維港冰室

营业中

休息中

見門面唔錯，又聲稱自己包包好得，所以就中伏。原本都想食一set港式早餐，但因為要清減吓，就食個包包飲杯奶茶算。叫了叉燒包，來到個樣又大又靚，不過心想咁怪，又話脆皮，個包面跟普通包冇分別。一咬下去 - 凍冰冰！叮叮或烘烘都懶。最神是食極都冇餡，直到食了一半才見餡，係吞拿魚！！！跟職員反應，點解張單個包號跟餐牌唔一樣，明明003是叉燒包。當然冇話對不起或即時更換，因為佢話我已食了個包一半。唉，我唔食到一半多都唔見餡啦。怪就怪我作為一個客人唔好好查單。即使其他食物可能好吃，都不會再來了。反正少我一個客不少。

服務差極！無人阿姐喺都要加塊膠板喺前面，其他枱一個人都無放，擺明玩嘢！我話有人先至加，阿姐就話唔鍾意可以唔食。😡😡😡😡😡咁差嘅服務態度，簡直趕客，即刻走🏃灣仔好多茶餐廳好食過呢間！😠😠😠

因為要到灣仔做嘢，第一次到維港，先叫咗個下午茶嘅咖哩牛根腩飯配凍檸茶（＄57）估唔到份量唔少。食完叫多個菠蘿油套餐跟奶茶紅豆冰（$30）個菠蘿包好大個，塊牛油好大舊，紅豆冰都幾大杯，軒尼斯道茶記呢個價重想點？最重要係四樣嘢都好食果度攞命......係，服務態度同恆指一樣：有好大進步空間😅三點坐低，全爆，要撘枱，可能下午茶時間啩環境都乾淨嘅，餐具都係擺枱旁嘅櫃桶我因為等人，一個人覇咗張卡位都冇比人趕

今日2:10pm入去食個下午茶、現場起碼有五、六張空枱、個女侍應都叫你兩個人走去同一個人搭枱坐，問多佢一次先至比張卡位你坐，叫左二個餐…. 其中一個係咖喱牛筋腩飯…. 份量係大碟嘅…. 不過啲咖喱鹹到撈飯都頂唔順。食食下大約2:35pm …. 又有個女侍應走埋嚟叫我哋要坐埋一邊卡位，但係出面又冇人等位…..隔籬枱差唔多食完仲要坐咗好耐嘅….佢又唔叫佢地坐埋一邊喎，我連杯奶茶都未飲…佢起碼行嚟叫咗兩次坐埋一邊枱、真係唔會再幫襯囉😡⋯⋯因為呢間D服務成日都係咁趕客。 結果2:40pm 我哋埋單走人。

今日早收係灣仔搵食, 今日揀咗灣仔新開的維港冰室試吓, 近期發覺新開的茶餐廳都是非一般的茶餐廳, 好似今日嘅維港冰室, 除咗有傳統茶餐廳的早餐、常餐、茶餐等通粉、公仔麵等食物外, 還有大排檔小炒、扒類、小菜、水門海南雞、焗飯等, 今日晚餐酸菜魚、西班牙黑毛豬扒、蒜豉蒸白鱔都有, 并自設麵包場, 包點全部自家出爐, 真係一間中西合璧及多元化的非一般茶餐廳, 食客之福。餐廳新裝光猛、面積大, 除咗枱頭餐牌的一般茶餐廳美食外, 牆上還有是日推介餐牌、鐵板扒類及小炒客飯餐牌。維港小炒王 ($99/配餐湯及白飯, 熱飲+$6)小炒王跟大排檔嘅火喉差唔多, 上枱香噴噴, 材料都非常豐富; 銀魚仔、蝦乾、韭菜、鮮魷魚及大蝦仁, 以香辣xo醬及鹹香蝦膏爆炒, 全部食材及醬料都係傳統大排檔佐啤酒香口嘢, 香香辣辣, 超級惹味, 送白飯一流。中湯: 豬骨粉葛湯及自家餐包 (送)今日中式餐湯係豬骨煲粉葛, 火喉充足, 有啲料到, 粉葛湯清熱去火。自家餐包暖暖的, 鬆軟的, 自家出品就有品質保證了。招牌黑椒牛柳 ($129 /配自家餐包及餐湯)牛柳薯菜以鐵板上, 等一會收肉汁才吃, 牛柳外層煎得蕉香, 肉質鬆

