綠林甜品

营业中

休息中

今次泥到綠林,,,,聽朋友講佢地d番薯糖水幾正~我呢個番薯迷緊係唔會放過啦!一碗番薯糖水價錢9蚊,,算係幾平~~見咁抵食緊係叫碗泥食啦!XD=]糖水都幾重薑味,,唔錯~~甜度適中!=]番薯就麻麻地好食,,可能唔夠甜~如果再甜D會更好!

吃過極不滿意的小菜王後，已經是一心要吃糖水溝溝貨的，順道也是一圓今早吃不到的願望，走過幾個街口後，不到十分鐘，也來到這在深水埗除了松記以外的另一糖水熱店。甫坐下，大家各點各喜歡的糖水，我聽說這兒有難得一吃的栗子露，當然點了此品，而另外大家也選了有冷有熱的，最後分別點了兩碗熱的栗子露、一碗熱的芝麻湖溝合桃湖、一碗冷的芒汁涼粉、一碗熱的南瓜馬蹄露及一起分吃的糖不甩。先談栗子露，看得出應該是生磨的，而且也有挺多的栗子粒，感覺真材實料，糖水本身夠甜，但稍嫌栗子味不夠，友人說這是栗子露，不是栗子糊嘛，立即一言驚醒夢中人，也帶出了糊及露在糖水這個界別上的分別這個話題，個人也立即想可能我心目中是想吃栗子糊，不是栗子露，究竟哪兒有得吃呢？而栗子粒也沒有本身應有的甜及質地太硬，可能對此品太有期望吧，所以老實的說是有點點失望的。芒汁涼粉，沒有吃過，所以不大清楚其味道，但賣相是雖芒汁多，但一粒芒果肉也沒有，所以果然是芒汁涼粉，不是芒果涼粉。芝麻糊溝合桃糊，也是沒有吃過，聽朋友說是不錯的。南瓜馬蹄露，是另外一樣有幸分享了一羹的，個人認為是全晚最高水準的糖水了，南瓜肉被打得稀巴爛的溶在糖水中，使整碗糖水也是橙橙

真係飽到唔識行, 但都唔可以錯過綠林既糖水, 點解? 當然係平靚正啦 ~ 紅豆沙 $9 : 多渣而且豆夠腍, 口口都有陳皮香仲有大大粒蓮子, 真材實料。 紅豆沙加芝麻糊 $11 : 紅豆沙固然好加上香味撲鼻既手磨芝麻糊, 絕配, 不過今日太飽, 換轉係平時既我, 不理三七廿一也會把對手的糖水幹掉一半 。臨走前買多二碗外賣作為明天回味

食完晚飯,男友再帶我到綠林食糖水男友話有新舊兩間,問我想去邊間既然舊舖男友食過有水準的,所以我都揀返舊舖去到門口,都幾多人喔舖頭好大,開心見到佢d檯都唔係其他舖果種細張檯我點左芝麻糊,又香又滑男友就食左一碗綠豆加涼粉,一碗綠豆沙臨埋單時聞到佢個蕃薯糖水好香呀~返黎睇到d食評又話榴槤班戟同豆腐布甸都很不錯下次有機會都要試下先~

每次到深水埗食糖水，去綠林必是指定動作，不是覺得它好食，只是貪其夠平。一碗綠豆沙只是$9，只有淡淡的草香，質地較稀，沒有起沙，綠豆渣不多。南瓜西米露-南瓜已打成泥茸，口感很滑，味道很天然清甜。今次發覺附近多了幾間甜品店，下次打破慣例要試新店。

食完好好味ge豬潤米下一站就係試甜品外賣o左榴槤布甸,主打豆腐布甸、栗子糖水同合桃糊。豆腐布甸x2：果然真係招牌主打，以為好淡，但真係好好食栗子糖水：我覺得ok,夠足料。但父上話栗子有d壞....咁試真又係榴槤布甸：係車度都聞到榴槤味，唔錯~合桃糊：比起招牌主打豆腐布甸同濃味榴槤布甸同栗子糖水，合桃糊即時變得好普通。全部糖水好有心去整,好有家庭風味，不會太甜仲有d staff好nice101%會再去(豬潤米-->綠林)P.S. 唔好睇錯一間叫糖x佬ge鋪頭,我皇兄就係睇錯招牌去錯鋪,仲問人家有冇:豆腐布甸"

天氣稍涼了,今次去綠林想點碗熱糖水泥暖下身~見到好多食評都話栗子露好味,,所以係咁多糖水中選左佢~第一眼見到覺得碗栗子露賣相有d似綠豆沙~糖水有栗子清甜的香~雖然有粒粒栗子, 但栗子食起泥味道有d怪!栗子好硬,不甜,唔好食!一食就知唔係好質素既栗子!15蚊一小碗有d唔值!都係食綠林既招牌甜品豆腐布甸同埋南瓜馬蹄露就至穩贈~]

琴晚食完晚飯,就同o左班舊同事去o左呢間店到食糖水,好迫,環境亦唔太好,但當你見到碗糖水果陣,你就再唔會介意之前講o既缺點,佢o既糖水真係好得,我叫o左個綠豆沙,d綠豆真係起沙,咁先叫綠豆沙ma,其實糖水唔難整得好食,只係睇你有冇心煮o既姐.

