綠茵閣 (已結業)

早一星期預約這裡與男友慶祝千日紀念。準備六點半到達，已經有三四桌人入座。可能因為提早預約的關係，獲分派到一張兩面係玻璃既角位，雖然離食物counter遠ｄ，但好寬敞舒服。今期主題是鮮蝦三文魚，海鮮比例較多，其他食物都係大路野。冷盤沙律－－蔬菜新鮮，車厘茄大粒且甜。配料有如太陽花籽的穀類，頗特別。日式口味的燒雞豆腐沙律也不錯。蠔－－應該熟蠔，但都有鮮味蟹－－食起較麻煩，所以試左少少而已，普通。凍蝦－－新鮮彈牙香茅煙三文魚－－對於三文魚癡既我當然覺得好食。壽司無食過壽司，但食左好多魚生。有大路如八爪魚、吞拿魚同三文魚。熱盤串燒－－冬茹燒得唔錯，其他肉類每樣都係食左少少，感覺無特別。燒大蝦－－每次燒十幾隻，要排長龍先食到。燒得少唔係問題，最過份係連續兩次排頭位既人都拿超過六隻以上！太過份啦！蒸比目魚－－超好味，好有魚香，忍唔住食左好多三文魚鱸魚卷－－好特別，係鱸魚包住三文魚，但因為太飽，所以食左半件。其他如牛肉，羊架因為我唔好肉既關係都係試少少。粉麵無試甜品幾乎全部甜品都試過麵包布甸用牛角酥做好怪其他蛋糕類太甜，chocolate truffle甜到食一啖都怕怕。反而乳酪甜品杯造型又靚又好味

上個星期食完個大蝦三文魚自助餐, 除左無生虫亳外都算ok, d 鐡板大蝦好正, 食左7,8隻, 其他d熱食都幾好, 燒羊架, 牛肉卷,同魚都不錯. 魚生款式較少.個蟹粥好正...甜品我反而覺得一般.另外, 服務員態度非常好

昨晚同老婆去食,同預祝自己生日, 各樣食物都好新鮮同好好味,雖然唔算有太多款式,但係未試完已經好飽,值得一提嘅係甜品同鐵板燒蝦,甜品嘅甜度啱啱好,而蝦雖然係鐵板燒,但係食落有汁同彈性.唔似好多酒店D蝦噤栂同乾.地方幾舒服.可惜昨晚無呢度最好食嘅朱古力松露蛋糕啦.(昨晚用半價coupon)

今日lunch同老公本來訂左檯試沙嗲閣，但系睇左食評彈多過讚加上打電話去服務態度又唔好，於是臨時改試自助餐，入到去環境都算ｏｋ，食物方面有我ge favourtie龍蝦仔同羊架，三文魚新鮮又肥美，最驚喜ge系炸煎堆，裡面d豆沙又多又唔系好甜，可惜已經食到好飽，冇quota再食多幾個，甜品方面就麻麻地，款式都有10幾樣，味道一般同冇咩特別，但系都有朱古力噴泉。埋左單先知除左匯豐信用卡冇discount外，其他信用卡都有，恆生仲有85折tim，都蝕左$50，anyway整體都唔錯，下次帶埋ar爸ar媽去先。

阿P家姐將於下星期出國，於是便提早一星期在Garden Caf擳自助餐做節。環境以酒店來說不算特好，啲枱set得密麻麻，浪費了落地玻璃啲高貴decor。成人自助晚餐只收$238，價錢唔貴，食物種類算多，雖主打熱盤，海鮮選擇少，但味道整體上食得過。Service很好，侍應有效律兼helpful，加分！冷盤的翡翠螺、青口、帶子、蝦、蟹，鮮味欠奉，但總算新鮮。刺身選擇少得可類，只有三文魚、魷魚、墨魚和白身魚。三文魚刺身出奇肥美，比很多大酒店還要好，其餘的，都不值一提。壽司用膠袋獨立包裝，明顯機製，同百佳嗰啲無分別。熱熏較突出是串燒，首推牛脷和雞腎，即叫即燒，新鮮熱辣。另外，煎焗石斑男友話唔錯。不過原條燒牛肉就唔多掂，又乾又鞋。車仔麵檔都OK，起碼材料新鮮，有蔬菜落肚。甜品選擇其實唔少，蛋糕、pancake、朱古力噴泉、水晶包、中式糖水，一應俱全。可惜味道大路，食一啖就唔會再想令人食落去，較好的只有豆腐花。場內亦設有最受小朋友歡迎的雪糕櫃，有本的迷你Haagen Daz杯裝雪糕和多款口味的牛奶公司雪糕，抵讚。作為一個重質不重量的人，我是不太建議大家食buffet，不過如果你係自助餐發燒友，Ga