星期日下午3:40，有多張空桌、空卡座，我與婆婆兩人手提一大袋剛買的羽絨褸購物袋，侍應先命令我們坐二人桌，看著有點迫，便提出能否坐空置的卡座，當走到卡位前，侍應放一塊膠版在中間，命令我們只能單邊坐，但眼見多張卡位都係兩個人對住坐緊！唔識變通！因人而已！食物有形無精，干炒牛河無味！

我的台灣朋友今天2023年10月27日,下午二時半後剛去完這間維港冰室,叫了一碟干炒牛河同一杯冰凍奶茶,這段時間應該是下午茶時間,但他們應該因為她是遊客,說國語,所以不是收她下午茶價錢,因為她不知道有下午茶時段,而是收她正常價錢,之後因為我正在跟她通訊,我告訴她應該有下午茶價錢,所以她回去問伙記,但是他們也不理睬她,當她不存在,這種待客之道實在太差了!怎樣吸引更多人或遊客去光顧呀?我會叫所有朋友以後也不去幫襯這種餐廳!實在太可惡了!

食物還可，但服務真的很差。除咗一個姐姐很有禮貌之外，從侍應到收銀都係黑口黑面。我們叫早餐時，其中一個姐姐寸到爆。我問個午餐肉通粉餐可唔可以轉沙爹牛，佢話「我哋唔玩D咁嘅嘢」🤷🏻‍♀️跟住就問我哋點解三個人只叫兩杯飲品，之後仲將一個菠蘿油「飛」埋嚟，真的無話可說😶。之後一位男仕送上一份火腿炒蛋跟一個包。我同佢講我哋轉左多士。跟住佢check單，原來我只轉左一個餐。我話ok明白。跟住佢就反眼。難怪香港人紛紛北上消費。

啱啱呢個六日，下午兩點幾去幫襯。之前都食過兩三次，炒野 焗飯 包類 係好食既，唯獨清潔一般，試過櫃桶攞隻匙羹，上邊有啲懷疑忌廉湯嘅湯漬嘿上面。而且店內音樂過分響亮，同對座朋友傾偈，要大聲到好似鬧交咁先聽到對方。今次經歷好簡單，兩點幾兩個人去食個炒飯食個菠蘿油。食咗唔夠三十分鐘已經開始嚟收碟，過多幾分鐘，某個四眼女店員過嚟問可唔可以交番張枱比佢哋，話門口有客人等緊…我哋話OK，飲埋兩啖即刻走，而該店員亦都向後面枱既客人要求。好喇，起身走人我笑笑口多口講聲，話其實你哋可唔可以將個音量校細少少，你哋啲音樂大聲到好似落咗Disco咁，有時想傾下嘢都傾唔到…。點知個店員好精靈，可能受過專業訓練吧，一句「得」埋嚟話 「好呀，下次播莫扎特你聽好唔好？夠晒柔和！」我哋無同佢嘥時間研究音樂造詣，可能「焚機」亦係佢嘅精神支食糧。我哋小顧客一句，估唔到換嚟咁高水平答案，我個人除咗感到驚喜意外，亦真係好期待下次嘅來臨，期待莫扎特 蕭邦 之演出，希望該員工唔好得個講字！最後去到門口，咪得兩個人等位。使唔使「趕」幾枱客走呀？！所以幾好食都無用，請著呢啲「優質員工」，真係同老闆倒米😮‍💨😮‍💨