聽過綠林豆腐布甸好耐，今晚終於去試喇~一入到去，有個好親切既阿姐走過黎問我地有冇黎食過，仲叫我地一定要食呢度既布甸~幾好服務豆腐布甸($12): 阿姐一拎出黎，我就忍唔住手fing佢喇~佢真係好好好好彈，好得意啊~ 我係咁fing佢，佢都唔會爛開，好正！食落去仲有濃濃既豆腐味，唔會好似之前既便利店豆腐味雪糕咁假，真係好似食緊豆腐~仲有仲有，佢唔會太甜，做甜品真係一流，起碼唔會濟住~生磨栗子粒露($15):原本以為佢會好似合桃露既感覺咁濃郁，因為畢起上黎都幾多栗子粒，點知食落就覺得唔係心諗o個回事，味道偏淡左少少，不過不失吧。下次再黎深水埗都會黎食豆腐布甸，因為真係好正

凍腐竹白菓----味道不太甜腐竹份量頗多,而且唔會煲到溶晒剩番Ｄ水!仲有一塊塊有得咬吓, 白菓大大粒都OK!芝麻湯圓----水準以下之作!薑水透明無味道, 湯圓皮厚及芝麻餡太杰太甜, 咬開咗一半都唔會流出嚟!木瓜燉雪耳---木瓜同雪耳都仲好硬吓, 兩樣都未煲得淋!好在仲有個上次食完無寫但覺得係好味嘅南瓜馬蹄露頂得住呢次比個OK!

本星期五與妹妹在深水埗吃完晚飯後,她提議去綠林甜品吃糖水,一去到被店鋪的海報吸引,加上自己鍾意食栗子,於是便點了栗子露及擂沙湯圓,點知栗子露一放入口,便吃到一陣爛味,加上栗子粒有些是粉,有些是爽,此碗栗子露真係好難入口,再講吓碟擂沙湯圓都係好難食,因為不是皮薄餡靚,而是餡少皮超厚,完全食不到餡料只食到湯圓皮及外在的花生茸,此間甜品店我將它Black list,永遠都不去!

吃完新香園，再加上兩個大包已經很飽，但還是要飲埋糖水才滿足。　隔了數年重臨綠林，價格仍是那麼親民，最基本的豆腐花、紅綠豆沙十塊錢還有找，我最愛的湯圓只是$10，較貴價的甜品如榴槤班戟也才賣$16。二人只恨自己肚皮不爭氣，只能吞下：　芝麻糊豆腐花($11)-本來芝麻糊味道香純，質地細滑十分討好；可惜豆腐花附有太多水分，稀釋了芝麻糊原有濃香，吃到後來只得棄掉。　豆腐布甸($12)-作為重訪的主要推動力，布甸果真質地滑溜、充滿豆香，沒有令人失望。個人最愛其彈性質地，嘗試貪玩的以小匙拍打布甸，可以製造出一陣又一陣的震盪不已，很有趣! 最後也清得乾乾淨淨的~　還是覺得這家甜品店水準不是特別高，不過既有名物布甸座鎮，又有平易近人的價格，也難怪成為另一入選熱店。

食完劉森就就行去食甜品，我食栗子粒露，呢個唔係好得喎，俾張相呃晒，D栗子粒唔粉唔淋，而D甜味又假假哋，完全唔似栗子露！反而大嚿果碗綠豆沙唔錯喎，香甜！一場嚟到，我就緊係買多個豆腐布甸同榴槤pancake外賣晏D食啦，豆腐布甸依舊好滑同有豆腐味，不過大嚿依舊係唔係咁鍾意呢個跟住再食埋個pancake，唔得喎，可能係D榴槤未到時候啦，又唔夠香甜都係佳佳甜品，松記&湯丸皇好D啫！

2009.1.21食完粥, 即使飽到上心口, 也要行過黎食甜品糖水。我點了豆腐布甸, 男友要了燉奶。豆腐布甸很快就有了, 白雪雪真的很可愛! 與男友的燉奶好似兩姐妹。布甸很有豆味, 很清新。不錯不錯。我疑感為何沒有煉奶, 因為有點兒淡,不過越食有味道。男友的燉奶沒有試到, 聽聞也不錯。店內徘徊著一陣陣的蕃薯糖水味, 很吸引。假如我不是太飽, 一定會叫一碗吃吃看。價錢已經忘記了。

昨天一連去了深水埗五間食店/小食店, 綠林是第四站, 兩個人其實已經飽了七成!還是再來一試有名的甜品,一坐下先看看菜單,黃昏時間入坐,人流不是很多,因為還有下一站不能貪心,所以只是分別叫了豆腐布甸和芒果布甸各一客,豆腐布甸- 味道清新,濃郁的豆味,十分滑溜,很有彈性,清淡而不失豆香!芒果班戟- 看見店員在大冰箱拿出來,一咬發現cream很多,芒果肉粒不多,而且有點變壞的味道,不新鮮!原本很期待,可惜味道麻麻,平平無奇,有點少失望!