳送上白飯，豉汁撈白飯好好食😋