美麗的土壤開出罪惡之花！黑心商家沒有底線！！敏銳發現外地遊客不熟悉50和500，給了500沒找錢，拒不承認遊客來過，拒絕調監控，大言不慚出了大門就別來找他們，試問若出了大門有食安問題也別來找？This is the first time I have such unbelievable terrible experience in HK. I met so many great people here. The people in this restaurant are lack of integrity！

依間維港餐廳午市經常都門口排勁多人試過間餐廳幾次，包括啲常餐la ，午餐set今次食嘅係常餐，要咗佢個香煎豬扒通粉，再加炒滑蛋，火腿，同餐包🤤🤤🤤🤤食物嘅賣相同埋個味道的確好吸引，佢個蛋用咗好多心機去整，整到成個波，個餐飽都好鬆軟。食物嘅味道嚟講係冇得輸不過佢啲職員就好有性格，佢地會不停提醒你食完了，想盡快將枱放岀來俾下一位🙃🙂如果想慢慢坐，就建議避開午市時間🙃🙂🙃🙂😂😂😂😂

被那冰室門口的推介,吸引入內.唔睇menu,直叫菠蘿油+奶茶紅豆冰.（$30）暖暖的菠蘿包,很新鮮,漲卜卜.奶茶紅豆冰,紅豆起哂沙,甜度足夠,奶茶,唔澀,有奶香有茶香,好味又超值.一位熟客,在等出爐蛋撻；另一位傾完電話才慢慢叫嘢食.這刻,约3:30pm, 員工態度好正常.下次要試熱奶茶和其他食品,看看如何？

外賣麪包和旦撻有何分別？唔止一個阿姐想收多客人膠袋錢如果唔知政府個計劃內容既人，好易被誤導，尤其長者與遊客😮‍💨- 只有購買沒有包裝或並非完全載於任何包裝的食品，或購買以非氣密包裝的餐飲外賣，才可獲免費提供塑膠購物袋，每單交易最多獲一個免費膠袋。可獲豁免的食品或服務包括：●無包裝或非完全包裝的蔬果、麵包、肉類或海鮮我叫阿姐解釋一下點解買旦撻可以直接用膠袋，而買出爐麪包直接用膠袋裝就要收$1，佢哋個紙袋非密封又薄（如果買走邊行邊食其實冇問題，但我係由香港拎番過九龍，食物中毒係我咪可以立即報食環？）基於衞生狀況硬要人額外比錢先可以直接用膠袋裝麪包，無疑係想趕客走。好！咁我唯有放棄，一於行過對面馬路再行前少少其他餐室度買新鮮出爐麪包，人哋就完全無呢個問題，既然價錢一樣，味道又一樣，又點會建議朋友同遊客響呢間鋪頭買麵包呢？伏

話說同朋友嚟食午餐， 食完打算叫3個蛋撻， 夥記話要等十分鐘， 我話咁好啦我等。 過咗十幾分鐘再問請問有蛋撻未， 夥記話仲未有，唔知幾時先有。咁我話我唔等喇 ， 佢 好悔氣咁話： 我都唔想你喺度等， 我地好忙㗎！！ 以上佢係用極度惡劣嘅態度同我 講嘢， 好無奈....

服務 極差，指明要果餐，店員比錯都算，道歉都冇聲。一通知佢錯餐果下即刻 拎走你既野， 堅持話你食左 其實我靜係食左個方包，都收錯餐錢，豪比佢，以後唔會幫襯😡😡😡 咁既服務態度，幫襯一次好啦，面包都好淡，話佢比錯餐，佢話你揀個餐仲飽，我想問你比錯餐 同我飽唔飽關你咩事；諗住佢地比既餐一定係岩；點知比錯餐人仲要話人食左，我靜係食左方包咋；佢成個蛋果下一野拎走左 居然要收我錯餐價錢垃圾，員工服務差、咁既價錢灣仔大把選擇