由於要就兩位住在附近的友人,所以揀選這裡友人話這裡剛重新裝修,坐窗邊感覺好開揚(雖然都係街景)食物唔得…提都費時

裝修完之後第一次幫趁,恆生85折d sofa 好長,可以坐3位, 亦有吧檯,其實餐廳不是很大,可以因這原故,d 檯很密凍盤有生蠔,青口(有幾款只是醬汁不同),三文魚,壽司(獨立包裝) ; 車位麵; 中式點心,扒類, 蒸魚, 菜,白朱古力噴泉, 杯裝牛奶公司雪糕; 熱盤..炒飯, 侍應服務很好,很快,有禮貌

今日同媽媽去此食,係lunch buffet,128元一位,用恆生有85折discount. 個環境都ok,不過我覺得tabel 與tabel之間好近,所以有d "big"的feeling.D食物真係普遍啦,但lunch都有生蠔食,魚生方面只有三文魚,其他都係壽司. 有粥食,有羅宋湯,但係d湯真係衰過大家樂,係沒味呀.熱盤普通啦,有d炒飯,都有點心,有燒味. 甜品都有,不過真係好普遍,唔係太好食.唔知道點解好多一家大細,老人家,有好多操大陸口音的人去食,都噪呀.佢地有d人去食,真係好似沒得食更. 不過d waiter都ok,但係有d部長不係太polite

由細食到大，因為住北角，夠就腳佢啲自助餐，熱菜麻麻，唔太好．．．反而我覺得佢啲生蠔都夠新鮮，而且所有野食差唔多冇既時候都會即刻補返，幾ｐｒｏ，唔會有人等食既情況況且咁既價錢啲生蠔都可以咁新鮮，如果鐘意食蠔既就真係超值魚生都有，但係款唔多，所以我唔會食，因為都係啲大路既三文魚，等等．．．餐湯都唔錯架，每日都係中西兩款，幾有心機，啲湯睇得出係好有心機整．．．最值得讚既係佢既燒牛肉，做得好有水準，啲汁好好味，同埋佢仲有ｍｕｓｔａｒｄ供應．．．．

去過很多次，次次都很滿意，沒有什麼要彈的地方。最值得讚的是他們的蒸魚（未必次次都有），很大條，卻蒸得剛到火候，很嫩滑。煙三文魚很新鮮，三文魚刺身亦很新鮮，有時有雲吞雞，非常可口。其他冷盆及熱盆都很有水準。甜品很多，幾款蛋糕，芝士蛋糕，mousse，連瑞士朱古力火鍋都有，還有四款雪糕。環境，服務及衛生都很滿意，未去過的朋友不妨去試一下。

同老婆遠征北角，只因有買一送一禮卷。未坐低試去睇下有乜野食，有燒牛肉，壽司魚生，凍蝦青口凍螺，焗蠔咖哩蟹。都算多選擇。坐落先送碗叫做魚翅湯俾你，好明顯就係假翅，不過個湯底都幾好。正場先食魚生壽司，魚生只有八爪魚用三文魚可以食落口，其他無味無道，壽司都一樣，同食垃圾無分別！再食凍海鮮，凍蝦不新鮮d肉"梅"晒、凍螺無沙亦無味、青口唔un同有鮮味，所以encore食多兩隻。燒牛肉有牛味，唔算好un，但都叫可以，但只屬中下水準。再進攻熱盤，焗蠔細到搵唔到隻蠔，只見上面d 煙肉、咖哩蟹食完包你後悔，未食過咁難食的咖哩蟹，無咖哩味，無蟹鮮味，只有油味，個廚可以整到d 咁難食o既咖哩蟹都算高難度！食完以上都無晒心機再食，第一次食完自助餐都可以唔飽！因為實在唔得！如果用正價連加一要220蚊，你食完真係會想死！兩個人四百幾蚊去到邊都可以食得幾好，依d咁o既廚，挪去打靶都浪費子彈，應該要佢食晒自己煮d野，等佢難食到死為止！到找完數，我去左廁所，見到個小插曲。我以為話晒都叫酒店，服務都叫會有番咁上下，點知就見到件勁野。話說洗完手出黎，見到個廚同個客切燒牛肉，切完就放落個好細o既碟上面，之後用右手渣住個碟，用

同老婆遠征北角，只因有買一送一禮卷。未坐低試去睇下有乜野食，有燒牛肉，壽司魚生，凍蝦青口凍螺，焗蠔咖哩蟹。都算多選擇。坐落先送碗叫做魚翅湯俾你，好明顯就係假翅，不過個湯底都幾好。正場先食魚生壽司，魚生只有八爪魚用三文魚可以食落口，其他無味無道，壽司都一樣，同食垃圾無分別！再食凍海鮮，凍蝦不新鮮d肉"梅"晒、凍螺無沙亦無味、青口唔un同有鮮味，所以encore食多兩隻。燒牛肉有牛味，唔算好un，但都叫可以，但只屬中下水準。再進攻熱盤，焗蠔細到搵唔到隻蠔，只見上面d 煙肉、咖哩蟹食完包你後悔，未食過咁難食的咖哩蟹，無咖哩味，無蟹鮮味，只有油味，個廚可以整到d 咁難食o既咖哩蟹都算高難度！食完以上都無晒心機再食，第一次食完自助餐都可以唔飽！因為實在唔得！如果用正價連加一要220蚊，你食完真係會想死！兩個人四百幾蚊去到邊都可以食得幾好，依d咁o既廚，挪去打靶都浪費子彈，應該要佢食晒自己煮d野，等佢難食到死為止！到找完數，我去左廁所，見到個小插曲。我以為話晒都叫酒店，服務都叫會有番咁上下，點知就見到件勁野。話說洗完手出黎，見到個廚同個客切燒牛肉，切完就放落個好細o既碟上面，之後用右手渣住個碟，用

今次係同朋友一齊去食tea buffet,貪佢平平o地~事前一早book o左位,不過去到都無乜人,我估唔駛book都ok~特登揀o左個近窗位置~雖然無乜景睇,不過勝在夠靜無人打擾~選擇o黎講唔算多,甜品會比較好少少,要飽肚o既都有粥粉麵飯~可能因為唔係太多人,所以有d食物好似放o左好耐咁,春卷皮己經唔脆...甜品推介食芒果mousse cake~d芒果帶少少酸味,剛好可以中和番mousse o既甜味~雪糕有成六款選擇~有朱古力,菠蘿,strawberry,綠茶,雲呢拿同曲奇妙趣~strawberry有粒粒果肉,不過略嫌過酸...綠茶好有茶味,如果剩食可能會有少少苦澀味,建議加vanilla一齊食~service方面都算ok~收碟都算快速,不過近尾就開始減速,呢方面要改善o下...環境ma~冷氣激凍...去最緊要帶多件衫...再食埋雪糕真係凍到傻...不過整體o黎講都算係物有所值,始終呢個價錢無可能要求有大酒店o既水準~

熱辣辣, 好正~(其實都唔算天婦羅, 只不過係炸蝦炸魷魚圈炸魚炸南瓜炸蕃薯, 但係好好味喎)

星期日因為太凍貪就腳就來了呢度食tea buffet。$68就梗唔會有乜期望啦，但都ok食得過。Service幾好，收碟快又不停refill清水。食物種類唔算多但有轉款，所以每個round都可以食到d新野。最難頂係d沙律，腸仔火腿撈d醬又算一款，重有一款最騎呢：mayonnaise+香蕉，寧願佢就咁用薯仔沙律唔駛咁有創意。另外有好cutie的迷你腸仔飽仔和菠蘿飽仔，可惜放係dessert個邊，到食dessert時至望到，但已經食唔落了。最欣賞係d熱飲都係自助，唔似一般buffet只得一杯野飲。我就飲齊咖啡、檸茶、檸水，天寒地凍可以一路食一路有杯熱野飲住，咁就過左成個下晝，都幾正！P.S. toilet(ladies)好乾淨重有位好有禮貌的清潔阿嬋(唔係收$個種)，特別要比個笑面佢！